JUAN 14
14
Jesusmi Yayaman ñan
1Jesusmi nirqan: —Ama sonqoykichispi musphaychischu, Diosman hap'ipakuychis, ñoqamanpas hap'ipakullaychistaq. 2Yayaypa wasinpiqa askha wasikunan kashan, mana chay hina kaqtinqa ñan niykichismanña karqan. Chhaynaqa risaqmi qankunapaq wasita wakichimuq. 3Rispay wasita qankunapaq wakichimuspaymi kutimusaq, hinaspan pusakapusqaykichis, maypichus ñoqa kashani chayllapitaq qankunapas kashanaykichispaq. 4Maymanchus rishasqaytaqa yachankichismi, chayman riq ñantapas reqsinkichistaqmi, nispa.
5Hinan Tomasqa Jesusta nirqan: —Señorníy, manan yachaykuchu maymanchus rishasqaykitaqa, ¿imaynatataq ñantari reqsiykuman? nispa.
6Jesustaq payta nirqan: —Ñoqan kani ñanpas, cheqaq-kaypas, kawsay qoqpas. Pipas ñoqallantapunin Yayamanqa chayanqa. 7Ñoqatachus reqsiwankichis chayqa, Yayaytapas reqsillankichistaqmi. Kunanmantapachan paytaqa reqsinkichis, rikunkichistaqmi, nispa.
8Chaymi Felipeqa nirqan: —Señorníy, Yayata rikuchiwayku, chayllawanmi sonqopas-sonqo kasaqku, nispa.
9Jesustaq payta nirqan: —Unayñan qankunawanqa kashani, ¿manaraqchu reqsiwanki Felipe? Ñoqata rikuwaqqa Yayatan rikun. ¿Imaynataq qanri “Yayata rikuchiwayku” ninki? 10¿Manachu iñinki Yayawan huklla kashasqayta, Yayataq ñoqawan huklla kashasqanta? Qankunaman nisqay simikunataqa manan ñoqa kikillaymantachu rimani, aswanpas ñoqawan huklla kaq Yayan riman, payllataqmi ruwanakunatapas ruwan. 11Iñiwaychis Yayawan huklla kasqayta, Yayataq ñoqawan huklla kashasqantapas, mana chayqa ruwasqaykunarayku iñiwaychis. 12Cheqaqtapunin niykichis: ñoqaqa Yayamanmi ripushani. Chayraykun ñoqapi iñiqqa ñoqaq ruwasqaykunata ruwallanqataq, chaykunamantapas astawanraqmi ruwanqa.
13Imatapas sutiypi mañakuqtiykichisqa ruwasaqmi, ñoqa hawa Yaya hatunchasqa kananpaq. 14Imatapas sutiypi mañakuwaqtiykichisqa ñoqan ruwasaq, nispa.
Santo Espirituta kachamunanmanta
15Munakuwaspaykichisqa kamachikuyniykunata hunt'aychis. 16Ñoqan Yayata rogakusaq, paymi huk kallpachaqta kachamusunkichis, qankunawan wiñaypaq kashananpaq. 17Chayqa Diospa cheqaq-kayninta rikuchiq Santo Espiritun, paytan kay pacha runakunaqa mana chaskiyta atinkuchu, payta mana rikuspa mana reqsisqankurayku. Qankunan ichaqa payta reqsinkichis, qankunawan kashasqanrayku, qankunapitaqmi kashanqa. 18Manan sapallaykichistachu saqesqaykichis, kutimusaqmi qankunaman. 19Runakunaqa pisi tiempollatañan rikuwanqaku, qankunan ichaqa rikuwankichisraq, kawsasqayraykun qankunapas kawsankichis. 20Chay p'unchaymi qankunaqa yachankichis Yayawan ñoqa huklla kashasqayta, qankunataq ñoqawan huklla kashasqaykichista, ñoqapas qankunawan huklla kashasqaytawan. 21Pipas kamachikuyniykunata yachaspa hunt'aqmi munakuwaqniyqa, munakuwaqniytaqa Yayaypas munakunqan, ñoqapas payta munakuspaymi payman reqsichikusaq, nispa.
22Chaymi Judasqa (mana Iscariotechu) payta nirqan: —Señorníy, ¿imanaqtintaq ñoqallaykumanqa reqsichikuwankiku manataq wak runakunamanqa? nispa.
23Hinan Jesusqa payta nirqan: —Pipas munakuwaqniyqa simiytan kasukunqa, Yayaytaq payta munakunqa, paymantaq hamusaqku, hinaspan paywan tiyasaqku. 24Mana munakuwaqniyqa manan simiykunata kasukunchu. Uyarisqaykichis simiqa manan ñoqaqchu, aswanpas kachamuwaqniy Yayaqmi.
25Chaykunataqa nishaykichis qankunawan kashaspayraqmi, 26ichaqa kallpachaq Santo Espiritutan Yaya kachamunqa sutiypi, paymi tukuy imaymanata yachachisunkichis, yuyarichisunkichistaqmi tukuy imaymanata qankunaman nisqaytapas.
27Thak sonqotan qoykichis, thak-kayniytan qoykichis, manan runakunaq qosqanta hinachu chaytaqa qoykichis. Ama sonqoykichispi musphaychischu, amataq manchapakuychispaschu. 28Uyarirqankichisñan: Risaqmi, hinaspan qankunaman kutimusaq, nispa nisqayta. Munakuwaspaykichisqa q'ochukuwaqchismi “Yayaman risaq” nisqaymantaqa. Yayaqa ñoqamanta aswan kurakmi. 29Kunanmi chayta nishaykichis manaraq chaykuna sucedeshaqtin, chaykuna hunt'akuqtintaq iñinaykichispaq.
30Manañan anchatachu qankunawan rimasaq. Kay pachapi kamachikuq supaymi hamushan, paypaqa manan ima atiyninpas ñoqapaqqa kanchu. 31Aswanqa hinapunin kanan, chaymi kay pacha runakuna yachanqa Yayata munakusqayta, paypa kamachiwasqanta ruwasqaytapas.
Sayariychis, haku kaymanta, nispa.
Currently Selected:
JUAN 14: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
JUAN 14
14
Jesusmi Yayaman ñan
1Jesusmi nirqan: —Ama sonqoykichispi musphaychischu, Diosman hap'ipakuychis, ñoqamanpas hap'ipakullaychistaq. 2Yayaypa wasinpiqa askha wasikunan kashan, mana chay hina kaqtinqa ñan niykichismanña karqan. Chhaynaqa risaqmi qankunapaq wasita wakichimuq. 3Rispay wasita qankunapaq wakichimuspaymi kutimusaq, hinaspan pusakapusqaykichis, maypichus ñoqa kashani chayllapitaq qankunapas kashanaykichispaq. 4Maymanchus rishasqaytaqa yachankichismi, chayman riq ñantapas reqsinkichistaqmi, nispa.
5Hinan Tomasqa Jesusta nirqan: —Señorníy, manan yachaykuchu maymanchus rishasqaykitaqa, ¿imaynatataq ñantari reqsiykuman? nispa.
6Jesustaq payta nirqan: —Ñoqan kani ñanpas, cheqaq-kaypas, kawsay qoqpas. Pipas ñoqallantapunin Yayamanqa chayanqa. 7Ñoqatachus reqsiwankichis chayqa, Yayaytapas reqsillankichistaqmi. Kunanmantapachan paytaqa reqsinkichis, rikunkichistaqmi, nispa.
8Chaymi Felipeqa nirqan: —Señorníy, Yayata rikuchiwayku, chayllawanmi sonqopas-sonqo kasaqku, nispa.
9Jesustaq payta nirqan: —Unayñan qankunawanqa kashani, ¿manaraqchu reqsiwanki Felipe? Ñoqata rikuwaqqa Yayatan rikun. ¿Imaynataq qanri “Yayata rikuchiwayku” ninki? 10¿Manachu iñinki Yayawan huklla kashasqayta, Yayataq ñoqawan huklla kashasqanta? Qankunaman nisqay simikunataqa manan ñoqa kikillaymantachu rimani, aswanpas ñoqawan huklla kaq Yayan riman, payllataqmi ruwanakunatapas ruwan. 11Iñiwaychis Yayawan huklla kasqayta, Yayataq ñoqawan huklla kashasqantapas, mana chayqa ruwasqaykunarayku iñiwaychis. 12Cheqaqtapunin niykichis: ñoqaqa Yayamanmi ripushani. Chayraykun ñoqapi iñiqqa ñoqaq ruwasqaykunata ruwallanqataq, chaykunamantapas astawanraqmi ruwanqa.
13Imatapas sutiypi mañakuqtiykichisqa ruwasaqmi, ñoqa hawa Yaya hatunchasqa kananpaq. 14Imatapas sutiypi mañakuwaqtiykichisqa ñoqan ruwasaq, nispa.
Santo Espirituta kachamunanmanta
15Munakuwaspaykichisqa kamachikuyniykunata hunt'aychis. 16Ñoqan Yayata rogakusaq, paymi huk kallpachaqta kachamusunkichis, qankunawan wiñaypaq kashananpaq. 17Chayqa Diospa cheqaq-kayninta rikuchiq Santo Espiritun, paytan kay pacha runakunaqa mana chaskiyta atinkuchu, payta mana rikuspa mana reqsisqankurayku. Qankunan ichaqa payta reqsinkichis, qankunawan kashasqanrayku, qankunapitaqmi kashanqa. 18Manan sapallaykichistachu saqesqaykichis, kutimusaqmi qankunaman. 19Runakunaqa pisi tiempollatañan rikuwanqaku, qankunan ichaqa rikuwankichisraq, kawsasqayraykun qankunapas kawsankichis. 20Chay p'unchaymi qankunaqa yachankichis Yayawan ñoqa huklla kashasqayta, qankunataq ñoqawan huklla kashasqaykichista, ñoqapas qankunawan huklla kashasqaytawan. 21Pipas kamachikuyniykunata yachaspa hunt'aqmi munakuwaqniyqa, munakuwaqniytaqa Yayaypas munakunqan, ñoqapas payta munakuspaymi payman reqsichikusaq, nispa.
22Chaymi Judasqa (mana Iscariotechu) payta nirqan: —Señorníy, ¿imanaqtintaq ñoqallaykumanqa reqsichikuwankiku manataq wak runakunamanqa? nispa.
23Hinan Jesusqa payta nirqan: —Pipas munakuwaqniyqa simiytan kasukunqa, Yayaytaq payta munakunqa, paymantaq hamusaqku, hinaspan paywan tiyasaqku. 24Mana munakuwaqniyqa manan simiykunata kasukunchu. Uyarisqaykichis simiqa manan ñoqaqchu, aswanpas kachamuwaqniy Yayaqmi.
25Chaykunataqa nishaykichis qankunawan kashaspayraqmi, 26ichaqa kallpachaq Santo Espiritutan Yaya kachamunqa sutiypi, paymi tukuy imaymanata yachachisunkichis, yuyarichisunkichistaqmi tukuy imaymanata qankunaman nisqaytapas.
27Thak sonqotan qoykichis, thak-kayniytan qoykichis, manan runakunaq qosqanta hinachu chaytaqa qoykichis. Ama sonqoykichispi musphaychischu, amataq manchapakuychispaschu. 28Uyarirqankichisñan: Risaqmi, hinaspan qankunaman kutimusaq, nispa nisqayta. Munakuwaspaykichisqa q'ochukuwaqchismi “Yayaman risaq” nisqaymantaqa. Yayaqa ñoqamanta aswan kurakmi. 29Kunanmi chayta nishaykichis manaraq chaykuna sucedeshaqtin, chaykuna hunt'akuqtintaq iñinaykichispaq.
30Manañan anchatachu qankunawan rimasaq. Kay pachapi kamachikuq supaymi hamushan, paypaqa manan ima atiyninpas ñoqapaqqa kanchu. 31Aswanqa hinapunin kanan, chaymi kay pacha runakuna yachanqa Yayata munakusqayta, paypa kamachiwasqanta ruwasqaytapas.
Sayariychis, haku kaymanta, nispa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.