Marc 13
13
Yésʉs lɨ́ elɛ́ɛ ó, mpáh Nzyɛ̌m óswɨɨ sí
1Á dwií Yésʉs mû lɨ́ eduho mpáh Nzyɛ̌m nɛ́ɛ: nyʉ́ʉ́ mpʉ́n wé nzě lɛ́ɛ e né ó: «Lɛ̂ʼla, paá beě mbi mékóʼ wɨ̂, le mbi súmó wɨ̂!» 2Nó ó Yésʉs á nze yala e né ó: «Jwɛ́ʼɛ́ɛ, ɨ́ nzumó nɨ́nɨ́ɨ́ nyɨ̂, ekóʼ, lé ákóʼó lîʼ kʉ́ lʉ́ʉ́ ékóʼ wâ. Mɨ́mɛ̂h, mé ólôʼlɔɔ sí.»
Eswéhlɨ́ é kʉ́ e sí
3Nó ó Yésʉs á nze di sí lɨ́ Ecwɨ́ʼ lé ólivier siesíe e mpáh Nzyɛ̌m. Pétrus, Jacques, Yʉánɛs, le André, bé ntɔ̂ʼ jébe nyé ɨ́ bʉm. Bé e né ó: 4«Lɛ́yɨ́ɨ́ bɨ́h jɔʼ bísá bîʼ ngá syɛ́ɛ yɨ́, le dweʼle ngá lɛ̂ʼle ó, byé múo nzě pyâl, bíbyɛ̂h yɨ́.»
5Nó ó Yésʉs á lɛ́ɛ e bé ó: «Diʼee gá mekʉá ɨ́ binyâ. Bɨ̌n ámû jaá dímlɔɔ. 6Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí nye.” Bé ókʉ́a bʉ̂r ɨ́ buo buo. 7Bɨ́n ójóʼo bʉ̂r lɨ́ elwilwib mílɔ̌b mi mɔ̂m le elɛ́ɛ mílɔ́ɔ́ mí dɔ̂m nó, bisɨ́ǎ byaá atɨ̂l bɨ́n mekʉ̌ sí, ebě, yé jala ó, byé nyɛ́ɛ pyâl. Damá jóʼo nó, ntʉ bísɨ́ǎ byaá ngá lɛ̂ʼle ésúʼlá é sí yɨ̂. 8Yɨ̂ʼ kúl bʉ̂r, yé ólwímla e yʉ́ʉ́. Nyâʼ njwɨ́ɨ lwímla e nyʉ́ʉ́. Sí, yé ókubla; nza, nye ónyaŋla bígúmo bígúmo. Bisá bî, byé ónyɛɛ́ syɛ́ɛ. Náǎ yé óbe ó enyɛ̌l e mékpaa, nwɨɨla e mekpaa me mín.
9«Nó, pɨrɨɨ gá mekʉ̌ sí. Bé ótô e bɨ̌n ɨ́ bʉ̌m nɨ́nɨ́ɨ́. Bé óŋmɛ̂h bɨ́n mingáhá ɨ́ mempáh mínjɨʼla. Bé ótô e bɨ̌n ɨ́ mempǒm me bʉ̂r onɨ́nɨ́ɨ́, le maá mé ójwɨ́ɨ ɨ́ lɔ̌b wâm, bɨ̌n nkʉ̂ boʼlǒ sá bɨ́n dí egʉ́a ɨ́ páʼ wâm yɨ́. 10Sá ésôʼ, yé jala ó, Mbɨambɨa Lɔ́ɔ nyɛ́ɛ túnɔɔ kwá bikúl bíbyɛ̂h. 11Bé ótô e bɨ̌n ɨ́ mempáh mílɔ̌b nó, asyɛl gá bá ɨ́ sá bɨ́n ngá lwib dʉ́o laá yɨ́. Bɨ̌n bé ólwib ó, lwǐb ngá pyâl bɨ́n ó, bɨ̌n lwíbɨɨ ɨ́ tyé yaá yɨ́, ebě, ntʉ bɨ́n ngá lwib. Sísǐm mé Nzyɛ̌m ó ngá lwib. 12Mɨ́ɔɔ́ óbɛ́ma mɨ́ɔɔ́ wé ó, bé jʉ́ʼoo nye; sɔ́ŋ bɛ́ma mwân wé. Bwân, bé ógbɔba le obyɛ́l bɔ́ɔ́, jʉ̂ bê. 13Bʉr ó sí bɨ́bɛ̂h, bé óbene bɨ́n ɨ́ lɔ̌b díé lâm. Sâ gwár, mʉr ngá dûhwo, tó pyâl ɨ́ mesíé nyá, ótiʼe.»
Mentuhlobʉr
(Matthieu 24.15-21; Luc 21.20-24)
14Nó ó Yésʉs á nze lɛ́ɛ e bé ó: «Bɨ̌n bé óbee mʉ̂r bé jɨ́jébé ó, “Mentuhlobʉr” nyá. Nye ódilɔɔ̌ gúmó nyé dí ajala le edi yɨ́. (Mʉr dí eláǎ lɔ̌b wɨ̂ʼ nyá, nye gwâ kʉ́ jóʼo wê.) Nó ɨ́ jɔʼ yaá, bʉr o ngá bě sí Yʉ́da bá, bé kpɛ́yɨɨ, tô nko mécwɨ̂ʼ! 15Mʉr ngá be kʉ́ mié nyá, nye ákǎ sulo, nî mbɛ̌r, lɨ́ etó nʉa yʉ́ʉ́ sɔ̂ʼ dí ɨ́ mbɛ̌r yɨ́. 16Waá ngá bě pemé nyá, akǎ búlǎ píhe lɨ́ etó nʉa kʉ̂r wé. 17Nkoó e baábubúm le baábyɛɛ́ ɨ́ melû maá! 18Jɨʼlaa gá e Nzyɛ̌m ó, bisɨ́nɨ̌ bínɨ̌, byé ayɨ́ pyâl ɨ́ jɔ̌ʼ kóló. 19Ebě, ɨ́ melû maá, mitúú e mindɛ̌l, myé óbuú buo. Táare ɨ́ jɔ̌ʼ Nzyɛ̌m á kuho kʉ́ e sí, nzě kumo ɨ́ báánâ, bʉr, bé apǎ sia e mitúú mbi waá. Gúú túú swîh, wé ákǎ báʼǎ laa míhaá. 20Yé bé Dâ Nzyɛ̌m bé, atuŋlo mélû maá nó, lɛ́ɛ́, mʉr ákóʼó tiʼe. Sâ gwár, nyɨ́ tuŋlo mé ɨ́ lɔ̌b bʉ̂r o nyé á twâr bá. 21Mʉ̂r lɛ́ɛ́ e bɨ̌n ó: “Beyɨɨ gá, Mʉ̌r Nzyɛ̌m á lœm múló mé jwɨ́ɨ nyá ó dí wâʼ nyâ!” nkʉ̂ ntɔ̂ʼ ó: “Nye ó kâʼ!” nó, abûʼla gá mʉr waá. 22Ebě, okrîst o bíbɛr, bé ópipyâl, bé le ogwíha o mílɔ̌b o bíbɛr. Bé ósâ mésimá le bisá bí ékâm, lɨ́ esáa ékʉ́a bʉ̂r ó Nzyɛ̌m á twâr bá, yé óbána bé nó. 23Pɨrɨɨ gá mekʉ̌ sí. Me múo sí gwîh bɨ́n syɛ́ɛla yaá yɨ́yɛ̂h!»
Nzéá mé Krîst
24«Sâ gwár, ɨ́ melû maá, mítúú mínɨ̌, myé óbe, sí laa nó, dʉ́o, lé odíme, álomó akǎ pan. 25Ocwícwén, bé óduma, duho ɨ́ jʉ́o kʉ́. Bisá bí nkûl bínɨ́nɨ́ɨ́ bi dí ɨ́ jʉ́o kʉ́ bí, byé ólwɨ̂ʼlɨ. 26Jɔʼ yaá ó bé ngá bee Mwân mé Mʉr mû lɨ́ enze ɨ́ bidwiné, témé nkǔl nɨ́nɨ́ɨ́ le mentyɛnwa mé Nzyɛ̌m. 27Jɔʼ yaá ó nyé ngá lómo bééngeles ɨ́ medumo mé sí mɨ́mɛ̂h menâ, lɨ́ etó syɛŋ baá nyé á twâr bá, táare ɨ́ wɨ̂ʼ ódumo ó sí, tó pyâl ɨ́ gúú.»
Kɨkɛna dí edumo e lɨ́ figyê yɨ́
28«Jóʼláá gá lɛ́ʼlá figyê yé mʉr tɨ̂ʼ dí edwe wɨ́: jɔʼ mílɔ́ɔ́ mû sí dwánwo, biká mû lɨ́ enyɛl épâh yɨ́, bɨ̌n bé lɨ́ eboó gʉ́a ɨ́ jɔʼ yaá ó, nkóno, yé mû ó kúno epyâl. 29Mpʉ yaá ntémé ó, jɔʼ bɨ́n óbee bísyɛ́ɛla byaá lɨ́ esyɛ́ɛ yɨ́, gʉ́ŋáá gá ó, Mwân mé Mʉr mû ó kúno epyâl, kwahaá lɨ́ ebê. 30Mě lɛ́ɛ́ bɨ́n lɨ́ otyeetye ó, mpeʼ bʉ̂r yɨ̂ʼ l'asíe, bisyɛ́ɛla bî, byé ópyâl, bíbyɛ̂h. 31Kʉ́ e sí, byé ólaa. Milɔ̌b myâm míɛ, myé ákóʼó síe.
32«Sâ gwár, mʉr, nyé agʉ́ǎ móhó nkʉ̂ ewala laá. Damá jóʼo bééngeles ɨ́ jʉ́o kʉ́, damá jóʼo Mwân mé Mʉr, njɨ Nzyɛ̌m Sɔ́ŋ nye omér. 33Bɨ̌n a bâʼ! Atô gá ɨ́ jô, ebě, bɨ̌n bé agʉ́ǎ jɔʼ yaá. 34Ebě, yé ónwɨɨla ó mpʉ mʉ̂r dí etô ɨ́ tyen, líʼě mbɛ̌r wé, kab ósyɛ̂l o mésá bé bisyɛ́ɛ́ byɔ́ɔ́, mʉr nyɨnyɛ̂h e yé sá ésâ, nzě lɛ́ɛ ndwéela ebê ó, nye díʼee ɨ́ doho yɨ́. 35Nó, diʼee gá ɨ́ mpʉ̂n, ebě, bɨ̌n bé agʉ́ǎ jɔʼ mʉ̂r mbɛ̌r ngá pyâl yɨ́, nkʉ̂ ɨ́ bíí kʉ̌ʼ, nkʉ̂ témé pum, nkʉ̂ ɨ́ kúo esôʼ, nkʉ̂ ɨ́ melɔ́ma mé mɛ́n. 36Baʼaa gâ! Nye ámû jaá pyâl bɨ́n metwɨrâ, kœb bɨ́n ɨ́ bijô. 37Sá mé dí elɛ́ɛ bɨ́n yɨ̂, mě lɛ́ɛ́ yé ó, lɨ́ esú é mʉ̂r nyɨnyɛ̂h: diʼee gá ɨ́ mpʉ̂n.»
Currently Selected:
Marc 13: ozm
Highlight
Share
Copy
Want to have your highlights saved across all your devices? Sign up or sign in
Marc 13
13
Yésʉs lɨ́ elɛ́ɛ ó, mpáh Nzyɛ̌m óswɨɨ sí
1Á dwií Yésʉs mû lɨ́ eduho mpáh Nzyɛ̌m nɛ́ɛ: nyʉ́ʉ́ mpʉ́n wé nzě lɛ́ɛ e né ó: «Lɛ̂ʼla, paá beě mbi mékóʼ wɨ̂, le mbi súmó wɨ̂!» 2Nó ó Yésʉs á nze yala e né ó: «Jwɛ́ʼɛ́ɛ, ɨ́ nzumó nɨ́nɨ́ɨ́ nyɨ̂, ekóʼ, lé ákóʼó lîʼ kʉ́ lʉ́ʉ́ ékóʼ wâ. Mɨ́mɛ̂h, mé ólôʼlɔɔ sí.»
Eswéhlɨ́ é kʉ́ e sí
3Nó ó Yésʉs á nze di sí lɨ́ Ecwɨ́ʼ lé ólivier siesíe e mpáh Nzyɛ̌m. Pétrus, Jacques, Yʉánɛs, le André, bé ntɔ̂ʼ jébe nyé ɨ́ bʉm. Bé e né ó: 4«Lɛ́yɨ́ɨ́ bɨ́h jɔʼ bísá bîʼ ngá syɛ́ɛ yɨ́, le dweʼle ngá lɛ̂ʼle ó, byé múo nzě pyâl, bíbyɛ̂h yɨ́.»
5Nó ó Yésʉs á lɛ́ɛ e bé ó: «Diʼee gá mekʉá ɨ́ binyâ. Bɨ̌n ámû jaá dímlɔɔ. 6Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí nye.” Bé ókʉ́a bʉ̂r ɨ́ buo buo. 7Bɨ́n ójóʼo bʉ̂r lɨ́ elwilwib mílɔ̌b mi mɔ̂m le elɛ́ɛ mílɔ́ɔ́ mí dɔ̂m nó, bisɨ́ǎ byaá atɨ̂l bɨ́n mekʉ̌ sí, ebě, yé jala ó, byé nyɛ́ɛ pyâl. Damá jóʼo nó, ntʉ bísɨ́ǎ byaá ngá lɛ̂ʼle ésúʼlá é sí yɨ̂. 8Yɨ̂ʼ kúl bʉ̂r, yé ólwímla e yʉ́ʉ́. Nyâʼ njwɨ́ɨ lwímla e nyʉ́ʉ́. Sí, yé ókubla; nza, nye ónyaŋla bígúmo bígúmo. Bisá bî, byé ónyɛɛ́ syɛ́ɛ. Náǎ yé óbe ó enyɛ̌l e mékpaa, nwɨɨla e mekpaa me mín.
9«Nó, pɨrɨɨ gá mekʉ̌ sí. Bé ótô e bɨ̌n ɨ́ bʉ̌m nɨ́nɨ́ɨ́. Bé óŋmɛ̂h bɨ́n mingáhá ɨ́ mempáh mínjɨʼla. Bé ótô e bɨ̌n ɨ́ mempǒm me bʉ̂r onɨ́nɨ́ɨ́, le maá mé ójwɨ́ɨ ɨ́ lɔ̌b wâm, bɨ̌n nkʉ̂ boʼlǒ sá bɨ́n dí egʉ́a ɨ́ páʼ wâm yɨ́. 10Sá ésôʼ, yé jala ó, Mbɨambɨa Lɔ́ɔ nyɛ́ɛ túnɔɔ kwá bikúl bíbyɛ̂h. 11Bé ótô e bɨ̌n ɨ́ mempáh mílɔ̌b nó, asyɛl gá bá ɨ́ sá bɨ́n ngá lwib dʉ́o laá yɨ́. Bɨ̌n bé ólwib ó, lwǐb ngá pyâl bɨ́n ó, bɨ̌n lwíbɨɨ ɨ́ tyé yaá yɨ́, ebě, ntʉ bɨ́n ngá lwib. Sísǐm mé Nzyɛ̌m ó ngá lwib. 12Mɨ́ɔɔ́ óbɛ́ma mɨ́ɔɔ́ wé ó, bé jʉ́ʼoo nye; sɔ́ŋ bɛ́ma mwân wé. Bwân, bé ógbɔba le obyɛ́l bɔ́ɔ́, jʉ̂ bê. 13Bʉr ó sí bɨ́bɛ̂h, bé óbene bɨ́n ɨ́ lɔ̌b díé lâm. Sâ gwár, mʉr ngá dûhwo, tó pyâl ɨ́ mesíé nyá, ótiʼe.»
Mentuhlobʉr
(Matthieu 24.15-21; Luc 21.20-24)
14Nó ó Yésʉs á nze lɛ́ɛ e bé ó: «Bɨ̌n bé óbee mʉ̂r bé jɨ́jébé ó, “Mentuhlobʉr” nyá. Nye ódilɔɔ̌ gúmó nyé dí ajala le edi yɨ́. (Mʉr dí eláǎ lɔ̌b wɨ̂ʼ nyá, nye gwâ kʉ́ jóʼo wê.) Nó ɨ́ jɔʼ yaá, bʉr o ngá bě sí Yʉ́da bá, bé kpɛ́yɨɨ, tô nko mécwɨ̂ʼ! 15Mʉr ngá be kʉ́ mié nyá, nye ákǎ sulo, nî mbɛ̌r, lɨ́ etó nʉa yʉ́ʉ́ sɔ̂ʼ dí ɨ́ mbɛ̌r yɨ́. 16Waá ngá bě pemé nyá, akǎ búlǎ píhe lɨ́ etó nʉa kʉ̂r wé. 17Nkoó e baábubúm le baábyɛɛ́ ɨ́ melû maá! 18Jɨʼlaa gá e Nzyɛ̌m ó, bisɨ́nɨ̌ bínɨ̌, byé ayɨ́ pyâl ɨ́ jɔ̌ʼ kóló. 19Ebě, ɨ́ melû maá, mitúú e mindɛ̌l, myé óbuú buo. Táare ɨ́ jɔ̌ʼ Nzyɛ̌m á kuho kʉ́ e sí, nzě kumo ɨ́ báánâ, bʉr, bé apǎ sia e mitúú mbi waá. Gúú túú swîh, wé ákǎ báʼǎ laa míhaá. 20Yé bé Dâ Nzyɛ̌m bé, atuŋlo mélû maá nó, lɛ́ɛ́, mʉr ákóʼó tiʼe. Sâ gwár, nyɨ́ tuŋlo mé ɨ́ lɔ̌b bʉ̂r o nyé á twâr bá. 21Mʉ̂r lɛ́ɛ́ e bɨ̌n ó: “Beyɨɨ gá, Mʉ̌r Nzyɛ̌m á lœm múló mé jwɨ́ɨ nyá ó dí wâʼ nyâ!” nkʉ̂ ntɔ̂ʼ ó: “Nye ó kâʼ!” nó, abûʼla gá mʉr waá. 22Ebě, okrîst o bíbɛr, bé ópipyâl, bé le ogwíha o mílɔ̌b o bíbɛr. Bé ósâ mésimá le bisá bí ékâm, lɨ́ esáa ékʉ́a bʉ̂r ó Nzyɛ̌m á twâr bá, yé óbána bé nó. 23Pɨrɨɨ gá mekʉ̌ sí. Me múo sí gwîh bɨ́n syɛ́ɛla yaá yɨ́yɛ̂h!»
Nzéá mé Krîst
24«Sâ gwár, ɨ́ melû maá, mítúú mínɨ̌, myé óbe, sí laa nó, dʉ́o, lé odíme, álomó akǎ pan. 25Ocwícwén, bé óduma, duho ɨ́ jʉ́o kʉ́. Bisá bí nkûl bínɨ́nɨ́ɨ́ bi dí ɨ́ jʉ́o kʉ́ bí, byé ólwɨ̂ʼlɨ. 26Jɔʼ yaá ó bé ngá bee Mwân mé Mʉr mû lɨ́ enze ɨ́ bidwiné, témé nkǔl nɨ́nɨ́ɨ́ le mentyɛnwa mé Nzyɛ̌m. 27Jɔʼ yaá ó nyé ngá lómo bééngeles ɨ́ medumo mé sí mɨ́mɛ̂h menâ, lɨ́ etó syɛŋ baá nyé á twâr bá, táare ɨ́ wɨ̂ʼ ódumo ó sí, tó pyâl ɨ́ gúú.»
Kɨkɛna dí edumo e lɨ́ figyê yɨ́
28«Jóʼláá gá lɛ́ʼlá figyê yé mʉr tɨ̂ʼ dí edwe wɨ́: jɔʼ mílɔ́ɔ́ mû sí dwánwo, biká mû lɨ́ enyɛl épâh yɨ́, bɨ̌n bé lɨ́ eboó gʉ́a ɨ́ jɔʼ yaá ó, nkóno, yé mû ó kúno epyâl. 29Mpʉ yaá ntémé ó, jɔʼ bɨ́n óbee bísyɛ́ɛla byaá lɨ́ esyɛ́ɛ yɨ́, gʉ́ŋáá gá ó, Mwân mé Mʉr mû ó kúno epyâl, kwahaá lɨ́ ebê. 30Mě lɛ́ɛ́ bɨ́n lɨ́ otyeetye ó, mpeʼ bʉ̂r yɨ̂ʼ l'asíe, bisyɛ́ɛla bî, byé ópyâl, bíbyɛ̂h. 31Kʉ́ e sí, byé ólaa. Milɔ̌b myâm míɛ, myé ákóʼó síe.
32«Sâ gwár, mʉr, nyé agʉ́ǎ móhó nkʉ̂ ewala laá. Damá jóʼo bééngeles ɨ́ jʉ́o kʉ́, damá jóʼo Mwân mé Mʉr, njɨ Nzyɛ̌m Sɔ́ŋ nye omér. 33Bɨ̌n a bâʼ! Atô gá ɨ́ jô, ebě, bɨ̌n bé agʉ́ǎ jɔʼ yaá. 34Ebě, yé ónwɨɨla ó mpʉ mʉ̂r dí etô ɨ́ tyen, líʼě mbɛ̌r wé, kab ósyɛ̂l o mésá bé bisyɛ́ɛ́ byɔ́ɔ́, mʉr nyɨnyɛ̂h e yé sá ésâ, nzě lɛ́ɛ ndwéela ebê ó, nye díʼee ɨ́ doho yɨ́. 35Nó, diʼee gá ɨ́ mpʉ̂n, ebě, bɨ̌n bé agʉ́ǎ jɔʼ mʉ̂r mbɛ̌r ngá pyâl yɨ́, nkʉ̂ ɨ́ bíí kʉ̌ʼ, nkʉ̂ témé pum, nkʉ̂ ɨ́ kúo esôʼ, nkʉ̂ ɨ́ melɔ́ma mé mɛ́n. 36Baʼaa gâ! Nye ámû jaá pyâl bɨ́n metwɨrâ, kœb bɨ́n ɨ́ bijô. 37Sá mé dí elɛ́ɛ bɨ́n yɨ̂, mě lɛ́ɛ́ yé ó, lɨ́ esú é mʉ̂r nyɨnyɛ̂h: diʼee gá ɨ́ mpʉ̂n.»
Currently Selected:
:
Highlight
Share
Copy
Want to have your highlights saved across all your devices? Sign up or sign in