GÉNESIS 30
30
1Raquelmi Jacobpaq wawakunata mana wachakuspa ñañanta envidiakurqan, hinaspanmi Jacobta nirqan:
—Wawata qoway, mana chayqa wañukapusaq, nispa.
2Chaymi Jacobqa Raquelta phiñarikuspan nirqan:
—Diospa munayninmi mana wawayoq kanaykiqa, ¿ñoqari pitaq kani? nispa.
3Raqueltaq nirqan:
—Kayqa kamachiy Bilha, paywan puñuy. Paytaq wachapuwanqa, chaymi ñoqaqpas paypi wawaykuna kallanqataq, nispa.
4Ahinatan payman qorqan kamachin Bilhata warmin kananpaq, chaymi Jacobqa paywan tiyarqan. 5Bilhan wiksallikurqan, hinaspanmi Jacobpaq huk churita wachakurqan. 6Hinan Raquelqa nirqan: Diosmi chaninchaykapuwan, kunkaytapas uyarillantaq, hinaspanmi huk wawata qowan, nispa. Chaymi suticharqan Danta.#Dan sutin Hebreo rimaypi “chaninchakapuy” simiman rikch'akun.
7Huk kutitawantaq Bilhaqa wiksallikurqan, hinaspan Jacobpaq iskaykaq wawata wachakurqan. 8Raqueltaq nirqan: Sinchitan ñañaywan qhawaykunakuni, hinaspan atipani, nispa. Suticharqantaq Neftalita.#Neftalí sutin Hebreo rimaypi “qhawaykunakuy” simiman rikch'akun.
9Leataq mana wachakapuspa, kamachin Zilpata Jacobman pusarqan warmin kananpaq. 10Zilpataq huk wawata Jacobpaq wachakurqan. 11Hinan Leaqa nirqan: ¡Ima samin! nispa. Suticharqantaq Gadta.#Gad sutin Hebreo rimaypi “sami” simiman rikch'akun.
12Hinallataq Zilpaqa huk wawatawan Jacobpaq wachakurqan. 13Hinan Leaqa nirqan: ¡Kusikuymi ñoqapaq! Warmikunan: Kusisamiyoqmi, niwanqaku, nispa. Suticharqantaq Aserta.#Aser sutin Hebreo rimaypi “kusikuy” simiman rikch'akun.
14Rubenmi trigo ichhuy tiempopi campota rirqan, mandragorata#Mandrágora ruruqa warmikunata wachakuqman tukuchinanpaqmi yuyaqku. tarimuspataq maman Leaman apamurqan. Hinan Raquelqa Leata nirqan:
—Ama hinachu kay, wawaykiq mandragoranta qoriway, nispa.
15Paytaq kutichirqan:
—¿Hina-hinallachu qosayta hap'ikusqaykiri, wawaypa mandragoranta apanaykipaq? nispa.
Hinaqtinmi Raquelqa nirqan:
—Kay tutan Jacobqa qanwan puñunqa wawaykiq mandragoranmanta, nispa.
16Tardenta campomanta Jacob kutimpushaqtintaq Leaqa payman lloqsirqan, hinaspan nirqan:
—Ñoqawanmi puñunki, wawaypa mandragoranwanmi mink'akuyki, nispa.
Hinan chay tuta paywan puñurqan. 17Diostaq Leata uyarirqan, chaymi wiksallikuspa phisqakaq wawata Jacobpaq wachakurqan. 18Hinaspan Leaqa nirqan: Diosmi qoykapuwan, warmi kamachiyta qosayman qosqayrayku, nispa. Chaymi suticharqan Isakarta. #Isakar sutin Hebreo rimaypi “qoykapuy” simiman rikch'akun.
19Chay qhepatataq Leaqa huktawan wiksallikuspa Jacobpaq soqtakaq wawata wachakurqan. 20Hinaspanmi Leaqa nirqan: Diosmi allin regalota qowan, kunanqa qosaymi sumaqta rikuwanqa, paypaq soqta wawataña wachakusqayrayku, nispa. Suticharqantaq Zabulonta.#Zabulón sutin Hebreo rimaypi “sumaqta rikuy” simiman rikch'akun.
21Chay qhepatataq huk warmi wawata wachakurqan, suticharqantaq Dinata. 22Chaymantataq Diosqa Raquelta yuyarispa uyarirqan, hinaspan payman wawakunata qorqan. 23Wiksallikuspan huk wawata wachakurqan, nirqantaq: Diosmi p'enqakuyniyta chinkachin. 24Huk wawatawan Señor Diosqa yapaykuwachun, nispa. Chaymi Joseta#José sutin Hebreo rimaypi “chinkakuy”, “yapaykuy” simiman rikch'akun. suticharqan.
Jacobwan Labanwan q'otunakusqanku
25Raquelqa Joseta wachakuqtintaq Jacobqa Labanta nirqan:
—Kachapuway, hinaspa ripusaq tiyanay hallp'ata. 26Qopuway warmiykunata wawaykunatawan, paykunaraykun servirqayki, hinaspa kachapuway. Qanqa yachankiñan riki imaynatachus servirqayki chayta, nispa.
27Labantaq payman kutichirqan:
—Kayllata uyariykuway, watuqwanmi yachani Señor Diosqa qan kaqtiyki saminchawashasqanta. 28Willaway hayk'atachus gananaykita, hinan ñoqa qopusqayki, nispa.
29Paytaq kutichirqan:
—Yachankin imaynatachus qan servisqayta, imaynatachus uywaykitapas rikusqayta. 30Manaraq hamushaqtiyqa pisillan kasqa, askhatataq miraykapun, Señor Diosmi saminchasunki chayamusqaywan. Kunanri, ¿hayk'aqtaq familiaypaqpas llank'ayman? nispa.
31Labantaq nirqan:
—¿Imatataq qosqayki? nispa.
Jacobtaq kutichirqan:
—Ama imatapas qowaychu. Huktawanmi ovejaykikunata michisaq ñoqawan kayta rimanakuqtiykiqa: 32Ñoqan kunan p'unchay uywayki ukhunta pasasaq, llapa yana malta ovejakunata t'aqaspa, hinallataq malta cabrakunamantapas alqakunata ch'eqchikunata t'aqaspa. Chaytaq pagoy kanqa. 33Qhepaman pagoyta qhawaq hamuspaykin chanin kasqayta yachanki: mana mayqen cabrapas ch'eqchichu otaq alqachu kanqa, manallataq mayqen ovejapas yanachu kanqa chayqa, suwakusqay kanqa, nispa.
34Hinaqtinmi Labanqa nirqan:
—Allinmi, nisqayki hina kachun, nispa.
35Ichaqa chay p'unchaypachan Labanqa t'aqarqan alqa orqo cabrakunata wachu-wachu colorniyoqkunatawan, hinallataq llapa alqa ch'eqchi cabrakunatapas, llapa huk chhikan yuraq alqakunata, hinallataq ovejakunamantapas llapa yanakunata, hinaspanmi wawankunawan qatichirqan. 36Hinaspataq chay t'aqantin Labanqa kinsa p'unchay puriyman Jacobmanta karunchakapurqan.
Jacobtaq michishallarqan Labanpa wakin ovejanta. 37Paymi hap'irqan q'omer kiswar, almendro, castaño k'aspikunata, hinaspan chaykunata qaranarqan yuraq wachu-wachuta, chay hinapi k'aspikunaq yuraqninta rikhurichirqan. 38Chay qaranasqa k'aspikunatataq churarqan uywakunaq ñawpaqenman, unu ukyana yarqhakunapi, chaypin orqowan urwakuqku. 39Chay hinapin cabrakunaqa k'aspiq ñawpaqenpi chichuyakuqku, hinaspanmi wachaqku wachu-wachu colorniyoq orqo cabrakunata, ch'eqchikunata, alqakunata ima. 40Jacobtaq cabrakunamanta borregokunata t'aqarqan, hinaspan Labanpa t'aqan chimpapi huñurqan, wachu-wachu colorniyoqkunaman yanakunaman qhawashaqta. Chay hinatan t'aqantaqa askhayachikusharqan, manataq Labanpa ovejankunaman huñurqanchu. 41Sapa kuti wirakaq uywakuna urwakuqtintaq, Jacobqa uywakunaq ñawpaqenman k'aspikunata churarqan uywa ukyanakunapi, k'aspiq ñawpaqenpi chichuyanankupaq. 42Tullu uywakuna hamuqtintaq ichaqa mana chay k'aspikunata churarqanchu. Ahinapin Labanpaq karqan tullukuna, Jacobpaqtaq wirakuna. 43Chay hinapin Jacobqa anchata qhapaqyarqan, karqantaq askha ovejankuna, camellonkuna, asnonkuna ima, hinallataq warmi kamachinkuna qhari kamachinkunapas.
Currently Selected:
GÉNESIS 30: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
GÉNESIS 30
30
1Raquelmi Jacobpaq wawakunata mana wachakuspa ñañanta envidiakurqan, hinaspanmi Jacobta nirqan:
—Wawata qoway, mana chayqa wañukapusaq, nispa.
2Chaymi Jacobqa Raquelta phiñarikuspan nirqan:
—Diospa munayninmi mana wawayoq kanaykiqa, ¿ñoqari pitaq kani? nispa.
3Raqueltaq nirqan:
—Kayqa kamachiy Bilha, paywan puñuy. Paytaq wachapuwanqa, chaymi ñoqaqpas paypi wawaykuna kallanqataq, nispa.
4Ahinatan payman qorqan kamachin Bilhata warmin kananpaq, chaymi Jacobqa paywan tiyarqan. 5Bilhan wiksallikurqan, hinaspanmi Jacobpaq huk churita wachakurqan. 6Hinan Raquelqa nirqan: Diosmi chaninchaykapuwan, kunkaytapas uyarillantaq, hinaspanmi huk wawata qowan, nispa. Chaymi suticharqan Danta.#Dan sutin Hebreo rimaypi “chaninchakapuy” simiman rikch'akun.
7Huk kutitawantaq Bilhaqa wiksallikurqan, hinaspan Jacobpaq iskaykaq wawata wachakurqan. 8Raqueltaq nirqan: Sinchitan ñañaywan qhawaykunakuni, hinaspan atipani, nispa. Suticharqantaq Neftalita.#Neftalí sutin Hebreo rimaypi “qhawaykunakuy” simiman rikch'akun.
9Leataq mana wachakapuspa, kamachin Zilpata Jacobman pusarqan warmin kananpaq. 10Zilpataq huk wawata Jacobpaq wachakurqan. 11Hinan Leaqa nirqan: ¡Ima samin! nispa. Suticharqantaq Gadta.#Gad sutin Hebreo rimaypi “sami” simiman rikch'akun.
12Hinallataq Zilpaqa huk wawatawan Jacobpaq wachakurqan. 13Hinan Leaqa nirqan: ¡Kusikuymi ñoqapaq! Warmikunan: Kusisamiyoqmi, niwanqaku, nispa. Suticharqantaq Aserta.#Aser sutin Hebreo rimaypi “kusikuy” simiman rikch'akun.
14Rubenmi trigo ichhuy tiempopi campota rirqan, mandragorata#Mandrágora ruruqa warmikunata wachakuqman tukuchinanpaqmi yuyaqku. tarimuspataq maman Leaman apamurqan. Hinan Raquelqa Leata nirqan:
—Ama hinachu kay, wawaykiq mandragoranta qoriway, nispa.
15Paytaq kutichirqan:
—¿Hina-hinallachu qosayta hap'ikusqaykiri, wawaypa mandragoranta apanaykipaq? nispa.
Hinaqtinmi Raquelqa nirqan:
—Kay tutan Jacobqa qanwan puñunqa wawaykiq mandragoranmanta, nispa.
16Tardenta campomanta Jacob kutimpushaqtintaq Leaqa payman lloqsirqan, hinaspan nirqan:
—Ñoqawanmi puñunki, wawaypa mandragoranwanmi mink'akuyki, nispa.
Hinan chay tuta paywan puñurqan. 17Diostaq Leata uyarirqan, chaymi wiksallikuspa phisqakaq wawata Jacobpaq wachakurqan. 18Hinaspan Leaqa nirqan: Diosmi qoykapuwan, warmi kamachiyta qosayman qosqayrayku, nispa. Chaymi suticharqan Isakarta. #Isakar sutin Hebreo rimaypi “qoykapuy” simiman rikch'akun.
19Chay qhepatataq Leaqa huktawan wiksallikuspa Jacobpaq soqtakaq wawata wachakurqan. 20Hinaspanmi Leaqa nirqan: Diosmi allin regalota qowan, kunanqa qosaymi sumaqta rikuwanqa, paypaq soqta wawataña wachakusqayrayku, nispa. Suticharqantaq Zabulonta.#Zabulón sutin Hebreo rimaypi “sumaqta rikuy” simiman rikch'akun.
21Chay qhepatataq huk warmi wawata wachakurqan, suticharqantaq Dinata. 22Chaymantataq Diosqa Raquelta yuyarispa uyarirqan, hinaspan payman wawakunata qorqan. 23Wiksallikuspan huk wawata wachakurqan, nirqantaq: Diosmi p'enqakuyniyta chinkachin. 24Huk wawatawan Señor Diosqa yapaykuwachun, nispa. Chaymi Joseta#José sutin Hebreo rimaypi “chinkakuy”, “yapaykuy” simiman rikch'akun. suticharqan.
Jacobwan Labanwan q'otunakusqanku
25Raquelqa Joseta wachakuqtintaq Jacobqa Labanta nirqan:
—Kachapuway, hinaspa ripusaq tiyanay hallp'ata. 26Qopuway warmiykunata wawaykunatawan, paykunaraykun servirqayki, hinaspa kachapuway. Qanqa yachankiñan riki imaynatachus servirqayki chayta, nispa.
27Labantaq payman kutichirqan:
—Kayllata uyariykuway, watuqwanmi yachani Señor Diosqa qan kaqtiyki saminchawashasqanta. 28Willaway hayk'atachus gananaykita, hinan ñoqa qopusqayki, nispa.
29Paytaq kutichirqan:
—Yachankin imaynatachus qan servisqayta, imaynatachus uywaykitapas rikusqayta. 30Manaraq hamushaqtiyqa pisillan kasqa, askhatataq miraykapun, Señor Diosmi saminchasunki chayamusqaywan. Kunanri, ¿hayk'aqtaq familiaypaqpas llank'ayman? nispa.
31Labantaq nirqan:
—¿Imatataq qosqayki? nispa.
Jacobtaq kutichirqan:
—Ama imatapas qowaychu. Huktawanmi ovejaykikunata michisaq ñoqawan kayta rimanakuqtiykiqa: 32Ñoqan kunan p'unchay uywayki ukhunta pasasaq, llapa yana malta ovejakunata t'aqaspa, hinallataq malta cabrakunamantapas alqakunata ch'eqchikunata t'aqaspa. Chaytaq pagoy kanqa. 33Qhepaman pagoyta qhawaq hamuspaykin chanin kasqayta yachanki: mana mayqen cabrapas ch'eqchichu otaq alqachu kanqa, manallataq mayqen ovejapas yanachu kanqa chayqa, suwakusqay kanqa, nispa.
34Hinaqtinmi Labanqa nirqan:
—Allinmi, nisqayki hina kachun, nispa.
35Ichaqa chay p'unchaypachan Labanqa t'aqarqan alqa orqo cabrakunata wachu-wachu colorniyoqkunatawan, hinallataq llapa alqa ch'eqchi cabrakunatapas, llapa huk chhikan yuraq alqakunata, hinallataq ovejakunamantapas llapa yanakunata, hinaspanmi wawankunawan qatichirqan. 36Hinaspataq chay t'aqantin Labanqa kinsa p'unchay puriyman Jacobmanta karunchakapurqan.
Jacobtaq michishallarqan Labanpa wakin ovejanta. 37Paymi hap'irqan q'omer kiswar, almendro, castaño k'aspikunata, hinaspan chaykunata qaranarqan yuraq wachu-wachuta, chay hinapi k'aspikunaq yuraqninta rikhurichirqan. 38Chay qaranasqa k'aspikunatataq churarqan uywakunaq ñawpaqenman, unu ukyana yarqhakunapi, chaypin orqowan urwakuqku. 39Chay hinapin cabrakunaqa k'aspiq ñawpaqenpi chichuyakuqku, hinaspanmi wachaqku wachu-wachu colorniyoq orqo cabrakunata, ch'eqchikunata, alqakunata ima. 40Jacobtaq cabrakunamanta borregokunata t'aqarqan, hinaspan Labanpa t'aqan chimpapi huñurqan, wachu-wachu colorniyoqkunaman yanakunaman qhawashaqta. Chay hinatan t'aqantaqa askhayachikusharqan, manataq Labanpa ovejankunaman huñurqanchu. 41Sapa kuti wirakaq uywakuna urwakuqtintaq, Jacobqa uywakunaq ñawpaqenman k'aspikunata churarqan uywa ukyanakunapi, k'aspiq ñawpaqenpi chichuyanankupaq. 42Tullu uywakuna hamuqtintaq ichaqa mana chay k'aspikunata churarqanchu. Ahinapin Labanpaq karqan tullukuna, Jacobpaqtaq wirakuna. 43Chay hinapin Jacobqa anchata qhapaqyarqan, karqantaq askha ovejankuna, camellonkuna, asnonkuna ima, hinallataq warmi kamachinkuna qhari kamachinkunapas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.