Luc 3
3
Lɔ́ɔ Yʉánɛs Ndubʉr á túno wɨ́
(Matthieu 3.1-12; Marc 1.3-5)
1Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên. 2Ánas, bé e Kayɨáfa, bé á be ó ojwɨ́ɨ o mpáh Nzyɛ̌m ɨ́ jɔʼ gwár yaá. Nó ó Nzyɛ̌m á nze lwib e Yʉánɛs, mwân mé Zacharie, ɨ́ jɔʼ nyé á didi ɨ́ lʉá yɨ́. 3Píe tɨ̂, nye nzě ja nzɨ́ lɨ́ etô le etúnǒ lɔ́ɔ́ mé Nzyɛ̌m ɨ́ ngʉ́rá díbé Yɔrdên wɨ́wɛ̂h. Nye á lɨlɛ́ɛ e bʉr ó, bé túmaa mikoo e mebébe mɔ́ɔ́ le edwira míléme. Bé e dúŋɔɔ, Nzyɛ̌m pɛ́ʼɛɛ bibaa bí ébébe byɔ́ɔ́.
4Nó syɛ́ɛla yé yaá, yé á si bɔma e lɔ́ɔ́ ngwíha milɔ̌b mé Nzyɛ̌m Ésayie á cɛma yɨ́. Yê cɛmá ɨ́ Mekaná mé Nzyɛ̌m ó:
“Mʉr, nye lɨ́ etyɛ̂b le túnó ɨ́ lʉá tʉ́ŋlʉ̌,
lɨ́ elɛ́ɛ ó:
Komlaa gá nzɨ̌ mé Dâ.
Bɨ̌n a tyél ménzɨ̌ mé ɨ́ lîm.
5Menó, mé byéelɔɔ.
Mecwɨ̂ʼ ménɨ́nɨ́ɨ́ ndu e maá métwáʼwó,
mé syéelɔɔ.
Mɨmpaʼá dí mɨmbóó mɨmbóó é, myé sɨ́ʼɔ.
Bɨgúmó dí monkónó monkónó é, byé díʼee ɨ́ swóoo.
6Mʉr nyɨnyɛ̂h óbeě
mpʉ̌ Nzyɛ̌m ótiʼ mɨ́ná gá yɨ́.”
7Entumo e bʉ̂r nzě nze ó, Yʉánɛs dúʼoo bê. Nó nyé á lɛ́ɛ e bé ó: «Bɨ̌n bwá ó méjwɨ̂l bâ, nzé á pʉgʉ cɨ̂l bɨ̌n ó, bɨ̌n bé e nkul ekɨ̂ŋ nkpáa mé Nzyɛ̌m ɨ́ jɔʼ nyé ngá lɛ̂ʼle bɨ́n lǎ ɛ́? 8Gúmáá gá mimpaŋ mi mpúmó mi dí ejala e bʉr o mû sí dwira míléme bá. Atáare gá le elɛ́a páʼ nyɨ́n ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham! 9Num nzwɨ́ɨ, wé mû ó ɨ́ cǎr lɨ́ etíʼe míkaalé bílɨ́ nko ménzuʼ. Nye ócwɛ̌l lɨ́ yɨ́yɛ̂h dí agúmo mímpǎŋ mi mpúmó yɨ́, guho yé lɨ́ ebéʼé é siʼe.»
10Entumo e bʉ̂r nzě dî e né ó: «Á nó, bɨ̌h bé ɨ́ jala le esâ yé ɛ́?» 11Nye ntɔ̂ʼ lɛ́ɛ e bé ó: «Mʉr dí e mikán mímbá nyá, nye dwíhɨɨ gúú. Nye e dwé mʉ̂r dí abe e kán nyá. Mʉr dí ɨ́ twíha mede nyá, nye pɛ́ʼɛɛ mʉr dí ɨ́ nza nyá!»
12Onwɨa ó mɔnɨ́ tœ́a, bé ntémé, bé á si nze, lɨ́ enzě duŋɔɔ. Bê nzě dî e Yʉánɛs ó: «Lɛ̂ʼla, bɨ̌h bé ɨ́ jala le esâ nyá?» 13Nye ó: «Ayɨ́ nʉa gá mɔnɨ́ tœ́a, ntaǎ bím njwɨ́ɨ wɨ́n á lɛ́ɛ ó, bɨ̌n nʉ́aa yɨ́!»
14Bisója ntémé nzě dî e né ó: «Bɨ̌h bɨɛ ntémé, bé ɨ́ jala le esâ nyá?» Nye ó: «Ayɨ́ nʉa gá mɔnɨ́ e nkul, nkʉ̂ e nzɨ̌ bilɛ̌ʼ. Bónáá gá enʉǎ bím myɛ́na bé á be ó, bé ójána bɨ́n má.»
15Bʉr bɨ́bɛ̂h, bé á be ó lɨ́ ebóno Mʉ̂r Nzyɛ̌m á lœm múló mé jwɨ́ɨ nyá. Bé á be ó lɨ́ elwibla páʼ nyɔ́ɔ́ ó, Yʉánɛs óbɛ̌m be mʉ̂r waá. 16Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe. 17Nyě e pyɛba ɨ́ mebô. Nye ógwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nyé onʉa mpʉ́n, sʉ ɨ́ siʼe dí adímedime yɨ́.»
18Nó nyé á nze baʼa tɨ́e bé ɨ́ myúú mílɔ̌b ɨ́ buo buo, le elɛ́ɛ bé Mbɨambɨa Lɔ́ɔ.
19Nó yé á be náǎ ó, ngóvina Erôd á be ó sí dɛ̌n Erodiâd, myaá tʉ́l wé, di e né. Nye ntémé á be ó sí sâ byúú bísá bí ébébe é buo buo. Jɔʼ yaá yíyɛ̂h, Yʉánɛs á bɨbe ó, lɨ́ elɨlɛ̂ʼle nyé mebébe nyé á be lɨ́ esɨsâ má. 20Nó Erôd á nze kɛl yʉ́ʉ́ syɛ́ɛla ébébe tɨ̂: gbâ Yʉánɛs ɨ́ mbʉʼ.
Ndubó mé Yésʉs
(Matthieu 3.13-17; Marc 1.9-11)
21Mpʉ éntumo e bʉ̂r, lé á be lɨ́ etó duŋɔɔ yɨ́, Yésʉs ntémé á si tô. Jɔʼ nyé á sil eduŋɔɔ yɨ́, le nyé á jɨʼla e Nzyɛ̌m, lě jʉ́o á bɔ́a. 22Sísǐm mé Nzyɛ̌m nzě sulǒ mpʉ épɨbaa, nzě berwo nyé ɨ́ nyʉ̂l. Etyêl nzě duho ɨ́ jʉ́o kʉ́, lɨ́ elɛ́ɛ ó: «Go ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e go.»
Bimpám mé Yésʉs
23Yésʉs á táare syɛ́ɛ́ yé ó, nye mû kúnókúno e mimbû mekám mélɛ̂l. Bʉr, bé á jwɨʼ ó, yé ó mwân mé Yóseb,
á be mwân mé Éli nyá. 24Éli á be ó mwân mé Matât;
Matât, mwân mé Levî; Levî, mwân mé Mɛlkî;
Mɛlkî, mwân mé Yanayɨ̂; Yanayɨ̂, mwân mé Yóseb;
25Yóseb, mwân mé Matatías; Matatías, mwân mé Amôs;
Amôs, mwân mé Naûm; Naûm, mwân mé Eslî;
Eslî, mwân mé Nagaî; 26Nagaî, mwân mé Máat;
Máat, mwân mé Matatías; Matatías, mwân mé Semeyɨ̂n;
Semeyɨ̂n, mwân mé Yósek; Yósek, mwân mé Yodâ;
27Yodâ, mwân mé Yoánan; Yoánan, mwân mé Resâ;
Resâ, mwân mé Zorobabɛ̂l; Zorobabɛ̂l, mwân mé Salátyɛl;
Salátyɛl, mwân mé Nɛrî; 28Nɛrî, mwân mé Mɛlkî;
Mɛlkî, mwân mé Ádi; Ádi, mwân mé Kosâm;
Kosâm, mwân mé Elmádam; Elmádam, mwân mé Ɛ̂r;
29Ɛ̂r, mwân mé Josué; Josué, mwân mé Eliézer;
Eliézer, mwân mé Yórim; Yórim, mwân mé Matât;
Matât, mwân mé Levî; 30Levî, mwân mé Siméon;
Siméon, mwân mé Yʉ́da; Yʉ́da, mwân mé Yóseb;
Yóseb, mwân mé Yónam; Yónam, mwân mé Eliakîm;
31Eliakîm, mwân mé Meleâ; Meleâ, mwân mé Menâ;
Menâ, mwân mé Matatâ; Matatâ, mwân mé Natân;
Natân, mwân mé David; 32David, mwân mé Yesê;
Yesê, mwân mé Óbed; Óbed, mwân mé Bôaz;
Bôaz, mwân mé Salâ; Salâ, mwân mé Naasɔ̂n;
33Naasɔ̂n, mwân mé Aminadâb; Aminadâb, mwân mé Ádmîn;
Ádmîn, mwân mé Arnî; Arnî, mwân mé Ézrɔm;
Ézrɔm, mwân mé Parɛ̂s; Parɛ̂s, mwân mé Yʉ́da;
34Yʉ́da, mwân mé Yákɔb; Yákɔb, mwân mé Isaac;
Isaac, mwân mé Abraham; Abraham, mwân mé Tára;
Tára, mwân mé Nakɔ̂r; 35Nakɔ̂r, mwân mé Serʉ̂k;
Serʉ̂k, mwân mé Ragáos; Ragáos, mwân mé Fálɛk;
Fálɛk, mwân mé Ébɛr; Ébɛr, mwân mé Salâ;
36Salâ, mwân mé Kayɨnâm; Kayɨnâm, mwân mé Arpaksâd;
Arpaksâd, mwân mé Sɛ̂m; Sɛ̂m, mwân mé Nóe;
Nóe, mwân mé Lámɛk; 37Lámɛk, mwân mé Matusála;
Matusála, mwân mé Énɔk; Énɔk, mwân mé Yárɛd;
Yárɛd, mwân mé Malelɛ̂l; Malelɛ̂l, mwân mé Kayɨnân;
38Kayɨnân, mwân mé Énɔs; Énɔs, mwân mé Sɛ̂t;
Sɛ̂t, mwân mé Ádam; Ádam á be ó mwân mé Nzyɛ̌m.
Currently Selected:
Luc 3: ozm
Highlight
Share
Copy
Want to have your highlights saved across all your devices? Sign up or sign in
Luc 3
3
Lɔ́ɔ Yʉánɛs Ndubʉr á túno wɨ́
(Matthieu 3.1-12; Marc 1.3-5)
1Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên. 2Ánas, bé e Kayɨáfa, bé á be ó ojwɨ́ɨ o mpáh Nzyɛ̌m ɨ́ jɔʼ gwár yaá. Nó ó Nzyɛ̌m á nze lwib e Yʉánɛs, mwân mé Zacharie, ɨ́ jɔʼ nyé á didi ɨ́ lʉá yɨ́. 3Píe tɨ̂, nye nzě ja nzɨ́ lɨ́ etô le etúnǒ lɔ́ɔ́ mé Nzyɛ̌m ɨ́ ngʉ́rá díbé Yɔrdên wɨ́wɛ̂h. Nye á lɨlɛ́ɛ e bʉr ó, bé túmaa mikoo e mebébe mɔ́ɔ́ le edwira míléme. Bé e dúŋɔɔ, Nzyɛ̌m pɛ́ʼɛɛ bibaa bí ébébe byɔ́ɔ́.
4Nó syɛ́ɛla yé yaá, yé á si bɔma e lɔ́ɔ́ ngwíha milɔ̌b mé Nzyɛ̌m Ésayie á cɛma yɨ́. Yê cɛmá ɨ́ Mekaná mé Nzyɛ̌m ó:
“Mʉr, nye lɨ́ etyɛ̂b le túnó ɨ́ lʉá tʉ́ŋlʉ̌,
lɨ́ elɛ́ɛ ó:
Komlaa gá nzɨ̌ mé Dâ.
Bɨ̌n a tyél ménzɨ̌ mé ɨ́ lîm.
5Menó, mé byéelɔɔ.
Mecwɨ̂ʼ ménɨ́nɨ́ɨ́ ndu e maá métwáʼwó,
mé syéelɔɔ.
Mɨmpaʼá dí mɨmbóó mɨmbóó é, myé sɨ́ʼɔ.
Bɨgúmó dí monkónó monkónó é, byé díʼee ɨ́ swóoo.
6Mʉr nyɨnyɛ̂h óbeě
mpʉ̌ Nzyɛ̌m ótiʼ mɨ́ná gá yɨ́.”
7Entumo e bʉ̂r nzě nze ó, Yʉánɛs dúʼoo bê. Nó nyé á lɛ́ɛ e bé ó: «Bɨ̌n bwá ó méjwɨ̂l bâ, nzé á pʉgʉ cɨ̂l bɨ̌n ó, bɨ̌n bé e nkul ekɨ̂ŋ nkpáa mé Nzyɛ̌m ɨ́ jɔʼ nyé ngá lɛ̂ʼle bɨ́n lǎ ɛ́? 8Gúmáá gá mimpaŋ mi mpúmó mi dí ejala e bʉr o mû sí dwira míléme bá. Atáare gá le elɛ́a páʼ nyɨ́n ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham! 9Num nzwɨ́ɨ, wé mû ó ɨ́ cǎr lɨ́ etíʼe míkaalé bílɨ́ nko ménzuʼ. Nye ócwɛ̌l lɨ́ yɨ́yɛ̂h dí agúmo mímpǎŋ mi mpúmó yɨ́, guho yé lɨ́ ebéʼé é siʼe.»
10Entumo e bʉ̂r nzě dî e né ó: «Á nó, bɨ̌h bé ɨ́ jala le esâ yé ɛ́?» 11Nye ntɔ̂ʼ lɛ́ɛ e bé ó: «Mʉr dí e mikán mímbá nyá, nye dwíhɨɨ gúú. Nye e dwé mʉ̂r dí abe e kán nyá. Mʉr dí ɨ́ twíha mede nyá, nye pɛ́ʼɛɛ mʉr dí ɨ́ nza nyá!»
12Onwɨa ó mɔnɨ́ tœ́a, bé ntémé, bé á si nze, lɨ́ enzě duŋɔɔ. Bê nzě dî e Yʉánɛs ó: «Lɛ̂ʼla, bɨ̌h bé ɨ́ jala le esâ nyá?» 13Nye ó: «Ayɨ́ nʉa gá mɔnɨ́ tœ́a, ntaǎ bím njwɨ́ɨ wɨ́n á lɛ́ɛ ó, bɨ̌n nʉ́aa yɨ́!»
14Bisója ntémé nzě dî e né ó: «Bɨ̌h bɨɛ ntémé, bé ɨ́ jala le esâ nyá?» Nye ó: «Ayɨ́ nʉa gá mɔnɨ́ e nkul, nkʉ̂ e nzɨ̌ bilɛ̌ʼ. Bónáá gá enʉǎ bím myɛ́na bé á be ó, bé ójána bɨ́n má.»
15Bʉr bɨ́bɛ̂h, bé á be ó lɨ́ ebóno Mʉ̂r Nzyɛ̌m á lœm múló mé jwɨ́ɨ nyá. Bé á be ó lɨ́ elwibla páʼ nyɔ́ɔ́ ó, Yʉánɛs óbɛ̌m be mʉ̂r waá. 16Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe. 17Nyě e pyɛba ɨ́ mebô. Nye ógwámle ébɛhɛɛ lé, lwâl mpúmó. Nye ókomo mílɔ́lá ɨ́ nkuna. Sâ gwár, nyé onʉa mpʉ́n, sʉ ɨ́ siʼe dí adímedime yɨ́.»
18Nó nyé á nze baʼa tɨ́e bé ɨ́ myúú mílɔ̌b ɨ́ buo buo, le elɛ́ɛ bé Mbɨambɨa Lɔ́ɔ.
19Nó yé á be náǎ ó, ngóvina Erôd á be ó sí dɛ̌n Erodiâd, myaá tʉ́l wé, di e né. Nye ntémé á be ó sí sâ byúú bísá bí ébébe é buo buo. Jɔʼ yaá yíyɛ̂h, Yʉánɛs á bɨbe ó, lɨ́ elɨlɛ̂ʼle nyé mebébe nyé á be lɨ́ esɨsâ má. 20Nó Erôd á nze kɛl yʉ́ʉ́ syɛ́ɛla ébébe tɨ̂: gbâ Yʉánɛs ɨ́ mbʉʼ.
Ndubó mé Yésʉs
(Matthieu 3.13-17; Marc 1.9-11)
21Mpʉ éntumo e bʉ̂r, lé á be lɨ́ etó duŋɔɔ yɨ́, Yésʉs ntémé á si tô. Jɔʼ nyé á sil eduŋɔɔ yɨ́, le nyé á jɨʼla e Nzyɛ̌m, lě jʉ́o á bɔ́a. 22Sísǐm mé Nzyɛ̌m nzě sulǒ mpʉ épɨbaa, nzě berwo nyé ɨ́ nyʉ̂l. Etyêl nzě duho ɨ́ jʉ́o kʉ́, lɨ́ elɛ́ɛ ó: «Go ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e go.»
Bimpám mé Yésʉs
23Yésʉs á táare syɛ́ɛ́ yé ó, nye mû kúnókúno e mimbû mekám mélɛ̂l. Bʉr, bé á jwɨʼ ó, yé ó mwân mé Yóseb,
á be mwân mé Éli nyá. 24Éli á be ó mwân mé Matât;
Matât, mwân mé Levî; Levî, mwân mé Mɛlkî;
Mɛlkî, mwân mé Yanayɨ̂; Yanayɨ̂, mwân mé Yóseb;
25Yóseb, mwân mé Matatías; Matatías, mwân mé Amôs;
Amôs, mwân mé Naûm; Naûm, mwân mé Eslî;
Eslî, mwân mé Nagaî; 26Nagaî, mwân mé Máat;
Máat, mwân mé Matatías; Matatías, mwân mé Semeyɨ̂n;
Semeyɨ̂n, mwân mé Yósek; Yósek, mwân mé Yodâ;
27Yodâ, mwân mé Yoánan; Yoánan, mwân mé Resâ;
Resâ, mwân mé Zorobabɛ̂l; Zorobabɛ̂l, mwân mé Salátyɛl;
Salátyɛl, mwân mé Nɛrî; 28Nɛrî, mwân mé Mɛlkî;
Mɛlkî, mwân mé Ádi; Ádi, mwân mé Kosâm;
Kosâm, mwân mé Elmádam; Elmádam, mwân mé Ɛ̂r;
29Ɛ̂r, mwân mé Josué; Josué, mwân mé Eliézer;
Eliézer, mwân mé Yórim; Yórim, mwân mé Matât;
Matât, mwân mé Levî; 30Levî, mwân mé Siméon;
Siméon, mwân mé Yʉ́da; Yʉ́da, mwân mé Yóseb;
Yóseb, mwân mé Yónam; Yónam, mwân mé Eliakîm;
31Eliakîm, mwân mé Meleâ; Meleâ, mwân mé Menâ;
Menâ, mwân mé Matatâ; Matatâ, mwân mé Natân;
Natân, mwân mé David; 32David, mwân mé Yesê;
Yesê, mwân mé Óbed; Óbed, mwân mé Bôaz;
Bôaz, mwân mé Salâ; Salâ, mwân mé Naasɔ̂n;
33Naasɔ̂n, mwân mé Aminadâb; Aminadâb, mwân mé Ádmîn;
Ádmîn, mwân mé Arnî; Arnî, mwân mé Ézrɔm;
Ézrɔm, mwân mé Parɛ̂s; Parɛ̂s, mwân mé Yʉ́da;
34Yʉ́da, mwân mé Yákɔb; Yákɔb, mwân mé Isaac;
Isaac, mwân mé Abraham; Abraham, mwân mé Tára;
Tára, mwân mé Nakɔ̂r; 35Nakɔ̂r, mwân mé Serʉ̂k;
Serʉ̂k, mwân mé Ragáos; Ragáos, mwân mé Fálɛk;
Fálɛk, mwân mé Ébɛr; Ébɛr, mwân mé Salâ;
36Salâ, mwân mé Kayɨnâm; Kayɨnâm, mwân mé Arpaksâd;
Arpaksâd, mwân mé Sɛ̂m; Sɛ̂m, mwân mé Nóe;
Nóe, mwân mé Lámɛk; 37Lámɛk, mwân mé Matusála;
Matusála, mwân mé Énɔk; Énɔk, mwân mé Yárɛd;
Yárɛd, mwân mé Malelɛ̂l; Malelɛ̂l, mwân mé Kayɨnân;
38Kayɨnân, mwân mé Énɔs; Énɔs, mwân mé Sɛ̂t;
Sɛ̂t, mwân mé Ádam; Ádam á be ó mwân mé Nzyɛ̌m.
Currently Selected:
:
Highlight
Share
Copy
Want to have your highlights saved across all your devices? Sign up or sign in