LUKAS 12
12
Jesús kallpakatsin kikinpa kaqkunata
1Tseynam, waranqeykunapa atskaqkuna purwakarkur, tseyláya jukninkuna wakinkunawan jalunakuyarqan, puntata qalleykorqan nirnin disípulunkunata: “Kuydakuyey farisewkunapa lebadúranpita, keymi key motolítu key. 2Manam ima kantsu tsapashqa, mana kichakaq kaqqa, ni pakaraq, mana musyanaqa. 3Tseyreykurmi, ampeqkunachow llapan niyashqeykikuna, aktsichowmi wiyakanqa; i kwartukunachow rinrillaman parlayashqanmi, qaparipa willakanqa wayi janankunapita.
4“Niyaqmi, amígukuna: Ama mantsayeytsu kwerpu wanutseqta, i tseypita masqa manam ima rureyta pwediyantsu. 5Peru yachatsiyashqeykim píta mantsayáneykita: Mantsayey taqey kaweynikikunata qochirir, pwedinmi infyernuman jitarpuyáshuneykipaq: Owmi, niyaqmi, keyta mantsayey. 6¿Manaku rantikuntsik pitsqa pishqukunata ishkey qelleypa? Llapanwan, ni juklleyllapis peykunapita Dyospa nowpanchow qonqashqatsu kayan. 7Peqeykikunapa aqtsankunapis yupashqam keykan. Ama mantsayeytsu, qamkunaqa pishqukunapitapis mas báleqmi kayanki.
8“Niyaqmi llapan nunakunapa nowpanchow, konfesamaqníta Nunapa Tsurinpis konfesanqam Dyospa angelninkunapa nowpanchow; 9nunakunapa nowpanchow negamaqnítaqa, negashqam kanqa Dyospa angelninkunapa nowpanchow. 10Nunapa Tsurimpa kontran mana alli parlaqqa, perdonashqam kanqa; peru Espiritu Santupa kontran maldiseqqa, manam perdonashqatsu kanqa.
11“Judyukunapa eyllukáyanan wayikunaman apayámushuptikeqa, i magistrádukunapa i mandakoqkunapa nowpanman, ama yarpakacháyeytsu imanowpa imata yaskiyáneykita, ó ima niyáneykita; 12Espiritu Santum yachatsiyáshunki tsey óra ima niyáneykita.”
Upa kapoqyoqwan tinkutsikiy
13Atskaqkunapita juknin nerqan: —Mayestru, wawqíta ní erensyata rakinakuyanápaq.
14Peynam nerqan: —Nuna, ¿pitaq churamarqon qamkunaman festanow i rakikoqtanow?
15I nerqan: —Rikáyey, i wardakuyey llapan mallaqákoq keypita, nunapa kaweyninqa manam atska kapoqninllachowtsu keykan.
16Jinam nerqan juk tinkutsikiyta, nirnin: —Juk kapoqyoq nunapa murukiyninkuna miranaq atskapa. 17I peynam yarpánaq kikinchow, nishpa: “¿Imataraq rurashaq kapamantsu meyman koséchakunata churanápaq?” 18I nerqan: “Keytam rurashaq: Trójákunatam juchurishaq, i mas jatusaqkunatam perqashaq, i tseychowmi churashaq llapan kosechákunata i kapamaqníkunata; 19i nishaq almáta: Alma atskam kapushunki churashqa i atska watakunapaq; jamakiy, mikukiy, upukiy, kushikiy.” 20Dyosnam nerqan: “Upa, kanan ampim shayámun almeykita mañayashoqnikiy; i eyllunqeyki, ¿pipaqraq kanqa?” 21Tseynowmi kikinllapaq tesóru ruraqqa, Dyospaqqa manam ríkutsu.
Dyos kuydan kikinpa kaqkunata
22Tseypitanam disípulunkunata nerqan: —Tseyreykurmi niyaq: Ama afanakuyeytsu kaweynikikunapaq, ima mikuyaneykita; ni kwerpupaq, ima bistikuyanqeykita. 23Kaweymi masqa mikiypita, i kwerpum bestídupita. 24Rikáyey kwerbukunata, ni muruyantsu, ni segayantsu; ni wardakunankuna kayápuntsu, ni trójankuna, i Dyosmi mikutsin. ¿Manaku báliyanki qamkuna mas pishqukunapita? 25¿I qamkunapita pitaq afanakushqanwan pwedenqa yapeyta tamáñunman juk metrupa pullanninllatapis? 26Ni wallkallawanpis pwediyankitsu, ¿imanirtaq afanakuyanki wakinkunapaq? 27Rikáyey weytakunata, imanowmi winayan ni uryayantsu, ni putskayantsu; mas niyaqmi, ni Salomonpis llapan sumeyninwan peykunanowqa bistikorqantsu. 28I tseynowmi Dyos bistitsiptin kanan pampachow winaq qorakunata, i warey jitashqa kanqa jornuman, ¿manatsuraq qamkunata mas, ichiklla kreyikíyoq nunakuna?
29”Qamkuna, yarpakacháyeytsu ima mikuyáneykita, ni ima upuyáneykita, ni keykáyeytsu munapey yarpakacheychow. 30Key llapan kosaskunatam ashiyan mundupa nunankuna; peru Teyteykikunaqa musyanmi key kosaskuna wanayashqeykita. 31Masqa ashiyey Dyospa reynunta, i llapan key kosaskunam yapashqa kayápushunkiy. 32Ama mantsayeytsu, ichikllan kancha, Teyteykikunataqa gustashqam qoyáshurnikiy reynunta.
33”Rantikuyey kayápushoqnikikunata, i qoyey limushnata; rurayey mana awkisyaq bolsakunata, syelukunachow mana ushakaq tesóruta, suwa mana chánanman, ni puyu ushakátsinanman. 34Meychowmi keykan tesoríkikuna, tseychowmi jina keykan shonqiykikunapis.
Tápakoqpaq qayey
35”Tseqlleykikuna watashqa keykátsun, i lamparinnikikuna sendishqa; 36i qamkuna kayey tápaq nunakunanow kasamyentupita, Señornin kutimoqpanow chámurnin qayakuptin, tseyllana kicharinanpaq. 37Allápa kushikiyoqmi taqey sirweqkuna peykunaman Señornin shamur, tarenqa riyeykaqta; tseqeypam niyaq, watakonqa i táratsenqa mésaman, i shamonqa sirwiyáshoqniki. 38Ishkey bijilyachow shamurpis i kima kaq bijilyachow shamurninpis, tariyáshurniki, kushikiyoqmi kayan taqey sirwikoqkuna.
39”Musyayey keyta, kastapa teytan musyanman imey óra suwa shamunanta, tseqeypachi riweykanman, i manachi jaqinmantsu wayin uchkunanta. 40Qamkuna jina keykáyey alistashqa, mana yarpayánqeyki óram, Nunapa Tsurin shamonqa.
Mayordómukunapa tinkutsikiy
41Tseynam Pedru nerqan: —Señor, ¿key tinkutsikiyta ninkiy noqakunallataku, ó jina llapankunatawanku?
42Señornam nerqan: —¿Pitaq tsey mayordómu fyel i fisyuyoq peyta wayinman Señor churashqa, tyempunchow mikiynin qonanpaq? 43Allápa kushikiyoqmi taqey sirwipakoq, Señornin shamur, tarenqa tseynow rureykaqta. 44Rasonpam niyaq churanqa llapan kapoqninkunaman. 45Taqey sirwikoq ninman shonqunchow: “Señornípa shamínin illakámunmi”, i qalleykunman wáteyninkunata maqarnin, mikur i upyar i machakur. 46Shamonqam tsey sirwikoqpa Señornin mana pey shuyashqan junaqchow mana musyashqan óra; i maqanqa feyupa, i churanqa mana fyelkunawan. 47Taqey sirweq Señorninpa muneyninta reqikar, mana alistakushqatsu, ni muneyninmannowtsu rurarqan, chaskenqa atska asteykunatam. 48Mana reqishpa ruraq imakunatapis asteypaqtanow ichikllam astashqa kanqa; pitapis atska qoshqa atskapam mañashqa kanqa; allápa markákushqa kaqqa, mastam mañashqa kanqa.
Jesús nunakuna rakikátseq
49”Nina sendeqmi shamorqó patsaman, ¿imatataq muná, sendikáshqana keykaptin? 50Juk bawtismupam bawtisashqa kaná; i ¡imanowmi llakiy kumplikanqanyaq! 51¿Pensayanki yamey keyta patsachow qonápaq shamonqátaku? Niyaqmi: “Manam, sinowqa liryakiytam.” 52Keypita nowpamanmi, juk kastachow pitsqa kayanqa rakikashqa, kima ishkaqpa kontran, i ishkaq kimapa kontran. 53Teytám rakishqa kanqa tsurinwan, i tsurinam teytapa kontran; mamanam wawanpa kontran, i wawanam mamanpa kontran; swegrannam lumtsiyninpa kontran, i lumtsína swegranpa kontran.
Tyempukunapa señalninkuna
54Nerqan atskaqkunatapis: —Inti jeqananpita pukutey yarqamoqta rikáyarmi, tseynam niyanki: “Yaku shamun.” I tseynowmi rurakan. 55Surpita byentu púkamuptin, niyanki, “achachanqam.” I rurakan. 56¡Motolítukuna! Yachayankim syelu i patsa imanow kanqanta tinkutsita, ¿i imanirtaq reqiyankitsu key tyemputa?
57”¿Imanirtaq jusgayankitsu kikikikunapita justu kaqta? 58Chikishoqnikiwan magistráduman eywarninqa, prokurey nánillachow peywan arregleta, paqtaraq fesman qaracháshunkiman, i fesna entregashunkiman wardyaman i wardyanam yeykatsishunkiy karselman. 59Neqmi manam yarqunkitsu tseypita ultimu sentábu paganqeykiyaq.
Currently Selected:
LUKAS 12: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 12
12
Jesús kallpakatsin kikinpa kaqkunata
1Tseynam, waranqeykunapa atskaqkuna purwakarkur, tseyláya jukninkuna wakinkunawan jalunakuyarqan, puntata qalleykorqan nirnin disípulunkunata: “Kuydakuyey farisewkunapa lebadúranpita, keymi key motolítu key. 2Manam ima kantsu tsapashqa, mana kichakaq kaqqa, ni pakaraq, mana musyanaqa. 3Tseyreykurmi, ampeqkunachow llapan niyashqeykikuna, aktsichowmi wiyakanqa; i kwartukunachow rinrillaman parlayashqanmi, qaparipa willakanqa wayi janankunapita.
4“Niyaqmi, amígukuna: Ama mantsayeytsu kwerpu wanutseqta, i tseypita masqa manam ima rureyta pwediyantsu. 5Peru yachatsiyashqeykim píta mantsayáneykita: Mantsayey taqey kaweynikikunata qochirir, pwedinmi infyernuman jitarpuyáshuneykipaq: Owmi, niyaqmi, keyta mantsayey. 6¿Manaku rantikuntsik pitsqa pishqukunata ishkey qelleypa? Llapanwan, ni juklleyllapis peykunapita Dyospa nowpanchow qonqashqatsu kayan. 7Peqeykikunapa aqtsankunapis yupashqam keykan. Ama mantsayeytsu, qamkunaqa pishqukunapitapis mas báleqmi kayanki.
8“Niyaqmi llapan nunakunapa nowpanchow, konfesamaqníta Nunapa Tsurinpis konfesanqam Dyospa angelninkunapa nowpanchow; 9nunakunapa nowpanchow negamaqnítaqa, negashqam kanqa Dyospa angelninkunapa nowpanchow. 10Nunapa Tsurimpa kontran mana alli parlaqqa, perdonashqam kanqa; peru Espiritu Santupa kontran maldiseqqa, manam perdonashqatsu kanqa.
11“Judyukunapa eyllukáyanan wayikunaman apayámushuptikeqa, i magistrádukunapa i mandakoqkunapa nowpanman, ama yarpakacháyeytsu imanowpa imata yaskiyáneykita, ó ima niyáneykita; 12Espiritu Santum yachatsiyáshunki tsey óra ima niyáneykita.”
Upa kapoqyoqwan tinkutsikiy
13Atskaqkunapita juknin nerqan: —Mayestru, wawqíta ní erensyata rakinakuyanápaq.
14Peynam nerqan: —Nuna, ¿pitaq churamarqon qamkunaman festanow i rakikoqtanow?
15I nerqan: —Rikáyey, i wardakuyey llapan mallaqákoq keypita, nunapa kaweyninqa manam atska kapoqninllachowtsu keykan.
16Jinam nerqan juk tinkutsikiyta, nirnin: —Juk kapoqyoq nunapa murukiyninkuna miranaq atskapa. 17I peynam yarpánaq kikinchow, nishpa: “¿Imataraq rurashaq kapamantsu meyman koséchakunata churanápaq?” 18I nerqan: “Keytam rurashaq: Trójákunatam juchurishaq, i mas jatusaqkunatam perqashaq, i tseychowmi churashaq llapan kosechákunata i kapamaqníkunata; 19i nishaq almáta: Alma atskam kapushunki churashqa i atska watakunapaq; jamakiy, mikukiy, upukiy, kushikiy.” 20Dyosnam nerqan: “Upa, kanan ampim shayámun almeykita mañayashoqnikiy; i eyllunqeyki, ¿pipaqraq kanqa?” 21Tseynowmi kikinllapaq tesóru ruraqqa, Dyospaqqa manam ríkutsu.
Dyos kuydan kikinpa kaqkunata
22Tseypitanam disípulunkunata nerqan: —Tseyreykurmi niyaq: Ama afanakuyeytsu kaweynikikunapaq, ima mikuyaneykita; ni kwerpupaq, ima bistikuyanqeykita. 23Kaweymi masqa mikiypita, i kwerpum bestídupita. 24Rikáyey kwerbukunata, ni muruyantsu, ni segayantsu; ni wardakunankuna kayápuntsu, ni trójankuna, i Dyosmi mikutsin. ¿Manaku báliyanki qamkuna mas pishqukunapita? 25¿I qamkunapita pitaq afanakushqanwan pwedenqa yapeyta tamáñunman juk metrupa pullanninllatapis? 26Ni wallkallawanpis pwediyankitsu, ¿imanirtaq afanakuyanki wakinkunapaq? 27Rikáyey weytakunata, imanowmi winayan ni uryayantsu, ni putskayantsu; mas niyaqmi, ni Salomonpis llapan sumeyninwan peykunanowqa bistikorqantsu. 28I tseynowmi Dyos bistitsiptin kanan pampachow winaq qorakunata, i warey jitashqa kanqa jornuman, ¿manatsuraq qamkunata mas, ichiklla kreyikíyoq nunakuna?
29”Qamkuna, yarpakacháyeytsu ima mikuyáneykita, ni ima upuyáneykita, ni keykáyeytsu munapey yarpakacheychow. 30Key llapan kosaskunatam ashiyan mundupa nunankuna; peru Teyteykikunaqa musyanmi key kosaskuna wanayashqeykita. 31Masqa ashiyey Dyospa reynunta, i llapan key kosaskunam yapashqa kayápushunkiy. 32Ama mantsayeytsu, ichikllan kancha, Teyteykikunataqa gustashqam qoyáshurnikiy reynunta.
33”Rantikuyey kayápushoqnikikunata, i qoyey limushnata; rurayey mana awkisyaq bolsakunata, syelukunachow mana ushakaq tesóruta, suwa mana chánanman, ni puyu ushakátsinanman. 34Meychowmi keykan tesoríkikuna, tseychowmi jina keykan shonqiykikunapis.
Tápakoqpaq qayey
35”Tseqlleykikuna watashqa keykátsun, i lamparinnikikuna sendishqa; 36i qamkuna kayey tápaq nunakunanow kasamyentupita, Señornin kutimoqpanow chámurnin qayakuptin, tseyllana kicharinanpaq. 37Allápa kushikiyoqmi taqey sirweqkuna peykunaman Señornin shamur, tarenqa riyeykaqta; tseqeypam niyaq, watakonqa i táratsenqa mésaman, i shamonqa sirwiyáshoqniki. 38Ishkey bijilyachow shamurpis i kima kaq bijilyachow shamurninpis, tariyáshurniki, kushikiyoqmi kayan taqey sirwikoqkuna.
39”Musyayey keyta, kastapa teytan musyanman imey óra suwa shamunanta, tseqeypachi riweykanman, i manachi jaqinmantsu wayin uchkunanta. 40Qamkuna jina keykáyey alistashqa, mana yarpayánqeyki óram, Nunapa Tsurin shamonqa.
Mayordómukunapa tinkutsikiy
41Tseynam Pedru nerqan: —Señor, ¿key tinkutsikiyta ninkiy noqakunallataku, ó jina llapankunatawanku?
42Señornam nerqan: —¿Pitaq tsey mayordómu fyel i fisyuyoq peyta wayinman Señor churashqa, tyempunchow mikiynin qonanpaq? 43Allápa kushikiyoqmi taqey sirwipakoq, Señornin shamur, tarenqa tseynow rureykaqta. 44Rasonpam niyaq churanqa llapan kapoqninkunaman. 45Taqey sirwikoq ninman shonqunchow: “Señornípa shamínin illakámunmi”, i qalleykunman wáteyninkunata maqarnin, mikur i upyar i machakur. 46Shamonqam tsey sirwikoqpa Señornin mana pey shuyashqan junaqchow mana musyashqan óra; i maqanqa feyupa, i churanqa mana fyelkunawan. 47Taqey sirweq Señorninpa muneyninta reqikar, mana alistakushqatsu, ni muneyninmannowtsu rurarqan, chaskenqa atska asteykunatam. 48Mana reqishpa ruraq imakunatapis asteypaqtanow ichikllam astashqa kanqa; pitapis atska qoshqa atskapam mañashqa kanqa; allápa markákushqa kaqqa, mastam mañashqa kanqa.
Jesús nunakuna rakikátseq
49”Nina sendeqmi shamorqó patsaman, ¿imatataq muná, sendikáshqana keykaptin? 50Juk bawtismupam bawtisashqa kaná; i ¡imanowmi llakiy kumplikanqanyaq! 51¿Pensayanki yamey keyta patsachow qonápaq shamonqátaku? Niyaqmi: “Manam, sinowqa liryakiytam.” 52Keypita nowpamanmi, juk kastachow pitsqa kayanqa rakikashqa, kima ishkaqpa kontran, i ishkaq kimapa kontran. 53Teytám rakishqa kanqa tsurinwan, i tsurinam teytapa kontran; mamanam wawanpa kontran, i wawanam mamanpa kontran; swegrannam lumtsiyninpa kontran, i lumtsína swegranpa kontran.
Tyempukunapa señalninkuna
54Nerqan atskaqkunatapis: —Inti jeqananpita pukutey yarqamoqta rikáyarmi, tseynam niyanki: “Yaku shamun.” I tseynowmi rurakan. 55Surpita byentu púkamuptin, niyanki, “achachanqam.” I rurakan. 56¡Motolítukuna! Yachayankim syelu i patsa imanow kanqanta tinkutsita, ¿i imanirtaq reqiyankitsu key tyemputa?
57”¿Imanirtaq jusgayankitsu kikikikunapita justu kaqta? 58Chikishoqnikiwan magistráduman eywarninqa, prokurey nánillachow peywan arregleta, paqtaraq fesman qaracháshunkiman, i fesna entregashunkiman wardyaman i wardyanam yeykatsishunkiy karselman. 59Neqmi manam yarqunkitsu tseypita ultimu sentábu paganqeykiyaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.