LUKAS 15
15
Oqrakashqa úshawan tinkutsikiy
1Witiyarqan Jesusman llapan publikánukuna i jutsa sapakuna wiyayánanpaq, 2i farisewkuna i judyukunapa leynin yachatsikoqkuna penqapáyarqan, nirnin: —Keyqa jutsasapakunatam chaskin, i peykunawanmi mikun.
3Tseynam pey nerqan key tinkutsikiyta: 4—¿Qamkunapita meyqan nunataq pachak úshan keykaptin, jukta oqreykur, manaku jaqinman isqon chunka isqonta chusyaqchow, i oqrakashqapa qepanta eywanman, tarenqanyaq? 5I tariykurnam, umrunkunaman churarkur kushishqa; 6wayiman chárirna, eyllun amígunkunata i besínunkunata, niyarninkuna: “Kushikuyey noqawan, oqrakashqa úshátam tarerqó.” 7Niyaqmi tseynowmi kanqa atska kushikiy syeluchow juk jutsasapa wanakuptin, isqon chunka isqon mana wanakiy wanaq justukunapita.
Tinkutsikiy oqrakashqa qelleywan
8”¿Ó pí warmitaq chunka qelleyninpita, jukta oqrarir manaku lamparinta sendirkur, wayita pitsan, i saslla ashin tarishqanyaq? 9I taririrna, yanasankunata i besínunkunata eyllun, nishpa: “Kushikuyey noqawan, tarerqónam oqranqá qelleyta.” 10Tseynowmi niyaq kushikiymi kan Dyospa angelninkunapa nowpanchow juk jutsasapa wanakuptin.
Tinkutsikiy oqrakashqa tsuriwan
11Nerqanmi jina: —Juk nunapam kaporqan ishkey tsurinkuna, 12i shullka kaq nerqan teytanta: “Teyta, erensya tokamaqniyta qoykamey.” I rakiykorqan kaqninpita. 13Tseypitanam, manaraq atska junaqkuna pasaptin llapanta eyllurkur shullka kaq tsuri, ewkorqan karu markata, i tseychow usharerqan kapoqninta lluta kawakurnin.
14”I llapanta lluta ushapakárirna, shamorqan lluteypa mallaqey tsey markaman, i qalleykorqan pishiparnin. 15I ewkur posadakorqan tsey markachow juk nunaman, peynam kacharqan asyendanman kuchikunata mitsinanpaq. 16I pachanta juntatsita munarqan kuchikuna mikuyanqan algarróbukunawan, peru ni pí qonaqtsu. 17I kikinchow yarpakacharnam, nerqan: “¡Eykaq uryaqkunaraq teytápa wayinchow kayápun atska tantankuna, i noqaqa keychow waniyká mallaqeypa! 18Sharkurmi eywashaq teytáman, i nishaq: ‘Teyta, jutsatam rurarqó syelupa i qampa kontreyki. 19I mananam meresiynatsu tsuriki keyta, chaskiykamey juk uryaqnikitanowlla.’ ”
20”I sharkurirna, shamorqan teytanman. I karullachowraq keykaptin, rikárerqan teytan, i allápa ankupákiyninwan, eyqir, waqukurkorqan, i mutseykorqan. 21Tsurinna nerqan: “Teyta, jutsatam rurarqó syelupa i qampa kontreyki, manam meresiynatsu tsuriki keyta.” 22Teytannam nerqan sirweqninkunata: “Jorqayámi alli kaq bestíduta, i bistitsiyey; i juk sortijan churayey dédunman, i sapatun yakatsiyey. 23I apayámi wira toriytuta i pishtayey, i rurashun fyestata i mikushun; 24key tsuriy wanushqam karqan, i kawarimushqam, oqrakashqam karqan, i tarishqam.” I qalleykuyarqan kushikurnin.
25”I mayor kaq tsurinna keykarqan chakrachow; i shamurna chárerqan wayi nowpanman, wiyarerqan músikata i tushoqkunata; 26i juknin kaq wáteyninkunata qayarirna; taporqan ima kashqanta. 27Peynam nerqan: “Wawqikim chámushqa; i teyteykim wira toriytuta pishtatsishqa, i alli i sanuta chaskishqa kar.” 28Tseynam piñakurkorqan, i munarqantsu yeykita.
”Tseynam teytan yarqorqan, i rowarqan yeykunanpaq. 29Peyna, yaskirnin, teytanta nerqan: “Kaq key atska watana sirwerqoq, mana ni juk desobedishishnikipa, i manam imeypis qomarqonkitsu kapllillatapis amígukunawan kushikunapaq. 30Peru key tsuriki shamuptin, kapushoqnikitapis ushashqa keykaptin rameyrakunawan, peypaqqa pishtatserqonki wirakaq toriytuta.” 31Tseynam pey nerqan: “Tsuriy, qamqa imeypis noqawanmi keykankiy, i llapan kosasniykunapis qampam. 32Wanarqanmi fyesta ruranantsik i kushikunantsik, key wawqiki wanushqanam karqan, i kawarimushqam; oqrakashqam karqan i tarishqam.”
Currently Selected:
LUKAS 15: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 15
15
Oqrakashqa úshawan tinkutsikiy
1Witiyarqan Jesusman llapan publikánukuna i jutsa sapakuna wiyayánanpaq, 2i farisewkuna i judyukunapa leynin yachatsikoqkuna penqapáyarqan, nirnin: —Keyqa jutsasapakunatam chaskin, i peykunawanmi mikun.
3Tseynam pey nerqan key tinkutsikiyta: 4—¿Qamkunapita meyqan nunataq pachak úshan keykaptin, jukta oqreykur, manaku jaqinman isqon chunka isqonta chusyaqchow, i oqrakashqapa qepanta eywanman, tarenqanyaq? 5I tariykurnam, umrunkunaman churarkur kushishqa; 6wayiman chárirna, eyllun amígunkunata i besínunkunata, niyarninkuna: “Kushikuyey noqawan, oqrakashqa úshátam tarerqó.” 7Niyaqmi tseynowmi kanqa atska kushikiy syeluchow juk jutsasapa wanakuptin, isqon chunka isqon mana wanakiy wanaq justukunapita.
Tinkutsikiy oqrakashqa qelleywan
8”¿Ó pí warmitaq chunka qelleyninpita, jukta oqrarir manaku lamparinta sendirkur, wayita pitsan, i saslla ashin tarishqanyaq? 9I taririrna, yanasankunata i besínunkunata eyllun, nishpa: “Kushikuyey noqawan, tarerqónam oqranqá qelleyta.” 10Tseynowmi niyaq kushikiymi kan Dyospa angelninkunapa nowpanchow juk jutsasapa wanakuptin.
Tinkutsikiy oqrakashqa tsuriwan
11Nerqanmi jina: —Juk nunapam kaporqan ishkey tsurinkuna, 12i shullka kaq nerqan teytanta: “Teyta, erensya tokamaqniyta qoykamey.” I rakiykorqan kaqninpita. 13Tseypitanam, manaraq atska junaqkuna pasaptin llapanta eyllurkur shullka kaq tsuri, ewkorqan karu markata, i tseychow usharerqan kapoqninta lluta kawakurnin.
14”I llapanta lluta ushapakárirna, shamorqan lluteypa mallaqey tsey markaman, i qalleykorqan pishiparnin. 15I ewkur posadakorqan tsey markachow juk nunaman, peynam kacharqan asyendanman kuchikunata mitsinanpaq. 16I pachanta juntatsita munarqan kuchikuna mikuyanqan algarróbukunawan, peru ni pí qonaqtsu. 17I kikinchow yarpakacharnam, nerqan: “¡Eykaq uryaqkunaraq teytápa wayinchow kayápun atska tantankuna, i noqaqa keychow waniyká mallaqeypa! 18Sharkurmi eywashaq teytáman, i nishaq: ‘Teyta, jutsatam rurarqó syelupa i qampa kontreyki. 19I mananam meresiynatsu tsuriki keyta, chaskiykamey juk uryaqnikitanowlla.’ ”
20”I sharkurirna, shamorqan teytanman. I karullachowraq keykaptin, rikárerqan teytan, i allápa ankupákiyninwan, eyqir, waqukurkorqan, i mutseykorqan. 21Tsurinna nerqan: “Teyta, jutsatam rurarqó syelupa i qampa kontreyki, manam meresiynatsu tsuriki keyta.” 22Teytannam nerqan sirweqninkunata: “Jorqayámi alli kaq bestíduta, i bistitsiyey; i juk sortijan churayey dédunman, i sapatun yakatsiyey. 23I apayámi wira toriytuta i pishtayey, i rurashun fyestata i mikushun; 24key tsuriy wanushqam karqan, i kawarimushqam, oqrakashqam karqan, i tarishqam.” I qalleykuyarqan kushikurnin.
25”I mayor kaq tsurinna keykarqan chakrachow; i shamurna chárerqan wayi nowpanman, wiyarerqan músikata i tushoqkunata; 26i juknin kaq wáteyninkunata qayarirna; taporqan ima kashqanta. 27Peynam nerqan: “Wawqikim chámushqa; i teyteykim wira toriytuta pishtatsishqa, i alli i sanuta chaskishqa kar.” 28Tseynam piñakurkorqan, i munarqantsu yeykita.
”Tseynam teytan yarqorqan, i rowarqan yeykunanpaq. 29Peyna, yaskirnin, teytanta nerqan: “Kaq key atska watana sirwerqoq, mana ni juk desobedishishnikipa, i manam imeypis qomarqonkitsu kapllillatapis amígukunawan kushikunapaq. 30Peru key tsuriki shamuptin, kapushoqnikitapis ushashqa keykaptin rameyrakunawan, peypaqqa pishtatserqonki wirakaq toriytuta.” 31Tseynam pey nerqan: “Tsuriy, qamqa imeypis noqawanmi keykankiy, i llapan kosasniykunapis qampam. 32Wanarqanmi fyesta ruranantsik i kushikunantsik, key wawqiki wanushqanam karqan, i kawarimushqam; oqrakashqam karqan i tarishqam.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.