Locya 2
2
Cinatazak na tao ni Yeso
(Matay 1:18-25)
1No kano nang am amyan so ciring na no panirsirngen da no Loma a meyngaran si Kaysa Awkoseto. Maniring am, “Inyo rana ko italamozong a tao do Loma am mamimin kamo a mangay a mapadket so ngaran nyo.” 2Ori pa so kapadket da so ngaran da no kapeypanirsirngen da si Cidino do Sidiya. 3So nikamimin da no tao a mangay do ili da mapadket so ngaran da. 4So nikapo na ni Yoseyvo do ili da do Nasale a macinapnap do Cyadidi a mangay do Yotay. So nipakaranes na rana do Podiheng a cinatazakan na tao ni Tawey, ta si Yoseyvo rana am sivovoong na ni Tawey. 5So ipacihza ni Madiya ji Yoseyvo a mangay a mapadket so ngaran da, ta nitoro na rana o tamtamek da jira. Am no kano nang am mamlis so kanen rana si Madiya. 6Amyan sira do Podiheng am vehan na rana ni Madiya. 7So nikatazak na rana no kabnekan na anak a mahakay. Am ori o nivangnan da sya no milakayob a kapangay da sya do pamangamanganan so baka, ta abo rana o yanan da do iseysanan.
Ononongan da no tinsi do mapamangamangan so kagling
8O mapamangamangan so kagling a tao do ahep a amzat do kagling da do masngen do Podiheng am, 9to ngyan so tinsi na ni Ama ta do to a mapacita jira. So nicirayan na sira no oyowyat na ni Ama ta do to. Am ori o nikanyahey da. 10Am maniring jira o tinsi am, “Ji kanyo anyaheyan, ta yamyan so apiya ciriciring a ko ipanci jinyo. O ciriciring rana ya am rako a sarasaray no tao do karawan an. 11Sicyaraw rana ya am yanimatazak a tao o asa ka Panirsirngen nyo do karawan eya do ili ni Tawey. Iya rana am si Kizisto a mapatazadang jinyo do teyngato. 12So ipakacita nyo so asa ka minalikey a kanakan a mivangen so milakayob a miray do pamangamanganan so baka. Ori rana o tovilan nyo jya.” 13Meyratateng am amyan so aro a tinsi do hanit a macizanod do tinsi ang a somaray ni Ama ta do to. So peycirngan da so,
14“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”
15Karwan da sira no tinsi a mangay do teyngato am ipeysirsiring da no mapamangamangan so kagling a manci no, “Mangay tamo do Podiheng a tomita so na nipaziman jyaten ni Ama ta do to.”
16Ori o nikakeykai da nimangay a komala si Madiya kani Yoseyvo a kano miray do pamangamanganan so baka kanakan. 17So nipakacita da rana sya kavahangso da so mina ciring da jira no tinsi. 18O makamizing sya tao am abo ji meyzokab no ciring da sira. 19Si Madiya rana am to na peyyana do onowned na o aro a vazay na kanakenakem na sya do onowned na. 20Ikongo do mina to mangononong o mina ciring da sira no tinsi, am ori o nisarayan da rana nya ji Ama ta do to no mapamangamangan so kagling a kangay da rana.
Ngaranan da si Yeso
21Mablit o ikawao na araw no kanakan am yongkadan da a meyngongyod a Isedi a tao a kangaran da rana jya si Yeso. O ngaran na rana am nibnek na rana no tinsi no kaji na pa nganan sospa na ni Madiya.
Yangay da si Yeso do rako a panaralayan da.
22Marateng rana o araraw na no hapan da so iwawalam na ni Moyse do nimangahanas rana mavakes. Am ori o nyangayan da no anak da ni Yoseyvo a kani Madiya do Yelosaleng a patanangen da ji Ama ta do to a mahap so vazay na, ta ori o nitaid na pa ni Moyse a iwawalam da, 23akman so nivatvatkan da iwawalam na ni Ama ta do to, “O kabnekan nyo mahakay anak am akmanen nyo so sang a patanangen nyo ji Ama ta do to,”#2:23 Soayci Ci 13:2,12,15. 24kapangozay da do ipanci na ni Ama ta do to a iwawalam na a mangap so adwa ka voit. No beken a voit am adwa ka hato.#2:24 Diwey Ci 12:8.
25No kano nang do Yelosaleng am amyan so asa ka tao a meyngaran si Simoyang. Iya rana ori am makdeng so nakenakem ji Ama ta do to a oyatan no Seyzi. So to na pananalai so makayokod no Isedi a tao. 26Nipanta na no Seyzi si Simoyang so ipakateneng na do kapakapis na pa so tovoin na ni Ama ta do to a Kizisto. 27Ikongo do nioyatan na no Seyzi, am ori o nisdep na do rako a panaralayan. Nimacinao no kano nang o kangay da ni Yeso no inyapwan na mangay a mangozay do iwawalam da. 28Meyratateng am sapopowen na ni Simoyang o kanakan a kasaray na nya ji Ama ta do to. So nipancyan na no,
29“Mo Ama do to, manoyong o ciriciring mo an. Tana to ko na ngaroi o karawan am,
30cyaha, ta ko na nimacita o mapatazadang jyamen do teyngato.
31Ta iya o nitovoy mo a somidong so tao do karawan.
32Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”
33Am ori o niogtwan da nya no inyapwan na no kanakan so ciring na ni Simoyang. 34So nitoyotoyonan na sira ni Simoyang a kapanci na nya ji Madiya so, “Manoyong o kanakan eya na nipamnekan ni Ama ta do to. Aro omanoyong jya tao. Aro ji nganoyong jya. So ikaro da no tao a maoya nya. 35Am ori rana o ipatwaw so aro a marahet a nakenakem no tao. Imo rana am akma dey to patovozey so ipangan o onowned mo.”
36Amyan so asa ka mavakes a panoyonoywan na so ciring ni Ama ta do to a meyngaran si Anna, anak ni Vanoar a sivovoong ni Asiar. Am rarakeh rana ori. Ikapito na kawan nizagpit na do kahanghangan na am mawakwak o mahakay na. 37O kakawakawan na rana am apat o ikasyam na ngarnan (84). Iya rana am tey makdeng a omraralay ni Ama ta do to. So ipangday na do maraw a kado mahep a ji na mangakaday a meynozi ji Ama ta do to. So ji na ngaroi do rako a panaralayan da. 38So nipeypasngen na mangay jira a somaray no kanakan ji Ama ta do to a kapeylimwang na rana nya do omnanala sya tao, do kanimalikey na rana no mapatazadang sira do teyngato.
39Mateyka da rana da Yoseyvo a kani Madiya tomoyotoyon sya no iwawalam da am meysinaoli rana sira do Cyadidi do ili da do Nasale. 40Meyparako rana o kanakan am meypakatkat rana o teneng na, ta oyatan na ni Ama ta do to.
Teneng na ni Yeso no kakanakan na
41Mangday so awawan o kangay da no inyapwan na ni Yeso a mamaring so kanen do Yelosaleng. O ingaran da do araraw ori am Iyeci.#2:41 O ipamaring da so kanen am isaray da ji Ama ta do to o kaniomzat na jira do kanginanawan da no ineynapo da no kakwa. 42Marateng rana o ikadwa na so ikarwa (12) no kakawakawan na ni Yeso am macihza do inyapwan na. 43Teyka sira mamaring so kanen am meysinaoli sira mangay do ili da. Am ji da nikatenngan no inyapwan na o kanimavezed na do Yelosaleng. 44“Ala yamacihza si Yeso do karwan no tao,” kwan da no inyapwan na. Ori ji da ngezsangi nya. Kasaraw rana sira niomalam. Am ori o nikalan da rana sya do zipozipos da kano masingkad da tao. 45Ji da kala am to sira rana meysinaoli do Yelosaleng a mangay komala sya. 46Ikatlo na araw am makala da si Yeso do rako a panaralayan da amlisna do avak da omamizing so mangnanao a kapacici na sira. 47O makamizing so ciring na tao am abo o ji meyzokab no teneng na do tovisan na jira. 48Macita da si Yeso no inyapwan na am ipeyzokab da. Am ori o nipancyan na nya jya no ina na so, “Manganako, yaka nimeypanngonngo ya. Yamo jyacita yamen si ama mo a yato ngala jimo?” 49Maniring si Yeso jira am, “Ikongo nyo kalan jyaken. Yanyo jyatenngi yaken a yameyvazay so vazay ni Ama do vahay na?” 50Am ji da azab o peypeypangayan no mina ciring na sira. 51So nipacihza na rana jira mangay do Nasale a omamizing so ipanci da jya. Am to na peyyana no ina na do onowned na o akman so sang a mina vazay na. 52To macihza o nakem na ni Yeso do kataotao na a meycyakatkat. So sarayan na nya ni Ama ta do to a kano tao.
Currently Selected:
Locya 2: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 2
2
Cinatazak na tao ni Yeso
(Matay 1:18-25)
1No kano nang am amyan so ciring na no panirsirngen da no Loma a meyngaran si Kaysa Awkoseto. Maniring am, “Inyo rana ko italamozong a tao do Loma am mamimin kamo a mangay a mapadket so ngaran nyo.” 2Ori pa so kapadket da so ngaran da no kapeypanirsirngen da si Cidino do Sidiya. 3So nikamimin da no tao a mangay do ili da mapadket so ngaran da. 4So nikapo na ni Yoseyvo do ili da do Nasale a macinapnap do Cyadidi a mangay do Yotay. So nipakaranes na rana do Podiheng a cinatazakan na tao ni Tawey, ta si Yoseyvo rana am sivovoong na ni Tawey. 5So ipacihza ni Madiya ji Yoseyvo a mangay a mapadket so ngaran da, ta nitoro na rana o tamtamek da jira. Am no kano nang am mamlis so kanen rana si Madiya. 6Amyan sira do Podiheng am vehan na rana ni Madiya. 7So nikatazak na rana no kabnekan na anak a mahakay. Am ori o nivangnan da sya no milakayob a kapangay da sya do pamangamanganan so baka, ta abo rana o yanan da do iseysanan.
Ononongan da no tinsi do mapamangamangan so kagling
8O mapamangamangan so kagling a tao do ahep a amzat do kagling da do masngen do Podiheng am, 9to ngyan so tinsi na ni Ama ta do to a mapacita jira. So nicirayan na sira no oyowyat na ni Ama ta do to. Am ori o nikanyahey da. 10Am maniring jira o tinsi am, “Ji kanyo anyaheyan, ta yamyan so apiya ciriciring a ko ipanci jinyo. O ciriciring rana ya am rako a sarasaray no tao do karawan an. 11Sicyaraw rana ya am yanimatazak a tao o asa ka Panirsirngen nyo do karawan eya do ili ni Tawey. Iya rana am si Kizisto a mapatazadang jinyo do teyngato. 12So ipakacita nyo so asa ka minalikey a kanakan a mivangen so milakayob a miray do pamangamanganan so baka. Ori rana o tovilan nyo jya.” 13Meyratateng am amyan so aro a tinsi do hanit a macizanod do tinsi ang a somaray ni Ama ta do to. So peycirngan da so,
14“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”
15Karwan da sira no tinsi a mangay do teyngato am ipeysirsiring da no mapamangamangan so kagling a manci no, “Mangay tamo do Podiheng a tomita so na nipaziman jyaten ni Ama ta do to.”
16Ori o nikakeykai da nimangay a komala si Madiya kani Yoseyvo a kano miray do pamangamanganan so baka kanakan. 17So nipakacita da rana sya kavahangso da so mina ciring da jira no tinsi. 18O makamizing sya tao am abo ji meyzokab no ciring da sira. 19Si Madiya rana am to na peyyana do onowned na o aro a vazay na kanakenakem na sya do onowned na. 20Ikongo do mina to mangononong o mina ciring da sira no tinsi, am ori o nisarayan da rana nya ji Ama ta do to no mapamangamangan so kagling a kangay da rana.
Ngaranan da si Yeso
21Mablit o ikawao na araw no kanakan am yongkadan da a meyngongyod a Isedi a tao a kangaran da rana jya si Yeso. O ngaran na rana am nibnek na rana no tinsi no kaji na pa nganan sospa na ni Madiya.
Yangay da si Yeso do rako a panaralayan da.
22Marateng rana o araraw na no hapan da so iwawalam na ni Moyse do nimangahanas rana mavakes. Am ori o nyangayan da no anak da ni Yoseyvo a kani Madiya do Yelosaleng a patanangen da ji Ama ta do to a mahap so vazay na, ta ori o nitaid na pa ni Moyse a iwawalam da, 23akman so nivatvatkan da iwawalam na ni Ama ta do to, “O kabnekan nyo mahakay anak am akmanen nyo so sang a patanangen nyo ji Ama ta do to,”#2:23 Soayci Ci 13:2,12,15. 24kapangozay da do ipanci na ni Ama ta do to a iwawalam na a mangap so adwa ka voit. No beken a voit am adwa ka hato.#2:24 Diwey Ci 12:8.
25No kano nang do Yelosaleng am amyan so asa ka tao a meyngaran si Simoyang. Iya rana ori am makdeng so nakenakem ji Ama ta do to a oyatan no Seyzi. So to na pananalai so makayokod no Isedi a tao. 26Nipanta na no Seyzi si Simoyang so ipakateneng na do kapakapis na pa so tovoin na ni Ama ta do to a Kizisto. 27Ikongo do nioyatan na no Seyzi, am ori o nisdep na do rako a panaralayan. Nimacinao no kano nang o kangay da ni Yeso no inyapwan na mangay a mangozay do iwawalam da. 28Meyratateng am sapopowen na ni Simoyang o kanakan a kasaray na nya ji Ama ta do to. So nipancyan na no,
29“Mo Ama do to, manoyong o ciriciring mo an. Tana to ko na ngaroi o karawan am,
30cyaha, ta ko na nimacita o mapatazadang jyamen do teyngato.
31Ta iya o nitovoy mo a somidong so tao do karawan.
32Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”
33Am ori o niogtwan da nya no inyapwan na no kanakan so ciring na ni Simoyang. 34So nitoyotoyonan na sira ni Simoyang a kapanci na nya ji Madiya so, “Manoyong o kanakan eya na nipamnekan ni Ama ta do to. Aro omanoyong jya tao. Aro ji nganoyong jya. So ikaro da no tao a maoya nya. 35Am ori rana o ipatwaw so aro a marahet a nakenakem no tao. Imo rana am akma dey to patovozey so ipangan o onowned mo.”
36Amyan so asa ka mavakes a panoyonoywan na so ciring ni Ama ta do to a meyngaran si Anna, anak ni Vanoar a sivovoong ni Asiar. Am rarakeh rana ori. Ikapito na kawan nizagpit na do kahanghangan na am mawakwak o mahakay na. 37O kakawakawan na rana am apat o ikasyam na ngarnan (84). Iya rana am tey makdeng a omraralay ni Ama ta do to. So ipangday na do maraw a kado mahep a ji na mangakaday a meynozi ji Ama ta do to. So ji na ngaroi do rako a panaralayan da. 38So nipeypasngen na mangay jira a somaray no kanakan ji Ama ta do to a kapeylimwang na rana nya do omnanala sya tao, do kanimalikey na rana no mapatazadang sira do teyngato.
39Mateyka da rana da Yoseyvo a kani Madiya tomoyotoyon sya no iwawalam da am meysinaoli rana sira do Cyadidi do ili da do Nasale. 40Meyparako rana o kanakan am meypakatkat rana o teneng na, ta oyatan na ni Ama ta do to.
Teneng na ni Yeso no kakanakan na
41Mangday so awawan o kangay da no inyapwan na ni Yeso a mamaring so kanen do Yelosaleng. O ingaran da do araraw ori am Iyeci.#2:41 O ipamaring da so kanen am isaray da ji Ama ta do to o kaniomzat na jira do kanginanawan da no ineynapo da no kakwa. 42Marateng rana o ikadwa na so ikarwa (12) no kakawakawan na ni Yeso am macihza do inyapwan na. 43Teyka sira mamaring so kanen am meysinaoli sira mangay do ili da. Am ji da nikatenngan no inyapwan na o kanimavezed na do Yelosaleng. 44“Ala yamacihza si Yeso do karwan no tao,” kwan da no inyapwan na. Ori ji da ngezsangi nya. Kasaraw rana sira niomalam. Am ori o nikalan da rana sya do zipozipos da kano masingkad da tao. 45Ji da kala am to sira rana meysinaoli do Yelosaleng a mangay komala sya. 46Ikatlo na araw am makala da si Yeso do rako a panaralayan da amlisna do avak da omamizing so mangnanao a kapacici na sira. 47O makamizing so ciring na tao am abo o ji meyzokab no teneng na do tovisan na jira. 48Macita da si Yeso no inyapwan na am ipeyzokab da. Am ori o nipancyan na nya jya no ina na so, “Manganako, yaka nimeypanngonngo ya. Yamo jyacita yamen si ama mo a yato ngala jimo?” 49Maniring si Yeso jira am, “Ikongo nyo kalan jyaken. Yanyo jyatenngi yaken a yameyvazay so vazay ni Ama do vahay na?” 50Am ji da azab o peypeypangayan no mina ciring na sira. 51So nipacihza na rana jira mangay do Nasale a omamizing so ipanci da jya. Am to na peyyana no ina na do onowned na o akman so sang a mina vazay na. 52To macihza o nakem na ni Yeso do kataotao na a meycyakatkat. So sarayan na nya ni Ama ta do to a kano tao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan