Make 16
16
Mirwa mavyay si Yeso
(Matay 28:1-10; Locya 24:1-12; Yowani 20:1-10)
1Komavos o ipeywalam no tao am manazang si Matelyan Madiya kani Madiya a ina na ni Yake a kani Salomey so mahangno a haneng, mangay da ikoris do kataotao ni Yeso. 2Apnezak do niciyo do ipeyzengazengang na rana am mangay sira do nipayan da so kataotao ni Yeso. 3Amyan sira do rarahan am naknakmen da o kabo no tao a somidong sira a mapeylis so rako a veysen a nipaneb da. 4Am citahen da am nimalolog rana o rako a vato. 5Somdep sira do heseb na am macita da o mowva tao a omlisna do kawanan no nipayan da si Yeso a meyyayob so malavang a ayob. Ori o niogto da. 6Maniring o mowva tao ori am, “Ji kamo ogto a mavokahaw. Ta ko katenngan inyo a yakomala so yada nipadket do jyojika tao do Nasale a si Yeso. Am yana ji ngyan do jya, ta yarana nimirwa mavyay. To nyo nita o yada nipayan sya ito, 7a kangay nyo na manci nya do macinanao jya. Ipanci nyo ji Pite, ta o ciring na ni Yeso am manmanma pa ka nira a mangay do Cyadidi. So ipakacita da sya do dang. So na ipangononong no mina ciring na jira.” 8No mangay kanyahey da am mangay keyyak da nya a malalayo a komaro rana do heseb na. Am ji da nipanci do tao. Ta manyahey sira.
Mapacita si Yeso ji Matelyan Madiya
(Matay 28:9-10; Yowani 20:11-18)
9[Apnezak do niciyo am mirwa mavyay si Yeso. O ney manma na nipacittan na no kataotao na am si Matelyan Madiya. Iya rana am nipamozwawan na ni Yeso so apito a kalamsoyan ni Satan. 10Iya am nimangay manci nya do mazabab so onowned a mina kararay ni Yeso. 11Mamizing da si Yeso a nimavyay rana a kapakamizing da pa si Madiya nimakacita rana sya am ji da nganoyngi.
Mapacita si Yeso do mina kararay na
(Locya 24:13-35)
12Mavitos o vazay ori am macitarek rana o pacittan na no kataotao na ni Yeso do rarwa ka mina kararay na a meypangay do ili da. 13Ipanci da do karwan da macinanao ji Yeso am ji da pa nganoyngi.
Mapacita si Yeso do asa so ikakarwan a macinanao jya
(Locya 24:36-49; Yowani 20:19-23)
14Ney manowji na am mapacita si Yeso do koman a asa so ikakarwan a macinanao jya. Am nioya na sira, ta malma sira so nakenakem ji Ama ta do to a akmey vato so onowned a ji nganoyong do ciring da no tao a nimakacita sya a nimirwa a mavyay.
Tovoin na o macinanao jya meylimwang nya do aro a tao
(Matay 28:16-20; Locya 24:45-49; Nimlivolivon 1:6-8)
15Maniring si Yeso jira am, “Mangay kamo do peycyamahamahatawan na a meylimwang no Mapasaray a Ciriciring na ni Ama ta do to do tao do karawan. 16O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan. 17O manganoyong a tao am ipanta na sira ni Ama ta do to so oyowyat da mapeyvazay so mapeyzokab a vazay. No pangozayan da o ngaran ko am mavozwaw da o kalamsoyan ni Satan a kapeyzezyak da so macitarek a ciring. 18Tana to da minani o tokza, omyop so makazazakat a kosozi am apya sira. No paoptahen da o lima da so meyngen a tao am todapya sira.”
Mangay rana si Yeso do teyngato
(Locya 24:50-53; Nimlivolivon 1:9-11)
19Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to, 20kangay da rana no nimacinanao ji Yeso a meylimwang no Mapasaray a Ciriciring na ni Ama ta do to do peycyeylilyan na. So ikanoyong ni Yeso a macikaop jira a manta nira so oyowyat da a mapeyvazay so mapeyzokab a vazay. Ori rana am yongkad no kanoyong no Mapasaray a Ciriciring na ni Ama ta do to a ipeylimwang da.]
Currently Selected:
Make 16: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Make 16
16
Mirwa mavyay si Yeso
(Matay 28:1-10; Locya 24:1-12; Yowani 20:1-10)
1Komavos o ipeywalam no tao am manazang si Matelyan Madiya kani Madiya a ina na ni Yake a kani Salomey so mahangno a haneng, mangay da ikoris do kataotao ni Yeso. 2Apnezak do niciyo do ipeyzengazengang na rana am mangay sira do nipayan da so kataotao ni Yeso. 3Amyan sira do rarahan am naknakmen da o kabo no tao a somidong sira a mapeylis so rako a veysen a nipaneb da. 4Am citahen da am nimalolog rana o rako a vato. 5Somdep sira do heseb na am macita da o mowva tao a omlisna do kawanan no nipayan da si Yeso a meyyayob so malavang a ayob. Ori o niogto da. 6Maniring o mowva tao ori am, “Ji kamo ogto a mavokahaw. Ta ko katenngan inyo a yakomala so yada nipadket do jyojika tao do Nasale a si Yeso. Am yana ji ngyan do jya, ta yarana nimirwa mavyay. To nyo nita o yada nipayan sya ito, 7a kangay nyo na manci nya do macinanao jya. Ipanci nyo ji Pite, ta o ciring na ni Yeso am manmanma pa ka nira a mangay do Cyadidi. So ipakacita da sya do dang. So na ipangononong no mina ciring na jira.” 8No mangay kanyahey da am mangay keyyak da nya a malalayo a komaro rana do heseb na. Am ji da nipanci do tao. Ta manyahey sira.
Mapacita si Yeso ji Matelyan Madiya
(Matay 28:9-10; Yowani 20:11-18)
9[Apnezak do niciyo am mirwa mavyay si Yeso. O ney manma na nipacittan na no kataotao na am si Matelyan Madiya. Iya rana am nipamozwawan na ni Yeso so apito a kalamsoyan ni Satan. 10Iya am nimangay manci nya do mazabab so onowned a mina kararay ni Yeso. 11Mamizing da si Yeso a nimavyay rana a kapakamizing da pa si Madiya nimakacita rana sya am ji da nganoyngi.
Mapacita si Yeso do mina kararay na
(Locya 24:13-35)
12Mavitos o vazay ori am macitarek rana o pacittan na no kataotao na ni Yeso do rarwa ka mina kararay na a meypangay do ili da. 13Ipanci da do karwan da macinanao ji Yeso am ji da pa nganoyngi.
Mapacita si Yeso do asa so ikakarwan a macinanao jya
(Locya 24:36-49; Yowani 20:19-23)
14Ney manowji na am mapacita si Yeso do koman a asa so ikakarwan a macinanao jya. Am nioya na sira, ta malma sira so nakenakem ji Ama ta do to a akmey vato so onowned a ji nganoyong do ciring da no tao a nimakacita sya a nimirwa a mavyay.
Tovoin na o macinanao jya meylimwang nya do aro a tao
(Matay 28:16-20; Locya 24:45-49; Nimlivolivon 1:6-8)
15Maniring si Yeso jira am, “Mangay kamo do peycyamahamahatawan na a meylimwang no Mapasaray a Ciriciring na ni Ama ta do to do tao do karawan. 16O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan. 17O manganoyong a tao am ipanta na sira ni Ama ta do to so oyowyat da mapeyvazay so mapeyzokab a vazay. No pangozayan da o ngaran ko am mavozwaw da o kalamsoyan ni Satan a kapeyzezyak da so macitarek a ciring. 18Tana to da minani o tokza, omyop so makazazakat a kosozi am apya sira. No paoptahen da o lima da so meyngen a tao am todapya sira.”
Mangay rana si Yeso do teyngato
(Locya 24:50-53; Nimlivolivon 1:9-11)
19Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to, 20kangay da rana no nimacinanao ji Yeso a meylimwang no Mapasaray a Ciriciring na ni Ama ta do to do peycyeylilyan na. So ikanoyong ni Yeso a macikaop jira a manta nira so oyowyat da a mapeyvazay so mapeyzokab a vazay. Ori rana am yongkad no kanoyong no Mapasaray a Ciriciring na ni Ama ta do to a ipeylimwang da.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan