MATEO 17
17
Trokakey
1Joqta junaqpitana, Jesús tsarerqan Pedruta, Jakobuta i wawqin Juanta, i apakorqan jaqpi juk jatun jirkaman; 2i trokakárerqan peykunapa nowpanchow, i qaqllan chipaparqan intinow, i bestidunkuna rurakárerqan luyaq aktsinow. 3Kaq key yuripuyarqan Moyses i Elias, peywan parleykar.
4Tseynam Pedru Jesusta nerqan: —Señor, allim noqantsikpaq keychow keykánantsik; munaptikeqa; rurashun keychow kima ramádakunata: jukta qampaq, juktana Moysespaq, i jukta Eliaspaq.
5Pey parleykaptinraq, juk pukutey aktsi tsaparirqan; i kaq key pukuteypita juk bos, nerqan: “Keymi key kuyey Tsuriy, peychowmi kushikiyniy kapaman; peyta wiyayey.”
6Keyta wiyarirnam disípulukuna, qonquriykikuyarqan, i jatun mantsakakiynin kayáporqan. 7Tseynam Jesús witiykur yateykorqan, i nerqan: —Sharkuyey, i ama mantsakayeytsu.
8I peykuna rikarkur, pitapis rikáyarqantsu sinowqa Jesús japallanllata.
9Jirkapita urárayamuptinna, Jesús mandarqan, nirnin: —Rikáyanqeykita ama pitapis niyeytsu, Nunapa Tsurin wanushqakunapita kawarimonqanyaq.
10Tseynam disípulunkuna tapuyarqan, nirnin: —¿Imanirtaq judyukuna leynin yachatseqkuna niyan wananmi Elias puntata shamunan?
11Yaskirnin Jesús, nerqan: —Rasonpam, Elias shamun puntata, i altsanqa llapan kosaskunata. 12Mas niyaqmi: Eliasqa shamushqanam, i manam reqiyarqonkitsu, sinowqa rurayarqon peywan llapan munayashqanta; tseynowmi Nunapa Tsurinpis jipanqa peykunapita.
13Tseynam disípulukuna káyiyarqan Juan Bawtistapaq parlashqanta.
Jesús kachakátsin juk jobinta
14Nunakuna kaqman cháriyaptinnam, peyman shamorqan juk nuna i qonqurikiykorqan peypa nowpanman, 15nirnin: —¡Señor ankupákiyniki katsun tsuriypaq, lókum, i allápam jipan! I atska kutinam jeqan ninaman, i yakumanpis. 16I disípuliykikunaman apamorqó, peru manam pwediyashqatsu kachakátsita.
17Yaskirnin Jesús, nerqan: —¡Mana kreyikoq i malbádu kasta! ¿Imeykamataq qamkunawan kashaq? ¿Imeykamataq awantayashqeyki? Apayámi keyman.
18I Jesús piñaparqan demoniyuta, tseynam yarqurerqan jobinpita, i peynam sanu keydarerqan tsey órapita. 19Jesusman disípulukuna shamurnam, jaqpilla niyarqan: —¿Imanirtaq noqakunaqa pwediyarqótsu jaqman qarqiyta?
20Jesusnam nerqan: —Ichiklla kreyikiynikunareykurmi, tseqeypam niyaq sitsun kreyikiynikikuna kayápushunkiman juk ñushta murunow, key jirkata niyankiman: “Pasakiy keypita washaman”, i pasakonqam, i manam imapis sasatsu kanqa. 21Peru key kasta demoniyu manam yarqonqatsu, sinowqa Dyos mañakiywan i ayunuwan.
Jesús yapey willakun waniyninta
22Peykuna Galileyachow keykarnin, Jesusnam nerqan: “Nunapa Tsurinmi entregashqa kanqa nunakunapa makinkunaman, 23i wanutsiyanqa; peru kima junaqtam kawarimonqa.” I peykuna allápa llakikurkuyarqan.
Jesús pagan templupa impwestunta
24Kapernaunman cháriyaptinnam shayámorqan Pedruman ishkey drakma kobrakoqkuna, i peyta niyarqan: —¿Mayestrikikunaqa manaku pagan ishkey drakmakunata?
25Pey nerqan: —Awmi.
I wayiman pey yeykur, Jesús parlaparqan puntata, nirnin: —¿Imataq nirápushunki, Simon? Patsapa reyninkuna, ¿Píkunapitataq kobrayan tributukunata i impwestukunata? ¿Tsurinkunapitaku, ó mana reqishqakunapitaku?
26Pedrunam yaskerqan: —Mana reqishqakunapitam.
Jesusnam nerqan: —Tseynowpa tsurikuna manam obligashqatsu kayan. 27Imanow karpis, mana ofendinantsikpaq, lamarta eywey, i answeyluta jitey, i punta kaq peskadu jorqanqeykita, tsari, i shiminta kichar, tarinki juk estateruta; tsari, i qoykiy noqapeq i qampeq.
Currently Selected:
MATEO 17: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
