GÉNESIS 31
31
1Jacobtaq uyarirqan Labanpa wawankunaq rimasqanta, paykunan nirqanku: Jacobmi hap'in taytanchispa lliw kaqninta, taytanchispa kaqninwantaq kay hinata qhapaqyaykun, nispa. 2Qhawallarqantaq Jacobqa Labanta, hinaspa rikurqan manaña paypaqqa ñawpa hinañachu kapusqanta. 3Señor Diospas Jacobta nillarqantaq: Kutipuy tayta-mamaykiq hallp'anta, aylluykiqta, ñoqataq qanwan kasaq, nispa.
4Hinan Jacobqa kachaspa Raquelta Leata waqyachimurqan ovejankunaq kasqan campoman, 5hinaspanmi paykunata nirqan:
—Taytaykichistan manaña ñawpa hinachu ñoqapaq kapusqanta rikuni, taytaypa Diosninmi ichaqa ñoqawan kashallanqapuni. 6Qankunan yachankichis tukuy kallpaywan taytaykichista servisqayta, 7paytaq ichaqa q'otuwarqan, hinaspa sapa kutilla pagoywan pukllakurqan, Diosmi ichaqa payta hark'arqan mana allinta ruwawananmanta. 8Paymi kay hinata nirqan: Alqakunan pagoyki kanqa, nispa, chaymi llapa cabra alqata wacharqan. Nillarqantaq kay hinata: Wachu-wachu colorniyoqkunan pagoyki kanqa, nispa, chaymi llapa cabra wachu-wachu colorniyoqkunata wacharqan. 9Ahinatan Diosqa taytaykichispa uywankunata qechurqan, hinaspa ñoqaman qowarqan.
10Uywakuna urwakusqan tiempon mosqoypi rikurqani, chinakunata urwaq orqokunan kasqa wachu-wachu colorniyoq, alqakuna ch'eqchikuna ima. 11Diospa angelnintaq mosqoypi niwarqan: Jacob, nispa. Ñoqataq nirqani: ¿Ima ninkin? nispa. 12Paytaq nirqan: Qhawariy, hinaspa rikunki chinakunata urwaq llapa orqokuna wachu-wachu colorniyoqkuna, alqakuna, ch'eqchikuna kasqanta, ñoqan rikuni Labanpa imaymanata ruwasqasuykita. 13Ñoqan Betelpi rikhuriqniyki Dios kani, chaypin rumita aceitewan hich'aykurqanki, chaypin prometekuwarqankipas. Kunanqa puririy, hinaspa kay hallp'amanta lloqsillayña, nacesqayki hallp'amantaq kutipuy, nispa, nispan.
14Raquelwan Leawantaq kutichispa payta nirqanku:
—Taytaykuq wasinpiqa manan ima herenciaykupas kanñachu. 15Wak warmikunata hinañan rikuwanku. Qhatupuwarqanku, hinaspa precioykutapas llapantaraqtaq tukurqon. 16Taytaykumanta Diospa qechusqan lliw qhapaq-kayqa ñoqanchispan wawanchiskunaqpiwanmi. Kunantaq ruway imatachus Diospa nisqasuykita, nispa.
Jacobpa Labanmanta ayqekusqan
17-18Hinaqtinmi Jacobqa wakichikurqan Canaán suyupi tiyaq taytan Isaacpata kutipunanpaq, hinaspan churinkunata warminkunata camellokunaman sillachirqan. Ñantan puririrqan llapan uywantin Padan-arampi tukuy tarisqankunantin. 19Labantaq ichaqa rirqan ovejankunata rutumuq, Raqueltaq chaykama taytanpa idolonkunata suwakamurqan. 20Chay hinatan Jacobqa q'oturqan Aram runa Labanta, ripunanta mana willakuspa. 21Lliw imaymanakunantinmi ayqerqan. Puririspataq Eufrates mayuta chimparqan, hinaspan Galaad orqo-orqoneqman rirqan. 22Kinsakaq p'unchaypitaq Labanqa yacharqan Jacobpa ayqekusqanta. 23Hinaqtinmi Labanqa ayllunkunata pusarikuspa Jacobpa qhepanta rirqan qanchis p'unchay puriyta, hinaspan Galaad orqo-orqoman ayparqan. 24Diostaq ichaqa mosqoypi chay tuta Aram runa Labanman rikhurispa nirqan:
—Paqtataq Jacobta k'arak simiwan rimapayawaq, nispa.
25Labanqa Galaad orqo-orqomanmi Jacobman ayparqan, chaypin Jacobqa karpakusqa, chayllapitaqmi Labanpas ayllunkunawan karpakurqan.
26Labantaq Jacobta nirqan:
—¿Imanarqankitaq? ¿Imaraykutaq q'otuwarqanki? ¡Ususiykunatapas hatun maqanakuypi hap'isqata hina apamusqanki! 27¿Imaraykutaq ayqekunaykipaq pakakurqanki, hinaspa q'otuwarqanki, manataq willawarqankichu? Ñoqaqa qanta kusisqa, takiwan, tinyawan, arpawan kacharpariykiman karqan. 28Manan nietoykunallatapas ususiykunallatapas much'aykachiwarqankichu. Chaytaqa mana yuyayniyoq hinan ruwanki. 29Makiypin kashan qankunata mana allinta ruwarqonaypaq, ichaqa taytaykiq Diosninmi tuta niwan: Paqtataq Jacobta k'arak simiwan rimapayawaq, nispa. 30Taytaykiq wasinman sonqoyki aysakuqtin ripunki chayqa, ¿imapaqtaq diosniykunata suwakamuwarqanki? nispa.
31Jacobtaq Labanman kutichirqan:
—Manchakurqanin, ususiykikunata qechuwanaykipaqmi yuyarqani. 32Mayqenpichus diosniykikunata tarinki chayqa, ama kawsachunchu. Wawqenchiskuna rikushaqtin reqsikapuy kaqniyki hap'isqayta, hinaspa apakapuy, nispa.
Jacobqa manan yacharqanchu Raquelpa chaykunata suwakamusqanta.
33Labanmi haykurqan Jacobpa karpanman, Leaq karpanman, iskaynin warmi kamachiq karpanmanwan, manataq chaykunata tarirqanchu. Leaq karpanmanta lloqsispataq Raquelpa karpanman haykurqan. 34Raqueltaq ichaqa idolokunata hap'ispa churaykurqan camello alforjaman, hinaspan chaykuna patapi tiyaykurqan. Labantaq karpata lliwta maskharqan, manataq chaykunata tarirqanchu. 35Paytaq taytanta nirqan:
—Ama taytay phiñakuychu mana qayllaykipi sayarisqayrayku, killaywanmi kashani, nispa.
Paytaq maskharqan, manataq idolokunata tarirqanchu. 36Hinan Jacobqa phiñasqa Labanta phiñarirqan:
—¿Iman huchallikusqay? ¿Iman huchay, sinchi phiñasqa qatiqniy hamuwanaykipaq? 37Tukuy imaymanaytan maskhanki riki, ¿imatataq tarinki lliw kaqniykikunata? Wawqeykunaq wawqeykikunaq ñawpaqenpi churaykuy, hinaspa mayqenninchistapas huchachawasun. 38Kay iskay chunka watan qanwan karqani, ovejaykikunapas cabraykikunapas manan hayk'aqpas sullurqanchu, manan ñoqapas huk borregollaykitapas mikhurqanichu. 39Phiña animalkunaq hap'isqanta manan hayk'aqpas apamurqaykichu, ñoqan sayachipurqayki, p'unchayña tutaña suwasqatapas pagachikuwarqankin. 40P'unchaymi ruphay kankawarqan, tutataq chiri atiwarqan, manan puñuypas chayawarqanchu. 41Chay hinan iskay chunka watantin wasiykipi karqani. Chunka tawayoq watata servirqayki iskaynin ususiykirayku, soqta watatataq uywaykirayku, sapa kutillataq pagoywan pukllakurqanki. 42Taytaypa Diosninchus, Abrahampa Diosnin, Isaacpa Manchakunan mana ñoqawanchu kanman karqan chayqa, kunan mana imayoqtan kachapuwankiman karqan, chaypas Diosmi rikurqan muchusqayta llank'asqaytapas, chaymi ch'isi tuta k'amirqasunki, nispa.
43Labantaq Jacobman kutichirqan:
—Ususiykikunaqa ususiykunan, churiykikunapas churiykunan, ovejaykikunapas ovejaykunan, lliw ima hayk'a rikusqaykipas ñoqaqmi. Manan imanaymanpaschu kay ususiykunata, wawakunatapas. 44Chay hinaqa kunan qanwan ñoqawan rimanakusun, chaytaq iskayninchismanta willakuq kachun, nispa.
45Hinaqtinmi Jacobqa rumita hoqarispa saywata sayachirqan. 46Hinaspan wawqenkunata nirqan:
—Rumita pallaychis, nispa.
Hinan rumita pallaspa soqyata tawqarqanku, hinaspan chaypi mikhurqanku chay soqya tawqa qayllapi. 47Labán suticharqan Jegar Sahadutata#Kay sutin Arameo rimaypi “willakuq soqya” ninanta nin., Jacobtaq suticharqan Galaadta#Kay sutin Hebreo rimaypi “willakuq soqya” ninanta nin..
48Labanmi nirqan:
—Kay soqya tawqaqa kunan iskayninchismanta willakuqmi, nispa. Chaymi Galaad sutichasqa karqan. 49Hinallataq Mizpa#Kay sutin hebreo rimaypi “qhawana pata” ninanta nin. sutichasqa karqan, nirqanmi:
—Qantawan ñoqatawan Señor Diosqa qhawachun, t'aqarinakuqtinchis. 50Ususiykunata ñak'arichinki, otaq ususiykuna patamanta huk warmikunayoq kanki chayqa, manaña pipas qhawaqninchis kanchu chaypas, Diosmi iskayninchismanta willakuqqa, nispa.
51Labanqa nillarqantaq Jacobta:
—Kayqa kay soqya tawqa, kayqa kay saywa rumi qanwan ñoqawan churasqay. 52Willakuq kaykuna kachun, manan mana allinninchispaq pasanakusunchu. 53Mana chayqa machulayki Abrahampa Diosnin machulay Nakorpa Diosnin mayqenninchistapas huchachawasun, nispa.
Jacobtaq jurarqan Isaac taytanpa Manchakunan sutipi. 54Hinaspanmi Jacobqa sacrificiokunata Diosman orqopi haywarqan, hinaspataq wawqenkunata waqyarqan chayta mikhunankupaq. Chaymi mikhurqanku, chay tutataq orqopi puñurqanku.
55Tutamantataq Labanqa sayarirqan, hinaspanmi nietonkunata ususinkunata much'aykuspa samincharqan. Hinamantataq puririspa tiyananman kutipurqan.
Currently Selected:
GÉNESIS 31: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
GÉNESIS 31
31
1Jacobtaq uyarirqan Labanpa wawankunaq rimasqanta, paykunan nirqanku: Jacobmi hap'in taytanchispa lliw kaqninta, taytanchispa kaqninwantaq kay hinata qhapaqyaykun, nispa. 2Qhawallarqantaq Jacobqa Labanta, hinaspa rikurqan manaña paypaqqa ñawpa hinañachu kapusqanta. 3Señor Diospas Jacobta nillarqantaq: Kutipuy tayta-mamaykiq hallp'anta, aylluykiqta, ñoqataq qanwan kasaq, nispa.
4Hinan Jacobqa kachaspa Raquelta Leata waqyachimurqan ovejankunaq kasqan campoman, 5hinaspanmi paykunata nirqan:
—Taytaykichistan manaña ñawpa hinachu ñoqapaq kapusqanta rikuni, taytaypa Diosninmi ichaqa ñoqawan kashallanqapuni. 6Qankunan yachankichis tukuy kallpaywan taytaykichista servisqayta, 7paytaq ichaqa q'otuwarqan, hinaspa sapa kutilla pagoywan pukllakurqan, Diosmi ichaqa payta hark'arqan mana allinta ruwawananmanta. 8Paymi kay hinata nirqan: Alqakunan pagoyki kanqa, nispa, chaymi llapa cabra alqata wacharqan. Nillarqantaq kay hinata: Wachu-wachu colorniyoqkunan pagoyki kanqa, nispa, chaymi llapa cabra wachu-wachu colorniyoqkunata wacharqan. 9Ahinatan Diosqa taytaykichispa uywankunata qechurqan, hinaspa ñoqaman qowarqan.
10Uywakuna urwakusqan tiempon mosqoypi rikurqani, chinakunata urwaq orqokunan kasqa wachu-wachu colorniyoq, alqakuna ch'eqchikuna ima. 11Diospa angelnintaq mosqoypi niwarqan: Jacob, nispa. Ñoqataq nirqani: ¿Ima ninkin? nispa. 12Paytaq nirqan: Qhawariy, hinaspa rikunki chinakunata urwaq llapa orqokuna wachu-wachu colorniyoqkuna, alqakuna, ch'eqchikuna kasqanta, ñoqan rikuni Labanpa imaymanata ruwasqasuykita. 13Ñoqan Betelpi rikhuriqniyki Dios kani, chaypin rumita aceitewan hich'aykurqanki, chaypin prometekuwarqankipas. Kunanqa puririy, hinaspa kay hallp'amanta lloqsillayña, nacesqayki hallp'amantaq kutipuy, nispa, nispan.
14Raquelwan Leawantaq kutichispa payta nirqanku:
—Taytaykuq wasinpiqa manan ima herenciaykupas kanñachu. 15Wak warmikunata hinañan rikuwanku. Qhatupuwarqanku, hinaspa precioykutapas llapantaraqtaq tukurqon. 16Taytaykumanta Diospa qechusqan lliw qhapaq-kayqa ñoqanchispan wawanchiskunaqpiwanmi. Kunantaq ruway imatachus Diospa nisqasuykita, nispa.
Jacobpa Labanmanta ayqekusqan
17-18Hinaqtinmi Jacobqa wakichikurqan Canaán suyupi tiyaq taytan Isaacpata kutipunanpaq, hinaspan churinkunata warminkunata camellokunaman sillachirqan. Ñantan puririrqan llapan uywantin Padan-arampi tukuy tarisqankunantin. 19Labantaq ichaqa rirqan ovejankunata rutumuq, Raqueltaq chaykama taytanpa idolonkunata suwakamurqan. 20Chay hinatan Jacobqa q'oturqan Aram runa Labanta, ripunanta mana willakuspa. 21Lliw imaymanakunantinmi ayqerqan. Puririspataq Eufrates mayuta chimparqan, hinaspan Galaad orqo-orqoneqman rirqan. 22Kinsakaq p'unchaypitaq Labanqa yacharqan Jacobpa ayqekusqanta. 23Hinaqtinmi Labanqa ayllunkunata pusarikuspa Jacobpa qhepanta rirqan qanchis p'unchay puriyta, hinaspan Galaad orqo-orqoman ayparqan. 24Diostaq ichaqa mosqoypi chay tuta Aram runa Labanman rikhurispa nirqan:
—Paqtataq Jacobta k'arak simiwan rimapayawaq, nispa.
25Labanqa Galaad orqo-orqomanmi Jacobman ayparqan, chaypin Jacobqa karpakusqa, chayllapitaqmi Labanpas ayllunkunawan karpakurqan.
26Labantaq Jacobta nirqan:
—¿Imanarqankitaq? ¿Imaraykutaq q'otuwarqanki? ¡Ususiykunatapas hatun maqanakuypi hap'isqata hina apamusqanki! 27¿Imaraykutaq ayqekunaykipaq pakakurqanki, hinaspa q'otuwarqanki, manataq willawarqankichu? Ñoqaqa qanta kusisqa, takiwan, tinyawan, arpawan kacharpariykiman karqan. 28Manan nietoykunallatapas ususiykunallatapas much'aykachiwarqankichu. Chaytaqa mana yuyayniyoq hinan ruwanki. 29Makiypin kashan qankunata mana allinta ruwarqonaypaq, ichaqa taytaykiq Diosninmi tuta niwan: Paqtataq Jacobta k'arak simiwan rimapayawaq, nispa. 30Taytaykiq wasinman sonqoyki aysakuqtin ripunki chayqa, ¿imapaqtaq diosniykunata suwakamuwarqanki? nispa.
31Jacobtaq Labanman kutichirqan:
—Manchakurqanin, ususiykikunata qechuwanaykipaqmi yuyarqani. 32Mayqenpichus diosniykikunata tarinki chayqa, ama kawsachunchu. Wawqenchiskuna rikushaqtin reqsikapuy kaqniyki hap'isqayta, hinaspa apakapuy, nispa.
Jacobqa manan yacharqanchu Raquelpa chaykunata suwakamusqanta.
33Labanmi haykurqan Jacobpa karpanman, Leaq karpanman, iskaynin warmi kamachiq karpanmanwan, manataq chaykunata tarirqanchu. Leaq karpanmanta lloqsispataq Raquelpa karpanman haykurqan. 34Raqueltaq ichaqa idolokunata hap'ispa churaykurqan camello alforjaman, hinaspan chaykuna patapi tiyaykurqan. Labantaq karpata lliwta maskharqan, manataq chaykunata tarirqanchu. 35Paytaq taytanta nirqan:
—Ama taytay phiñakuychu mana qayllaykipi sayarisqayrayku, killaywanmi kashani, nispa.
Paytaq maskharqan, manataq idolokunata tarirqanchu. 36Hinan Jacobqa phiñasqa Labanta phiñarirqan:
—¿Iman huchallikusqay? ¿Iman huchay, sinchi phiñasqa qatiqniy hamuwanaykipaq? 37Tukuy imaymanaytan maskhanki riki, ¿imatataq tarinki lliw kaqniykikunata? Wawqeykunaq wawqeykikunaq ñawpaqenpi churaykuy, hinaspa mayqenninchistapas huchachawasun. 38Kay iskay chunka watan qanwan karqani, ovejaykikunapas cabraykikunapas manan hayk'aqpas sullurqanchu, manan ñoqapas huk borregollaykitapas mikhurqanichu. 39Phiña animalkunaq hap'isqanta manan hayk'aqpas apamurqaykichu, ñoqan sayachipurqayki, p'unchayña tutaña suwasqatapas pagachikuwarqankin. 40P'unchaymi ruphay kankawarqan, tutataq chiri atiwarqan, manan puñuypas chayawarqanchu. 41Chay hinan iskay chunka watantin wasiykipi karqani. Chunka tawayoq watata servirqayki iskaynin ususiykirayku, soqta watatataq uywaykirayku, sapa kutillataq pagoywan pukllakurqanki. 42Taytaypa Diosninchus, Abrahampa Diosnin, Isaacpa Manchakunan mana ñoqawanchu kanman karqan chayqa, kunan mana imayoqtan kachapuwankiman karqan, chaypas Diosmi rikurqan muchusqayta llank'asqaytapas, chaymi ch'isi tuta k'amirqasunki, nispa.
43Labantaq Jacobman kutichirqan:
—Ususiykikunaqa ususiykunan, churiykikunapas churiykunan, ovejaykikunapas ovejaykunan, lliw ima hayk'a rikusqaykipas ñoqaqmi. Manan imanaymanpaschu kay ususiykunata, wawakunatapas. 44Chay hinaqa kunan qanwan ñoqawan rimanakusun, chaytaq iskayninchismanta willakuq kachun, nispa.
45Hinaqtinmi Jacobqa rumita hoqarispa saywata sayachirqan. 46Hinaspan wawqenkunata nirqan:
—Rumita pallaychis, nispa.
Hinan rumita pallaspa soqyata tawqarqanku, hinaspan chaypi mikhurqanku chay soqya tawqa qayllapi. 47Labán suticharqan Jegar Sahadutata#Kay sutin Arameo rimaypi “willakuq soqya” ninanta nin., Jacobtaq suticharqan Galaadta#Kay sutin Hebreo rimaypi “willakuq soqya” ninanta nin..
48Labanmi nirqan:
—Kay soqya tawqaqa kunan iskayninchismanta willakuqmi, nispa. Chaymi Galaad sutichasqa karqan. 49Hinallataq Mizpa#Kay sutin hebreo rimaypi “qhawana pata” ninanta nin. sutichasqa karqan, nirqanmi:
—Qantawan ñoqatawan Señor Diosqa qhawachun, t'aqarinakuqtinchis. 50Ususiykunata ñak'arichinki, otaq ususiykuna patamanta huk warmikunayoq kanki chayqa, manaña pipas qhawaqninchis kanchu chaypas, Diosmi iskayninchismanta willakuqqa, nispa.
51Labanqa nillarqantaq Jacobta:
—Kayqa kay soqya tawqa, kayqa kay saywa rumi qanwan ñoqawan churasqay. 52Willakuq kaykuna kachun, manan mana allinninchispaq pasanakusunchu. 53Mana chayqa machulayki Abrahampa Diosnin machulay Nakorpa Diosnin mayqenninchistapas huchachawasun, nispa.
Jacobtaq jurarqan Isaac taytanpa Manchakunan sutipi. 54Hinaspanmi Jacobqa sacrificiokunata Diosman orqopi haywarqan, hinaspataq wawqenkunata waqyarqan chayta mikhunankupaq. Chaymi mikhurqanku, chay tutataq orqopi puñurqanku.
55Tutamantataq Labanqa sayarirqan, hinaspanmi nietonkunata ususinkunata much'aykuspa samincharqan. Hinamantataq puririspa tiyananman kutipurqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.