Marc 3
3
Yésʉs lɨ́ etiʼ mʉ̂r ɨ́ móhó sábat
1Yésʉs ntɔ̂ʼ báʼǎ nî ɨ́ nyʉ́ʉ́ mpáh minjɨʼla. Tɨ̂ʼ, yé á be ó e nyʉ́ʉ́ mʉ̂r á be e mbô ɨ́ swâm swâm nyá. 2Nó bʉr o b'á be tɨ̂ʼ bá, bé á be ó lɨ́ etirwǒ Yésʉs, lɨ́ edwɛ̂ʼ nkʉ̂ nye ótiʼ mʉ̂r waá ɨ́ móhó sábat, bé nkʉ̂ pur nyé ɨ́ lɔ̌b syɛ́ɛla yaá. 3Yésʉs nzě lwib e mʉr á be e mbô ɨ́ swâm swâm nyá. Nye e né ó: «Gbɔlwaa sí témé bʉr bâ!»
4Nye ntɔ̂ʼ dî e bé ó: «Le embɨa, le ebébe, etié gá lɨ́ná, lé kam ó, mʉr sâʼ yé ɨ́ móhó sábat? Le etiʼ mʉ̂r, le ejʉ̂ mʉ̂r: lé kam yé?» Bɨ́bɛ̂h ɨ́ gubʉ́. 5Nó mpʉ nyé á to le edwɛ̂ʼ bɨ́bɛ̂h yɨ́, lémé wé ntɔ̂ʼ lóno ɨ́ nkpaa, ebě, milémé myɔ́ɔ́, myé á be ɨ́ buú lele lɨ́ ebúʼla. Nye e mbêl ó: «Syɛ́mɨ́ɨ́ mbó gô.» Mbêl ntɔ̂ʼ syɛ̂m mbô. Mbô, wé ntɔ̂ʼ sâ nyé mbɨ̂mbɨá. 6Nó oFarizyɛ̂n, bé e bʉr o nkɔ́m mé Erôd, bé á nze tô kʉ̌l, tó sáa pɨ̂ʼ ó, bé jʉ́ʼoo Yésʉs.
Sɔ́má bʉ̂r lɨ́ etô kwá mé Yésʉs
7Yésʉs, bé le ompʉ́n bé ntɔ̂ʼ sɔlwǎ gúmo yaá, tô ɨ́ nkpâh mâŋ, entumo e bʉ̂r nzě dû nyê. Bâʼ bʉ̂r lɨ́ eduhǒ sí Galilê; bʉ́ʉ́ duhǒ sí Yʉ́da; 8bʉ́ʉ́ Yerʉ́zalɛm; bʉ́ʉ́ ntémé sí Idumê; bʉ́ʉ́ duho pɨ̌n díbé Yɔrdên kɔ́m nkɛ́ɛ́; bʉ́ʉ́ ntémé duho ɨ́ mekwár me dí bǎʼ e Tîr e Sidɔ̂n má. Bé á be ɨ́ buú buo bʉ̂r. Bé á si jóʼo lɔ́ɔ́ bísyɛ́ɛla nyé á sâ bí. Nó ó bé á tô kwá nyé ɨ́ buo buo. 9Nye ntɔ̂ʼ lɛ́ɛ le ompʉ́n bé ó, bé sáŋaa nye byɛ̂l nyé ngá di tɨ̂ʼ nyá, lɨ́ ekpɛ́ɛ ó, entumo e bʉ̂r, lé ámû jaá tyéele nyê. 10Ebě, nye á si bu tiʼ bʉr. Nó, mimbél mímyɛ̂h, myé á be lɨ́ ekpɛl ékúna e né. 11Bʉr o mímbɨ́a mísísǐm, myé á nzɨnzamra bá, ɨ́ jɔʼ bé á bɨbee nye yɨ́, bé á bɨbe ó, lɨ́ ebɨʼ mébóó mɔ́ɔ́ sí ɨ́ mpǒm nyé, le ebʉ́ŋɔɔ bítím kʉ́kʉ́ ó: “Go ó Mwân mé Nzyɛ̌m!” 12Nó nyé á gbâ bé mpéné ó, bé l'anyamlě lɛ́ɛ mʉ̂r mbi mʉ̂r nyé dí wɨ́.
Yésʉs lɨ́ epɛ̂h bʉ̂r o mílʉ́mlʉ́ bé
(Luc 6.12-15)
13Yésʉs nzě bére lɨ́ ecwɨ̂ʼ kʉ́, ntɔ̂ʼ jébe bʉ̂r o nyé mʉr tɨ̂ʼ á twâr bá, bé ntɔ̂ʼ tô nko nyé á be yɨ́. 14Píe tɨ̂, nye nzě twâr ɨ́ sɔ́má yɔ́ɔ́, bʉr kám le obá, tyêl bé ɨ́ dǐ bʉ̂r o mílʉ́mlʉ́ bé. Nye á twâr bé ó, bé díʼee bǎʼ e né, 15nye nkʉ̂ lʉlómo bé ó, bé tôʼ le etúnǒ Mbɨambɨa Lɔ́ɔ, le eso méleme ɨ́ bʉr e nkul nyé á dwe bé nyɨ́. 16-17Nye á twâr ó, Simon, mʉr á jwɨrɔɔ “Pétrus” nyá, bé e Jacques, mwân mé Zebedê, bé e mɨ́ɔɔ́ wé, Yʉánɛs. Nye á jwɨr bɨ́bɛ̂h obá ó: “Bɔanɛrgɛ̂s.” Díe laá, lé páʼlɔ́ɔ́ ó, “Bwá mé nkɛ̂l jʉ́o.” 18Nye á twâr ntémé ó André, Philippe, Barthélemy, Matthieu, Thomas, Jacques (mwân mé Alfê), Tadê, Simon “Kɔmlʉ kwár”, 19bé e Yʉ́das Iskariôt, mʉr á bɛ́ma Yésʉs nyá.
Yésʉs, nyé abe ɨ́ nkɔ̌m mé Sátan
20Yésʉs nzě báʼǎ búlǎ mbɛ̌r, entumo e bʉ̂r ntɔ̂ʼ swâl tɨ̂. Bé le ompʉ́n bé, bé á bé abe le epʉ́la dí ó, bé dêʼ. 21Nó ó bɨ́ɔɔ́ bé, bé á nze, duho ɨ́ mimbɛ̌r myɔ́ɔ́, lɨ́ edǐ tó nʉa nyé e nkul. Bé á kpɛl ó, bé búlaa e né, dil nyé sí, ebě, bé á lɨlɛ́ɛ ó: «Pɨʼ, nyɨ́ dîm nyé ɨ́ lʉ̂.» 22Bʉ́ʉ́ ólɛ̂ʼla o métié, bé á duhǒ Yerʉ́zalɛm bá bɨ́ɛ, bé á baʼa lɛ́ɛ ó: «Nyě e Béelzébul ɨ́ nyʉ̂l.» Bé ntémé, bé á lɛ́ɛ ó: «Nyě so méleme ó e nkul nyé á pa nʉa le njwɨ́ɨ meleme nyɨ́.»
23Nye ntɔ̂ʼ jébe bé nko nyé á be yɨ́, nzě sâ bé kɨkɛna ó: «Sátan, nyě e nkul edwǐh Sátan nyá? 24Kúl bʉ̂r yɨ́yɛ̂h dí ebɔ́ʼa témé tɨ̂, wɨ̂ʼ pâʼ lwímla e gúú wɨ́, yé ákóʼó johlo. 25Mbɛ̌r bʉ̂r dí ebɔ́ʼa témé, wɨ̂ʼ pâʼ lwímla e gúú wɨ́, wé ábéá le esíe ɨ́ twíilɨ̌. 26Sátan sí lwímla e nye mʉr tɨ̂, mpóʼo nyé bɔ́ʼa ménkɔ̌m mebá nó, mpóʼo nyé nyaá ábea le edîm. Nye ókpâhwǎ síe!
27«Mʉr, nyé abe e nkul enî mbɛ̌r mé njɨ́h mʉ̂r, díbe nyé bisá byé, alaa ó, nyé osí pǎ nyɛɛ́ kâʼ nyé nkará mebó mé nʉ̌n. Nyé óbe, nye mû sí kâʼ nyé nó, ɨ́ jɔʼ yaá ó nyé dí e nkul ekǎ dɛn bísá byé bíbyɛ̂h, alíʼe nyé tɔʼ e sâ gwár.
28«Mě lɛ́ɛ́ bɨ́n lɨ́ otyeetye ó, misyóm bʉ̂r dí esâ mí, le nkěh bé dí esâ Nzyɛ̌m nyɨ́, Nzyɛ̌m óbɛ̌m pɛʼ bíbaa nyé dí eniʼe ɨ́ lɔ̌b bísyɛ́ɛla byaá bí. 29Sâ gwár, mʉr ngá sâ Sísǐm mé Nzyɛ̌m nkěh nyá, nye ákóʼó pɛʼɔɔ̌ baa ébébě Nzyɛ̌m óniʼe nyé ɨ́ lɔ̌b syóm yaá yɨ́. Yé ójaá didi ó, kɔ́m ti e kɔ́m.»
30Yésʉs á lɛ́ɛ nó ó, ebě, bé á lɛ́ɛ ó: «Nyě e mbɨ́ǎ sísǐm.»
Nyɔ̌ŋ e bɨ́ɔɔ́ mé Yésʉs
31Bé dína náǎ nɛ́ɛ: nyɔ̌ŋ, bé e bɨ́ɔɔ́ mé Yésʉs, bê nzě pyâl, tyɛ́bɔɔ̌ kʉ̌l. Bé ntɔ̂ʼ lómo mʉ̂r ó, nye tôʼ jébě Yésʉs. 32Entumo e bʉ̂r, lé á be ó ndîndǐl, lɨ́ ebɔma nyé ɨ́ nká. Bé e Yésʉs ó: «Paá bee: nyʉ̌ŋ, le bɨ́ʉ̌, le okɛ́l bô, bé ó kâʼ kʉ̌l lɨ́ esáa gô!» 33Yésʉs ntɔ̂ʼ yala e bé ó: «Nzé dí nyɔ̌ŋ wǎm? Onzé dí bɨ́ɔɔ́ bâm le okɛ́l bâm?» 34Nye ntɔ̂ʼ dwɛ̂ʼ bʉ̂r o b'á be mindîndǐl, bé á bɔma nye ɨ́ nká bá. Nye ó: «Beyɨɨ gá, bâʼ ó dí nyɔ̌ŋ wǎm, le bɨ́ɔɔ́ bâm le okɛ́l bâm! 35Mʉr nyɨnyɛ̂h dí esâ sá Nzyɛ̌m dí ekpɛl yɨ́ nyá ó dí wǎm mɨ́ɔɔ́, wǎm kɛ́l ndu e wǎm nyɔ́ŋ.»
Currently Selected:
Marc 3: ozm
Highlight
Share
Copy
Want to have your highlights saved across all your devices? Sign up or sign in
Marc 3
3
Yésʉs lɨ́ etiʼ mʉ̂r ɨ́ móhó sábat
1Yésʉs ntɔ̂ʼ báʼǎ nî ɨ́ nyʉ́ʉ́ mpáh minjɨʼla. Tɨ̂ʼ, yé á be ó e nyʉ́ʉ́ mʉ̂r á be e mbô ɨ́ swâm swâm nyá. 2Nó bʉr o b'á be tɨ̂ʼ bá, bé á be ó lɨ́ etirwǒ Yésʉs, lɨ́ edwɛ̂ʼ nkʉ̂ nye ótiʼ mʉ̂r waá ɨ́ móhó sábat, bé nkʉ̂ pur nyé ɨ́ lɔ̌b syɛ́ɛla yaá. 3Yésʉs nzě lwib e mʉr á be e mbô ɨ́ swâm swâm nyá. Nye e né ó: «Gbɔlwaa sí témé bʉr bâ!»
4Nye ntɔ̂ʼ dî e bé ó: «Le embɨa, le ebébe, etié gá lɨ́ná, lé kam ó, mʉr sâʼ yé ɨ́ móhó sábat? Le etiʼ mʉ̂r, le ejʉ̂ mʉ̂r: lé kam yé?» Bɨ́bɛ̂h ɨ́ gubʉ́. 5Nó mpʉ nyé á to le edwɛ̂ʼ bɨ́bɛ̂h yɨ́, lémé wé ntɔ̂ʼ lóno ɨ́ nkpaa, ebě, milémé myɔ́ɔ́, myé á be ɨ́ buú lele lɨ́ ebúʼla. Nye e mbêl ó: «Syɛ́mɨ́ɨ́ mbó gô.» Mbêl ntɔ̂ʼ syɛ̂m mbô. Mbô, wé ntɔ̂ʼ sâ nyé mbɨ̂mbɨá. 6Nó oFarizyɛ̂n, bé e bʉr o nkɔ́m mé Erôd, bé á nze tô kʉ̌l, tó sáa pɨ̂ʼ ó, bé jʉ́ʼoo Yésʉs.
Sɔ́má bʉ̂r lɨ́ etô kwá mé Yésʉs
7Yésʉs, bé le ompʉ́n bé ntɔ̂ʼ sɔlwǎ gúmo yaá, tô ɨ́ nkpâh mâŋ, entumo e bʉ̂r nzě dû nyê. Bâʼ bʉ̂r lɨ́ eduhǒ sí Galilê; bʉ́ʉ́ duhǒ sí Yʉ́da; 8bʉ́ʉ́ Yerʉ́zalɛm; bʉ́ʉ́ ntémé sí Idumê; bʉ́ʉ́ duho pɨ̌n díbé Yɔrdên kɔ́m nkɛ́ɛ́; bʉ́ʉ́ ntémé duho ɨ́ mekwár me dí bǎʼ e Tîr e Sidɔ̂n má. Bé á be ɨ́ buú buo bʉ̂r. Bé á si jóʼo lɔ́ɔ́ bísyɛ́ɛla nyé á sâ bí. Nó ó bé á tô kwá nyé ɨ́ buo buo. 9Nye ntɔ̂ʼ lɛ́ɛ le ompʉ́n bé ó, bé sáŋaa nye byɛ̂l nyé ngá di tɨ̂ʼ nyá, lɨ́ ekpɛ́ɛ ó, entumo e bʉ̂r, lé ámû jaá tyéele nyê. 10Ebě, nye á si bu tiʼ bʉr. Nó, mimbél mímyɛ̂h, myé á be lɨ́ ekpɛl ékúna e né. 11Bʉr o mímbɨ́a mísísǐm, myé á nzɨnzamra bá, ɨ́ jɔʼ bé á bɨbee nye yɨ́, bé á bɨbe ó, lɨ́ ebɨʼ mébóó mɔ́ɔ́ sí ɨ́ mpǒm nyé, le ebʉ́ŋɔɔ bítím kʉ́kʉ́ ó: “Go ó Mwân mé Nzyɛ̌m!” 12Nó nyé á gbâ bé mpéné ó, bé l'anyamlě lɛ́ɛ mʉ̂r mbi mʉ̂r nyé dí wɨ́.
Yésʉs lɨ́ epɛ̂h bʉ̂r o mílʉ́mlʉ́ bé
(Luc 6.12-15)
13Yésʉs nzě bére lɨ́ ecwɨ̂ʼ kʉ́, ntɔ̂ʼ jébe bʉ̂r o nyé mʉr tɨ̂ʼ á twâr bá, bé ntɔ̂ʼ tô nko nyé á be yɨ́. 14Píe tɨ̂, nye nzě twâr ɨ́ sɔ́má yɔ́ɔ́, bʉr kám le obá, tyêl bé ɨ́ dǐ bʉ̂r o mílʉ́mlʉ́ bé. Nye á twâr bé ó, bé díʼee bǎʼ e né, 15nye nkʉ̂ lʉlómo bé ó, bé tôʼ le etúnǒ Mbɨambɨa Lɔ́ɔ, le eso méleme ɨ́ bʉr e nkul nyé á dwe bé nyɨ́. 16-17Nye á twâr ó, Simon, mʉr á jwɨrɔɔ “Pétrus” nyá, bé e Jacques, mwân mé Zebedê, bé e mɨ́ɔɔ́ wé, Yʉánɛs. Nye á jwɨr bɨ́bɛ̂h obá ó: “Bɔanɛrgɛ̂s.” Díe laá, lé páʼlɔ́ɔ́ ó, “Bwá mé nkɛ̂l jʉ́o.” 18Nye á twâr ntémé ó André, Philippe, Barthélemy, Matthieu, Thomas, Jacques (mwân mé Alfê), Tadê, Simon “Kɔmlʉ kwár”, 19bé e Yʉ́das Iskariôt, mʉr á bɛ́ma Yésʉs nyá.
Yésʉs, nyé abe ɨ́ nkɔ̌m mé Sátan
20Yésʉs nzě báʼǎ búlǎ mbɛ̌r, entumo e bʉ̂r ntɔ̂ʼ swâl tɨ̂. Bé le ompʉ́n bé, bé á bé abe le epʉ́la dí ó, bé dêʼ. 21Nó ó bɨ́ɔɔ́ bé, bé á nze, duho ɨ́ mimbɛ̌r myɔ́ɔ́, lɨ́ edǐ tó nʉa nyé e nkul. Bé á kpɛl ó, bé búlaa e né, dil nyé sí, ebě, bé á lɨlɛ́ɛ ó: «Pɨʼ, nyɨ́ dîm nyé ɨ́ lʉ̂.» 22Bʉ́ʉ́ ólɛ̂ʼla o métié, bé á duhǒ Yerʉ́zalɛm bá bɨ́ɛ, bé á baʼa lɛ́ɛ ó: «Nyě e Béelzébul ɨ́ nyʉ̂l.» Bé ntémé, bé á lɛ́ɛ ó: «Nyě so méleme ó e nkul nyé á pa nʉa le njwɨ́ɨ meleme nyɨ́.»
23Nye ntɔ̂ʼ jébe bé nko nyé á be yɨ́, nzě sâ bé kɨkɛna ó: «Sátan, nyě e nkul edwǐh Sátan nyá? 24Kúl bʉ̂r yɨ́yɛ̂h dí ebɔ́ʼa témé tɨ̂, wɨ̂ʼ pâʼ lwímla e gúú wɨ́, yé ákóʼó johlo. 25Mbɛ̌r bʉ̂r dí ebɔ́ʼa témé, wɨ̂ʼ pâʼ lwímla e gúú wɨ́, wé ábéá le esíe ɨ́ twíilɨ̌. 26Sátan sí lwímla e nye mʉr tɨ̂, mpóʼo nyé bɔ́ʼa ménkɔ̌m mebá nó, mpóʼo nyé nyaá ábea le edîm. Nye ókpâhwǎ síe!
27«Mʉr, nyé abe e nkul enî mbɛ̌r mé njɨ́h mʉ̂r, díbe nyé bisá byé, alaa ó, nyé osí pǎ nyɛɛ́ kâʼ nyé nkará mebó mé nʉ̌n. Nyé óbe, nye mû sí kâʼ nyé nó, ɨ́ jɔʼ yaá ó nyé dí e nkul ekǎ dɛn bísá byé bíbyɛ̂h, alíʼe nyé tɔʼ e sâ gwár.
28«Mě lɛ́ɛ́ bɨ́n lɨ́ otyeetye ó, misyóm bʉ̂r dí esâ mí, le nkěh bé dí esâ Nzyɛ̌m nyɨ́, Nzyɛ̌m óbɛ̌m pɛʼ bíbaa nyé dí eniʼe ɨ́ lɔ̌b bísyɛ́ɛla byaá bí. 29Sâ gwár, mʉr ngá sâ Sísǐm mé Nzyɛ̌m nkěh nyá, nye ákóʼó pɛʼɔɔ̌ baa ébébě Nzyɛ̌m óniʼe nyé ɨ́ lɔ̌b syóm yaá yɨ́. Yé ójaá didi ó, kɔ́m ti e kɔ́m.»
30Yésʉs á lɛ́ɛ nó ó, ebě, bé á lɛ́ɛ ó: «Nyě e mbɨ́ǎ sísǐm.»
Nyɔ̌ŋ e bɨ́ɔɔ́ mé Yésʉs
31Bé dína náǎ nɛ́ɛ: nyɔ̌ŋ, bé e bɨ́ɔɔ́ mé Yésʉs, bê nzě pyâl, tyɛ́bɔɔ̌ kʉ̌l. Bé ntɔ̂ʼ lómo mʉ̂r ó, nye tôʼ jébě Yésʉs. 32Entumo e bʉ̂r, lé á be ó ndîndǐl, lɨ́ ebɔma nyé ɨ́ nká. Bé e Yésʉs ó: «Paá bee: nyʉ̌ŋ, le bɨ́ʉ̌, le okɛ́l bô, bé ó kâʼ kʉ̌l lɨ́ esáa gô!» 33Yésʉs ntɔ̂ʼ yala e bé ó: «Nzé dí nyɔ̌ŋ wǎm? Onzé dí bɨ́ɔɔ́ bâm le okɛ́l bâm?» 34Nye ntɔ̂ʼ dwɛ̂ʼ bʉ̂r o b'á be mindîndǐl, bé á bɔma nye ɨ́ nká bá. Nye ó: «Beyɨɨ gá, bâʼ ó dí nyɔ̌ŋ wǎm, le bɨ́ɔɔ́ bâm le okɛ́l bâm! 35Mʉr nyɨnyɛ̂h dí esâ sá Nzyɛ̌m dí ekpɛl yɨ́ nyá ó dí wǎm mɨ́ɔɔ́, wǎm kɛ́l ndu e wǎm nyɔ́ŋ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in