LUKAS 5
5
Peskadu tsari milagru
1Susederqan Jesús Genesaret qocha ládunchow keykaptin, nunakuna juntakáyarqan peyman Dyospa palabranta wiyayánanpaq. 2I rikarqan ishkey barkakunata qochapa kuchunchow keykayaqta; i peskadu tsareqkuna, tseypita yarpurir, mállankunata awikáyaq. 3I juknin barkaman yeykurirnam, keymi karqan Simonpa, rowarqan patsapita ichik witiratsinanpaq; i teykurninnam, barkapita yachatserqan atskaq nunakunata. 4Parlar usharirnam, Simonta nerqan: —Remey lamar ruriman, i málleykikunata jitayey peskayáneykipaq.
5Simon yaskirnam, nerqan: —Mayestru, warátseqmi uryayarqó, i manam imatapis peskayarqótsu; peru palabreykichowmi jitashaq mállata.
6I tseynow rurarirnam, tsariyarqan shuyni peskádukunata, i mállapis rachikarqanraq. 7Tseynam señasta rurayarqan yanaqikuna juknin barkachow keykaqkunata, yanapaqnin shayámunanpaq; i shayámorqan, i juntaratsiyarqan ishkan barkakunata, kási undikanqanyaq. 8Simon Pedru keyta rikeykur, qonquripa ishkirerqan Jesuspa nowpanchow, nishpa: —¡Witikuriyki noqapita, Señor, jutsasapa nunam ká!
9Peskaduta tsariyanqanpita, mantsakey tsarerqan, i peywan llapan keykaqkunatapis, 10i tseynowlla Jakobuta i Juanta, Sebedeopa tsurinkunata, kayarqan Simonpa yanaqinkuna. Peru Jesús nerqan Simonta: —Ama mantsakeytsu; kananpitam kanki nunakuna peskaq.
11I barkakunata patsaman aparayámurna, llapanta jaqiriykur, qatiyarqan.
Jesús kachakátsin juk leprósuta
12Markakunapita jukninchow pey keykaptinnam, yuriporqan juk nuna leprapa juntashqa, pey, Jesusta rikeykurnam, qonquriykorqan puktir patsayaq i rowarqan, nirnin: —Señor, munarqa limpyaramey.
13Tseynam, makinta makyeykur, yateykorqan, nirnin: —Munámi, limpyu key.
I tsey óra lepra peypita ewkorqan. 14I pey mandarqan mana pitapis ninanpaq, sinowqa nerqan eywey, rikátsikiy saserdótita, i qoy purifikákiynikipaq, Moyses mandanqannow, peykuna musyayánanpaq.
15Peru reqishqa keyninnam witsikárerqan masraq; eyllukáyarqan atskaq nunakuna wiyayánampaq, i qeshyeyninkunapita kachakátsinanpaq. 16Peynam chusyaqkunapa rakikárir, Dyosman mañakorqan.
Jesús kachakátsin juk paralítikuta
17Susederqan juk junaq, pey yachatsikur keykaptin, teykáyarqan leypa fariseunkuna i doktorninkuna, peykunam shayámushqa kayarqan Galileyapa llapan tunankunapita; i Judeapeq i Jerusalenpeq; Señorpa podernin peywan keykarqan kachakátsinanpaq. 18I juk nunakunanam apayarqan juk kámachow juk paralítiku nunata, prokurayarqan ruriman apeyta peypa nowpanman churayánanpaq. 19Imanowpapis mana yeykatsita tarirna atska nunakunareykur, lloqayarqan wayi jananman, tejashqapa yeykatsiyarqan kámachow, chowpiman churarnin, Jesuspa nowpanman. 20Peykunapa kreyikiyninta rikarnam, nerqan: —Nuna, jutseykikunam perdonashqa.
21Tseynam judyukunapa leynin yachatsikoqkuna i farisewkuna qalleykuyarqan yarpakacharnin, nirnin: —¿Pitaq key parlan maldisyonkunata? ¿Pitaq pwedin jutsakuna perdoneyta sinowqa japallan Dyoslla?
22Tseynam Jesús, peykunapa yarpeyninkunata reqirir yaskiyarnin nerqan: ¿Imatataq yarpakacháyankiy shonqiykikunachow? 23¿Imataq mas fásil, ní: “Jutseykikunam perdonashqa”, ó ní: “Sharkiy i eywey”? 24Musyayáneykipaq Nunapa Tsurimpam kapun pwedeq keynin patsachow jutsakunata perdonananpaq, —nerqan paralítikuta—: —Qamtam neq: ¡Sharkiy, tsari kámeykita, i ewkiy wayikita!
25Tseyllanam, peykunapa nowpanchow sharkur, iskareykanqan kámata tsariykur, wayinta ewkorqan, Dyosta glorifikarnin. 26I llapankuna mantsakashqa glorifikáyarqan Dyosta; i mantseypa juntashqa, niyaq: —¡Kananmi rikarqontsik almirakiykunata!
Lebípa qayeynin
27Keykunapita yarqurerqan, i rikarqan juk publikánuta Lebí jutiyoqta, tribútukunapa bankunchow teykaqta, i nerqan: —¡Qatimey!
28I llapanta jaqiriykur, sharkur qaterqan.
29I Lebí ruraporqan jatun bankeytita wayinchow; i atskaq publikánukunam kayarqan i wakinkunapis keykáyarqan peykunawan mésachow. 30Judyukunapa leynin yachatsikoqkuna i farisewkuna rimayarqan disípulunkunapa kontran, nirnin: —¿Imanirtaq mikuyankiy i upuyankiy publikánukunawan i jutsasapakunawan?
31Yaskirnam Jesús, nerqan: —Yamey keykaqkunaqa manam wanayantsu médikuta, sinowqa qeshyapákoqkunallam. 32Manam shamorqó allita ruraqkuna qayaqtsu, sinowqa jutsasapakuna wanakuyánanpaq.
Ayúnupaq tapukiy
33Tseynam peykuna niyarqan: —¿Imanirtaq Juanpa disípulunkuna ayunayan atska kutiy i rurayan Dyos mañakiykunata, i tseynowlla farisewkunapapis, peru qampaqa mikuyan i upuyan?
34Peynam nerqan: —¿Kasakiychow keykaqkuna akásu ayuneyta pwediyanku, peykunawanraq qowan keykaptin? 35Shamunqam junaqkuna qowa apakushqa kanqa, tseynam, tsey junaqkunachow ayunayanqa.
36Nerqanmi juk tinkutsikiytapis: —Manam pipis kapchuntsu juk mushoq bestídupa kuchunta i makwa bistíduta remendananpaq; tseynow rurarqa, manam mushoqllapatatsu rachin, sinowqa tseypita remyendu jorqunqan manam iwalantsu makwawan. 37Manam pipis winantsu mushoq bínuta makwa qara bolsakunaman; juknowpaqa mushoq bínum rachirenqa qara bolsakunata i ramakárenqa, i qara bolsakuna sirwinqanatsu. 38Mushoq bínutaqa winantsik mushoq qara bolsakunaman, juknin jukninpis alli kayánanpaq. 39Ni meyqanpis poqushqata upyaqqa munantsu llulluta: “Poqushqam alleqa” nirnin.
Currently Selected:
LUKAS 5: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 5
5
Peskadu tsari milagru
1Susederqan Jesús Genesaret qocha ládunchow keykaptin, nunakuna juntakáyarqan peyman Dyospa palabranta wiyayánanpaq. 2I rikarqan ishkey barkakunata qochapa kuchunchow keykayaqta; i peskadu tsareqkuna, tseypita yarpurir, mállankunata awikáyaq. 3I juknin barkaman yeykurirnam, keymi karqan Simonpa, rowarqan patsapita ichik witiratsinanpaq; i teykurninnam, barkapita yachatserqan atskaq nunakunata. 4Parlar usharirnam, Simonta nerqan: —Remey lamar ruriman, i málleykikunata jitayey peskayáneykipaq.
5Simon yaskirnam, nerqan: —Mayestru, warátseqmi uryayarqó, i manam imatapis peskayarqótsu; peru palabreykichowmi jitashaq mállata.
6I tseynow rurarirnam, tsariyarqan shuyni peskádukunata, i mállapis rachikarqanraq. 7Tseynam señasta rurayarqan yanaqikuna juknin barkachow keykaqkunata, yanapaqnin shayámunanpaq; i shayámorqan, i juntaratsiyarqan ishkan barkakunata, kási undikanqanyaq. 8Simon Pedru keyta rikeykur, qonquripa ishkirerqan Jesuspa nowpanchow, nishpa: —¡Witikuriyki noqapita, Señor, jutsasapa nunam ká!
9Peskaduta tsariyanqanpita, mantsakey tsarerqan, i peywan llapan keykaqkunatapis, 10i tseynowlla Jakobuta i Juanta, Sebedeopa tsurinkunata, kayarqan Simonpa yanaqinkuna. Peru Jesús nerqan Simonta: —Ama mantsakeytsu; kananpitam kanki nunakuna peskaq.
11I barkakunata patsaman aparayámurna, llapanta jaqiriykur, qatiyarqan.
Jesús kachakátsin juk leprósuta
12Markakunapita jukninchow pey keykaptinnam, yuriporqan juk nuna leprapa juntashqa, pey, Jesusta rikeykurnam, qonquriykorqan puktir patsayaq i rowarqan, nirnin: —Señor, munarqa limpyaramey.
13Tseynam, makinta makyeykur, yateykorqan, nirnin: —Munámi, limpyu key.
I tsey óra lepra peypita ewkorqan. 14I pey mandarqan mana pitapis ninanpaq, sinowqa nerqan eywey, rikátsikiy saserdótita, i qoy purifikákiynikipaq, Moyses mandanqannow, peykuna musyayánanpaq.
15Peru reqishqa keyninnam witsikárerqan masraq; eyllukáyarqan atskaq nunakuna wiyayánampaq, i qeshyeyninkunapita kachakátsinanpaq. 16Peynam chusyaqkunapa rakikárir, Dyosman mañakorqan.
Jesús kachakátsin juk paralítikuta
17Susederqan juk junaq, pey yachatsikur keykaptin, teykáyarqan leypa fariseunkuna i doktorninkuna, peykunam shayámushqa kayarqan Galileyapa llapan tunankunapita; i Judeapeq i Jerusalenpeq; Señorpa podernin peywan keykarqan kachakátsinanpaq. 18I juk nunakunanam apayarqan juk kámachow juk paralítiku nunata, prokurayarqan ruriman apeyta peypa nowpanman churayánanpaq. 19Imanowpapis mana yeykatsita tarirna atska nunakunareykur, lloqayarqan wayi jananman, tejashqapa yeykatsiyarqan kámachow, chowpiman churarnin, Jesuspa nowpanman. 20Peykunapa kreyikiyninta rikarnam, nerqan: —Nuna, jutseykikunam perdonashqa.
21Tseynam judyukunapa leynin yachatsikoqkuna i farisewkuna qalleykuyarqan yarpakacharnin, nirnin: —¿Pitaq key parlan maldisyonkunata? ¿Pitaq pwedin jutsakuna perdoneyta sinowqa japallan Dyoslla?
22Tseynam Jesús, peykunapa yarpeyninkunata reqirir yaskiyarnin nerqan: ¿Imatataq yarpakacháyankiy shonqiykikunachow? 23¿Imataq mas fásil, ní: “Jutseykikunam perdonashqa”, ó ní: “Sharkiy i eywey”? 24Musyayáneykipaq Nunapa Tsurimpam kapun pwedeq keynin patsachow jutsakunata perdonananpaq, —nerqan paralítikuta—: —Qamtam neq: ¡Sharkiy, tsari kámeykita, i ewkiy wayikita!
25Tseyllanam, peykunapa nowpanchow sharkur, iskareykanqan kámata tsariykur, wayinta ewkorqan, Dyosta glorifikarnin. 26I llapankuna mantsakashqa glorifikáyarqan Dyosta; i mantseypa juntashqa, niyaq: —¡Kananmi rikarqontsik almirakiykunata!
Lebípa qayeynin
27Keykunapita yarqurerqan, i rikarqan juk publikánuta Lebí jutiyoqta, tribútukunapa bankunchow teykaqta, i nerqan: —¡Qatimey!
28I llapanta jaqiriykur, sharkur qaterqan.
29I Lebí ruraporqan jatun bankeytita wayinchow; i atskaq publikánukunam kayarqan i wakinkunapis keykáyarqan peykunawan mésachow. 30Judyukunapa leynin yachatsikoqkuna i farisewkuna rimayarqan disípulunkunapa kontran, nirnin: —¿Imanirtaq mikuyankiy i upuyankiy publikánukunawan i jutsasapakunawan?
31Yaskirnam Jesús, nerqan: —Yamey keykaqkunaqa manam wanayantsu médikuta, sinowqa qeshyapákoqkunallam. 32Manam shamorqó allita ruraqkuna qayaqtsu, sinowqa jutsasapakuna wanakuyánanpaq.
Ayúnupaq tapukiy
33Tseynam peykuna niyarqan: —¿Imanirtaq Juanpa disípulunkuna ayunayan atska kutiy i rurayan Dyos mañakiykunata, i tseynowlla farisewkunapapis, peru qampaqa mikuyan i upuyan?
34Peynam nerqan: —¿Kasakiychow keykaqkuna akásu ayuneyta pwediyanku, peykunawanraq qowan keykaptin? 35Shamunqam junaqkuna qowa apakushqa kanqa, tseynam, tsey junaqkunachow ayunayanqa.
36Nerqanmi juk tinkutsikiytapis: —Manam pipis kapchuntsu juk mushoq bestídupa kuchunta i makwa bistíduta remendananpaq; tseynow rurarqa, manam mushoqllapatatsu rachin, sinowqa tseypita remyendu jorqunqan manam iwalantsu makwawan. 37Manam pipis winantsu mushoq bínuta makwa qara bolsakunaman; juknowpaqa mushoq bínum rachirenqa qara bolsakunata i ramakárenqa, i qara bolsakuna sirwinqanatsu. 38Mushoq bínutaqa winantsik mushoq qara bolsakunaman, juknin jukninpis alli kayánanpaq. 39Ni meyqanpis poqushqata upyaqqa munantsu llulluta: “Poqushqam alleqa” nirnin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.