Locya 1
1
1Kokay mo Tiawveylo.
Amyan so aro a tao a nimvatvatek do mina vazay da no kadwan jyaten. 2O nivatvatkan da am nipayapo da do nimacita da vazay ni Yeso a kano nimamizing da ciriciring da no nimeylimwang nya. 3O akman rana sya vazay am ko na nimanlolok a nyapo do atngeh na kangay na do pinangavosan na a ko nipakapya a nipacinanawan. Am ori o ko pancyan ya jimo, mo Tiawveylo. 4O yako pancyan ya am yamanoyong o mo nimamizing a ninanao da jimo.
Pazimanen o ikatazak na tao no nimanaktak a si Yowani
5O mina panirsirngen do Yotay no kano nang am meyngaran si Helote. Am amyan so asa ka tao a mapatanatanang so nakem da si Ama ta do to a meyngaran si Sacyadiya macyanod do Apiya, asa ka lipenpenan. O kahanghangan na no nang am meyngaran si Idisapay. Sivosivovoong da ni Yalon a mapatanatanang so nakem da si Ama ta do to. 6Acyacilban na ni Ama ta do to am katenngan na sira meyyaven do vahay apiya so nakenakem a tao a omahap so inanao na sira ni Ama ta do to. 7Am sira rana ori am abo anak da, ta ji meytaodtod o kahanghangan na si Idisapay a mangay do kararakehan da.
8Ipisa katalamozong na ni Sacyadiya so nakem da patanangen ji Ama ta do to am, 9ahapen na rana o iwawalam da macipangoyongoyot. So nisdep na do rako a panaralayan da do Yelosaleng a mapatanatanang so nakem da ji Ama ta do to. 10Patanangen na o nakem da si Ama ta do to am amyan so aro a tao do pantaw a meynozi. 11So niyan na no asa ka tinsi ni Ama ta do to a nimangay mapacita no kataotao na jya a meytatanek do kawanan no patanangan so nakem da si Ama ta do to. 12Macita na ni Sacyadiya am akmey to nalap o pahad na manyahey nya. 13Maniring o tinsi jya am, “Sacyadiya, ji ka nyahey, ta o inozi mo am na nyamizing rana ni Ama ta do to. So peytaodtod na no kahanghangan mo a si Idisapay so mahakay. So ngaranan nyo jya si Yowani. 14So ikasaray mo na a kasaray da nya no aro a tao so anak mo a minalikey. 15Ta iya rana am katenngan a tao do tangain na ni Ama ta do to. So ji na ngyopi so saki. No kaji na tazakan a tao pa am nipabedbed na rana ni Ama ta do to o oyowyat na jya Seyzi. 16Ta iya o mapeysinaoli sira so aro a Isedi a tao a omraralay ni Ama ta do to a manoyong a Tao do to da. 17Ta iya rana am manmanma a mai a kano Panirsirngen nyo. Ta oyatan na no Seyzi akman si Idiya. So peypeypapyan na so nakenakem no nimeyrahet so nakem a malama. Ipeysinaoli da mamlis so nakem no meyraraten a tao. So icyakma dey mina tazak a tao so onowned. So ikanoyong na somidong so tao a omnanala sya.”
18Maniring si Sacyadiya do tinsi am, “Ikongo pakatenngan ko do ciring mo. Namen rana rarakeh eya meyyaven do vahay. Jyabo kapacinadnadnad na pa no kahanghangan ko a.” 19Maniring o tinsi am, “Yaken rana ya am lamlamsoy na yaken ni Ama do to a meyngaran si Cyapaydi a yana nitovoy a mangay a manci nya jimo so rako a vazay eya. 20Am yamo ji nganoyngi o ciriciring ko. Sicyaraw rana ya am papwen mo na o kaji mo makabnebnekan, mangay ori do ikatazak na tao no anak mo.”
21So kangsahan da nya a ninanala no aro a tao do niyan na do sahad na kapeyzokab da nya nimownay do rako a panaralayan dang. 22Makowbot am ji rana makabnebnek. Ori o ipakateneng da jya nimakacita so niyak na no mata do rako a panaralayan. So nika lima na no nipacisirsiring na do tao. 23Komavos o vazay na mapatanang so nakem da si Ama ta do to am mangay rana do vahay da.
24Kadadayan na rana so araraw am mamlis rana so kanen o kahanghangan na si Idisapay. Mina kalima na vehan am jya nimakowbot do vahay da. 25Maniring am, “Manoyong an si Ama ta do to a yanimvonas so da tamwadan jyaken no icyatatao ko an, do kabo no minapodpod jyaken.”
Pazimanen o ikatazak na tao ni Yeso
26Ikanem na vehan ni Idisapay am tovoin na ni Ama ta do to o tinsi a meyngaran si Cyapaydi a mangay do ili a meyngaran so Nasale a macinapnap do Cyadidi, 27a mangay do asa ka mavakes a nitamtamkan da rana no macikownongan ji Tawey, asa ka mahakay a meyngaran si Yoseyvo. O ngaran no mavakes am si Madiya. 28So nyangay na no tinsi do mavakes ang. Maniring am, “Kokay. Makapiya ka so onowned an. Manoyong o na kapacilovot jimo ni Ama ta do to a yameypalanginan nimo. So yana ikatey rako no aryarilaw na jimo ni Ama ta do to.” 29Mamizing na o ciring no tinsi ni Madiya am mina to na ogtwan, do kaji na makatenngan do peypeypangayan na no ciring na. So to na rana naknakmi so agagazan na no mina ciring na jya. 30Maniring o tinsi jya am, “Madiya, ji ka nyaheyan, ta na ikarilaw imo ni Ama ta do to an. 31Citahen mo an. Mangalavat ka so anak mo a mahakay. So ngaranan mo jya si Yeso. 32Iya rana am meyngongyod a katenngan a tao. So pancyan da nya Anak ni Ama ta do to. So torwan na nya ni Ama ta do to jya so azwazway na no ineynapo na ni Tawey. 33So peypanirsirngan da sya no sivosivovoong na ni Yakebo mangay no kaidan no karawan. So ikabo na no tao a makataha sya panirsirngen.”
34Maniring si Madiya do tinsi am, “To ko akman sang, do ko jyasingkaji o mahakay.” 35Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to. 36Cita pala o zipos mo si Idisapay. Ta kakwakwan na rarakeh rana am macinadnadnad pa. Am do nakenakem no tao am jyabo kapeytaodtod no nang. Am yajyakman sang an. Ta ikanem na rana vehan eya yamamlis so kanen. 37Ta abo ji na hap a vazay ni Ama ta do to.”
38Maniring si Madiya am, “Yaken rana am lamlamsoy na yaken ni Ama ta do to. So to ko na nooni so ciring na ni Ama ta do to.” Meyratateng am karwan na rana no tinsi.
39Meyratateng am tomanggeh a meypangay si Madiya do ili da Sacyadiya a macinapnap do Yotay. 40Somdep do vahay da am peyminaminasi na si Idisapay. 41Mamizing na ni Idisapay si Madiya am mina to meygonagonay o alavaten na a kowyat na ji Idisapay no Seyzi. 42Am ori o nilolos na manci no, “Imo rana ya am ney manokdwan ka do icyamamavakes ta, ta o yamo alavaten am yamonganay ji Ama ta do to. 43Mazavak eya yamai a tomita jyaken a ina no Panirsirngen ko. 44Ko mamizing o ciring mo am yato meygonagonay o ko alavaten a somaray. 45Mo anoyngan o ciring na jimo ni Ama ta do to a mangononong. So mo ikanoyong a tey yapya.”
Isaray na ni Madiya ji Ama ta do to
46Maniring si Madiya am,
“Ko isaray o rako a nakenakem na ni Ama ta do to,
47a manoyong a Tao do to, do yana mapatazadang jyaken do teyngato,
48ta yana manakem o ji mamayok a lamlamsoy na. So papwan da sya sicyaraw eya mangay do kaidan no karawan o kabnek da jyaken a apiya so ngilin a mavakes,
49ta yamyan so rako a vazay na do kataotao ko ni Ama ta do to. Mazway o ngaran na.
50O pangangarilawan na am jyablis sicyakwaya, kangay na do kaidan no karawan a itoro na do omraralay nya tao.
51Tey mowyat si Ama ta do to a mapeyvwak so nakenakem da no mapahama a tao.
52Na nipeypaveveh sira o panipanirsirngen. So ji da rana makazyazyaki. Na nikatkat sira o ji makazyazyak a tao.
53Na absoin sira o makcin a tao a kapteng na sira so mabsoy a tao.
54So ninaknakman na so pangangarilawan na kasidong na so omraralay nya Isedi a tao,
55akman so nipanci na do ineynapo ta, aryarilaw na si Apolahan a kano apwapo na, mangay rana do kaidan no karawan.”
56So niyan na ni Madiya do vahay da Idisapay so katlo a vehan a kangay na rana do vahay da.
Matazak a tao o nimanaktak a si Yowani
57Marateng rana o vehan ni Idisapay am malikey rana o anak na mahakay. 58Mamizing da no katakataib da kano zipozipos da o karilaw na nira ni Ama ta do to am masaray sira so nakenakem ji Idisapay.
59Ikawao na araw am mai rana o aro a tao a kayongkad da no kanakan a meyngongyod a Isedi a tao. So kakzan da no ngaran na ni ama na Sacyadiya a ingaran da jya. 60Am maniring o ina na am, “Beken. Ingaran ta jya si Yowani.” 61Am maniring o aro a tao do ina na am, “Yabo do zipos nyo o akman sang so ngaran.” 62So nisirsirngan da no lima da so ama na, do kapamnek na do ngaran no anak na. 63Am ori o nipacyami na jira so peyvatvatkan na. Meyratateng am vatvatkan na o ngaran na no anak na si Yowani. So nisavasavakan da nya. 64No kanang am nimakeykai a meyzezyak o ama na. So nisarayan na rana nya ji Ama ta do to. 65Am ori o nisavasavakan da nya no katakataib da. So peylimwangan da rana nya do tao do peycyeylilyan na do Yotay. 66O makamizing sya tao am abo ji mapeyyan sya do onowned da kapanci da no, “Si makaveyvow am ikongo paro o angayan no kanakan eya.” Ta to da nahaw o kowyat na jya ni Ama ta do to.
Pazimanen na jira ni Sacyadiya o katazak na ni Yeso
67So nioyatan na ji Sacyadiya no Seyzi na ni Ama ta do to a manci no,
68-69“Manoyong a isaray o Tao do to da no Isedi a tao a tomalamozong nyaten an. Ta tovoin na o sivovoong ni Tawey a omyavayo so onowned ta a mapatazadang jyaten do teyngato.
70Akman so nipaziman ni Ama ta do to no kakwa pa nitoyo na jira do panoyonoywan na so ciring,
71a kapahawa na jyaten do kavosoyan ta tao a kano maoya nyaten a tao.
72So nikarilawan na no ineynapo ta, do na kahap sya do kanitomoyotoyon na sira.
73Akman so kanitomoyotoyon na so ineynapo ta si Apolahan no ciriciring na,
74-75a kangay na mapahawa jyaten do kavosoyan ta tao. So ikabo no ikanyahey ta. Am ori o to ta ngavosi nya do karawan so kahap ta so apya nakenakem na, kahap ta so vazay na omraralay nya.
76Imo rana manganako am abneken da rana imo a manoyonoyo so ciriciring no ney manokdwan na Tao do to an. Ta imo rana am manmanma ka mapaziman sya do tao so kai na no Panirsirngen ta.
77Ipanci mo do omraralay nya tao o yana kavonas so raraten da ni Ama ta do to. So ikanoyong na mapatazadang sira do teyngato an,
78ta oya rana am omaing ya do pangangarilawan na ni Ama ta do to a tomiray jyaten,
79a kaciray na so ji pa makateneng ji Ama ta do to a manyahey no kawakwak da tao, a kapangonong na nyaten do kapyapyan.”
80Makaveyvow rana o anak na ni Sacyadiya am meypakatkat o nakenakem na. Nimeyvahay do kabwan no nihakawan no tao a mangay do nipeytotwaw na rana mangnanao so Isedi a tao.
Currently Selected:
Locya 1: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 1
1
1Kokay mo Tiawveylo.
Amyan so aro a tao a nimvatvatek do mina vazay da no kadwan jyaten. 2O nivatvatkan da am nipayapo da do nimacita da vazay ni Yeso a kano nimamizing da ciriciring da no nimeylimwang nya. 3O akman rana sya vazay am ko na nimanlolok a nyapo do atngeh na kangay na do pinangavosan na a ko nipakapya a nipacinanawan. Am ori o ko pancyan ya jimo, mo Tiawveylo. 4O yako pancyan ya am yamanoyong o mo nimamizing a ninanao da jimo.
Pazimanen o ikatazak na tao no nimanaktak a si Yowani
5O mina panirsirngen do Yotay no kano nang am meyngaran si Helote. Am amyan so asa ka tao a mapatanatanang so nakem da si Ama ta do to a meyngaran si Sacyadiya macyanod do Apiya, asa ka lipenpenan. O kahanghangan na no nang am meyngaran si Idisapay. Sivosivovoong da ni Yalon a mapatanatanang so nakem da si Ama ta do to. 6Acyacilban na ni Ama ta do to am katenngan na sira meyyaven do vahay apiya so nakenakem a tao a omahap so inanao na sira ni Ama ta do to. 7Am sira rana ori am abo anak da, ta ji meytaodtod o kahanghangan na si Idisapay a mangay do kararakehan da.
8Ipisa katalamozong na ni Sacyadiya so nakem da patanangen ji Ama ta do to am, 9ahapen na rana o iwawalam da macipangoyongoyot. So nisdep na do rako a panaralayan da do Yelosaleng a mapatanatanang so nakem da ji Ama ta do to. 10Patanangen na o nakem da si Ama ta do to am amyan so aro a tao do pantaw a meynozi. 11So niyan na no asa ka tinsi ni Ama ta do to a nimangay mapacita no kataotao na jya a meytatanek do kawanan no patanangan so nakem da si Ama ta do to. 12Macita na ni Sacyadiya am akmey to nalap o pahad na manyahey nya. 13Maniring o tinsi jya am, “Sacyadiya, ji ka nyahey, ta o inozi mo am na nyamizing rana ni Ama ta do to. So peytaodtod na no kahanghangan mo a si Idisapay so mahakay. So ngaranan nyo jya si Yowani. 14So ikasaray mo na a kasaray da nya no aro a tao so anak mo a minalikey. 15Ta iya rana am katenngan a tao do tangain na ni Ama ta do to. So ji na ngyopi so saki. No kaji na tazakan a tao pa am nipabedbed na rana ni Ama ta do to o oyowyat na jya Seyzi. 16Ta iya o mapeysinaoli sira so aro a Isedi a tao a omraralay ni Ama ta do to a manoyong a Tao do to da. 17Ta iya rana am manmanma a mai a kano Panirsirngen nyo. Ta oyatan na no Seyzi akman si Idiya. So peypeypapyan na so nakenakem no nimeyrahet so nakem a malama. Ipeysinaoli da mamlis so nakem no meyraraten a tao. So icyakma dey mina tazak a tao so onowned. So ikanoyong na somidong so tao a omnanala sya.”
18Maniring si Sacyadiya do tinsi am, “Ikongo pakatenngan ko do ciring mo. Namen rana rarakeh eya meyyaven do vahay. Jyabo kapacinadnadnad na pa no kahanghangan ko a.” 19Maniring o tinsi am, “Yaken rana ya am lamlamsoy na yaken ni Ama do to a meyngaran si Cyapaydi a yana nitovoy a mangay a manci nya jimo so rako a vazay eya. 20Am yamo ji nganoyngi o ciriciring ko. Sicyaraw rana ya am papwen mo na o kaji mo makabnebnekan, mangay ori do ikatazak na tao no anak mo.”
21So kangsahan da nya a ninanala no aro a tao do niyan na do sahad na kapeyzokab da nya nimownay do rako a panaralayan dang. 22Makowbot am ji rana makabnebnek. Ori o ipakateneng da jya nimakacita so niyak na no mata do rako a panaralayan. So nika lima na no nipacisirsiring na do tao. 23Komavos o vazay na mapatanang so nakem da si Ama ta do to am mangay rana do vahay da.
24Kadadayan na rana so araraw am mamlis rana so kanen o kahanghangan na si Idisapay. Mina kalima na vehan am jya nimakowbot do vahay da. 25Maniring am, “Manoyong an si Ama ta do to a yanimvonas so da tamwadan jyaken no icyatatao ko an, do kabo no minapodpod jyaken.”
Pazimanen o ikatazak na tao ni Yeso
26Ikanem na vehan ni Idisapay am tovoin na ni Ama ta do to o tinsi a meyngaran si Cyapaydi a mangay do ili a meyngaran so Nasale a macinapnap do Cyadidi, 27a mangay do asa ka mavakes a nitamtamkan da rana no macikownongan ji Tawey, asa ka mahakay a meyngaran si Yoseyvo. O ngaran no mavakes am si Madiya. 28So nyangay na no tinsi do mavakes ang. Maniring am, “Kokay. Makapiya ka so onowned an. Manoyong o na kapacilovot jimo ni Ama ta do to a yameypalanginan nimo. So yana ikatey rako no aryarilaw na jimo ni Ama ta do to.” 29Mamizing na o ciring no tinsi ni Madiya am mina to na ogtwan, do kaji na makatenngan do peypeypangayan na no ciring na. So to na rana naknakmi so agagazan na no mina ciring na jya. 30Maniring o tinsi jya am, “Madiya, ji ka nyaheyan, ta na ikarilaw imo ni Ama ta do to an. 31Citahen mo an. Mangalavat ka so anak mo a mahakay. So ngaranan mo jya si Yeso. 32Iya rana am meyngongyod a katenngan a tao. So pancyan da nya Anak ni Ama ta do to. So torwan na nya ni Ama ta do to jya so azwazway na no ineynapo na ni Tawey. 33So peypanirsirngan da sya no sivosivovoong na ni Yakebo mangay no kaidan no karawan. So ikabo na no tao a makataha sya panirsirngen.”
34Maniring si Madiya do tinsi am, “To ko akman sang, do ko jyasingkaji o mahakay.” 35Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to. 36Cita pala o zipos mo si Idisapay. Ta kakwakwan na rarakeh rana am macinadnadnad pa. Am do nakenakem no tao am jyabo kapeytaodtod no nang. Am yajyakman sang an. Ta ikanem na rana vehan eya yamamlis so kanen. 37Ta abo ji na hap a vazay ni Ama ta do to.”
38Maniring si Madiya am, “Yaken rana am lamlamsoy na yaken ni Ama ta do to. So to ko na nooni so ciring na ni Ama ta do to.” Meyratateng am karwan na rana no tinsi.
39Meyratateng am tomanggeh a meypangay si Madiya do ili da Sacyadiya a macinapnap do Yotay. 40Somdep do vahay da am peyminaminasi na si Idisapay. 41Mamizing na ni Idisapay si Madiya am mina to meygonagonay o alavaten na a kowyat na ji Idisapay no Seyzi. 42Am ori o nilolos na manci no, “Imo rana ya am ney manokdwan ka do icyamamavakes ta, ta o yamo alavaten am yamonganay ji Ama ta do to. 43Mazavak eya yamai a tomita jyaken a ina no Panirsirngen ko. 44Ko mamizing o ciring mo am yato meygonagonay o ko alavaten a somaray. 45Mo anoyngan o ciring na jimo ni Ama ta do to a mangononong. So mo ikanoyong a tey yapya.”
Isaray na ni Madiya ji Ama ta do to
46Maniring si Madiya am,
“Ko isaray o rako a nakenakem na ni Ama ta do to,
47a manoyong a Tao do to, do yana mapatazadang jyaken do teyngato,
48ta yana manakem o ji mamayok a lamlamsoy na. So papwan da sya sicyaraw eya mangay do kaidan no karawan o kabnek da jyaken a apiya so ngilin a mavakes,
49ta yamyan so rako a vazay na do kataotao ko ni Ama ta do to. Mazway o ngaran na.
50O pangangarilawan na am jyablis sicyakwaya, kangay na do kaidan no karawan a itoro na do omraralay nya tao.
51Tey mowyat si Ama ta do to a mapeyvwak so nakenakem da no mapahama a tao.
52Na nipeypaveveh sira o panipanirsirngen. So ji da rana makazyazyaki. Na nikatkat sira o ji makazyazyak a tao.
53Na absoin sira o makcin a tao a kapteng na sira so mabsoy a tao.
54So ninaknakman na so pangangarilawan na kasidong na so omraralay nya Isedi a tao,
55akman so nipanci na do ineynapo ta, aryarilaw na si Apolahan a kano apwapo na, mangay rana do kaidan no karawan.”
56So niyan na ni Madiya do vahay da Idisapay so katlo a vehan a kangay na rana do vahay da.
Matazak a tao o nimanaktak a si Yowani
57Marateng rana o vehan ni Idisapay am malikey rana o anak na mahakay. 58Mamizing da no katakataib da kano zipozipos da o karilaw na nira ni Ama ta do to am masaray sira so nakenakem ji Idisapay.
59Ikawao na araw am mai rana o aro a tao a kayongkad da no kanakan a meyngongyod a Isedi a tao. So kakzan da no ngaran na ni ama na Sacyadiya a ingaran da jya. 60Am maniring o ina na am, “Beken. Ingaran ta jya si Yowani.” 61Am maniring o aro a tao do ina na am, “Yabo do zipos nyo o akman sang so ngaran.” 62So nisirsirngan da no lima da so ama na, do kapamnek na do ngaran no anak na. 63Am ori o nipacyami na jira so peyvatvatkan na. Meyratateng am vatvatkan na o ngaran na no anak na si Yowani. So nisavasavakan da nya. 64No kanang am nimakeykai a meyzezyak o ama na. So nisarayan na rana nya ji Ama ta do to. 65Am ori o nisavasavakan da nya no katakataib da. So peylimwangan da rana nya do tao do peycyeylilyan na do Yotay. 66O makamizing sya tao am abo ji mapeyyan sya do onowned da kapanci da no, “Si makaveyvow am ikongo paro o angayan no kanakan eya.” Ta to da nahaw o kowyat na jya ni Ama ta do to.
Pazimanen na jira ni Sacyadiya o katazak na ni Yeso
67So nioyatan na ji Sacyadiya no Seyzi na ni Ama ta do to a manci no,
68-69“Manoyong a isaray o Tao do to da no Isedi a tao a tomalamozong nyaten an. Ta tovoin na o sivovoong ni Tawey a omyavayo so onowned ta a mapatazadang jyaten do teyngato.
70Akman so nipaziman ni Ama ta do to no kakwa pa nitoyo na jira do panoyonoywan na so ciring,
71a kapahawa na jyaten do kavosoyan ta tao a kano maoya nyaten a tao.
72So nikarilawan na no ineynapo ta, do na kahap sya do kanitomoyotoyon na sira.
73Akman so kanitomoyotoyon na so ineynapo ta si Apolahan no ciriciring na,
74-75a kangay na mapahawa jyaten do kavosoyan ta tao. So ikabo no ikanyahey ta. Am ori o to ta ngavosi nya do karawan so kahap ta so apya nakenakem na, kahap ta so vazay na omraralay nya.
76Imo rana manganako am abneken da rana imo a manoyonoyo so ciriciring no ney manokdwan na Tao do to an. Ta imo rana am manmanma ka mapaziman sya do tao so kai na no Panirsirngen ta.
77Ipanci mo do omraralay nya tao o yana kavonas so raraten da ni Ama ta do to. So ikanoyong na mapatazadang sira do teyngato an,
78ta oya rana am omaing ya do pangangarilawan na ni Ama ta do to a tomiray jyaten,
79a kaciray na so ji pa makateneng ji Ama ta do to a manyahey no kawakwak da tao, a kapangonong na nyaten do kapyapyan.”
80Makaveyvow rana o anak na ni Sacyadiya am meypakatkat o nakenakem na. Nimeyvahay do kabwan no nihakawan no tao a mangay do nipeytotwaw na rana mangnanao so Isedi a tao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan