JUAN 15
15
Jesusmi cheqaq uvas yuraqa
1Jesusmi nirqan: —Ñoqan cheqaq uvas yuraqa kani, Yayaytaq llank'aq. 2Mayqen k'allmapas ñoqapi mana ruruqtaqa wit'unmi, ruruq k'allmatataqmi kuchupan, astawan rurunanpaq. 3Qankunaqa limpioñan kankichis qankunaman rimaykusqay simikunawan. 4Ñoqallawanpuni huklla kashaychis, ñoqataq qankunawan huklla kashasaq. Imaynan k'allmaqa kikillanmanta mana ruruyta atinchu, mana uvas yurapi kashaspaqa, chay hinan qankunapas mana atiwaqchischu manachus ñoqawan huklla kashawaqchis chayqa.
5Ñoqan uvas yura kani, qankunataq k'allmakuna. Ñoqawan huklla kaqqa askhatan rurun. Ñoqaq mana yanapasqaymi ichaqa mana ima ruwaytapas atiwaqchischu. 6Pipas mana ñoqawan huklla kaqqa wit'usqa k'allma hinan wikch'usqa kanqa, hinaspan ch'akipunqa. Chaykunata huñuspan ninaman wikch'uykunku, hinan ruphapun.
7Ñoqawanchus huklla kashankichis chayqa, simiykunapas sonqoykichispi kashan chayqa, tukuy ima munasqaykichista mañakuychis, hinan qankunaman qosqa kanqa. 8Allintapuni kawsasqaykichiswanmi Yayaqa hatunchasqa, chay hinapin yachachisqaykuna kasqaykichista sut'inchankichis. 9-10Imaynan Yayaqa munakuwan, chay hinatan ñoqapas munakuykichis. Kamachikuyniykunata hunt'ankichis chayqa, munakushallasqaykichispunin, imaynan Yayaypa kamachikuyninkunata hunt'aqtiy payqa munakuwan hinata. Chay hinaqa, kamachikuyniykunata hunt'aychis qankunata munakushanallaypaq.
11Chaykunatan niykichis kusikuyniywan kusikunaykichispaq, chhaynapi anchata kusikunaykichispaq. 12Kaytan kamachiykichis: Qankuna pura munanakuychis, imaynan ñoqapas munakuykichis hinata. 13Pillapas amigonrayku wañuqmi aswan munakuq kasqantaqa rikuchikun. Chaymanta aswan munakuqqa manan kanchu. 14Qankunachus kamachikuyniykunata hunt'ankichis chayqa, amigoykunan kankichis. 15Manañan “kamachikuna” nisqaykichischu, kamachiqa manan yachanchu patronninpa ima ruwasqantapas, aswanpas “amigoykuna” nisqaykichismi, Yayaymanta lliw imaymana uyarisqayta qankunaman willasqayrayku. 16Manan qankunachu ñoqataqa akllakuwarqankichis, aswanpas ñoqan qankunataqa akllakurqaykichis, hinaspan churarqaykichis rispa allinta kawsamunaykichispaq, allin kawsasqaykichismanta ruru hina kashanallanpaq. Chay hinapin Yayamanta sutiypi mañakuqtiykichis pay qosunkichis. 17Kaytan kamachiykichis: Qankuna pura munanakuychis.
Runakunaq cheqnikuyninmanta
18Kay pacha runakunachus cheqnisunkichis chayqa, yachaychis qankunamanta ñawpaqtaraq ñoqata cheqniwasqankuta. 19Kay pachamanta kawaqchis chayqa, runakunaqa munakusunkichismanmi kaqninkutaqa, aswanpas ñoqan kay pachamanta akllakurqaykichis, chaymi runakunaqa cheqnisunkichis manaña kay pachaqchu kasqaykichisrayku. 20Manan kamachiqa patronninmanta kurakchu, nispa qankunaman nisqay simita yuyariychis. Ñoqata qatiykachawarqanku chayqa, qankunatapas qatiykachallasunkichistaqmi, simiyta hunt'arqanku chayqa, qankunaqtapas hunt'allanqakutaqmi. 21Lliw chaykunataqa ñoqaraykun ruwasunkichis, kachamuwaqniyta mana reqsisqankurayku.
22Manachus hamuyman karqan, manachus paykunaman rimaykuyman karqan chayqa, manan huchayoqchu kankuman, kunanmi ichaqa huchankumanta mana ima niytapas atinkuchu. 23Ñoqata cheqnikuwaqqa Yayaytapas cheqnikullantaqmi. 24Mana piqpa ruwasqan ruwaykunata paykuna ukhupi mana ruwaymanchu karqan chayqa, manan huchayoqchu kankuman karqan, kunanmi ichaqa ruwasqaykunata rikushaspapas ñoqatapas Yayaytapas cheqniwanku. 25Chayqa sucederqan “Yanqa qasin cheqniwarqanku” niq simi kamachikuy siminkupi qelqasqa hunt'akunanpaqmi.
26Diospa cheqaq-kayninta reqsichiq Kallpachaq Espiritutan Yayamanta kachamusqaykichis, paymi Yayamanta hamun, paymi ñoqamanta willanqa. 27Qankunapas ñoqamanta willankichismi, qallariymantapacha ñoqawan kasqaykichisrayku.
Currently Selected:
JUAN 15: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.
JUAN 15
15
Jesusmi cheqaq uvas yuraqa
1Jesusmi nirqan: —Ñoqan cheqaq uvas yuraqa kani, Yayaytaq llank'aq. 2Mayqen k'allmapas ñoqapi mana ruruqtaqa wit'unmi, ruruq k'allmatataqmi kuchupan, astawan rurunanpaq. 3Qankunaqa limpioñan kankichis qankunaman rimaykusqay simikunawan. 4Ñoqallawanpuni huklla kashaychis, ñoqataq qankunawan huklla kashasaq. Imaynan k'allmaqa kikillanmanta mana ruruyta atinchu, mana uvas yurapi kashaspaqa, chay hinan qankunapas mana atiwaqchischu manachus ñoqawan huklla kashawaqchis chayqa.
5Ñoqan uvas yura kani, qankunataq k'allmakuna. Ñoqawan huklla kaqqa askhatan rurun. Ñoqaq mana yanapasqaymi ichaqa mana ima ruwaytapas atiwaqchischu. 6Pipas mana ñoqawan huklla kaqqa wit'usqa k'allma hinan wikch'usqa kanqa, hinaspan ch'akipunqa. Chaykunata huñuspan ninaman wikch'uykunku, hinan ruphapun.
7Ñoqawanchus huklla kashankichis chayqa, simiykunapas sonqoykichispi kashan chayqa, tukuy ima munasqaykichista mañakuychis, hinan qankunaman qosqa kanqa. 8Allintapuni kawsasqaykichiswanmi Yayaqa hatunchasqa, chay hinapin yachachisqaykuna kasqaykichista sut'inchankichis. 9-10Imaynan Yayaqa munakuwan, chay hinatan ñoqapas munakuykichis. Kamachikuyniykunata hunt'ankichis chayqa, munakushallasqaykichispunin, imaynan Yayaypa kamachikuyninkunata hunt'aqtiy payqa munakuwan hinata. Chay hinaqa, kamachikuyniykunata hunt'aychis qankunata munakushanallaypaq.
11Chaykunatan niykichis kusikuyniywan kusikunaykichispaq, chhaynapi anchata kusikunaykichispaq. 12Kaytan kamachiykichis: Qankuna pura munanakuychis, imaynan ñoqapas munakuykichis hinata. 13Pillapas amigonrayku wañuqmi aswan munakuq kasqantaqa rikuchikun. Chaymanta aswan munakuqqa manan kanchu. 14Qankunachus kamachikuyniykunata hunt'ankichis chayqa, amigoykunan kankichis. 15Manañan “kamachikuna” nisqaykichischu, kamachiqa manan yachanchu patronninpa ima ruwasqantapas, aswanpas “amigoykuna” nisqaykichismi, Yayaymanta lliw imaymana uyarisqayta qankunaman willasqayrayku. 16Manan qankunachu ñoqataqa akllakuwarqankichis, aswanpas ñoqan qankunataqa akllakurqaykichis, hinaspan churarqaykichis rispa allinta kawsamunaykichispaq, allin kawsasqaykichismanta ruru hina kashanallanpaq. Chay hinapin Yayamanta sutiypi mañakuqtiykichis pay qosunkichis. 17Kaytan kamachiykichis: Qankuna pura munanakuychis.
Runakunaq cheqnikuyninmanta
18Kay pacha runakunachus cheqnisunkichis chayqa, yachaychis qankunamanta ñawpaqtaraq ñoqata cheqniwasqankuta. 19Kay pachamanta kawaqchis chayqa, runakunaqa munakusunkichismanmi kaqninkutaqa, aswanpas ñoqan kay pachamanta akllakurqaykichis, chaymi runakunaqa cheqnisunkichis manaña kay pachaqchu kasqaykichisrayku. 20Manan kamachiqa patronninmanta kurakchu, nispa qankunaman nisqay simita yuyariychis. Ñoqata qatiykachawarqanku chayqa, qankunatapas qatiykachallasunkichistaqmi, simiyta hunt'arqanku chayqa, qankunaqtapas hunt'allanqakutaqmi. 21Lliw chaykunataqa ñoqaraykun ruwasunkichis, kachamuwaqniyta mana reqsisqankurayku.
22Manachus hamuyman karqan, manachus paykunaman rimaykuyman karqan chayqa, manan huchayoqchu kankuman, kunanmi ichaqa huchankumanta mana ima niytapas atinkuchu. 23Ñoqata cheqnikuwaqqa Yayaytapas cheqnikullantaqmi. 24Mana piqpa ruwasqan ruwaykunata paykuna ukhupi mana ruwaymanchu karqan chayqa, manan huchayoqchu kankuman karqan, kunanmi ichaqa ruwasqaykunata rikushaspapas ñoqatapas Yayaytapas cheqniwanku. 25Chayqa sucederqan “Yanqa qasin cheqniwarqanku” niq simi kamachikuy siminkupi qelqasqa hunt'akunanpaqmi.
26Diospa cheqaq-kayninta reqsichiq Kallpachaq Espiritutan Yayamanta kachamusqaykichis, paymi Yayamanta hamun, paymi ñoqamanta willanqa. 27Qankunapas ñoqamanta willankichismi, qallariymantapacha ñoqawan kasqaykichisrayku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.