LUKAS 10
10
Qanchis chunkapa rureyninkuna
1Keykunapitanam, Señor akrarqan qanchis chunkakunata, peykunatam kacharqan ishkeypayan peypa nowpanta llapan pweblupa i markapa pey eywananman. 2I nerqan: “Rasonpam kosechaqa atska, uryaqkunaqa wallkallam; tseyreykur, rowayey kosechapa Señorninta kachamutsun uryaqkunata koséchanman. 3Eywayey; kaq keymi noqa kachayaq achkaskunatanow lóbukunapa chowpinman. 4Ama apayeytsu runkuta, ni alporjata, ni llanqita; ama pitapis saludayeytsu nánichow.
5“Meyqan wayiman yeykurpis, puntata niyey: ‘Yamey key katsun key wayichow.’ 6I tseychow kanman pillapis yamey keypa tsurin, yamey keynikikunam jamanqa peychow; mana tseynow karqa, qamkunamanmi kutimonqa. 7I posadakuyey tsey wayillachow, mikur i upur qoyáshonqeykita; uryaqqa merisin págunpita. Ama pasayeytsu wayin wayin. 8Meyqan markamanpis yeykurnin i chaskiyashunqeykichow, mikuyey nowpeykikunaman churayámonqanta; 9i tseychow qeshyayoqkunata kachakátsiyey, i niyey: ‘Dyospa reynunmi qamkunaman witimushqa.’
10“Meyqan markaman yeykuyanqeykichow mana chaskiyáshuptikeqqa, kállinkunapa yarquriykur, niyey: 11‘Markeykikunapa polbunta chakiykunaman laqaqashqantapis, tapsiyámi qamkunapa kontreykikuna. Peru keyta musyayey, Dyospa reynum qamkunaman witimushqanam.’ 12I niyaqmi taqey junaqchowmi kanqa Sodomapa kastígun mas awanteypaq, taqey markapitaqa.
13“¡Allaw qanpeq, Korasin! ¡Allaw qanpeq, Betsayda! Tiruchow i Sidonchow milagrukuna rurakanman karqan qamkunachownow, uneynam wanakuyanman karqan, lútuwan bistishqa i uchpachow teykarnin. 14Tseyreykur, fisyuchow awanteypaqmi kanqa kastígun, Tírupaq i Sidonpaq, qamkunapita. 15I qam, Kapernaun, syelukama pallarishqa kankiy, Sepultúrayaqmi urashqa kankiy.
16“Qamkunata wiyaqqa, noqatam wiyaman; i qamkunata mana chaskeqqa, noqatam chaskimantsu; i noqata rechasamaqníqa, rechasan kachamaqnítam.”
Qanchis chunkapa kutimiynin
17Qanchis chunkakuna kutiyámorqan kushikiywan, nirnin: —Señor, demoniyukunapis sujetakayámunmi jutikichow.
18I peykunata nerqan: —Noqa rikarqámi Satanasta syelupita jeqamoqta juk ráyunow. 19Keymi key poderta qoyaq kulebrakunata i atoq kurukunata jaruyáneykipaq, i chikikoqpa llapan kallpan jananman, i manam imapis dañayáshunkitsu. 20Peru ama kushikuyeytsu espiritukuna sujetakayámuptin, sinowqa kushikuyey jutikikuna syelukunachow qellqareykashqanta.
Jesús kushikun peypa kaqkunapaq
21Tsey órallachow Jesús kushikorqan Espirituchow, i nerqan: “Noqam alabaq, Teyta, syelupa i patsapa Señornin, pakarqonkim key kosaskunata yachaqkunapita i káyeqkunapita, rikátserqonkiy wamrakunata. Owmi, Teyta, tseynowmi gustashorqonki.
22“Llapan kaqkunam qomashqa kashqa Teytápa; i manam pipis reqinstu Tsurin kanqanta sinowqa Teytallam; ni Teyta pí kanqanta, sinowqa Tsurillam; i Tsuri pí rikátsi munanqanta.”
23I disípulunkunaman kutíkurna, peykunata nerqan jaqpilla: —Kushikiyoqmi rikaq nawikuna qamkuna rikáyanqeykita; 24niyaqmi atskaq profetakuna i reykunapis rikeyta munayarqanmi qamkuna rikáyanqeykita, i manam rikáyarqantsu; wiyayanqeykita wiyeyta, i manam wiyayarqantsu.
Alli samaritánupa tinkutsikiy
25Keymi key leypa juk káyitsikoq sharkorqan i nerqan, probananpaq: —Mayestru, ¿imakunata rurartaq wiñey kaweyta eredashaq?
26Peynam nerqan: —¿Imataq qellqashqa keykan leychow? ¿Imanowtaq leyinki?
27Peynam, yaskirnin, nerqan: Kuyankiy Señor Dyosnikita llapan shonqiykiwan, llapan almeykiwan, llapan kallpeykiwan, i llapan yarpeynikiwan; i nuna mayikita kikikitanow.
28I nerqan: —Allim yaskerqonki; keyta rurey, i kawankim.
29Peynam, kikin justifikákiyta munar, Jesusta nerqan: —¿I pitaq nuna mayiy?
30Jesús yaskírnam nerqan: —Juk nunam urámorqan Jerusalenpita Jerikóman, i ishkerqan suwakunapa makinkunaman, keykunam qarapachárir, llágayanqanyaq maqarir, ewkuyarqan, wanushqatanow jaqirir. 31Tsey nánipa juk saserdóti urámurna, i rikeykurnin, pasakorqan. 32Tseynowllam juk lebíta tsey sityupa ládunman chárir i rikeykur, pasakorqan. 33Juk Samaritánunam, nánipa eyweykar, shamorqan peypa nowpanman, i rikeykurnin, allápa ankuparqan; 34i witiykurnam wankorqan llágankunata, aseytiwan i bínuwan llushir; i bestyanman montarkatsir, apakorqan posádaman, i kuydarqan peyta. 35Waránin yarqurna, jorqurqan ishkey denaryuta, i qorqan posádayoqta, i nerqan: “Kuydeykapamey; i gastashqeykipita mastam, noqa pagashqeyki kutimurnin.” 36¿Meyqantaq kimanpita nirápushunkiy nuna mayin suwakoqkunapa makinkunaman ishkeqpa?
37Pey nerqan: —Ankupákiyta peywan insheqmi.
Tseynam Jesús nerqan: —Eywey, i qampis tseynowlla rurey.
Jesús Martapa i Maryapa wayinchow
38Susederqan nánipa eywareykar, yeykorqan juk tunaman; i juk warmi Marta jutiyoq chaskerqan wayinchow. 39Peypam kaporqan juk nanan Marya jutiyoq, peymi Jesuspa chakinkunaman tákurirna, palabranta wiyaq. 40Peru Martana yarpakacharqan atska rureyninkunaman, i witiykurna, nerqan: Señor, ¿manaku ima qokushunki naná japalláta sirwikoqta jaqiramaptin? Niyki, yanapamátsun.
41Yaskirnam Jesús nerqan: —Marta, Marta, afanashqa i turbashqam keykanki atska kosaskunawan. 42Peru juk kósallam waney; i Maryam akrashqa alli kaqta, tseyqa manam qochishqatsu kanqa.
Currently Selected:
LUKAS 10: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 10
10
Qanchis chunkapa rureyninkuna
1Keykunapitanam, Señor akrarqan qanchis chunkakunata, peykunatam kacharqan ishkeypayan peypa nowpanta llapan pweblupa i markapa pey eywananman. 2I nerqan: “Rasonpam kosechaqa atska, uryaqkunaqa wallkallam; tseyreykur, rowayey kosechapa Señorninta kachamutsun uryaqkunata koséchanman. 3Eywayey; kaq keymi noqa kachayaq achkaskunatanow lóbukunapa chowpinman. 4Ama apayeytsu runkuta, ni alporjata, ni llanqita; ama pitapis saludayeytsu nánichow.
5“Meyqan wayiman yeykurpis, puntata niyey: ‘Yamey key katsun key wayichow.’ 6I tseychow kanman pillapis yamey keypa tsurin, yamey keynikikunam jamanqa peychow; mana tseynow karqa, qamkunamanmi kutimonqa. 7I posadakuyey tsey wayillachow, mikur i upur qoyáshonqeykita; uryaqqa merisin págunpita. Ama pasayeytsu wayin wayin. 8Meyqan markamanpis yeykurnin i chaskiyashunqeykichow, mikuyey nowpeykikunaman churayámonqanta; 9i tseychow qeshyayoqkunata kachakátsiyey, i niyey: ‘Dyospa reynunmi qamkunaman witimushqa.’
10“Meyqan markaman yeykuyanqeykichow mana chaskiyáshuptikeqqa, kállinkunapa yarquriykur, niyey: 11‘Markeykikunapa polbunta chakiykunaman laqaqashqantapis, tapsiyámi qamkunapa kontreykikuna. Peru keyta musyayey, Dyospa reynum qamkunaman witimushqanam.’ 12I niyaqmi taqey junaqchowmi kanqa Sodomapa kastígun mas awanteypaq, taqey markapitaqa.
13“¡Allaw qanpeq, Korasin! ¡Allaw qanpeq, Betsayda! Tiruchow i Sidonchow milagrukuna rurakanman karqan qamkunachownow, uneynam wanakuyanman karqan, lútuwan bistishqa i uchpachow teykarnin. 14Tseyreykur, fisyuchow awanteypaqmi kanqa kastígun, Tírupaq i Sidonpaq, qamkunapita. 15I qam, Kapernaun, syelukama pallarishqa kankiy, Sepultúrayaqmi urashqa kankiy.
16“Qamkunata wiyaqqa, noqatam wiyaman; i qamkunata mana chaskeqqa, noqatam chaskimantsu; i noqata rechasamaqníqa, rechasan kachamaqnítam.”
Qanchis chunkapa kutimiynin
17Qanchis chunkakuna kutiyámorqan kushikiywan, nirnin: —Señor, demoniyukunapis sujetakayámunmi jutikichow.
18I peykunata nerqan: —Noqa rikarqámi Satanasta syelupita jeqamoqta juk ráyunow. 19Keymi key poderta qoyaq kulebrakunata i atoq kurukunata jaruyáneykipaq, i chikikoqpa llapan kallpan jananman, i manam imapis dañayáshunkitsu. 20Peru ama kushikuyeytsu espiritukuna sujetakayámuptin, sinowqa kushikuyey jutikikuna syelukunachow qellqareykashqanta.
Jesús kushikun peypa kaqkunapaq
21Tsey órallachow Jesús kushikorqan Espirituchow, i nerqan: “Noqam alabaq, Teyta, syelupa i patsapa Señornin, pakarqonkim key kosaskunata yachaqkunapita i káyeqkunapita, rikátserqonkiy wamrakunata. Owmi, Teyta, tseynowmi gustashorqonki.
22“Llapan kaqkunam qomashqa kashqa Teytápa; i manam pipis reqinstu Tsurin kanqanta sinowqa Teytallam; ni Teyta pí kanqanta, sinowqa Tsurillam; i Tsuri pí rikátsi munanqanta.”
23I disípulunkunaman kutíkurna, peykunata nerqan jaqpilla: —Kushikiyoqmi rikaq nawikuna qamkuna rikáyanqeykita; 24niyaqmi atskaq profetakuna i reykunapis rikeyta munayarqanmi qamkuna rikáyanqeykita, i manam rikáyarqantsu; wiyayanqeykita wiyeyta, i manam wiyayarqantsu.
Alli samaritánupa tinkutsikiy
25Keymi key leypa juk káyitsikoq sharkorqan i nerqan, probananpaq: —Mayestru, ¿imakunata rurartaq wiñey kaweyta eredashaq?
26Peynam nerqan: —¿Imataq qellqashqa keykan leychow? ¿Imanowtaq leyinki?
27Peynam, yaskirnin, nerqan: Kuyankiy Señor Dyosnikita llapan shonqiykiwan, llapan almeykiwan, llapan kallpeykiwan, i llapan yarpeynikiwan; i nuna mayikita kikikitanow.
28I nerqan: —Allim yaskerqonki; keyta rurey, i kawankim.
29Peynam, kikin justifikákiyta munar, Jesusta nerqan: —¿I pitaq nuna mayiy?
30Jesús yaskírnam nerqan: —Juk nunam urámorqan Jerusalenpita Jerikóman, i ishkerqan suwakunapa makinkunaman, keykunam qarapachárir, llágayanqanyaq maqarir, ewkuyarqan, wanushqatanow jaqirir. 31Tsey nánipa juk saserdóti urámurna, i rikeykurnin, pasakorqan. 32Tseynowllam juk lebíta tsey sityupa ládunman chárir i rikeykur, pasakorqan. 33Juk Samaritánunam, nánipa eyweykar, shamorqan peypa nowpanman, i rikeykurnin, allápa ankuparqan; 34i witiykurnam wankorqan llágankunata, aseytiwan i bínuwan llushir; i bestyanman montarkatsir, apakorqan posádaman, i kuydarqan peyta. 35Waránin yarqurna, jorqurqan ishkey denaryuta, i qorqan posádayoqta, i nerqan: “Kuydeykapamey; i gastashqeykipita mastam, noqa pagashqeyki kutimurnin.” 36¿Meyqantaq kimanpita nirápushunkiy nuna mayin suwakoqkunapa makinkunaman ishkeqpa?
37Pey nerqan: —Ankupákiyta peywan insheqmi.
Tseynam Jesús nerqan: —Eywey, i qampis tseynowlla rurey.
Jesús Martapa i Maryapa wayinchow
38Susederqan nánipa eywareykar, yeykorqan juk tunaman; i juk warmi Marta jutiyoq chaskerqan wayinchow. 39Peypam kaporqan juk nanan Marya jutiyoq, peymi Jesuspa chakinkunaman tákurirna, palabranta wiyaq. 40Peru Martana yarpakacharqan atska rureyninkunaman, i witiykurna, nerqan: Señor, ¿manaku ima qokushunki naná japalláta sirwikoqta jaqiramaptin? Niyki, yanapamátsun.
41Yaskirnam Jesús nerqan: —Marta, Marta, afanashqa i turbashqam keykanki atska kosaskunawan. 42Peru juk kósallam waney; i Maryam akrashqa alli kaqta, tseyqa manam qochishqatsu kanqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.