Markus Eniŋlɨ e kalara Markus
Eniŋlɨ e kalara Markus
Markus, nye elɛʼle ó Yesʉs Krist nye ó Mwan mo Zyɛm, nye nteme Mwan mo Mʉr. Nye a ze ó lé eze sea e bʉr, lé edwe tiʼ ye é lʼefu lɔɔ. Yé enyin é kpɛŋlɛm é Kalara Markus 10.15. Yé elɛɛ ó: «ebe, Mwan mo Mʉr a baaze ó, bʉr sea e nye. Nye ó b'a ze sea e bʉr, ndwe le ekɛha tiʼ ye lé ejala e mobebe mɔɔ, le ekʉr be e.»
Mʉr a tile kalara ɛ, nye a be lé egʉŋɔ nteme é die Jean Marc (voir Actes 12.12). Nye a be ó abe é sama ompʉn ewʉm e l'oba mo Yesʉs. Nye be yɛɛ ó ebul kɔba e Pyɛr, nuu mpʉn é sama ompʉn ewʉm e l'oba mo Yesʉ. Buobuo bɨsa nye a tile e nye a kʉ bul dɨ joʼo bye ó e Pyɛr. Mark a bul tile ó lé bʉr baa ndɨ a be oYʉden mbɨmbɨa lɔɔ. Ebe no ó nye a baabul dɨ nʉa bɨpeh bɨ njʉm Saa mpʉ mo Mataos ɨ.
Markus nye etaare tɔɔlʉ we ó Yesʉs mu tamamʉr, é jɔʼ Yʉanes a cyel nye é bʉr ɨ. Ntɔʼ ka to fwahle e l'efie é klos ndwe e pɛ̀ha foo. É mɨlʉ 1-10 Markus nye elɛɛ bɨsa Yesʉs a sa é lʼepan é Galilee e. É mɨlʉ 11-16 Markus nye elɛɛ bɨsa Yesʉs a sa é lʼepan é Yʉda ndwe e nkana Yerʉsalɛm ɨ. Yé ó tɔɔlʉ ndɨ ajaa é mɨtɔɔ mɨna mɨ tiʼ mo Yesʉs ɨ. Nye ebul tiibe ó é bɨsyɛɛla mo Yesʉs, laŋle be é mosima me.
Currently Selected:
Markus Eniŋlɨ e kalara Markus: ozmBad
Highlight
Share
Copy
Want to have your highlights saved across all your devices? Sign up or sign in
© 2002, Wycliffe Bible Translators, Inc. All rights reserved.