Marc 2
2
Yésʉs lɨ́ etiʼ nzwóó
1Píe bwá mélû, Yésʉs ntɔ̂ʼ báʼǎ tô Kapernáʉm. Bʉr nzě jóʼo ó, nyɨ́ búla, nye mû ó mbɛ̌r, 2bʉr ɨ́ buo buo nzě mâʼla tɨ̂ʼ ɨ́ mbɛ̌r wé. Bê nzě kœb ó, yé á bé akǎ be e gúmó étyɛ̂b, damá jóʼo ó, lɨ́ ebê. Nó nyé á nze dwe bé milɛ́ʼlá ɨ́ milɔ̌b mé Nzyɛ̌m.
3Di ɨ dididi, bʉ́ʉ́ bʉ̂r onâ nzě pyâl épíhe kwá mé Yésʉs, lɨ́ enze le enkɛ́ɛ̌ mbʉ́mbʉ́ʼ ɨ́ myɛɛla. 4Nó mpʉ bé á be abee gúmó bé cɨ́yɨɨ yɨ́, bê nzě jʉ kʉ́ ɨ́ mié mbɛ̌r Yésʉs á be tɨ̂ʼ wɨ́, túbɔɔ égʉ́á ɨ́ mié, ntɔ̂ʼ sulɔɔ̌ myɛɛlǎ mbʉ́mbʉ́ʼ wɔ́ɔ́ tɨ̂ʼ lɨ́ egʉ́á. 5Mbeá nyé á bee mpʉ bé á dyɛ̂ʼwo e né yɨ́, nye ntɔ̂ʼ lɛ́ɛ e mbʉ́mbʉ́ʼ ó: «Mwân wǎm, bibaa bí ébébe lô, bí pɛʼɔɔ!»
6Nó ó, ɨ́ sɔ́má ólɛ̂ʼla o métié le oFarizyɛ̂n bé á be tɨ̂ʼ mindîndǐl bá, bʉ́ʉ́ nzě táare ésóŋlo nyê, le elɛ́ɛ ɨ́ milémé myɔ́ɔ́ ó: 7«Nyě lwilwǐb nó ɨ́ yé ɛ́? Nye lɨ́ esâ Nzyɛ̌m nkěh. Nzé dí e nkul epɛʼ bíbaa bí ébébě Nzyɛ̌m dí eniʼe ebe misyóm mí mʉ̂r waa mí, píe nye mʉr tɨ̂?» 8Yésʉs nzě kpâhwǎ gʉ́a ɨ́ sísǐm wé tʉ́ŋlʉ̌, sá bé á lwib ɨ́ milémé myɔ́ɔ́ yɨ́. Nó nyé á lɛ́ɛ e bé ó: «Bɨ̌n bé lɨ́ esóŋlo ɨ́ milémé mín ɨ́ yé? 9Yé dí ɨ́ kpâhwa lɨ́ esâ? Le elɛ́ɛ̌ mbʉ́mbʉ́ʼ mʉ̂r ó: “Bibaa bí ébébe lô, bí pɛʼɔɔ”, nkʉ̂ lɛ́ɛ e wé ó: “Gbɔlwaa sí. Nkɛ́yɨ́ɨ́ myɛɛla gô. Bʉŋláa”? 10Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr, nyě e nkul jwɨ́ɨ ɨ́ sí yɨ̂ʼ ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye nzě lɛ́ɛ e mbʉ́mbʉ́ʼ ó: 11«Mě lɛ́ɛ́ gó ó: Gbɔlwáa. Go e nkɛ́ɛ́ myɛɛla gô. Go e tó kwár nyǒ.»
12Tyé e tyé, mʉr waá ntɔ̂ʼ gbɔlwa sí, nkɛ́ɛ̌ myɛɛla wé, ntɔ̂ʼ tye, bʉr bɨ́bɛ̂h lɨ́ ebee! Bʉr bɨ́bɛ̂h, bé á si kâm syɛ́ɛla yaá, ntɔ̂ʼ dwě Nzyɛ̌m kûm. Bé ó: «Mɨná bé apǎ bee gá yʉ́ʉ́ sɔ̂ʼ nwɨɨla e yɨ̂!»
Yésʉs lɨ́ ejébě Levî
(Matthieu 9.9-13; Luc 5.27-32)
13Píe tɨ̂, Yésʉs nzě báʼǎ tô ɨ́ nkpâh mâŋ. 14Ɨ́ nzɨ̌ nyé á cɨɨ nyɨ́, nye nzě beě Levî, mwân mé Alfê, ndîndǐl ɨ́ gúmó nyé á nʉnʉa mɔnɨ́ tœ́a yɨ́. Yésʉs, nye e né ó: «Dúʼóó mê.» Nye ntɔ̂ʼ mɔa sí, dû Yésʉs.
15Jɔʼ bé á be lɨ́ ede ɨ́ mbɛ̌r mé Levî yɨ́, bʉ́ʉ́ ónwɨa ó mɔnɨ́ tœ́a, le bʉ́ʉ́ ósyɛ̂l o mísyóm, bé á be ntémé ó lɨ́ ede, bé e boo nɔ́ɔ́, le ompʉ́n mé Yésʉs, ebě, bʉr o b'á dudû nye bá, bé á be ɨ́ buo. 16Olɛ̂ʼla o métié, bé á be ɨ́ nkɔ̌m oFarizyɛ̂n bá, mpʉ bé á bee nye lɨ́ epûhla mébô lɨ́ ebánǎ de le osyɛ̂l o mísyóm le onwɨa ó mɔnɨ́ tœ́a yɨ́, bé ntɔ̂ʼ dî le ompʉ́n bé ó: «Nyě púhlá mébô lɨ́ ebánǎ de le onwɨa ó mɔnɨ́ tœ́a, le osyɛ̂l o mísyóm ɨ́ yé?»
17Yésʉs ntɔ̂ʼ jóʼo bé lɨ́ elwib nó. Nye ó: «Minjɨ̂h, myé ajɨ ójomo o bʉ̂r. Mimbêl myé omér ó dí ejɨ bê. Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm.»
Eti méde
18Ompʉ́n mé Yʉánɛs, bé le oFarizyɛ̂n, bé á bɨbe ó lɨ́ ebaʼle métié mé éti méde ɨ́ bijɔʼ mínjɨʼla. Nó ó bʉ̂r, bé á nze lɛ́ɛ e Yésʉs ó: «Ompʉ́n mé Yʉánɛs, le baá bé óFarizyɛ̂n bɨ́ɛ, bé lɨ́ etiti méde. Nó baá bô, bé dí ati mé ɨ́ yé ɛ́?»
19Yésʉs, nye e bé ó: «Jɔʼ mʉ̂r bém mʉ́má yɨ́, nyě sá ó tyêl nzɔ́ɔ, báŋle ósó bé, bé e boo nɔ́ɔ́ ntɔ̂ʼ de méde le bisʉhʉʉ. Nzê bɨ̌n bûʼlá ó, osó mé mbêm mʉmá, bé e nkul eti méde, nyɨɛ dína témé nzɔɔ ɛ̌? Tyé yɨ́yɛ̂h nyé dína tɨ̂ʼ ɨ́ nzɔɔ yɨ́, bé abe e nkul eti méde. 20Jɔʼ, yé ópyâl. Jɔʼ yaá ó bé ngá kǎ ti méde yɨ́, jɔʼ mbɛ̂l mʉmá ngá pɛʼɔɔ ɨ́ sɔ́má yɔ́ɔ́ yɨ́.»
Kɨkɛnǎ kán dwân le menyoʼ medwân
(Matthieu 9.16-17; Luc 5.36-39)
21«Péh kán dwân dí apǎ dubɔɔ ɨ́ medíbé, l'apǎ dulo yɨ́, yé abe lɨ́ elarɔɔ lɨ́ egʉ́á é njʉ̌m kán, ebě, péh kán dwân yaá bé adubɔɔ ɨ́ medíbé nó, ɨ́ jɔʼ mʉ̂r ókǎ jwɨɨ̌ njʉ̌m kán waá yɨ́, ebágá é kán dwân laá, lé ópʉʼa, ntɔ̂ʼ báʼǎ beʼ égʉ́á é njʉ̌m kán. 22Nó ntémé, bé abe lɨ́ elwan ményoʼ medwân ɨ́ minjʉ̌m bíntaʼ bi dí misɛ́á e bikʉ́r bí ótír bí. Bé sá nó wá, ɨ́ jɔʼ ményoʼ mé ógʉ́lwa yɨ́, mé óbʉ̂ mínjʉ̌m bíntaʼ byaá, menyoʼ kʉ́ma sí, bintaʼ dwě ntuʼ. Bé lulwan ményoʼ medwân ó ɨ́ bintaʼ bidwân.»
Yésʉs e metié mé á dwɛ̂ʼ móhó sábat wɨ́
23Gúú móhó sábat, Yésʉs á be ó lɨ́ entaa bípemé méde, mede maá mpʉ mpíha. Ompʉ́n bé, bé á be lɨ́ edû nyé píhe. Bê nzě táare émwâʼ méde maá, deŋɔɔ. 24Bʉ́ʉ́ óFarizyɛ̂n ntɔ̂ʼ bee, bê nzě dî e Yésʉs ó: «Paá bee: ompʉ́n bô, bé lɨ́ esâ ɨ́ móhó sábat syɛ́ɛlǎ Moyɨ̂z á kamle yɨ́ ɨ́ yé?»
25Yésʉs ntɔ̂ʼ yala e bé ó: «Nzê bɨ̌n dína apǎ láǎ sá David á sâ ɨ́ jɔʼ nyé mʉr tɨ̂, bé e bʉr bé, bé á be ɨ́ sɔ́ɔlʉ méde le ejóʼo nzâ yɨ́ ɛ́? 26Nzê bɨ̌n bé agʉ́a ó, bé á si nî mbɛ̌r mé Nzyɛ̌m ɨ́ jɔ̌ʼ Abiatâr á be njwɨ́ɨ opara yɨ́ ɛ́? Biblêr byé á nɛŋɔɔ lɨ́ edwě Nzyɛ̌m kûm bí, David á si bana nʉa byê, de. Jɔʼ nyé mʉr tɨ̂ʼ á de yɨ́, nye ntɔ̂ʼ kab bʉ̂r ó sɔ́má yé bɨ́bɛ̂h. Mʉr ngwár ɨ́ sɔ́má yaá á bé ajala le ede méde maá, njɨ opara bé omér.» 27Nye ó: «Móhó sábat, wé á tyélɔɔ ó, lɨ́ esú é mʉ̂r. Mʉr á bé akomlɔɔ lɨ́ esú é móhó waá. 28Sá tɨ̂ʼ ó Mwân mé Mʉr dí Njwɨ́ɨ bisá bíbyɛ̂h, damá bě sábat yɨ́.»
Currently Selected:
Marc 2: ozm
Highlight
Share
Copy
Want to have your highlights saved across all your devices? Sign up or sign in
Marc 2
2
Yésʉs lɨ́ etiʼ nzwóó
1Píe bwá mélû, Yésʉs ntɔ̂ʼ báʼǎ tô Kapernáʉm. Bʉr nzě jóʼo ó, nyɨ́ búla, nye mû ó mbɛ̌r, 2bʉr ɨ́ buo buo nzě mâʼla tɨ̂ʼ ɨ́ mbɛ̌r wé. Bê nzě kœb ó, yé á bé akǎ be e gúmó étyɛ̂b, damá jóʼo ó, lɨ́ ebê. Nó nyé á nze dwe bé milɛ́ʼlá ɨ́ milɔ̌b mé Nzyɛ̌m.
3Di ɨ dididi, bʉ́ʉ́ bʉ̂r onâ nzě pyâl épíhe kwá mé Yésʉs, lɨ́ enze le enkɛ́ɛ̌ mbʉ́mbʉ́ʼ ɨ́ myɛɛla. 4Nó mpʉ bé á be abee gúmó bé cɨ́yɨɨ yɨ́, bê nzě jʉ kʉ́ ɨ́ mié mbɛ̌r Yésʉs á be tɨ̂ʼ wɨ́, túbɔɔ égʉ́á ɨ́ mié, ntɔ̂ʼ sulɔɔ̌ myɛɛlǎ mbʉ́mbʉ́ʼ wɔ́ɔ́ tɨ̂ʼ lɨ́ egʉ́á. 5Mbeá nyé á bee mpʉ bé á dyɛ̂ʼwo e né yɨ́, nye ntɔ̂ʼ lɛ́ɛ e mbʉ́mbʉ́ʼ ó: «Mwân wǎm, bibaa bí ébébe lô, bí pɛʼɔɔ!»
6Nó ó, ɨ́ sɔ́má ólɛ̂ʼla o métié le oFarizyɛ̂n bé á be tɨ̂ʼ mindîndǐl bá, bʉ́ʉ́ nzě táare ésóŋlo nyê, le elɛ́ɛ ɨ́ milémé myɔ́ɔ́ ó: 7«Nyě lwilwǐb nó ɨ́ yé ɛ́? Nye lɨ́ esâ Nzyɛ̌m nkěh. Nzé dí e nkul epɛʼ bíbaa bí ébébě Nzyɛ̌m dí eniʼe ebe misyóm mí mʉ̂r waa mí, píe nye mʉr tɨ̂?» 8Yésʉs nzě kpâhwǎ gʉ́a ɨ́ sísǐm wé tʉ́ŋlʉ̌, sá bé á lwib ɨ́ milémé myɔ́ɔ́ yɨ́. Nó nyé á lɛ́ɛ e bé ó: «Bɨ̌n bé lɨ́ esóŋlo ɨ́ milémé mín ɨ́ yé? 9Yé dí ɨ́ kpâhwa lɨ́ esâ? Le elɛ́ɛ̌ mbʉ́mbʉ́ʼ mʉ̂r ó: “Bibaa bí ébébe lô, bí pɛʼɔɔ”, nkʉ̂ lɛ́ɛ e wé ó: “Gbɔlwaa sí. Nkɛ́yɨ́ɨ́ myɛɛla gô. Bʉŋláa”? 10Sâ gwár, mě gwɨ́m ó, bɨ̌n gʉ́ŋaa ó, Mwân mé Mʉr, nyě e nkul jwɨ́ɨ ɨ́ sí yɨ̂ʼ ó, nye pɛ́ʼɛɛ bʉr bibaa bí ébébě Nzyɛ̌m dí eniʼe bé bí.» Nye nzě lɛ́ɛ e mbʉ́mbʉ́ʼ ó: 11«Mě lɛ́ɛ́ gó ó: Gbɔlwáa. Go e nkɛ́ɛ́ myɛɛla gô. Go e tó kwár nyǒ.»
12Tyé e tyé, mʉr waá ntɔ̂ʼ gbɔlwa sí, nkɛ́ɛ̌ myɛɛla wé, ntɔ̂ʼ tye, bʉr bɨ́bɛ̂h lɨ́ ebee! Bʉr bɨ́bɛ̂h, bé á si kâm syɛ́ɛla yaá, ntɔ̂ʼ dwě Nzyɛ̌m kûm. Bé ó: «Mɨná bé apǎ bee gá yʉ́ʉ́ sɔ̂ʼ nwɨɨla e yɨ̂!»
Yésʉs lɨ́ ejébě Levî
(Matthieu 9.9-13; Luc 5.27-32)
13Píe tɨ̂, Yésʉs nzě báʼǎ tô ɨ́ nkpâh mâŋ. 14Ɨ́ nzɨ̌ nyé á cɨɨ nyɨ́, nye nzě beě Levî, mwân mé Alfê, ndîndǐl ɨ́ gúmó nyé á nʉnʉa mɔnɨ́ tœ́a yɨ́. Yésʉs, nye e né ó: «Dúʼóó mê.» Nye ntɔ̂ʼ mɔa sí, dû Yésʉs.
15Jɔʼ bé á be lɨ́ ede ɨ́ mbɛ̌r mé Levî yɨ́, bʉ́ʉ́ ónwɨa ó mɔnɨ́ tœ́a, le bʉ́ʉ́ ósyɛ̂l o mísyóm, bé á be ntémé ó lɨ́ ede, bé e boo nɔ́ɔ́, le ompʉ́n mé Yésʉs, ebě, bʉr o b'á dudû nye bá, bé á be ɨ́ buo. 16Olɛ̂ʼla o métié, bé á be ɨ́ nkɔ̌m oFarizyɛ̂n bá, mpʉ bé á bee nye lɨ́ epûhla mébô lɨ́ ebánǎ de le osyɛ̂l o mísyóm le onwɨa ó mɔnɨ́ tœ́a yɨ́, bé ntɔ̂ʼ dî le ompʉ́n bé ó: «Nyě púhlá mébô lɨ́ ebánǎ de le onwɨa ó mɔnɨ́ tœ́a, le osyɛ̂l o mísyóm ɨ́ yé?»
17Yésʉs ntɔ̂ʼ jóʼo bé lɨ́ elwib nó. Nye ó: «Minjɨ̂h, myé ajɨ ójomo o bʉ̂r. Mimbêl myé omér ó dí ejɨ bê. Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm.»
Eti méde
18Ompʉ́n mé Yʉánɛs, bé le oFarizyɛ̂n, bé á bɨbe ó lɨ́ ebaʼle métié mé éti méde ɨ́ bijɔʼ mínjɨʼla. Nó ó bʉ̂r, bé á nze lɛ́ɛ e Yésʉs ó: «Ompʉ́n mé Yʉánɛs, le baá bé óFarizyɛ̂n bɨ́ɛ, bé lɨ́ etiti méde. Nó baá bô, bé dí ati mé ɨ́ yé ɛ́?»
19Yésʉs, nye e bé ó: «Jɔʼ mʉ̂r bém mʉ́má yɨ́, nyě sá ó tyêl nzɔ́ɔ, báŋle ósó bé, bé e boo nɔ́ɔ́ ntɔ̂ʼ de méde le bisʉhʉʉ. Nzê bɨ̌n bûʼlá ó, osó mé mbêm mʉmá, bé e nkul eti méde, nyɨɛ dína témé nzɔɔ ɛ̌? Tyé yɨ́yɛ̂h nyé dína tɨ̂ʼ ɨ́ nzɔɔ yɨ́, bé abe e nkul eti méde. 20Jɔʼ, yé ópyâl. Jɔʼ yaá ó bé ngá kǎ ti méde yɨ́, jɔʼ mbɛ̂l mʉmá ngá pɛʼɔɔ ɨ́ sɔ́má yɔ́ɔ́ yɨ́.»
Kɨkɛnǎ kán dwân le menyoʼ medwân
(Matthieu 9.16-17; Luc 5.36-39)
21«Péh kán dwân dí apǎ dubɔɔ ɨ́ medíbé, l'apǎ dulo yɨ́, yé abe lɨ́ elarɔɔ lɨ́ egʉ́á é njʉ̌m kán, ebě, péh kán dwân yaá bé adubɔɔ ɨ́ medíbé nó, ɨ́ jɔʼ mʉ̂r ókǎ jwɨɨ̌ njʉ̌m kán waá yɨ́, ebágá é kán dwân laá, lé ópʉʼa, ntɔ̂ʼ báʼǎ beʼ égʉ́á é njʉ̌m kán. 22Nó ntémé, bé abe lɨ́ elwan ményoʼ medwân ɨ́ minjʉ̌m bíntaʼ bi dí misɛ́á e bikʉ́r bí ótír bí. Bé sá nó wá, ɨ́ jɔʼ ményoʼ mé ógʉ́lwa yɨ́, mé óbʉ̂ mínjʉ̌m bíntaʼ byaá, menyoʼ kʉ́ma sí, bintaʼ dwě ntuʼ. Bé lulwan ményoʼ medwân ó ɨ́ bintaʼ bidwân.»
Yésʉs e metié mé á dwɛ̂ʼ móhó sábat wɨ́
23Gúú móhó sábat, Yésʉs á be ó lɨ́ entaa bípemé méde, mede maá mpʉ mpíha. Ompʉ́n bé, bé á be lɨ́ edû nyé píhe. Bê nzě táare émwâʼ méde maá, deŋɔɔ. 24Bʉ́ʉ́ óFarizyɛ̂n ntɔ̂ʼ bee, bê nzě dî e Yésʉs ó: «Paá bee: ompʉ́n bô, bé lɨ́ esâ ɨ́ móhó sábat syɛ́ɛlǎ Moyɨ̂z á kamle yɨ́ ɨ́ yé?»
25Yésʉs ntɔ̂ʼ yala e bé ó: «Nzê bɨ̌n dína apǎ láǎ sá David á sâ ɨ́ jɔʼ nyé mʉr tɨ̂, bé e bʉr bé, bé á be ɨ́ sɔ́ɔlʉ méde le ejóʼo nzâ yɨ́ ɛ́? 26Nzê bɨ̌n bé agʉ́a ó, bé á si nî mbɛ̌r mé Nzyɛ̌m ɨ́ jɔ̌ʼ Abiatâr á be njwɨ́ɨ opara yɨ́ ɛ́? Biblêr byé á nɛŋɔɔ lɨ́ edwě Nzyɛ̌m kûm bí, David á si bana nʉa byê, de. Jɔʼ nyé mʉr tɨ̂ʼ á de yɨ́, nye ntɔ̂ʼ kab bʉ̂r ó sɔ́má yé bɨ́bɛ̂h. Mʉr ngwár ɨ́ sɔ́má yaá á bé ajala le ede méde maá, njɨ opara bé omér.» 27Nye ó: «Móhó sábat, wé á tyélɔɔ ó, lɨ́ esú é mʉ̂r. Mʉr á bé akomlɔɔ lɨ́ esú é móhó waá. 28Sá tɨ̂ʼ ó Mwân mé Mʉr dí Njwɨ́ɨ bisá bíbyɛ̂h, damá bě sábat yɨ́.»
Currently Selected:
:
Highlight
Share
Copy
Want to have your highlights saved across all your devices? Sign up or sign in