LUKAS 6
6
Jesús: Sabadupa Señornin
1Juk jamakiy junaqnam Jesús murushqakunapa paseykarnin, disípulunkunanam espigakunata kipchur mikuyarqan makinkunawan qaqurir. 2I wakin kaq farisewkunanam niyarqan: —¿Imanirtaq rurayanki jamakiy junaqchow mana ruranata?
3Jesús yaskirninkunanam, nerqan: —¿Keyllatapis manaku leyiyarqonkiy, Dabid mallaqarnin ruranqanta, i peywan keykaqkuna; 4imanowmi yeykorqan Dyospa wayinman, i tsarerqan santu tantakunata, tseykuna manam permitishqatsu mikuna sinowqa saserdotikunallata, i mikorqan, i jina qorqan peykunawan keykaqkunatapis? 5I nerqan: —Nunapa Tsurenqa jamakiy junaqpapis Señorninmi.
Makin mana kuyoq nuna
6Jina juk jamakiy junaqchow, pey yeykorqan eyllukáyanan wayichow i yachatserqan; i tseychow keykarqan juk nuna derécha makin tsakishqa. 7I wateqayarqan judyukunapa leynin yachatsikoqkuna i farisewkuna, rikáyánanpaq jamakiy junaqchow má kachakátsinmankush, tseynowpa imapita shinpiyánanreykur. 8Peyqa reqirqan peykunapa yarpeyninkunata; i nerqan tsakishqa makiyoq nunata: —Sharkiy, chowpiman churakey.
I peynam, sharkurqan. 9Tseynam Jesús nerqan: —Jukta tapuyashqeyki: ¿Permitishqaku jamakiy junaqchow allita, ó mana allita ruranapaq? ¿Kaweyta salbey, ó qochiríkiy?
10I jiruroqninchow llapankunata rikeykurnam, nerqan nunata: —Makyey makikiyta.
I peynam tseynow rurarqan, i makinnam kachakárerqan. 11I peykunanam allápa piñakurkuyarqan, i kikinkunapura parlayarqan Jesuspa kontran rurayánanpaq.
Chunka ishkey apostulkuna akrey
12Tsey junaqkunachownam pey eywarqan jirkata Dyos mañakoq, i wararqan Dyosman mañakiykar. 13I junaqyáriptinnam qayarqan disípulunkunata, i akrarqan peykunapeq chunka ishkeyta, peykunatam jutitserqan apostulkuna: 14Simonta, peytam jina jutitserqan Pédru, wawqin Andresta, Jakobuta i Juanta, Felípita i Bartolométa, 15Mateuta, Tomasta, Jakobuta Alfewpa tsurinta, Simon Selóti jutishqata, 16Jakobupa wawqin Judasta, i Judas Iskaryotita, peymi karqan traysyonaqnin.
Atskaq nunakuna qatiyan Jesusta
17I urámorqan peykunawan, i keydakorqan juk pampachow, disípulunkunawan yanaqashqa i atska nunakunawan jinantin Judeyapita, Jerusalenpita i Tírupa i Sidonpa kostankunapeq, shayámushqa karqan wiyayánanpaq, i kachakashqa kayánanpaq qeshyankunapita; 18i rakcha espiritukunapa tormentashqakuna kachakashqa kayarqan. 19I llapan nunakunam yateyta prokurayarqan peypeq poder yarquptin i llapankunata kachakátserqan.
Kushikiykuna i jipakiykuna
20I disípulunkuna kaqman rikarkur, nerqan: “Kushikiyoqmi qamkuna waktsakuna, qamkunapam Dyospa reynun.
21“Kushikiyoqmi kanan mallaqaqkuna, teqñashqanam kayanki.
“Kushikiyoqmi kanan waqaqkuna, asikuyankim.
22“Kushikiyoqmi kayanki nunakuna, chikiyáshuptiki, rakiyáshuptiki, rimayáshuptiki, jutikikunata despresyar mana allitanow, Nunapa Tsurin kawsanreykur. 23Kushikuyey tsey junaqchow, i kushikuyey, kaq keymi qamkunapa jatun qareynikikuna syelukunachow; tseynowmi rurayarqan teytankuna profetakunawan.
24“¡Allaw qamkuna, rikukuna! Kayápushunkinam shoqakinikikuna.
25“¡Allaw qamkuna teqñashqa keykaqkuna! Mallaqáyankim.
“¡Allaw qamkuna, kanan asikoqkuna! Waqachayankim i waqayankim.
26“¡Allaw qamkunapita, llapan nunakuna qamkunapeq allita parlayaptin! Tseynowmi rurayarqan Teytankuna uli profetakunawan.
Chikimaqnintsikta kuyey
27“Qamkuna wiyaqkunatam, niyaq: Kuyayey chikiyáshoqnikikunata, allita rurayey melanayáshoqnikikunata; 28bendisiyey maldisiyáshoqnikikunata, i Dyosta mañakuyey tumpayáshoqnikikunapaq. 29Juknin qaqlleykichow dañayáshuptikiy juknintapis kamapeyki; aqshuneykita qochishuptiki, túnikeykitapis ama nitsu. 30Pipis mañashoqnikitaqa, qoy, i qampa kaqta tsareqta, ama mañeytsu kutitsishuneykipaq.
31“I imanowmi munayanki nunakuna qamkunawan rurayánanta, tseynow rurayey qamkunapis peykunawan. 32Sitsun kuyayanki kuyayáshoqnikikunallata ¿ima báleqtaq kayápushunkiy? Tseynowllam jutsallikoqkunapis kuyayan kuyaqninkunata. 33Allitsun rurayanki alli rurayáshoqnikikunata, ¿ima báleqtaq kayápushunki? Tseynowllam rurayan jutsayoqkunapis. 34Pitapis prestayanki kutitsiyáshuneykita shuyarar, ¿ima baleqtaq kayápushunki? Jutsallikoqkunapis prestayan jutsallikoqkunatam, jeynowllata chaskiyánanpaq.
35“Kuyayey chikiyáshoqnikikunata, alli rurayey, i prestayey, tseypita mana imatapis shuyarashpa; i qareynikikunam kanqa jatun, i Altísimupa Tsurinmi kayanki; peyqa ankupákoqmi desagradesídukunawan i mana allikunawan. 36Ankupákoqkuna kayey, imanowmi qamkunapa Teyteykikunapis ankupákoq.
Wakinkuna jusgey
37“Ama jusgayeytsu, i manam jusgashqatsu kayanki; ama kondenayeytsu, i manam kondenashqatsu kayanki; perdonayey, i perdonashqam kayanki. 38Qoyey, i qoyáshunkim; alli tuputa, jinchishqata, tapsishqata i llishmeypa mellqeynikikunachow, tsey kikin tupushqeykiwanmi tupuyáshunki.
39I juk tinkutsikipam nerqan: “¿Akásu pwedinku juk wisku pusheyta juk wiskuta? ¿Manaku ishkan jeqarpunman uchkuman? 40Disípuloqa manam mas yachaqtsu mayestrunpita, mas llapan alliyáyashqa karqa, mayestrunnowmi kayanqa. 41¿Imanirtaq rikanki wawqikipa nawinchow achuta, i mana rikankitsu kikikipa nawikichow qeruta? 42¿Ó imanowtaq ninkiman wawqikita: ‘Wawqí dejamey jorqunápaq nawikichow achu keykaqta’, qampa nawíkichow qeru keykaqta mana rikashpa? ¡Motolítu! Puntata jorqiy kikikipa nawikichow keykaq qeruta, tseyran alli rikankiy wawqikipa nawinchow achunta jorquneykipaq.
43“Manam alli montitsu mana alli wayíta qon, ni mana alli montitsu alli wayíta qon. 44Montikunataqa reqintsik wayíninpam; manam ígusta eylluntsik kashakunapitatsu, ni shirakunapita pallantsiktsu ubasta. 45Alli nunaqa, shonqunpitam jorqamun alli tesoruta; mana alli nunaqa mana alli tesorutam, shonqunpita jorqamun mana allita; shonqunpa atskayeyninpita shimi parlan.
Tinkutsikiy ishkey simyentuwan
46“¿Imanirtaq niyámankiy, ‘Señor, Señor’, i mana rurayankitsu niyanqaqta? 47Llapan noqaman shamoqqa, i palabrákunata wiyar ruraqqa, niyashqeyki pímanmi niran. 48Juk wayi ruraq nunanowmi; uchkurnin jonduyátserqan i churarqan simyentuta qaqa jananman; i apákiy shamorqan, mayu tsaktarqan wayipa kontran, i pwederqatsu kuyutsita, qaqa jananchow rurashqa kaptin. 49Wiyarirnin i mana ruraq, niran allpa jananchow wayi ruraq nunanowmi, mana simyentuyoq; peypa kontranmi mayu tsaktarqan, tseypitana ishkirerqan, i jatunmi karqan tsey wayipa ushakeynin.”
Currently Selected:
LUKAS 6: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 6
6
Jesús: Sabadupa Señornin
1Juk jamakiy junaqnam Jesús murushqakunapa paseykarnin, disípulunkunanam espigakunata kipchur mikuyarqan makinkunawan qaqurir. 2I wakin kaq farisewkunanam niyarqan: —¿Imanirtaq rurayanki jamakiy junaqchow mana ruranata?
3Jesús yaskirninkunanam, nerqan: —¿Keyllatapis manaku leyiyarqonkiy, Dabid mallaqarnin ruranqanta, i peywan keykaqkuna; 4imanowmi yeykorqan Dyospa wayinman, i tsarerqan santu tantakunata, tseykuna manam permitishqatsu mikuna sinowqa saserdotikunallata, i mikorqan, i jina qorqan peykunawan keykaqkunatapis? 5I nerqan: —Nunapa Tsurenqa jamakiy junaqpapis Señorninmi.
Makin mana kuyoq nuna
6Jina juk jamakiy junaqchow, pey yeykorqan eyllukáyanan wayichow i yachatserqan; i tseychow keykarqan juk nuna derécha makin tsakishqa. 7I wateqayarqan judyukunapa leynin yachatsikoqkuna i farisewkuna, rikáyánanpaq jamakiy junaqchow má kachakátsinmankush, tseynowpa imapita shinpiyánanreykur. 8Peyqa reqirqan peykunapa yarpeyninkunata; i nerqan tsakishqa makiyoq nunata: —Sharkiy, chowpiman churakey.
I peynam, sharkurqan. 9Tseynam Jesús nerqan: —Jukta tapuyashqeyki: ¿Permitishqaku jamakiy junaqchow allita, ó mana allita ruranapaq? ¿Kaweyta salbey, ó qochiríkiy?
10I jiruroqninchow llapankunata rikeykurnam, nerqan nunata: —Makyey makikiyta.
I peynam tseynow rurarqan, i makinnam kachakárerqan. 11I peykunanam allápa piñakurkuyarqan, i kikinkunapura parlayarqan Jesuspa kontran rurayánanpaq.
Chunka ishkey apostulkuna akrey
12Tsey junaqkunachownam pey eywarqan jirkata Dyos mañakoq, i wararqan Dyosman mañakiykar. 13I junaqyáriptinnam qayarqan disípulunkunata, i akrarqan peykunapeq chunka ishkeyta, peykunatam jutitserqan apostulkuna: 14Simonta, peytam jina jutitserqan Pédru, wawqin Andresta, Jakobuta i Juanta, Felípita i Bartolométa, 15Mateuta, Tomasta, Jakobuta Alfewpa tsurinta, Simon Selóti jutishqata, 16Jakobupa wawqin Judasta, i Judas Iskaryotita, peymi karqan traysyonaqnin.
Atskaq nunakuna qatiyan Jesusta
17I urámorqan peykunawan, i keydakorqan juk pampachow, disípulunkunawan yanaqashqa i atska nunakunawan jinantin Judeyapita, Jerusalenpita i Tírupa i Sidonpa kostankunapeq, shayámushqa karqan wiyayánanpaq, i kachakashqa kayánanpaq qeshyankunapita; 18i rakcha espiritukunapa tormentashqakuna kachakashqa kayarqan. 19I llapan nunakunam yateyta prokurayarqan peypeq poder yarquptin i llapankunata kachakátserqan.
Kushikiykuna i jipakiykuna
20I disípulunkuna kaqman rikarkur, nerqan: “Kushikiyoqmi qamkuna waktsakuna, qamkunapam Dyospa reynun.
21“Kushikiyoqmi kanan mallaqaqkuna, teqñashqanam kayanki.
“Kushikiyoqmi kanan waqaqkuna, asikuyankim.
22“Kushikiyoqmi kayanki nunakuna, chikiyáshuptiki, rakiyáshuptiki, rimayáshuptiki, jutikikunata despresyar mana allitanow, Nunapa Tsurin kawsanreykur. 23Kushikuyey tsey junaqchow, i kushikuyey, kaq keymi qamkunapa jatun qareynikikuna syelukunachow; tseynowmi rurayarqan teytankuna profetakunawan.
24“¡Allaw qamkuna, rikukuna! Kayápushunkinam shoqakinikikuna.
25“¡Allaw qamkuna teqñashqa keykaqkuna! Mallaqáyankim.
“¡Allaw qamkuna, kanan asikoqkuna! Waqachayankim i waqayankim.
26“¡Allaw qamkunapita, llapan nunakuna qamkunapeq allita parlayaptin! Tseynowmi rurayarqan Teytankuna uli profetakunawan.
Chikimaqnintsikta kuyey
27“Qamkuna wiyaqkunatam, niyaq: Kuyayey chikiyáshoqnikikunata, allita rurayey melanayáshoqnikikunata; 28bendisiyey maldisiyáshoqnikikunata, i Dyosta mañakuyey tumpayáshoqnikikunapaq. 29Juknin qaqlleykichow dañayáshuptikiy juknintapis kamapeyki; aqshuneykita qochishuptiki, túnikeykitapis ama nitsu. 30Pipis mañashoqnikitaqa, qoy, i qampa kaqta tsareqta, ama mañeytsu kutitsishuneykipaq.
31“I imanowmi munayanki nunakuna qamkunawan rurayánanta, tseynow rurayey qamkunapis peykunawan. 32Sitsun kuyayanki kuyayáshoqnikikunallata ¿ima báleqtaq kayápushunkiy? Tseynowllam jutsallikoqkunapis kuyayan kuyaqninkunata. 33Allitsun rurayanki alli rurayáshoqnikikunata, ¿ima báleqtaq kayápushunki? Tseynowllam rurayan jutsayoqkunapis. 34Pitapis prestayanki kutitsiyáshuneykita shuyarar, ¿ima baleqtaq kayápushunki? Jutsallikoqkunapis prestayan jutsallikoqkunatam, jeynowllata chaskiyánanpaq.
35“Kuyayey chikiyáshoqnikikunata, alli rurayey, i prestayey, tseypita mana imatapis shuyarashpa; i qareynikikunam kanqa jatun, i Altísimupa Tsurinmi kayanki; peyqa ankupákoqmi desagradesídukunawan i mana allikunawan. 36Ankupákoqkuna kayey, imanowmi qamkunapa Teyteykikunapis ankupákoq.
Wakinkuna jusgey
37“Ama jusgayeytsu, i manam jusgashqatsu kayanki; ama kondenayeytsu, i manam kondenashqatsu kayanki; perdonayey, i perdonashqam kayanki. 38Qoyey, i qoyáshunkim; alli tuputa, jinchishqata, tapsishqata i llishmeypa mellqeynikikunachow, tsey kikin tupushqeykiwanmi tupuyáshunki.
39I juk tinkutsikipam nerqan: “¿Akásu pwedinku juk wisku pusheyta juk wiskuta? ¿Manaku ishkan jeqarpunman uchkuman? 40Disípuloqa manam mas yachaqtsu mayestrunpita, mas llapan alliyáyashqa karqa, mayestrunnowmi kayanqa. 41¿Imanirtaq rikanki wawqikipa nawinchow achuta, i mana rikankitsu kikikipa nawikichow qeruta? 42¿Ó imanowtaq ninkiman wawqikita: ‘Wawqí dejamey jorqunápaq nawikichow achu keykaqta’, qampa nawíkichow qeru keykaqta mana rikashpa? ¡Motolítu! Puntata jorqiy kikikipa nawikichow keykaq qeruta, tseyran alli rikankiy wawqikipa nawinchow achunta jorquneykipaq.
43“Manam alli montitsu mana alli wayíta qon, ni mana alli montitsu alli wayíta qon. 44Montikunataqa reqintsik wayíninpam; manam ígusta eylluntsik kashakunapitatsu, ni shirakunapita pallantsiktsu ubasta. 45Alli nunaqa, shonqunpitam jorqamun alli tesoruta; mana alli nunaqa mana alli tesorutam, shonqunpita jorqamun mana allita; shonqunpa atskayeyninpita shimi parlan.
Tinkutsikiy ishkey simyentuwan
46“¿Imanirtaq niyámankiy, ‘Señor, Señor’, i mana rurayankitsu niyanqaqta? 47Llapan noqaman shamoqqa, i palabrákunata wiyar ruraqqa, niyashqeyki pímanmi niran. 48Juk wayi ruraq nunanowmi; uchkurnin jonduyátserqan i churarqan simyentuta qaqa jananman; i apákiy shamorqan, mayu tsaktarqan wayipa kontran, i pwederqatsu kuyutsita, qaqa jananchow rurashqa kaptin. 49Wiyarirnin i mana ruraq, niran allpa jananchow wayi ruraq nunanowmi, mana simyentuyoq; peypa kontranmi mayu tsaktarqan, tseypitana ishkirerqan, i jatunmi karqan tsey wayipa ushakeynin.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.