LUKAS 4
4
Jesús prwebaman churashqa
1Jesús, Espiritu Santupa juntashqa, kuterqan Jordan mayupita, i apashqa karqan Espiritupa chusyaqman 2chusku chunka junaqpa, i prwebaman churashqa karqan dyablupa. I manam mikorqantsu imatapis tsey junaqkunachow, tseykuna pasariptinnam, mallaqarqan. 3Tseynam dyablu nerqan: —Dyospa Tsurin karqa, ní key rumita tantaman tikrananpaq.
4Jesús yaskirninna, nerqan: —Qellqashqam keykan: Manam tantallawantsu nuna kawanqa, sinowqa Dyospa llapan palabranwanmi.
5I dyablunam aparqan juk jatun jirkaman, i rikáratserqan saslla llapan patsapa reynunkunata. 6I dyabluna nerqan: —Qamtam qoshqeyki key llapan pwedeqkeyta, i peykunapa sumeyninta; noqatam qomashqa karqon, i pitapis munanqátam qoykú. 7Qam qonquríkur adoramaptikeqa llapanpis qanpam kayanqa.
8Jesús yaskirirna nerqan: —Witikiy noqapita, Satanas, qellqashqam keykan: Señornikiy Dyostam adoranki, i pey japallantam sirwinkiy.
9I aparqan Jerusalenman, i churarqan templupa raranman, i nerqan: —Dyospa Tsurin karqa, jeqarpí ureypa keypita; 10qellqashqam keykan:
Angelninkunatam kachamonqa qanman,
wardashuneykipaq;
11i, makinkunachowmi tsaráyáshunkiy,
chakikiwan mana trompisaneykipaq rumichow.
12Yaskirnin Jesús, nerqan: —Nishqam keykan: Manam prwebaman churankitsu Señor Dyosnikita.
13Dyablu llapanwan probarirnam, rakikárerqan peypita juk tyempupa.
Jesús qalleykun ministeryunta
14I Jesús kuterqan Galileyata Espiritupa poderninchow, i reqishqa keynin witsikarqan llapan jiruroq markakunapa. 15I yachatserqan peykunapa eyllukáyanan wayikunachow, i glorifikashqa karqan llapankunapa.
Jesús Nasaret judyukunapa eyllukáyanan wayichow
16Shamorqan Nasaretta, yachashqan markaman; jamakiy junaqmi yeykorqan eyllukána wayiman, kostumbrinmannow, i sharkorqan leyeq. 17I qoriyarqan profeta Isaiaspa librunta; i libruta kicharirna, tarerqan tseychow qellqareykaqta:
18Señorpa Espiritun noqachowmi
keykan,
tseyreykurmi ungimashqa waktsakunata
mushoq willakiyta qonápaq;
kachamashqa nanatsikoqkunapa
shonqunkuna kachakátseq;
sinchipa willanápaq libri keyta
présukunaman,
i rikeynin wiskukunata;
libri keyman churanápaq présukunata,
19Señorpa kushikiynin watata
predikanápaq.
20I libruta piturkurnam, qorqan ministruta, i tákurerqan i eyllukáyanan wayichow llapan rikareykáyarqan peyman. 21I qalleykorqan niyarninkuna: —Kananmi tinkurishqa key Eskritúra qamkunapa nowpeykikunachow.
22I llapankunam allita willakuyarqan peypita, i almirashqa keykáyaq grasyapeq palabrakuna shiminpeq yarqamonqanpita, niyaq: —¿Keyqa manaku Josépa tsurin?
23Peynam nerqan: —Key niyanqantachi niyámankiy: “Médiku, jampikiy kikikita. Kapernaunchow llapankuna ruranqeyki wiyayanqáta, key markeykichowpis rurey.” 24—I yaparerqan—: Tseqeypam niyaq, manam pí profetapis kikinpa markanchowqa chaskishqatsu. 25Rasonpam niyaq atskaq biwdakunam kayarqan Israyelchow, Eliaspa junaqninkunachow, syelu tamyarqatsu kima wata joqta killanpin, i karqan allápa mallaqákiy jinantin patsachow; 26peru ní meyqanmanpis Eliasta kachasqatsu karqan, sinowqa Sidonpa Sareptachow juk biwda warmiman. 27Israyelchow atskaq leprósukuna kayarqan profeta Elisewpa tyempunchow, peru manam ni meyqankuna limpyashqatsu karqan, sinowqa Náman Siryu kaqllam.
28Keykunata wiyariyarna, eyllukáyanan wayichow llapan piñakurkuyarqan; 29shárkurirnam, pweblupita jaqman qarquyarqan, i apayarqan jirkapa puntankama, tsey jananchowmi peykunapa pweblunkuna rurashqa karqan, kumarpuyánanpaq. 30Peynam pasarerqan peykunapa chowpinpa, i ewkorqan.
Kapernaunpeq endemoniyadu
31Jesús urarqan Kapernaunman, Galileyapa markanman, i yachatsikoq jamakiy junaqkunachow. 32Almirakuyarqan yachatsikiyninpita, parlakiynin pwedeq keypa kaptin.
33Keykarqan eyllukáyanan wayichow juk nuna rakcha demoniyupita espirituyoq, tseyna qaparíkorqan feyupa,
34nishpa: —¡Jaqiyámey! ¿Imanankitaq noqakunawan, Jesús Nasareynu? ¿Shamorqonkiy ushakátsiyámaqniyku? Noqa reqeqmi pí kanqeykita, Dyospa Santun.
35Jesusnam piñapeykorqan, nishpa: —Upálla, i yarqiy peypita.
Tseynam demoniyoqa, peykunapa chowpinchow seqirirnin, yarqurerqan peypita, i manam ichikllapis dañarqantsu. 36I llapankunam keykáyarqan almirashqa, i parlayaq juknin jukninpis nishpa: —¿Ima parleytaq key, mandakiywan i poderwan qarqun rakcha espiritukunatapis, i yarquyan?
37I reqishqa keynin witsikarqan markakuna jiruroqninpa.
Jesús kachakátsin Pedrupa swegranta
38Tseynam Jesús sharkur yarqurerqan judyukunapa eyllukáyanan wayipita, i yeykurerqan Simonpa wayinman. Simonpa swegrannam karqan allápa fiebriwan, i rowayarqan peypaq. 39Peyman puktíkur, piñaparqan fiebrita; i fiebrinam jaqirerqan, i pey saslla sharkurnin, sirwerqan.
40Inti jeqeykaptinnam llapan tukiyláya qeshyaqkunawan qeshyakunata peyman apayámorqan; i pey, kada únupa jananman makinkunata churar kachakátserqan. 41Jina yarquyarqan demoniyukuna atskaqkunapita, qaparir i nirnin: “¡Qamqa kanki Dyospa Tsurinmi!” Peru pey piñaparqan i manam parlayánanta jaqerqantsu, pey Kristu kanqanta musyayaptin.
Jesús predikan Galileyachow
42Junaqna kaptin, yarqurerqan i juk chusyaqman ewkorqan, i nunakuna ashiyaq, i keykanqanman chárir atajáyarqan peykunapita mana ewkunanpaq. 43Peru peynam nerqan: “Wananmi willaná Dyospa reynunta wakin markakunatapis; keypaqmi kachamushqa karqó.” 44I predikarqan Galileyapa eyllukáyanan wayikunachow.
Currently Selected:
LUKAS 4: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
LUKAS 4
4
Jesús prwebaman churashqa
1Jesús, Espiritu Santupa juntashqa, kuterqan Jordan mayupita, i apashqa karqan Espiritupa chusyaqman 2chusku chunka junaqpa, i prwebaman churashqa karqan dyablupa. I manam mikorqantsu imatapis tsey junaqkunachow, tseykuna pasariptinnam, mallaqarqan. 3Tseynam dyablu nerqan: —Dyospa Tsurin karqa, ní key rumita tantaman tikrananpaq.
4Jesús yaskirninna, nerqan: —Qellqashqam keykan: Manam tantallawantsu nuna kawanqa, sinowqa Dyospa llapan palabranwanmi.
5I dyablunam aparqan juk jatun jirkaman, i rikáratserqan saslla llapan patsapa reynunkunata. 6I dyabluna nerqan: —Qamtam qoshqeyki key llapan pwedeqkeyta, i peykunapa sumeyninta; noqatam qomashqa karqon, i pitapis munanqátam qoykú. 7Qam qonquríkur adoramaptikeqa llapanpis qanpam kayanqa.
8Jesús yaskirirna nerqan: —Witikiy noqapita, Satanas, qellqashqam keykan: Señornikiy Dyostam adoranki, i pey japallantam sirwinkiy.
9I aparqan Jerusalenman, i churarqan templupa raranman, i nerqan: —Dyospa Tsurin karqa, jeqarpí ureypa keypita; 10qellqashqam keykan:
Angelninkunatam kachamonqa qanman,
wardashuneykipaq;
11i, makinkunachowmi tsaráyáshunkiy,
chakikiwan mana trompisaneykipaq rumichow.
12Yaskirnin Jesús, nerqan: —Nishqam keykan: Manam prwebaman churankitsu Señor Dyosnikita.
13Dyablu llapanwan probarirnam, rakikárerqan peypita juk tyempupa.
Jesús qalleykun ministeryunta
14I Jesús kuterqan Galileyata Espiritupa poderninchow, i reqishqa keynin witsikarqan llapan jiruroq markakunapa. 15I yachatserqan peykunapa eyllukáyanan wayikunachow, i glorifikashqa karqan llapankunapa.
Jesús Nasaret judyukunapa eyllukáyanan wayichow
16Shamorqan Nasaretta, yachashqan markaman; jamakiy junaqmi yeykorqan eyllukána wayiman, kostumbrinmannow, i sharkorqan leyeq. 17I qoriyarqan profeta Isaiaspa librunta; i libruta kicharirna, tarerqan tseychow qellqareykaqta:
18Señorpa Espiritun noqachowmi
keykan,
tseyreykurmi ungimashqa waktsakunata
mushoq willakiyta qonápaq;
kachamashqa nanatsikoqkunapa
shonqunkuna kachakátseq;
sinchipa willanápaq libri keyta
présukunaman,
i rikeynin wiskukunata;
libri keyman churanápaq présukunata,
19Señorpa kushikiynin watata
predikanápaq.
20I libruta piturkurnam, qorqan ministruta, i tákurerqan i eyllukáyanan wayichow llapan rikareykáyarqan peyman. 21I qalleykorqan niyarninkuna: —Kananmi tinkurishqa key Eskritúra qamkunapa nowpeykikunachow.
22I llapankunam allita willakuyarqan peypita, i almirashqa keykáyaq grasyapeq palabrakuna shiminpeq yarqamonqanpita, niyaq: —¿Keyqa manaku Josépa tsurin?
23Peynam nerqan: —Key niyanqantachi niyámankiy: “Médiku, jampikiy kikikita. Kapernaunchow llapankuna ruranqeyki wiyayanqáta, key markeykichowpis rurey.” 24—I yaparerqan—: Tseqeypam niyaq, manam pí profetapis kikinpa markanchowqa chaskishqatsu. 25Rasonpam niyaq atskaq biwdakunam kayarqan Israyelchow, Eliaspa junaqninkunachow, syelu tamyarqatsu kima wata joqta killanpin, i karqan allápa mallaqákiy jinantin patsachow; 26peru ní meyqanmanpis Eliasta kachasqatsu karqan, sinowqa Sidonpa Sareptachow juk biwda warmiman. 27Israyelchow atskaq leprósukuna kayarqan profeta Elisewpa tyempunchow, peru manam ni meyqankuna limpyashqatsu karqan, sinowqa Náman Siryu kaqllam.
28Keykunata wiyariyarna, eyllukáyanan wayichow llapan piñakurkuyarqan; 29shárkurirnam, pweblupita jaqman qarquyarqan, i apayarqan jirkapa puntankama, tsey jananchowmi peykunapa pweblunkuna rurashqa karqan, kumarpuyánanpaq. 30Peynam pasarerqan peykunapa chowpinpa, i ewkorqan.
Kapernaunpeq endemoniyadu
31Jesús urarqan Kapernaunman, Galileyapa markanman, i yachatsikoq jamakiy junaqkunachow. 32Almirakuyarqan yachatsikiyninpita, parlakiynin pwedeq keypa kaptin.
33Keykarqan eyllukáyanan wayichow juk nuna rakcha demoniyupita espirituyoq, tseyna qaparíkorqan feyupa,
34nishpa: —¡Jaqiyámey! ¿Imanankitaq noqakunawan, Jesús Nasareynu? ¿Shamorqonkiy ushakátsiyámaqniyku? Noqa reqeqmi pí kanqeykita, Dyospa Santun.
35Jesusnam piñapeykorqan, nishpa: —Upálla, i yarqiy peypita.
Tseynam demoniyoqa, peykunapa chowpinchow seqirirnin, yarqurerqan peypita, i manam ichikllapis dañarqantsu. 36I llapankunam keykáyarqan almirashqa, i parlayaq juknin jukninpis nishpa: —¿Ima parleytaq key, mandakiywan i poderwan qarqun rakcha espiritukunatapis, i yarquyan?
37I reqishqa keynin witsikarqan markakuna jiruroqninpa.
Jesús kachakátsin Pedrupa swegranta
38Tseynam Jesús sharkur yarqurerqan judyukunapa eyllukáyanan wayipita, i yeykurerqan Simonpa wayinman. Simonpa swegrannam karqan allápa fiebriwan, i rowayarqan peypaq. 39Peyman puktíkur, piñaparqan fiebrita; i fiebrinam jaqirerqan, i pey saslla sharkurnin, sirwerqan.
40Inti jeqeykaptinnam llapan tukiyláya qeshyaqkunawan qeshyakunata peyman apayámorqan; i pey, kada únupa jananman makinkunata churar kachakátserqan. 41Jina yarquyarqan demoniyukuna atskaqkunapita, qaparir i nirnin: “¡Qamqa kanki Dyospa Tsurinmi!” Peru pey piñaparqan i manam parlayánanta jaqerqantsu, pey Kristu kanqanta musyayaptin.
Jesús predikan Galileyachow
42Junaqna kaptin, yarqurerqan i juk chusyaqman ewkorqan, i nunakuna ashiyaq, i keykanqanman chárir atajáyarqan peykunapita mana ewkunanpaq. 43Peru peynam nerqan: “Wananmi willaná Dyospa reynunta wakin markakunatapis; keypaqmi kachamushqa karqó.” 44I predikarqan Galileyapa eyllukáyanan wayikunachow.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.