GÉNESIS 32
32
Jacobpa Esauwan tupananpaq wakichikusqan
1Jacobtaq yapamanta puririrqan, hinan Diospa angelninkuna payta tarirqanku. 2Chaykunata rikuspataq Jacobqa nirqan:
—¡Diospa ejercitonmi kayqa! nispa. Chayneqtataq suticharqan Mahanaimta#Kay sutin hebreo rimaypi “iskay ejército” ninanta nin..
3Hinaspanmi Jacobqa willaqkunata ñawpachirqan wawqen Esauman, Edom suyu Seir hallp'aman: 4Kay hinatan kamachiyki Jacobqa nin: Labanwanmi tiyamurqani, kunankamataq qhepakamuni. 5Kapuwanmi wakaykuna, asnoykuna, ovejaykuna, qhari kamachiykunapas, warmi kamachiykunapas. Wiraqochayman willaykachimunaypaqtaq kachamuni sumaqta qhawariwanaykipaq, nispa nimunankupaq.
6Kachasqakunataq Jacobman kutirqanku:
Chayaykun wawqeyki Esauman, paypas hamushanmi chaskinasuykipaq, tawa pachak runa pusantin, nispa.
7Hinan Jacobqa sinchita mancharikurqan llakikurqantaq, hinaspan runankunata iskayman t'aqarqan, hinallataq ovejakunatapas, wakakunatapas, camellokunatapas t'aqarqan. 8Nirqanmi: Huk t'aqa contra Esaú hamunqa hinaspa phawaykunqa chayqa, huknin t'aqa ayqenqa, nispa. 9Hinaspanmi Jacobqa mañakurqan: Abraham machulaypa Diosnin, Isaac taytaypa Diosnin, Señor Diosníy, qanmi niwarqanki: Kutipuy hallp'aykiman, aylluykiman, ñoqataq qhawarisqayki, nispa. 10Qanmi kamachiykita lliwpi khuyapayawarqanki, lliwpitaq ñoqapaq hunt'arqankipas, mana chaypaq hinachu kashaqtiypas. Tawnallayoqmi kay Jordán mayuta chimparqani, kunantaq iskay t'aqayoq kapuni. 11Kunan qespichiway wawqey Esaumanta, paytan manchakuni, paqtan hamuwanman hinaspa wañuchiwanman wawaykunatawan warmiykunatawan. 12Qanmi niwarqanki: Ñoqan qhawarisqayki, mirayniykitaq mama qocha pata aqo hina kanqa, mana yupay atiy askha kasqanrayku, nispayki, nispa.
13Chay tutataq chaypi samakurqan, hinaspan kaqninmanta t'aqarqan wawqen Esaupaq sumaq sonqota: 14iskay pachak china cabrata, iskay chunka orqo cabratawan, iskay pachak ovejata, iskay chunka borregotawan, 15kinsa chunka china camellokunata qholla uñankunantinta, tawa chunka wakata chunka torillotawan, iskay chunka china asnota chunka malta orqo asnotawan. 16Hinaspan kamachinkunawan qatichirqan sapanka tropata t'aqa-t'aqata. Nirqantaq:
—Ñawpaychis, hinaspa sapa t'aqata qatiychis karu-karu qhepata, nispa.
17Ñawpaqkaqtataq kamachirqan:
—Wawqey Esauwanchus tupanki, hinaspa tapusunki:
—¿Piqpan kanki? ¿Maytan rishanki? ¿Pipaqmi kayta qatishanki? nispa, chayqa, 18ninki:
—Kamachiyki Jacobpa sumaq sonqonmi, wiraqochay Esaumanmi apachishan, paypas qhepaykutan hamushan, nispayki, nispa.
19Kachallarqantaq iskaykaqtapas, kinsakaqtapas, chay t'aqakuna qhepata hayk'an riqtapas:
—Kaqtakama Esauman ninkichis, paywan tupaspaykichisqa, nispa. 20Nillankichistaq:
—Kamachiyki Jacobmi qhepaykuta hamushan, nispaykichis, nispa.
Jacobqa sonqonpin nirqan: Sumaq sonqota ñawpachispaymi sonqonta llamp'uyachisaq, hinaspañan paywan tupasaq, yaqapaschari payqa chaskiwanqa, nispa. 21Chaymi sumaq sonqota ñawpachirqan. Paytaq chay tuta puñurqan kaqninkunantin.
Jacobpa Penielpi angelwan hap'inakusqan
22-23Chay tutataq sayarispa pusarikurqan iskaynin warmintapas, iskaynin kamachin warmitapas, chunka hukniyoq wawantapas, hinaspanmi Jabok mayu chimpanata paykunata lliw kaqnintinta chimpachirqan. 24Ahinapi Jacobqa sapallan qhepakurqan. Paywantaq pacha paqariqta huk qhari hap'inakurqan. 25Qhariqa mana payta atipayta atispataq tupaykurqan teqni muyuna tullu cheqaspi, hinan Jacobpa teqni tullunqa phawarqorqan paywan hap'inakushaqtin. 26Hinan chay qhariqa nirqan:
—Kachariway, pachan paqarinña, nispa.
Jacobtaq payman kutichirqan:
—Manan kacharisqaykichu manachus saminchawanki chayqa, nispa.
27Chay qharitaq payta nirqan:
—¿Iman sutiyki? nispa.
Paytaq kutichirqan:
—Jacobmi, nispa.
28Chay qharitaq payta nirqan:
Manan Jacobñachu sutiyki kanqa, aswanpas Israelmi#Israel sutin Hebreo rimaypi “Dioswan hap'inakuq” simiman rikch'akun, otaq “Diosmi hap'inakun” niqman. kapunqa, Dioswanmi hap'inakunki riki, hinallataq runakunawanpas, atiparqankitaq, nispa.
29Hinaqtinmi Jacobqa payta tapurqan:
—Willaway sutiykita, nispa.
Chay qharitaq kutichirqan:
—¿Imapaqtaq sutiyta tapuwanki? nispa. Hinaspanmi chaypi samincharqan. 30Chaymi Jacobqa chayneqta suticharqan Penielta#Kay sutin Hebreo rimaypi “Diospa uyan” ninanta nin., nirqanmi: Uya puran Dioswan tupani, kawsashaniraqtaq kanpas, nispa.
31Penielta pasaqtinñataq inti lloqsimurqan, wist'uspa-wist'uspataq purirqan. 32Chaymi Israel runakunaqa chay p'unchaymanta mana mikhunkuchu chay q'estisqa hank'uta, Jacobta chay q'estisqa hank'unpi tupaykusqanrayku. Chay hank'un teqni tulluq muyunanpi kashan.
Currently Selected:
GÉNESIS 32: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
GÉNESIS 32
32
Jacobpa Esauwan tupananpaq wakichikusqan
1Jacobtaq yapamanta puririrqan, hinan Diospa angelninkuna payta tarirqanku. 2Chaykunata rikuspataq Jacobqa nirqan:
—¡Diospa ejercitonmi kayqa! nispa. Chayneqtataq suticharqan Mahanaimta#Kay sutin hebreo rimaypi “iskay ejército” ninanta nin..
3Hinaspanmi Jacobqa willaqkunata ñawpachirqan wawqen Esauman, Edom suyu Seir hallp'aman: 4Kay hinatan kamachiyki Jacobqa nin: Labanwanmi tiyamurqani, kunankamataq qhepakamuni. 5Kapuwanmi wakaykuna, asnoykuna, ovejaykuna, qhari kamachiykunapas, warmi kamachiykunapas. Wiraqochayman willaykachimunaypaqtaq kachamuni sumaqta qhawariwanaykipaq, nispa nimunankupaq.
6Kachasqakunataq Jacobman kutirqanku:
Chayaykun wawqeyki Esauman, paypas hamushanmi chaskinasuykipaq, tawa pachak runa pusantin, nispa.
7Hinan Jacobqa sinchita mancharikurqan llakikurqantaq, hinaspan runankunata iskayman t'aqarqan, hinallataq ovejakunatapas, wakakunatapas, camellokunatapas t'aqarqan. 8Nirqanmi: Huk t'aqa contra Esaú hamunqa hinaspa phawaykunqa chayqa, huknin t'aqa ayqenqa, nispa. 9Hinaspanmi Jacobqa mañakurqan: Abraham machulaypa Diosnin, Isaac taytaypa Diosnin, Señor Diosníy, qanmi niwarqanki: Kutipuy hallp'aykiman, aylluykiman, ñoqataq qhawarisqayki, nispa. 10Qanmi kamachiykita lliwpi khuyapayawarqanki, lliwpitaq ñoqapaq hunt'arqankipas, mana chaypaq hinachu kashaqtiypas. Tawnallayoqmi kay Jordán mayuta chimparqani, kunantaq iskay t'aqayoq kapuni. 11Kunan qespichiway wawqey Esaumanta, paytan manchakuni, paqtan hamuwanman hinaspa wañuchiwanman wawaykunatawan warmiykunatawan. 12Qanmi niwarqanki: Ñoqan qhawarisqayki, mirayniykitaq mama qocha pata aqo hina kanqa, mana yupay atiy askha kasqanrayku, nispayki, nispa.
13Chay tutataq chaypi samakurqan, hinaspan kaqninmanta t'aqarqan wawqen Esaupaq sumaq sonqota: 14iskay pachak china cabrata, iskay chunka orqo cabratawan, iskay pachak ovejata, iskay chunka borregotawan, 15kinsa chunka china camellokunata qholla uñankunantinta, tawa chunka wakata chunka torillotawan, iskay chunka china asnota chunka malta orqo asnotawan. 16Hinaspan kamachinkunawan qatichirqan sapanka tropata t'aqa-t'aqata. Nirqantaq:
—Ñawpaychis, hinaspa sapa t'aqata qatiychis karu-karu qhepata, nispa.
17Ñawpaqkaqtataq kamachirqan:
—Wawqey Esauwanchus tupanki, hinaspa tapusunki:
—¿Piqpan kanki? ¿Maytan rishanki? ¿Pipaqmi kayta qatishanki? nispa, chayqa, 18ninki:
—Kamachiyki Jacobpa sumaq sonqonmi, wiraqochay Esaumanmi apachishan, paypas qhepaykutan hamushan, nispayki, nispa.
19Kachallarqantaq iskaykaqtapas, kinsakaqtapas, chay t'aqakuna qhepata hayk'an riqtapas:
—Kaqtakama Esauman ninkichis, paywan tupaspaykichisqa, nispa. 20Nillankichistaq:
—Kamachiyki Jacobmi qhepaykuta hamushan, nispaykichis, nispa.
Jacobqa sonqonpin nirqan: Sumaq sonqota ñawpachispaymi sonqonta llamp'uyachisaq, hinaspañan paywan tupasaq, yaqapaschari payqa chaskiwanqa, nispa. 21Chaymi sumaq sonqota ñawpachirqan. Paytaq chay tuta puñurqan kaqninkunantin.
Jacobpa Penielpi angelwan hap'inakusqan
22-23Chay tutataq sayarispa pusarikurqan iskaynin warmintapas, iskaynin kamachin warmitapas, chunka hukniyoq wawantapas, hinaspanmi Jabok mayu chimpanata paykunata lliw kaqnintinta chimpachirqan. 24Ahinapi Jacobqa sapallan qhepakurqan. Paywantaq pacha paqariqta huk qhari hap'inakurqan. 25Qhariqa mana payta atipayta atispataq tupaykurqan teqni muyuna tullu cheqaspi, hinan Jacobpa teqni tullunqa phawarqorqan paywan hap'inakushaqtin. 26Hinan chay qhariqa nirqan:
—Kachariway, pachan paqarinña, nispa.
Jacobtaq payman kutichirqan:
—Manan kacharisqaykichu manachus saminchawanki chayqa, nispa.
27Chay qharitaq payta nirqan:
—¿Iman sutiyki? nispa.
Paytaq kutichirqan:
—Jacobmi, nispa.
28Chay qharitaq payta nirqan:
Manan Jacobñachu sutiyki kanqa, aswanpas Israelmi#Israel sutin Hebreo rimaypi “Dioswan hap'inakuq” simiman rikch'akun, otaq “Diosmi hap'inakun” niqman. kapunqa, Dioswanmi hap'inakunki riki, hinallataq runakunawanpas, atiparqankitaq, nispa.
29Hinaqtinmi Jacobqa payta tapurqan:
—Willaway sutiykita, nispa.
Chay qharitaq kutichirqan:
—¿Imapaqtaq sutiyta tapuwanki? nispa. Hinaspanmi chaypi samincharqan. 30Chaymi Jacobqa chayneqta suticharqan Penielta#Kay sutin Hebreo rimaypi “Diospa uyan” ninanta nin., nirqanmi: Uya puran Dioswan tupani, kawsashaniraqtaq kanpas, nispa.
31Penielta pasaqtinñataq inti lloqsimurqan, wist'uspa-wist'uspataq purirqan. 32Chaymi Israel runakunaqa chay p'unchaymanta mana mikhunkuchu chay q'estisqa hank'uta, Jacobta chay q'estisqa hank'unpi tupaykusqanrayku. Chay hank'un teqni tulluq muyunanpi kashan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.