LUKAS 1
1
Qallanan: Teófilupaq dedikashqa
1Atskaqmi alli qellqeyta munayashqa noqantsikkunachow tseqeypa rureykuna susedishqanta, 2yachatsimashqantsiknow qallananpita rikáyanqanta, i kayarqan Dyospa palabran yachatsikoqkuna, 3noqatapis allim nirápumashqa, qallananpita llapan kosaskunata tapupakuríkur, qellqarqoq kuchunpita churar, allápa reqishqa Teófilu, 4rureykunapa rason keyninta alleq reqineykipaq tseykunachowmi yachatsishqa karqonki.
Juanpa yurikiyninpaq willakiy
5Eródispa junaqninkunachowmi karqan, Judeyapa reynin, juk saserdoti Sakariyas jutiyoq, Abiaspa kastan kaq; warminnam karqan Aaronpa tsurinkunapita, i Elisabet jutiyoq. 6Ishkanmi allita ruraq kayarqan Dyospa nowpanchow, puriyarqan mana piñapéyoq Señorpa llapan mandakiyninkunachow i ordenninkunachow. 7Peru wamran kayápurqantsu, Elisabet mana wachakoq kaptin, i tsatsanam ishkanpis kayarqan.
8Sakariyas saserdóti keyninta ordenninmannow Dyospa nowpanchow rureykaptin susedirqan, 9saserdótipa kostumbrinmannow, tokarqan swertipa insyensuta rupatsi, Señorpa santuwaryunman yeykurnin. 10I llapan nunakunam keykáyarqan jaqchow Dyosta mañakur insyensu óra.
11I yuriporqan Señorpa juk angelnin insyensupa altarnin derecha kaqchow sheykar. 12I Sakariyas rikeykurna turbakákurerqan, i mantsakeykorqan. 13Angelnam nerqan: —¡Sakariyas, ama mantsakeytsu! Dyosman mañakonqeykim wiyashqa karqon, warmiki Elisabet qeshpikonqa juk wamrata, i jutin churanki Juan. 14I kapushunki kushikiynikim, i atskaqkunam kushikuyanqa yurikushqanpita; 15Dyospa nowpanchow jatunmi kanqa. Ama uponqatsu bínuta ni sidrata, i Espiritu Santupa juntashqam kanqa, mamanpa pachanpita patsa. 16I ruranqam Israyelpa Señor Dyosninman atska tsurinkuna konbertíkuyananpaq. 17Eywanqam peypa nowpanta Eliaspa espiritunwan i poderninwan, teytakunapa shonqunkunata tsurikunaman kutitsimunanpaq, i rebeldikunata justukunapa alli fisyunman, alistananpaq juk pwebluta Señorpaq alli alistashqata.
18Sakariyas nerqan angelta: —¿Imachowraq keyta reqishaq? Noqaqa awkinnam ká, i warmípis tsatsanam.
19Angel yaskirnam, nerqan: —Noqam ká Gabryel, Dyospa nowpanchowmi keyká, i kachamushqam karqó parlapánaqpaq, i alli willakiykunata willanaqpaq. 20I kananqa múdum tikrarinki i parleyta pwedinkitsu, key rurakanqan junaqyaq, nenqaqta mana kreyishqa kaptiki, tseykunam tinkonqa tyempunchow.
21I pweblunam shuyareykarqan Sakariyasta, yarpakachar santwaryuchow demoraptin. 22Yarqaramurna, pwederqantsu parlapeyninkunata; i káyiriyarqan santuwaryuchow bisyon rikanqanta. Pey parlaparqan séñasllapa, i múdu keydarerqan.
23Ministeryunpa junaqninkuna tinkuriptinna, ewkorqan wayinta. 24Tsey junaqpitanam warmin Elisabet qeshyaqyárerqan, i wayinpita yarqukorqanatsu pitsqa killanpin, nishpa:
25—Keynowmi Señor rurashqa noqawan munanqan junaqkuna nunakunachow penqapashqa keyniyta jorqur.
Jesuspa yurikiyninpaq willakiy
26Joqta killatana angel Gabryel kachasqa karqan Dyospa, Galileyapa juk markanman, Nasaret nishqaman, 27watukananpaq Marya jutiyoq donsillata. Pey kasakunanpaq parlashqana keykaptin José jutiyoq ollquwan, Dabidpa wayinpita. 28I angel, pey keykanqanman yeykurirna nerqan: —¡Salbe, allápa estimashqa! Señormi qanwan; bendíta qam llapan warmikunachow.
29Pey, rikeykurnam, mantsakeykurqan palabrankunapa, i yarpakacharqan ima saludakiy kashqanta. 30Tseynam angel nerqan: —¡Marya, ama mantsakeytsu! Tarerqonkim grasyata Dyospa nowpanchow. 31I kananmi, qeshyaqyanki, i qeshpikunki juk wamrata, i jutin churanki JESUS. 32Keymi kanqa jatun, i kanqa jutitsashqa Altísimupa Tsurin; Señor Dyosmi qonqa teytan Dabidpa trónunta; 33i reynanqa Jakobpa wayinchow wiñeypa, i reynunpa usheynin kanqatsu.
34Tseynam Marya nerqan angelta: —¿Imanowraq kanqa key? Manaran ollquta reqíraqtsu.
35Yaskirnam angel nerqan: —Espiritu Santum shamonqa qanman, i Altísimupa podernin wáninwan tsaparishunkiy tseyreykurmi Santu Yureqpis, jutitsishqa kanqa Dyospa Tsurin. 36Keymi key kasteyki Elisabet, peypis qeshyaqnam tsatsayeyninchow; kananmi joqta killanna peypaq, mana wachakoq niyanqan; 37manam imapis kantsu sasa Dyospaqqa.
38Tseynam Marya nerqan: —Keymi key Señorpa sirweqnin; rurakátsun noqawan palabreykimannow.
I angelnam ewkorqan nowpanpita.
Marya watukan Elisabetta
39Tsey junaqkunachow, Marya sharkur, ewkorqan weyralla jirkata, Judápa juk markanman; 40i yeykurerqan Sakariyaspa wayinman, i saludarerqan Elisabetta. 41I susederqan Maryapa saludakiyninta Elisabet wiyariptin, wamra salteykorqan pachanchow, i Elisabetna karqan Espiritu Santuwan juntashqa, 42i qaparíkorqan sinchipa, i nerqan: —¡Bendita qam warmikunachow, i bendítu pacheykichow wamra! 43¿Imanirtaq keyta qoman noqata, Señornípa maman noqaman shamunanpaq? 44Raslla saludakiyniki rinríkunaman cháramuptin, llullu wamra kushikiyta salteykorqan pacháchow. 45Kushíkiyoqmi kreyikoqqa, tinkurenqam Señor nishqan.
Maryapa kantakiynin
46Tseynam Marya nerqan: —Almámi alaban
Señorta;
47i espiritúmi kushikun Dyos Salbadorníchow.
48Rikarqonmi sirweqninpa qollmi keyninta;
keymi key,
kananpitam niyámanqa kushikiyoqnam llapan
kastakuna.
49Poderósum noqachow rurashqa jatusaq
kosaskunata;
jutinqa Santum,
50i ankupákiynenqa kastakunapita
kastankunayaq llapan mantsakoqninkunapaq.
51Jatusaq rureykunata rikranwan rurarqan;
witsikacharkorqan shonqunkunapa
yarpeyninkunachow wasqitupákoqkunata.
52Pwedeqkunata jorqurqan tronukunapita,
i manshukunata pallarkorqan.
53Mallaqaqkunata allikunawan llishmarqan,
kapoqyoqkunata jineyllata qarqorqan.
54Yanaparqan sirweqnin Israyelta,
ankupákiyta yarparnin.
55Keykunapitam parlaparqan teytantsikkunata,
Abrahampaq i kastankunapaq wiñeypa.
56I keydakorqan Marya peywan kima killanow; tseypitana kutikorqan wayinta.
Juan Bawtistapa yurikiynin
57Elisabetpa qeshpikiy tyempun tinkuriptin, qeshpikorqan juk wamrata. 58Besínunkuna i kastankuna Dyos peywan ankupákiyninta jatunyátsishqanta, wiyarirnam kushikuyarqan peywan. 59Puwaq junaqtam wamra sirkunsidaq shayámorqan; i jutitsiyarqan papáninpa jutinwan, Sakariyas;
60mamáninnam yaskir, nerqan: —¡Manam! Juanmi jutinqa kanqa.
61Niyarqannam: —¿Imanir? Manam pipis kantsu tsey jutiyoq kasteykichow.
62Tseynam teytanta tapuyarqan séñaspa, imanow jutitsinanta. 63I tablillata mañarkur, qellqarqan, nishpa: “Juanmi jutin.” I llapankunam almirakuyarqan. 64Tseyllanam shimin yapey parlarqan i qallunpis paskakárerqan, i parlarqan Dyosta bendisirnin. 65I llapan besínunkunanam mantsakákuyarqan; i Judea jirkakunachow musyakárerqan key llapan kosaskuna. 66I llapan wiyaqkuna wardayarqan shonqunkunachow, nishpa: —¿Piraq, kanqa key wamra? I Señorpa podernin peywan karqan.
Sakariyaspa kantakiynin
67I teytan Sakariyas Espiritu Santuwan juntashqa karqan, i profetisarqan, nishpa:
68—Bendítu katsun Señor, Israyelpa Dyosnin,
watukarqon i reskatarqon pweblunta.
69I sháritsimorqon juk pwedeq
Salbadorta sirweqnin Dabidpa kastanchow,
70qallananpita santu profetankunapa
shiminpa parlanqannow:
71Chikimaqnintsikpita salbamáshun,
i llapan melanámaqnintsikkunapa
makinpita,
72teytantsikkunawan ankupákiyta
rurananpaq, I santu paktunpita
yarparnin.
73Teytantsik Abraham juramentu
rurashqanta, qománantsik kanqanta,
74chikimaqnintsikkunapita librashqa
karnin,
sirwishwan mana mantsashpa,
75peypa nowpanchow santidáchow
i justisyachow,
llapan junaqnintsikkunachow.
76I qam, wamra, Altísimupa
profetan nishqam kanki;
Señorpa nowpantam eywanki,
náninkunata alistaneykipaq;
77markanta salbasyon reqikiyta
qoneykipaq,
jutsankunapita perdonashqa
kayánanpaq;
78Dyosnintsikpa allápa kuyakiy
ankupákiyninpa,
rarapita watukamarqontsik
qoya qoya,
79ampeqchow i wanípa wáninchow
yachaqkunata aktsin qonanpaq;
chakintsikkunata pushananpaq
yamey key nánipa.
80I wamra winarqan, i kallpakoq espirituchow; i karqan tsunyaqkunachow Israyelman rikátsikonqan junaqyaq.
Currently Selected:
LUKAS 1: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 1
1
Qallanan: Teófilupaq dedikashqa
1Atskaqmi alli qellqeyta munayashqa noqantsikkunachow tseqeypa rureykuna susedishqanta, 2yachatsimashqantsiknow qallananpita rikáyanqanta, i kayarqan Dyospa palabran yachatsikoqkuna, 3noqatapis allim nirápumashqa, qallananpita llapan kosaskunata tapupakuríkur, qellqarqoq kuchunpita churar, allápa reqishqa Teófilu, 4rureykunapa rason keyninta alleq reqineykipaq tseykunachowmi yachatsishqa karqonki.
Juanpa yurikiyninpaq willakiy
5Eródispa junaqninkunachowmi karqan, Judeyapa reynin, juk saserdoti Sakariyas jutiyoq, Abiaspa kastan kaq; warminnam karqan Aaronpa tsurinkunapita, i Elisabet jutiyoq. 6Ishkanmi allita ruraq kayarqan Dyospa nowpanchow, puriyarqan mana piñapéyoq Señorpa llapan mandakiyninkunachow i ordenninkunachow. 7Peru wamran kayápurqantsu, Elisabet mana wachakoq kaptin, i tsatsanam ishkanpis kayarqan.
8Sakariyas saserdóti keyninta ordenninmannow Dyospa nowpanchow rureykaptin susedirqan, 9saserdótipa kostumbrinmannow, tokarqan swertipa insyensuta rupatsi, Señorpa santuwaryunman yeykurnin. 10I llapan nunakunam keykáyarqan jaqchow Dyosta mañakur insyensu óra.
11I yuriporqan Señorpa juk angelnin insyensupa altarnin derecha kaqchow sheykar. 12I Sakariyas rikeykurna turbakákurerqan, i mantsakeykorqan. 13Angelnam nerqan: —¡Sakariyas, ama mantsakeytsu! Dyosman mañakonqeykim wiyashqa karqon, warmiki Elisabet qeshpikonqa juk wamrata, i jutin churanki Juan. 14I kapushunki kushikiynikim, i atskaqkunam kushikuyanqa yurikushqanpita; 15Dyospa nowpanchow jatunmi kanqa. Ama uponqatsu bínuta ni sidrata, i Espiritu Santupa juntashqam kanqa, mamanpa pachanpita patsa. 16I ruranqam Israyelpa Señor Dyosninman atska tsurinkuna konbertíkuyananpaq. 17Eywanqam peypa nowpanta Eliaspa espiritunwan i poderninwan, teytakunapa shonqunkunata tsurikunaman kutitsimunanpaq, i rebeldikunata justukunapa alli fisyunman, alistananpaq juk pwebluta Señorpaq alli alistashqata.
18Sakariyas nerqan angelta: —¿Imachowraq keyta reqishaq? Noqaqa awkinnam ká, i warmípis tsatsanam.
19Angel yaskirnam, nerqan: —Noqam ká Gabryel, Dyospa nowpanchowmi keyká, i kachamushqam karqó parlapánaqpaq, i alli willakiykunata willanaqpaq. 20I kananqa múdum tikrarinki i parleyta pwedinkitsu, key rurakanqan junaqyaq, nenqaqta mana kreyishqa kaptiki, tseykunam tinkonqa tyempunchow.
21I pweblunam shuyareykarqan Sakariyasta, yarpakachar santwaryuchow demoraptin. 22Yarqaramurna, pwederqantsu parlapeyninkunata; i káyiriyarqan santuwaryuchow bisyon rikanqanta. Pey parlaparqan séñasllapa, i múdu keydarerqan.
23Ministeryunpa junaqninkuna tinkuriptinna, ewkorqan wayinta. 24Tsey junaqpitanam warmin Elisabet qeshyaqyárerqan, i wayinpita yarqukorqanatsu pitsqa killanpin, nishpa:
25—Keynowmi Señor rurashqa noqawan munanqan junaqkuna nunakunachow penqapashqa keyniyta jorqur.
Jesuspa yurikiyninpaq willakiy
26Joqta killatana angel Gabryel kachasqa karqan Dyospa, Galileyapa juk markanman, Nasaret nishqaman, 27watukananpaq Marya jutiyoq donsillata. Pey kasakunanpaq parlashqana keykaptin José jutiyoq ollquwan, Dabidpa wayinpita. 28I angel, pey keykanqanman yeykurirna nerqan: —¡Salbe, allápa estimashqa! Señormi qanwan; bendíta qam llapan warmikunachow.
29Pey, rikeykurnam, mantsakeykurqan palabrankunapa, i yarpakacharqan ima saludakiy kashqanta. 30Tseynam angel nerqan: —¡Marya, ama mantsakeytsu! Tarerqonkim grasyata Dyospa nowpanchow. 31I kananmi, qeshyaqyanki, i qeshpikunki juk wamrata, i jutin churanki JESUS. 32Keymi kanqa jatun, i kanqa jutitsashqa Altísimupa Tsurin; Señor Dyosmi qonqa teytan Dabidpa trónunta; 33i reynanqa Jakobpa wayinchow wiñeypa, i reynunpa usheynin kanqatsu.
34Tseynam Marya nerqan angelta: —¿Imanowraq kanqa key? Manaran ollquta reqíraqtsu.
35Yaskirnam angel nerqan: —Espiritu Santum shamonqa qanman, i Altísimupa podernin wáninwan tsaparishunkiy tseyreykurmi Santu Yureqpis, jutitsishqa kanqa Dyospa Tsurin. 36Keymi key kasteyki Elisabet, peypis qeshyaqnam tsatsayeyninchow; kananmi joqta killanna peypaq, mana wachakoq niyanqan; 37manam imapis kantsu sasa Dyospaqqa.
38Tseynam Marya nerqan: —Keymi key Señorpa sirweqnin; rurakátsun noqawan palabreykimannow.
I angelnam ewkorqan nowpanpita.
Marya watukan Elisabetta
39Tsey junaqkunachow, Marya sharkur, ewkorqan weyralla jirkata, Judápa juk markanman; 40i yeykurerqan Sakariyaspa wayinman, i saludarerqan Elisabetta. 41I susederqan Maryapa saludakiyninta Elisabet wiyariptin, wamra salteykorqan pachanchow, i Elisabetna karqan Espiritu Santuwan juntashqa, 42i qaparíkorqan sinchipa, i nerqan: —¡Bendita qam warmikunachow, i bendítu pacheykichow wamra! 43¿Imanirtaq keyta qoman noqata, Señornípa maman noqaman shamunanpaq? 44Raslla saludakiyniki rinríkunaman cháramuptin, llullu wamra kushikiyta salteykorqan pacháchow. 45Kushíkiyoqmi kreyikoqqa, tinkurenqam Señor nishqan.
Maryapa kantakiynin
46Tseynam Marya nerqan: —Almámi alaban
Señorta;
47i espiritúmi kushikun Dyos Salbadorníchow.
48Rikarqonmi sirweqninpa qollmi keyninta;
keymi key,
kananpitam niyámanqa kushikiyoqnam llapan
kastakuna.
49Poderósum noqachow rurashqa jatusaq
kosaskunata;
jutinqa Santum,
50i ankupákiynenqa kastakunapita
kastankunayaq llapan mantsakoqninkunapaq.
51Jatusaq rureykunata rikranwan rurarqan;
witsikacharkorqan shonqunkunapa
yarpeyninkunachow wasqitupákoqkunata.
52Pwedeqkunata jorqurqan tronukunapita,
i manshukunata pallarkorqan.
53Mallaqaqkunata allikunawan llishmarqan,
kapoqyoqkunata jineyllata qarqorqan.
54Yanaparqan sirweqnin Israyelta,
ankupákiyta yarparnin.
55Keykunapitam parlaparqan teytantsikkunata,
Abrahampaq i kastankunapaq wiñeypa.
56I keydakorqan Marya peywan kima killanow; tseypitana kutikorqan wayinta.
Juan Bawtistapa yurikiynin
57Elisabetpa qeshpikiy tyempun tinkuriptin, qeshpikorqan juk wamrata. 58Besínunkuna i kastankuna Dyos peywan ankupákiyninta jatunyátsishqanta, wiyarirnam kushikuyarqan peywan. 59Puwaq junaqtam wamra sirkunsidaq shayámorqan; i jutitsiyarqan papáninpa jutinwan, Sakariyas;
60mamáninnam yaskir, nerqan: —¡Manam! Juanmi jutinqa kanqa.
61Niyarqannam: —¿Imanir? Manam pipis kantsu tsey jutiyoq kasteykichow.
62Tseynam teytanta tapuyarqan séñaspa, imanow jutitsinanta. 63I tablillata mañarkur, qellqarqan, nishpa: “Juanmi jutin.” I llapankunam almirakuyarqan. 64Tseyllanam shimin yapey parlarqan i qallunpis paskakárerqan, i parlarqan Dyosta bendisirnin. 65I llapan besínunkunanam mantsakákuyarqan; i Judea jirkakunachow musyakárerqan key llapan kosaskuna. 66I llapan wiyaqkuna wardayarqan shonqunkunachow, nishpa: —¿Piraq, kanqa key wamra? I Señorpa podernin peywan karqan.
Sakariyaspa kantakiynin
67I teytan Sakariyas Espiritu Santuwan juntashqa karqan, i profetisarqan, nishpa:
68—Bendítu katsun Señor, Israyelpa Dyosnin,
watukarqon i reskatarqon pweblunta.
69I sháritsimorqon juk pwedeq
Salbadorta sirweqnin Dabidpa kastanchow,
70qallananpita santu profetankunapa
shiminpa parlanqannow:
71Chikimaqnintsikpita salbamáshun,
i llapan melanámaqnintsikkunapa
makinpita,
72teytantsikkunawan ankupákiyta
rurananpaq, I santu paktunpita
yarparnin.
73Teytantsik Abraham juramentu
rurashqanta, qománantsik kanqanta,
74chikimaqnintsikkunapita librashqa
karnin,
sirwishwan mana mantsashpa,
75peypa nowpanchow santidáchow
i justisyachow,
llapan junaqnintsikkunachow.
76I qam, wamra, Altísimupa
profetan nishqam kanki;
Señorpa nowpantam eywanki,
náninkunata alistaneykipaq;
77markanta salbasyon reqikiyta
qoneykipaq,
jutsankunapita perdonashqa
kayánanpaq;
78Dyosnintsikpa allápa kuyakiy
ankupákiyninpa,
rarapita watukamarqontsik
qoya qoya,
79ampeqchow i wanípa wáninchow
yachaqkunata aktsin qonanpaq;
chakintsikkunata pushananpaq
yamey key nánipa.
80I wamra winarqan, i kallpakoq espirituchow; i karqan tsunyaqkunachow Israyelman rikátsikonqan junaqyaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.