Locya 3
3
Vazay na no nimanaktak a si Yowani
(Matay 3:1-12; Make 1:1-8; Yowani 1:19-28)
1Ikalima na so icyarwa na (15) no awawan na no kapeypanirsirngen da sya no Loma tao so meyngaran si Tipilyo am panirsirngen da si Pangsyo Pilato do Yotay a kapeypanirsirngen da do Cyadidi si Helote. O kakteh ni Helote a meyngaran si Veydipo am panirsirngen da do Itodiya kado Telakeni. O meyngaran si Disaniya am panirsirngen da do Apidini. 2O meyngaran si Annase a kani Keyava am panipanirsirngen da no mapatanatanang so nakem da si Ama ta do to. No kano nang am nioyatan na o ciring na ni Ama ta do to do meyvahay do kabwan no nihakawan a meyngaran si Yowani a anak na ni Sacyadiya. 3Nilivolivon na rana ni Yowani o macitangked do ayo a meyngaran so Yotan a ili a pancyan na no, “Peymakarwan nyo rana o peyraratenan nyo a kataktak jinyo. Ta ori o vonasan na so raraten nyo ni Ama ta do to.” 4Akman so domket do vakong no panoyonoywan na so ciring ni Ama ta do to a meyngaran si Isayya. Maniring am,
“Amyan so tao a omlololos do kabwan no nihakawan no tao a manci no, ‘Inyo rana am wadwadan nyo o rarahan no Panirsirngen ta. So ikatazineng na rana no pangonongan na.
5Apnowen nyo o peykabangbangbangan na, kapeysanasanap na rana. O meygilogilo a rarahan am peytazitazinngen nyo. O meycyatokotokon a rarahan am peysanasanapen nyo an.
6So ikamimin no tao a makacita so pangangarilawan na ni Ama ta do to an.’ ”#3:6 Isayya 40:3-5.
7Meyratateng am ipanci ni Yowani do aro a nimai a tomaktak do kataotao da so, “Inyo a yakmey mavowaw, sino nipanci jinyo o yanyo katayo no oyaoya na jinyo ni Ama ta do to. 8Ta si mamlis kamo na so icicirawat am ori o ikanoyong nyo rana nikomaro do peyraratenan nyo. Ji nyo peycirnga o kapeysivosivovoong na jinyo ni Apolahan a ji na oyyan ni Ama ta do to. Ko pakoyokoin jinyo am makamaog si Ama ta do to do vato ito so sivosivovoong na ni Apolahan. 9Yana mazomtad o zaig do atngeh no kayo. O ji meyyasi a kayo am miminen na atbahen a kapasleb na sya do apoy.”#3:9 Pazimanen na do oyaoya na ni Ama ta do to so ji mamlis.
10Maniring o aro a tao jya am, “Makongo namen so wanjin.” 11Maniring si Yowani jira am, “O adwa so ayob am ipangazaw nyo o asa ka ayob do abo so ayob a tao. O mabsoy a tao am akman kamo so sang an.”
12Aro a mapeyvazay so deyking a tao am kakzeben da o kataktak na jira. Am ori o nipacicyan da nya ji Yowani, “Mo Mangnanao, makongo namen so wanjin.” 13Maniring jira am, “Ji nyo peyparwa o ahapen nyo a nizpi an, do tovoyan da jinyo no seyvo.” 14Maniring jya o itaysang no Loma am, “Makongo namen so wanjin.” Maniring jira si Yowani am, “Ji kanyo mangap so nizpi no tao an. Ji kanyo manlita an. Ikabsoy nyo rana o ipanizpi da jinyo an.”
15No kano nang am patolinen da si Yowani do nanalahen da Misayya. 16Am ori o pancyan na nya ni Yowani do tao so, “Ranom o itaktak ko jinyo an. Am amyan pa so mahamahama ka nyaken a mai. Ta abwata o pacicingayan ko jya. Ta iya rana am Seyzi a kano apoy o itaktak na jinyo. 17Yamyan do lima na so ipaninigi. So cigyan na so kadai a kapangay na so pipya kadai do peyvokavokan na a kapasleb na so ata na do jyahesep a lila no apoy.”
18Abwata o ji na manmancyan ni Yowani a ivavaga na jira a kapangnanao na no Mapasaray a Ciriciring na ni Ama ta do to do aro a tao.
19No kanang rana am nioya na o panirsirngen a meyngaran si Helote. Ta nitakaw na o kahanghangan ni wari na a meyngaran si Helotiya kapeyvazay na pa so aro a marahet a vazay. 20So iyan na pa no makdekdeng pa raraten na, ta nyaneban na si Yowani do pamemtengan.
No kataktak na ji Yeso ni Yowani
(Matay 3:13-17; Make 1:9-11)
21Teyka manaktak si Yowani so aro a tao am mai si Yeso a kataktak na jya. Meynozi si Yeso am todacyangi o hanit. 22So niyan na no Seyzi akman so hato a someyked do kataotao na. Am ori o niyan no ciriciring a nimapo do teyngato. Maniring am, “Manoyong ka Anak ko an. So sarayan ko nimo an.”
Ngarangaran da no katatapilan ni Yeso
(Matay 1:1-7)
23Papwen na ni Yeso Kizisto o kapangnanao na am sikatlo (30) rana o kakawakawan na. O ipanci da no tao am anak na ni Yoseyvo si Yeso. Si Yoseyvo am anak ni Idi. 24Si Idi am anak ni Mata. Si Mata am anak ni Diwey. Si Diwey am anak ni Mayci. Si Mayci am anak ni Yanay. Si Yanay am anak ni Yoseyvo. 25Si Yoseyvo rana am anak ni Matatiya. Si Matatiya am anak ni Yamose. Si Yamose am anak ni Nahong. Si Nahong am anak ni Isdi. Si Isdi am anak ni Nakay. 26Si Nakay am anak ni Maat. Si Maat am anak ni Matatiya. Si Matatiya am anak ni Simey. Si Simey am anak ni Yoseke. Si Yoseke am anak ni Yeta. 27Si Yeta am anak ni Yeanan. Si Yeanan am anak ni Disa. Si Disa am anak ni Solopapey. Si Solopapey am anak ni Salati. Si Salati am anak ni Nidi. 28Si Nidi am anak ni Mayci. Si Mayci am anak ni Ati. Si Ati am anak ni Kesang. Si Kesang am anak ni Imatan. Si Imatan am anak ni Iar. 29Si Iar am anak ni Jyesoya. Si Jyesoya am anak ni Idiisya. Si Idiisya am anak ni Yeding. Si Yeding am anak ni Mata. Si Mata am anak ni Diwey. 30Si Diwey am anak ni Simoyang. Si Simoyang am anak ni Yoda. Si Yoda am anak ni Yoseyvo. Si Yoseyvo am anak ni Yenan. Si Yenan am anak ni Idiacing. 31Si Idiacing am anak ni Midiya. Si Midiya am anak ni Menna. Si Menna am anak ni Matata. Si Matata am anak ni Natan. Si Natan am anak ni Tawey. 32Si Tawey am anak ni Yesi. Si Yesi am anak ni Opeyte. Si Opeyte am anak ni Poatse. Si Poatse am anak ni Saarmen. Si Saarmen am anak ni Nason. 33Si Nason am anak ni Aminata. Si Aminata am anak ni Ateming. Si Ateming am anak ni Ani. Si Ani am anak ni Heselon. Si Heselon am anak ni Veyletse. Si Veyletse am anak ni Yoda. 34Si Yoda am anak ni Yakebo. Si Yakebo am anak ni Isa. Si Isa am anak ni Apolahan. Si Apolahan am anak ni Tala. Si Tala am anak ni Nahe. 35Si Nahe am anak ni Silo. Si Silo am anak ni Leo. Si Leo am anak ni Veyle. Si Veyle am anak ni Sipoar. Si Sipoar am anak ni Sela. 36Si Sela am anak ni Kaynan. Si Kaynan am anak ni Avasa. Si Avasa am anak ni San. Si San am anak ni Noya. Si Noya am anak ni Lamay. 37Si Lamay am anak ni Matosela. Si Matosela am anak ni Inok. Si Inok am anak ni Yacin. Si Yacin am anak ni Maledi. Si Maledi am anak ni Kaynan. 38Si Kaynan am anak ni Inose. Si Inose am anak ni Sete. Si Sete am anak ni Adam. Si Adam am nyamamaog ni Ama ta do to.
Currently Selected:
Locya 3: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 3
3
Vazay na no nimanaktak a si Yowani
(Matay 3:1-12; Make 1:1-8; Yowani 1:19-28)
1Ikalima na so icyarwa na (15) no awawan na no kapeypanirsirngen da sya no Loma tao so meyngaran si Tipilyo am panirsirngen da si Pangsyo Pilato do Yotay a kapeypanirsirngen da do Cyadidi si Helote. O kakteh ni Helote a meyngaran si Veydipo am panirsirngen da do Itodiya kado Telakeni. O meyngaran si Disaniya am panirsirngen da do Apidini. 2O meyngaran si Annase a kani Keyava am panipanirsirngen da no mapatanatanang so nakem da si Ama ta do to. No kano nang am nioyatan na o ciring na ni Ama ta do to do meyvahay do kabwan no nihakawan a meyngaran si Yowani a anak na ni Sacyadiya. 3Nilivolivon na rana ni Yowani o macitangked do ayo a meyngaran so Yotan a ili a pancyan na no, “Peymakarwan nyo rana o peyraratenan nyo a kataktak jinyo. Ta ori o vonasan na so raraten nyo ni Ama ta do to.” 4Akman so domket do vakong no panoyonoywan na so ciring ni Ama ta do to a meyngaran si Isayya. Maniring am,
“Amyan so tao a omlololos do kabwan no nihakawan no tao a manci no, ‘Inyo rana am wadwadan nyo o rarahan no Panirsirngen ta. So ikatazineng na rana no pangonongan na.
5Apnowen nyo o peykabangbangbangan na, kapeysanasanap na rana. O meygilogilo a rarahan am peytazitazinngen nyo. O meycyatokotokon a rarahan am peysanasanapen nyo an.
6So ikamimin no tao a makacita so pangangarilawan na ni Ama ta do to an.’ ”#3:6 Isayya 40:3-5.
7Meyratateng am ipanci ni Yowani do aro a nimai a tomaktak do kataotao da so, “Inyo a yakmey mavowaw, sino nipanci jinyo o yanyo katayo no oyaoya na jinyo ni Ama ta do to. 8Ta si mamlis kamo na so icicirawat am ori o ikanoyong nyo rana nikomaro do peyraratenan nyo. Ji nyo peycirnga o kapeysivosivovoong na jinyo ni Apolahan a ji na oyyan ni Ama ta do to. Ko pakoyokoin jinyo am makamaog si Ama ta do to do vato ito so sivosivovoong na ni Apolahan. 9Yana mazomtad o zaig do atngeh no kayo. O ji meyyasi a kayo am miminen na atbahen a kapasleb na sya do apoy.”#3:9 Pazimanen na do oyaoya na ni Ama ta do to so ji mamlis.
10Maniring o aro a tao jya am, “Makongo namen so wanjin.” 11Maniring si Yowani jira am, “O adwa so ayob am ipangazaw nyo o asa ka ayob do abo so ayob a tao. O mabsoy a tao am akman kamo so sang an.”
12Aro a mapeyvazay so deyking a tao am kakzeben da o kataktak na jira. Am ori o nipacicyan da nya ji Yowani, “Mo Mangnanao, makongo namen so wanjin.” 13Maniring jira am, “Ji nyo peyparwa o ahapen nyo a nizpi an, do tovoyan da jinyo no seyvo.” 14Maniring jya o itaysang no Loma am, “Makongo namen so wanjin.” Maniring jira si Yowani am, “Ji kanyo mangap so nizpi no tao an. Ji kanyo manlita an. Ikabsoy nyo rana o ipanizpi da jinyo an.”
15No kano nang am patolinen da si Yowani do nanalahen da Misayya. 16Am ori o pancyan na nya ni Yowani do tao so, “Ranom o itaktak ko jinyo an. Am amyan pa so mahamahama ka nyaken a mai. Ta abwata o pacicingayan ko jya. Ta iya rana am Seyzi a kano apoy o itaktak na jinyo. 17Yamyan do lima na so ipaninigi. So cigyan na so kadai a kapangay na so pipya kadai do peyvokavokan na a kapasleb na so ata na do jyahesep a lila no apoy.”
18Abwata o ji na manmancyan ni Yowani a ivavaga na jira a kapangnanao na no Mapasaray a Ciriciring na ni Ama ta do to do aro a tao.
19No kanang rana am nioya na o panirsirngen a meyngaran si Helote. Ta nitakaw na o kahanghangan ni wari na a meyngaran si Helotiya kapeyvazay na pa so aro a marahet a vazay. 20So iyan na pa no makdekdeng pa raraten na, ta nyaneban na si Yowani do pamemtengan.
No kataktak na ji Yeso ni Yowani
(Matay 3:13-17; Make 1:9-11)
21Teyka manaktak si Yowani so aro a tao am mai si Yeso a kataktak na jya. Meynozi si Yeso am todacyangi o hanit. 22So niyan na no Seyzi akman so hato a someyked do kataotao na. Am ori o niyan no ciriciring a nimapo do teyngato. Maniring am, “Manoyong ka Anak ko an. So sarayan ko nimo an.”
Ngarangaran da no katatapilan ni Yeso
(Matay 1:1-7)
23Papwen na ni Yeso Kizisto o kapangnanao na am sikatlo (30) rana o kakawakawan na. O ipanci da no tao am anak na ni Yoseyvo si Yeso. Si Yoseyvo am anak ni Idi. 24Si Idi am anak ni Mata. Si Mata am anak ni Diwey. Si Diwey am anak ni Mayci. Si Mayci am anak ni Yanay. Si Yanay am anak ni Yoseyvo. 25Si Yoseyvo rana am anak ni Matatiya. Si Matatiya am anak ni Yamose. Si Yamose am anak ni Nahong. Si Nahong am anak ni Isdi. Si Isdi am anak ni Nakay. 26Si Nakay am anak ni Maat. Si Maat am anak ni Matatiya. Si Matatiya am anak ni Simey. Si Simey am anak ni Yoseke. Si Yoseke am anak ni Yeta. 27Si Yeta am anak ni Yeanan. Si Yeanan am anak ni Disa. Si Disa am anak ni Solopapey. Si Solopapey am anak ni Salati. Si Salati am anak ni Nidi. 28Si Nidi am anak ni Mayci. Si Mayci am anak ni Ati. Si Ati am anak ni Kesang. Si Kesang am anak ni Imatan. Si Imatan am anak ni Iar. 29Si Iar am anak ni Jyesoya. Si Jyesoya am anak ni Idiisya. Si Idiisya am anak ni Yeding. Si Yeding am anak ni Mata. Si Mata am anak ni Diwey. 30Si Diwey am anak ni Simoyang. Si Simoyang am anak ni Yoda. Si Yoda am anak ni Yoseyvo. Si Yoseyvo am anak ni Yenan. Si Yenan am anak ni Idiacing. 31Si Idiacing am anak ni Midiya. Si Midiya am anak ni Menna. Si Menna am anak ni Matata. Si Matata am anak ni Natan. Si Natan am anak ni Tawey. 32Si Tawey am anak ni Yesi. Si Yesi am anak ni Opeyte. Si Opeyte am anak ni Poatse. Si Poatse am anak ni Saarmen. Si Saarmen am anak ni Nason. 33Si Nason am anak ni Aminata. Si Aminata am anak ni Ateming. Si Ateming am anak ni Ani. Si Ani am anak ni Heselon. Si Heselon am anak ni Veyletse. Si Veyletse am anak ni Yoda. 34Si Yoda am anak ni Yakebo. Si Yakebo am anak ni Isa. Si Isa am anak ni Apolahan. Si Apolahan am anak ni Tala. Si Tala am anak ni Nahe. 35Si Nahe am anak ni Silo. Si Silo am anak ni Leo. Si Leo am anak ni Veyle. Si Veyle am anak ni Sipoar. Si Sipoar am anak ni Sela. 36Si Sela am anak ni Kaynan. Si Kaynan am anak ni Avasa. Si Avasa am anak ni San. Si San am anak ni Noya. Si Noya am anak ni Lamay. 37Si Lamay am anak ni Matosela. Si Matosela am anak ni Inok. Si Inok am anak ni Yacin. Si Yacin am anak ni Maledi. Si Maledi am anak ni Kaynan. 38Si Kaynan am anak ni Inose. Si Inose am anak ni Sete. Si Sete am anak ni Adam. Si Adam am nyamamaog ni Ama ta do to.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan