GÉNESIS 29
29
Jacobpa Raquelmanta Leamantawan Labanta servisqan
1Hinaspanmi Jacobqa puririspa rirqan inti lloqsimuy cheqaspi tiyaqkunaman. 2Hinan pampapi huk p'uytuta rikurqan, chay qayllapitaq kinsa t'aqa oveja sayarayasharqan, chay p'uytumantan uywakuna ukyaqku. P'uytu punkupin kaq huk hatun rumi, 3chaypi llapa uywa huñukuqtintaq, rumita p'uktiqaqku, hinaspan ovejata unuchiqku, chaymantataq maypichus kasqanman rumita p'uktiykapuqku. 4Jacobmi paykunata nirqan:
—Wawqeykuna, ¿maymantan kankichis? nispa.
Paykunataq kutichirqanku:
—Haranmantan kayku, nispa.
5Hinan Jacobqa paykunata nirqan:
—¿Reqsinkichischu Nakorpa churin Labanta? nispa.
Paykunataq nirqanku:
—Arí, reqsiykun, nispa.
6Chaymi Jacobqa paykunata nirqan:
—¿Allillanchu kashan? nispa.
Paykunataq nirqanku:
—Allillanmi, haqayqa ususin Raquel hamushan ovejakunantin, nispa.
7Jacobtaq nirqan:
—P'unchayraqmi kashan, manaraqmi uywa huñuna horasraqchu, ovejakunataqa unuchispachá michimuwaqchisraq, nispa.
8Chaymi paykunaqa kutichirqanku:
—Manan unuchiykumanchu llapa uywa huñukunankama, p'uytu punkumantapas rumita p'uktiqanankukama, nispa.
9Jacobqa paykunawan rimashanankamataq, Raquelqa chayamurqan taytanpa ovejan t'aqawan, Raquelqa michiqmi karqan. 10Jacobtaq priman Raquelta tion Labanpa ovejankunatawan rikuspa qayllaykurqan, hinaspan rumita p'uktiqarqan p'uytu punkumanta, hinaspataq unuchirqan tion Labanpa uywa t'aqanta. 11Jacobmi Raquelta much'aykurqan, hinaspanmi waqarqan. 12Raquelmanmi willarqan:
—Ñoqaqa taytaykiq ayllunmi kani, Rebecaq churin, nispa. Hinan payqa phawarispa taytanman willamurqan.
13Ahinaqa Labanmi pananpa churin Jacobmanta uyarispa chaskiykuq phawarirqan, hinaspan oqllaykuspa much'aykurqan, hinaspa wasinman pusamurqan. Paytaq Labanman willarqan imaymanata. 14Labantaq payta nirqan:
—Tulluypunin aychaypunin kanki, nispa.
Labanwantaq tiyarqan killantinña. 15Chaymi Labanqa Jacobta nirqan:
—¿Wawqey kaspaykichu yanqalla serviwanki? Niway, ¿hayk'atan pagasqayki? nispa.
16Labanmi iskay ususiyoq karqan, kurakkaqpa sutinmi Lea, sullk'akaqpa sutintaq Raquel. 17Lean karqan ch'aska ñawi, Raqueltaq munay siklla karqan. 18Jacobmi Raquelta munakurqan, chaymi nirqan:
—Ñoqan qanchis watata servisqayki sullk'akaq ususiyki Raquelrayku, nispa.
19Hinan Labanqa kutichirqan:
—Allinmi qanman qopusqayki, ama wak qharimanqa qosaqchu, ñoqawan qhepakuy, nispa.
20Chhaynatan Jacobqa Raquelrayku qanchis watata servirqan, pisi p'unchaykuna hinallataq paypaqqa karqan, Raquelta munakusqanrayku. 21Hinaspanmi Jacobqa Labanta nirqan:
—Warmiyta qopuway paywan tiyakapunaypaq, ñan tiempoy hunt'akunña, nispa.
22Hinaqtinmi Labanqa huñuykurqan chay llaqtamasin llapa qharikunata, hinaspan casarakuy mikhunata haywakurqan. 23Tutataq ichaqa ususin Leata pusamurqan, chaymi Jacobqa Leawan puñurqan. 24Labantaq Zilpa kamachinta qorqan ususin Leaman kamachinpaq. 25Tutamantataq yacharqan Lea kasqanta, hinan Jacobqa Labanta nirqan:
—¿Imatataq kaytari ruwawanki? ¿Manachu Raquelrayku servirqayki? ¿Imanaqtintaq q'otuwanki? nispa.
26Labantaq kutichirqan:
—Manan kay llaqtaykupiqa chay hinatachu ruwayku, manan sullk'akaqtaqa ñawpaqta qoykuchu kurakkaqtataq qhepataqa. 27Kay semanata hunt'ay, chaymi hukkaqtawan qosqayki, qanchis watatawan serviwanki chayqa, nispa.
28Ahinatan Jacobqa ruwarqan, chay semanatawan hunt'arqan, hinan Labanqa payman qorqan ususin Raquelta warmin kananpaq. 29Labantaq Bilha kamachinta qorqan ususin Raquelman kamachinpaq. 30Jacobqa Raquelwanpas puñullarqantaq, hinaspan Leamantapas astawan payta munakurqan, Labantataq servirqan qanchis watatawanraq.
Jacobpa churinkuna
31Señor Diostaq rikurqan Leaq pisichasqa kasqanta, chaymi payman wawakunata qorqan, Raqueltaq ichaqa mana wachakuq karqan. 32Lean wiksallikurqan, hinaspan huk wawata wachakurqan, suticharqantaq Rubenta#Rubén sutin Hebreo rimaypi rikch'akun “qhawariychis wawata” niqman, hinallataq “Paymi llakikusqayta qhawariwan” niqmanpas., nirqanmi: Señor Diosmi llakikusqayta qhawariwan, chaymi kunanqa qosay munakuwanqa, nispa.
33Huktawan wiksallikullarqantaq, hinaspan huk wawata wachakurqan, nirqantaq: Señor Diosqa pisichasqa kasqayta uyariwaspanmi kaytapas qollawantaq, nispa. Suticharqantaq Simeonta.#Simeón sutin Hebreo rimaypi “uyariy” simiman rikch'akun.
34Huktawan wiksallikullarqantaq, hinaspan huk wawata wachakurqan, nirqantaq: Kay kutiqa qosayqa ñoqawan hukllachakunqa, kinsa wawata paypaq wachakusqayrayku, nispa, chaymi suticharqan Levita.#Leví sutin Hebreo rimaypi “hukllachakuy” simiman rikch'akun.
35Huktawan wiksallikullarqantaq, hinaspan huk wawata wachakurqan, nirqantaq: Kay kutiqa Señor Diosta hatunchasaq, nispa, chaymi suticharqan Judata#Judá sutin Hebreo rimaypi “hatunchay” simiman rikch'akun.. Hinaspataq mana wachakapurqanchu.
Currently Selected:
GÉNESIS 29: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
GÉNESIS 29
29
Jacobpa Raquelmanta Leamantawan Labanta servisqan
1Hinaspanmi Jacobqa puririspa rirqan inti lloqsimuy cheqaspi tiyaqkunaman. 2Hinan pampapi huk p'uytuta rikurqan, chay qayllapitaq kinsa t'aqa oveja sayarayasharqan, chay p'uytumantan uywakuna ukyaqku. P'uytu punkupin kaq huk hatun rumi, 3chaypi llapa uywa huñukuqtintaq, rumita p'uktiqaqku, hinaspan ovejata unuchiqku, chaymantataq maypichus kasqanman rumita p'uktiykapuqku. 4Jacobmi paykunata nirqan:
—Wawqeykuna, ¿maymantan kankichis? nispa.
Paykunataq kutichirqanku:
—Haranmantan kayku, nispa.
5Hinan Jacobqa paykunata nirqan:
—¿Reqsinkichischu Nakorpa churin Labanta? nispa.
Paykunataq nirqanku:
—Arí, reqsiykun, nispa.
6Chaymi Jacobqa paykunata nirqan:
—¿Allillanchu kashan? nispa.
Paykunataq nirqanku:
—Allillanmi, haqayqa ususin Raquel hamushan ovejakunantin, nispa.
7Jacobtaq nirqan:
—P'unchayraqmi kashan, manaraqmi uywa huñuna horasraqchu, ovejakunataqa unuchispachá michimuwaqchisraq, nispa.
8Chaymi paykunaqa kutichirqanku:
—Manan unuchiykumanchu llapa uywa huñukunankama, p'uytu punkumantapas rumita p'uktiqanankukama, nispa.
9Jacobqa paykunawan rimashanankamataq, Raquelqa chayamurqan taytanpa ovejan t'aqawan, Raquelqa michiqmi karqan. 10Jacobtaq priman Raquelta tion Labanpa ovejankunatawan rikuspa qayllaykurqan, hinaspan rumita p'uktiqarqan p'uytu punkumanta, hinaspataq unuchirqan tion Labanpa uywa t'aqanta. 11Jacobmi Raquelta much'aykurqan, hinaspanmi waqarqan. 12Raquelmanmi willarqan:
—Ñoqaqa taytaykiq ayllunmi kani, Rebecaq churin, nispa. Hinan payqa phawarispa taytanman willamurqan.
13Ahinaqa Labanmi pananpa churin Jacobmanta uyarispa chaskiykuq phawarirqan, hinaspan oqllaykuspa much'aykurqan, hinaspa wasinman pusamurqan. Paytaq Labanman willarqan imaymanata. 14Labantaq payta nirqan:
—Tulluypunin aychaypunin kanki, nispa.
Labanwantaq tiyarqan killantinña. 15Chaymi Labanqa Jacobta nirqan:
—¿Wawqey kaspaykichu yanqalla serviwanki? Niway, ¿hayk'atan pagasqayki? nispa.
16Labanmi iskay ususiyoq karqan, kurakkaqpa sutinmi Lea, sullk'akaqpa sutintaq Raquel. 17Lean karqan ch'aska ñawi, Raqueltaq munay siklla karqan. 18Jacobmi Raquelta munakurqan, chaymi nirqan:
—Ñoqan qanchis watata servisqayki sullk'akaq ususiyki Raquelrayku, nispa.
19Hinan Labanqa kutichirqan:
—Allinmi qanman qopusqayki, ama wak qharimanqa qosaqchu, ñoqawan qhepakuy, nispa.
20Chhaynatan Jacobqa Raquelrayku qanchis watata servirqan, pisi p'unchaykuna hinallataq paypaqqa karqan, Raquelta munakusqanrayku. 21Hinaspanmi Jacobqa Labanta nirqan:
—Warmiyta qopuway paywan tiyakapunaypaq, ñan tiempoy hunt'akunña, nispa.
22Hinaqtinmi Labanqa huñuykurqan chay llaqtamasin llapa qharikunata, hinaspan casarakuy mikhunata haywakurqan. 23Tutataq ichaqa ususin Leata pusamurqan, chaymi Jacobqa Leawan puñurqan. 24Labantaq Zilpa kamachinta qorqan ususin Leaman kamachinpaq. 25Tutamantataq yacharqan Lea kasqanta, hinan Jacobqa Labanta nirqan:
—¿Imatataq kaytari ruwawanki? ¿Manachu Raquelrayku servirqayki? ¿Imanaqtintaq q'otuwanki? nispa.
26Labantaq kutichirqan:
—Manan kay llaqtaykupiqa chay hinatachu ruwayku, manan sullk'akaqtaqa ñawpaqta qoykuchu kurakkaqtataq qhepataqa. 27Kay semanata hunt'ay, chaymi hukkaqtawan qosqayki, qanchis watatawan serviwanki chayqa, nispa.
28Ahinatan Jacobqa ruwarqan, chay semanatawan hunt'arqan, hinan Labanqa payman qorqan ususin Raquelta warmin kananpaq. 29Labantaq Bilha kamachinta qorqan ususin Raquelman kamachinpaq. 30Jacobqa Raquelwanpas puñullarqantaq, hinaspan Leamantapas astawan payta munakurqan, Labantataq servirqan qanchis watatawanraq.
Jacobpa churinkuna
31Señor Diostaq rikurqan Leaq pisichasqa kasqanta, chaymi payman wawakunata qorqan, Raqueltaq ichaqa mana wachakuq karqan. 32Lean wiksallikurqan, hinaspan huk wawata wachakurqan, suticharqantaq Rubenta#Rubén sutin Hebreo rimaypi rikch'akun “qhawariychis wawata” niqman, hinallataq “Paymi llakikusqayta qhawariwan” niqmanpas., nirqanmi: Señor Diosmi llakikusqayta qhawariwan, chaymi kunanqa qosay munakuwanqa, nispa.
33Huktawan wiksallikullarqantaq, hinaspan huk wawata wachakurqan, nirqantaq: Señor Diosqa pisichasqa kasqayta uyariwaspanmi kaytapas qollawantaq, nispa. Suticharqantaq Simeonta.#Simeón sutin Hebreo rimaypi “uyariy” simiman rikch'akun.
34Huktawan wiksallikullarqantaq, hinaspan huk wawata wachakurqan, nirqantaq: Kay kutiqa qosayqa ñoqawan hukllachakunqa, kinsa wawata paypaq wachakusqayrayku, nispa, chaymi suticharqan Levita.#Leví sutin Hebreo rimaypi “hukllachakuy” simiman rikch'akun.
35Huktawan wiksallikullarqantaq, hinaspan huk wawata wachakurqan, nirqantaq: Kay kutiqa Señor Diosta hatunchasaq, nispa, chaymi suticharqan Judata#Judá sutin Hebreo rimaypi “hatunchay” simiman rikch'akun.. Hinaspataq mana wachakapurqanchu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.