YouVersion Logo
Search Icon

Juan 8

8
Waqllikuruq warmimanta
1Jesusmi Olivos moqoman pasakur-qa, 2paqarinnintin tutapaytañataqmi temploman kutimurqa. Chaymi llapa runakuna payman asuykuptinku tiyay-kuspa yachachirqa. 3Diospa leynin yachachiqkunawan fariseokunañataqmi, huk warmita waqllikuypi kachkaqta hapiramuspanku aparamurqaku, hinas-pankum runakunapa chawpinpi sayaykachispanku, 4Jesusta nirqaku:
Yachachikuq, kay warmitam waqllikuypi kachkaqta tariramuniku. 5#Lv 20.10; Dt 22.22-24.Moisesmi kamachiwarqaku kayna warmikunataqa rumiwan chamqapaspa wañuchinaykupaq. ¿Qamqa imaninkitaq? nispanku.
6Chaynataqa nirqaku Jesusta pantarachispa chaykunawan acusanankupaqmi. Jesusmi ichaqa kurkuykuspan dedonwan allpapi qellqarqa. 7Llumpayta tapupayasqankuraykum sayariykuspan nirqa:
Pipas mana huchayuq kaqyá rumiwan chamqayta qallarichun, nispa.
8Chaynata niruspanmi kasqallan kur-kuykuspan pampapi qellqarqa. 9Payku-nañataqmi Jesuspa nisqanta uyarispan-ku, sonqonku acusaptin, machukuna-manta qallaykuspa warmankunakama chulla-chullamanta asurikurqaku, hinaptinmi Jesuswan warmillaña qeparurqaku. 10Chaymi Jesusñataq hatarispan warmita nirqa:
¿Maytaq chay acusasuqnikikuna? ¿Manachu pipas condenasunki? nispan.
11Warmiñataqmi nirqa:
Manam pipas Señor, nispan.
Hinaptinmi Jesusñataq nirqa:
Ñoqapas manam condenaykichu, ripukuspayá amaña huchallikuyñachu, nispa.
Jesusqa runakunapa achkiynin kasqanmanta
12 # Mt 5.14; Jn 9.5. Huktawanmi runakunata Jesús nirqa:
Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.
13 # Jn 5.31. Chaymi fariseokuna nirqaku:
Qamqa kikikipa allinllaykitam rimach-kanki, chay nisqaykikunaqa manam cheqapchu, nispanku.
14Jesusñataqmi nirqa:
Kikiypa allinllayta rimaptiypas nisqaykunaqa cheqapmi, ñoqaqa yachanim maymantam hamusqaytapas chaynataq maymanmi risqaytapas; qamkunam ichaqa maymantam hamusqaytapas nitaq maymanmi risqaytapas mana yachankichikchu. 15Qamkunaqa aychaman hinallam juzgankichik. Ñoqaqa manam pitapas juzganichu. 16Juzgaspayqa cheqapman hinam juzgani, ñoqaqa manam sapallaychu juzgani aswanqa kachamuwaqniy Taytaypiwanmi. 17Leynikichikpim qellqasqa kachkan, iskay testigokunapa nisqanmi cheqapqa, nispa. 18Chaynaqa, kikiypa allinllayta rimasqaymantaqa ñoqam testigo kani, kachamuwaqniy Taytaypas allinniypitaqmi riman, nispa.
19Hinaptinmi fariseokuna nirqaku:
¿Maypitaq kachkan taytaykiqa? nispanku.
Chaymi Jesusñataq nirqa:
Qamkunaqa manam reqsiwankichikchu, nitaqmi Taytaytapas reqsinkichikchu; ñoqata reqsiwaspaykichikqa Taytaytapas reqsiwaqchikmi, nispa.
20Jesusmi tukuy kaykunata rimarirqa templopi ofrenda churanankupa waqtanpi yachachispan; ichaqa manam pipas presocharqachu manaraq tiempon chayamusqanrayku.
Judiokunapa kamachiqninkunawan Jesuspa atipanakusqanmanta
21Jesusmi huktawan nirqa:
Ñoqa pasakuptiymi qamkuna maskawankichik, ichaqa huchaykichikpim wañunkichik. Ñoqapa risqaymanqa qamkunaqa manam riyta atiwaqchikchu, nispa.
22Hinaptinmi judiokunañataq nirqaku:
¿Kikillan wañurachikuytachu pien-sachkan, chaychu nin: “Ñoqapa risqay-manqa manam qamkunaqa riyta atiwaqchikchu”, nispanqa? nispanku.
23Jesusñataqmi nirqa:
Qamkunaqa kankichik kay pachallaman-tam, ñoqañataqmi kani hanaq pachamanta. Qamkunaqa kankichik kay pachapi kaqmi, ñoqam ichaqa mana kay pachapi kaqchu kani. 24Chaymi nirqaykichik “huchaykichikpim wañunkichik” nispay. Pim kasqayta mana creespaykichikqa huchaykichikpim wañunkichik.
25Hinaptinmi tapurqaku:
Chaynaqa, ¿pitaq qamqa kanki? nispanku.
Jesusñataqmi nirqa:
Ñam puntamantaraq nirqaykichikña. 26Achkam qamkunamanta ninay kachkan chaynataq juzganaypas. Kacha-muwaqniymi ichaqa cheqap, chaymi paymanta uyarisqayta runakunaman willani, nispa.
27Paykunaqa manam entienderqakuchu Taytanmanta nisqantaqa. 28Chaymi Jesús nirqa:
Runapa Churinta chakataruspaykichikñam pim kasqayta yachankichik. Tukuy imatapas manam kikillaymantachu ruwani, Taytaypa yachachiwasqallantam ñoqaqa willaykichik. 29Kachamuwaqniyqa ñoqawanmi kachkan, Taytaqa manam sapallaytachu saqeruwan, ñoqaqa paypa munasqantam tukuy tiempo ruwani, nispa.
30Chaynata Jesús niptinmi achkallaña payman iñirqaku.
Cheqap librasqakunamanta
31Jesusmi iñiqnin judiokunata nirqa:
Sichum qamkuna palabraypi takyankichik hinaspaqa cheqap discipuloykunam kankichik, 32hinaspam cheqap kaqta reqsinkichik, chay cheqapmi libreta ruwasunkichik, nispa.
33 # Mt 3.9; Lc 3.8. Judiokunañataqmi nirqaku:
Ñoqaykuqa Abrahampa mirayninmi kaniku, manam haykapipas nitaq pipapas esclavonchu karqaniku. ¿Imaynanpitaq qamqa ninki: “Chay cheqapmi libreta ruwasunkichik”, nispaqa?
34Jesusñataqmi nirqa:
Cheqaptapunim nikichik, huchakuna ruwaqqa huchapa esclavonmi. 35Esclavoqa manam wiñaypaqchu wasipiqa qepan, churim ichaqa wiñaypaq qepan. 36Chay-naqa, sichum Diospa Churin libreta ru-wasuptikichikqa cheqaptapunim libre kankichik. 37Arí, Abrahampa mirayninkuna kasqaykichiktaqa yachanim, ichaqa palabraykunata mana chaskisqaykichikraykum wañurachiwayta munachkankichik. 38Ñoqaqa rimani Taytaypa kasqanpi rikusqaykunatam, qamkunapas ruwankichik taytaykichikpa nisusqaykichiktam, nispa.
39Chaymi paykunañataq nirqaku:
Taytaykuqa Abrahamllam, nispanku.
Jesusñataqmi nirqa:
Abrahampa miraynin kaspaqa paypa ruwasqankunatachá ruwawaqchik. 40Qamku-nam ichaqa, Diosmanta cheqap kaqta uyarispay willasqayrayku wañurachiwayta munachkankichik. Abrahamqa manam chaynatachu ruwarqa. 41Qamkunaqa taytaykichikpa ruwasqallantam ruwankichik, nispa.
Hinaptinmi paykunañataq nirqaku:
Ñoqaykuqa manam churyapakuychu kaniku, ñoqaykupa taytaykuqa Diosllam, nispanku.
42Jesusñataqmi nirqa:
Sichum Dios kanman taytaykichik hinaptinqa kuyawankichikmanchá. Ño-qaqa Diosmanta hamuspaymi kaypi kachkani, manam kikillaymantachu hamurqani aswanqa Diosmi kachamu-warqa. 43¿Imanasqataq rimasqaykunataqa mana entiendenkichikchu? Palabray-kunata mana uyariy munasqaykichikrayku. 44Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan. 45Ñoqam ichaqa cheqapta nikichik aswanqa manam creewankichikchu. 46¿Mayqannikichiktaq huchayuq kasqayta pruebawankichikman? Cheqapta nichkaptiyqa, ¿imanasqamá manaqa creewankichikchu? 47Diospaq kaqkunaqa Diospa nisqankunatam uyarin, qamkunam ichaqa mana Diospa kasqaykichikrayku mana uyarinkichikchu, nispa.
Abrahammantapas ñawpaqmantaraq Jesucristoqa kasqanmanta
48Judiokunam Jesusta nirqaku:
Imam kaqmantam nikiku “qamqa Samaria law” runa kasqaykimanta hinaspa demonioyuq kasqaykimanta, nispayku.
49Jesusñataqmi nirqa:
Manam demonioyqa kanchu, ñoqaqa Taytaytam hatunchani, qamkunam ichaqa penqayman churawankichik. 50Ñoqaqa manam hatunchasqa kaytachu maskani, kanmi huk hatunchasqa kayta maskaqqa, paymi juzgaqqa. 51Cheqaptapunim nikichik, pipas palabraykunata waqay-chaqkunaqa manam haykapipas wañun-qachu, nispa.
52Judiokunañataqmi nirqaku:
Kunanmi ichaqa yachaniku demo-nioyuq kasqaykita. Abrahampas chay-nataq profetakunapas wañukunkuñam, qamñataqmi ninki: “Pipas palabrayku-nata waqaychaqkunaqa manam haykapipas wañunqachu” nispayki. 53¿Icha qamqa ñawpaq taytayku Abrahampa mayorninraqchu kanki? Payqa ñam wañukunña, wañukunñataqmi profetakunapas. ¿Pim kasqaykipaqtaq qamqa hapikunki? nispanku.
54Jesusñataqmi nirqa:
Kikillaypa alabakusqayqa manam valenchu. Alabawaqniyqa Taytaymi, paytam qamkuna ninkichik “Diosniykum” nispaykichik. 55Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni. 56Ñawpaq taytaykichik Abrahamqa hamunay punchawta qawaykuyta munaspanmi kusikurqa, rikuykuspanñataqmi aswanraq kusikurqa.
57Judiokunañataqmi nirqaku:
Manaraqtaq pichqa chunka watayuq-pasraqchu kanki, hinaspaykiqa, ¿imayna-taq Abrahamtaqa rikuwaq karqa? nispanku.
58Hinaptinmi Jesusñataq nirqa:
Cheqaptapunim nikichik, manaraqpas Abraham kachkaptinqa ñoqaqa ñam karqaniña, nispa.
59Chaynata niptinmi rumiwan choqaparuyta munarqaku, Jesusñataqmi pakaku-ruspa templomanta lloqsikaramurqa.

Currently Selected:

Juan 8: RCQ12

Highlight

Share

Copy

None

Want to have your highlights saved across all your devices? Sign up or sign in