LUCAS Qelqaq qallariynin
Qelqaq qallariynin
Kay libropiqa Jesusmi rikhurin Diospa prometesqan Qespichiq Israel llaqtapaqpas teqsimuyuntin runakunapaqpas. Diospa Espiritunmi Jesuswan kasharqan, ahinapi Diosmanta allin willakuykunata wakcha runakunaman willananpaq. Jesusmi sapa kuti hina pisi kawsay runakunata khuyapayan. Paypa kashasqanpiqa kusikuymi kan, chaymi kay libropi rikhurin. Lucasqa askhatan willakun wakin librokunapi mana willasqata. Chaykunan kaykuna: angelkunaq takisqan, Jesús naceqtin michiqkunaq watukusqan, waynacha kashaspa Jesuspa Dios yupaychana wasita risqan, khuyapayakuq Samaria llaqta runa, chinkakuq churipiwan. Lucasqa willakullantaqmi Diosmanta mañakunamanta, Diospa Espiritunmanta, Jesusta yanapaq warmikunamanta, hucha pampachaymantawan.
Kay libropin kaykunamanta willakun:
1.1-4 Qelqaq qallariynin.
1.5—2.52 Bautizaq Juanpa Jesuspa nacesqanku wawa kasqankupiwan.
3.1-20 Bautizaq Juanpa Diosta servisqan.
3.21—4.13 Jesuspa bautizakusqan wateqasqa kasqanpiwan.
4.14—9.50 Jesuspa Galilea provinciapi ruwasqan.
9.51—19.27 Galileamanta Jerusalenman Jesuspa risqan.
19.28—23.56 Wañunan qaylla p'unchaykunapi Jesusta imaymana sucedesqan.
24.1-53 Kawsarimpuspa yachachisqankunaman rikhurisqan, hanaq pachaman wicharipusqanpiwan.
Currently Selected:
LUCAS Qelqaq qallariynin: QC88
Highlight
Share
Copy
Want to have your highlights saved across all your devices? Sign up or sign in
Biblia en Quechua de Cuzco © Sociedades Bíblicas Unidas, 1988.