MATEO 20
20
Ubas chakrachow uryaqkunawan tinkutsikiy
1»Syelukunapa reynunqa juk nuna niraqnowmi, kastapa teytannowmi, qoyapa yarqorqan ubas chakranpaq uryaqkuna kontrataq. 2I uryaqkunawan kada junaq juk denaryupaq akwerduman chárir, kacharqan ubas chakranman. 3Junaqpa kima órannow yarqurir, plásachow rikarqan jukkunata mana ima rureyoqkunata; 4i nerqan: “Eywayey qamkunapis ubas chakráman, i rason kaqtam qoyashqeyki.” I peykuna eywayarqan. 5Yapey yarqorqan joqta i isqon óranow, i rurarqan tseynowlla. 6I chunka juk óranow yarqurirnin, tarerqan jukkunata mana ima ruraqkunata; i nerqan: “¿Imanirtaq qanyáriyanki mana imata rurashpa?” 7I niyarqannam: “Mana pipis kontratayámaptinmi.” Peynam nerqan: “Eywayey qamkunapis ubas chakraman, i chaskiyankim rason kaqta.”
8»Ampíriptin, ubas chakrapa señornin nerqan mayordómunta: “Qayamiy uryaqkunata i pagey jornalta, qepakaqkunapita qalleykur punta kaqkunayaq.” 9I chunka juk órachow eywayashqakuna shamurnin, chaskiyarqan kada únu juk denaryuta. 10Punta kaqkunapis shamurnin, pensayarqan masta chaskita; peru peykunapis chaskiyarqan juk denaryuta. 11I chaskirirnam, kastapa teytan kontran rimayarqan, 12nirnin: “Key qepakuna uryayashqa juk óralla, i noqakunatanow iwal rurarqonki, qanyasninpi kargata jipeykáyaptiy achacheychow.” 13Pey, yaskirnin, nerqan peykunapita jukninta: “Amigu, manam engañaqtsu; ¿manaku tráturqeyki noqawan juk denaryupaq? 14Tsari qampa kaqta, i ewkiy; peru key qepa kaqtam, qoyta muná qamtanow. 15¿Manaku rureyta pwediy munanqánow kikiypa kaqwan? ¿Ó chikikunkiku qam, noqa alli kaptiy?” 16Tseymi, punta kaqkuna qepachow kayanqa, i qepa kaqkuna, puntachow; atskaqmi qayashqa kayan, wallkallam akrashqakuna.
Jesús willakun waniyninta i bensikiyninta
17Jerusalenman Jesús witsáreykar, chunka ishkey disípulunkunata nánichow jaqpitsárir, nerqan:
18—Kaq key witsantisk Jerusalenman, i Nunapa Tsurin entregashqa kanqa apun saserdotikunaman i judyukunapa leynin yachatseqkunaman, i sentensyayanqa waniyman; 19i entregayanqa gentilkunaman jipatsiyánanpaq, astayananpaq, i krusifikáyananpaq; peru kima junaqtanam kawarimonqa.
Jakobo i Juanpa mamanpa mañakiynin
20Tseynam Sebedeopa tsurinkunapa maman witirqan wawankunawan, peypa nowpanman qonqurikiykur mañakurnin. 21Pey nerqan: —¿Imata munanki?
Warminam nerqan: —Ordeney reynikichow tákuyátsun key noqapa ishkan wawákuna, juknin derécheykichow, i jukninna itsoqnikichow.
22Tseynam Jesús yaskirnin, nerqan: —Manam musyayankitsu mañakuyanqeykita ¿Pwediyankiku upiyta noqa upushqá básupita, i bawtisashqa keyta noqa bawtisakushqáwan?
I peykuna niyarqan: —Pwediyámi.
23Peynam nerqan: —Rasonpam, básupita upuyanki, i noqa bawtisakushqá bawtismuwan bawtisashqa kayanki; peru derecháman i itsoqniman tátseqa, manam noqapatsu qoná, sinowqa Teytápa alistashqakunallapaqmi.
24Chunka kaqkuna keyta wiyarir, piñakurkuyarqan ishkan wawqipa kontran. 25Tseynam Jesús, qayarirninkuna, nerqan: —Musyayankim nasyonkunapa awtoridáninkuna mandakuyan peykunapita. I jatun kaqkuna rurayan peykunawan pwedeq keyta.
26Qamkunachowqa manam tseynowtsu kanqa sinowqa, qamkunachow jatun keyta munaqqa sirwiyashoqnikim kanqa, 27qamkunachow punta keyta munaqqa sirwishoqnikikunam kanqa; 28imanowmi Nunapa Tsurin shamushqa sirwishqa kananpaqtsu, sinowqa sirwikoq, i kaweyninta atskaqkunapaq reskátinpaq qoqmi.
Jesús kachakátsin ishkey wiskukunata Jerikóchow
29Jerikópita peykuna yarquyaptin atskaq nunakuna qatiyarqan. 30I ishkey wiskukuna nánipa kuchunchow tákikáyarqan, Jesús pasanqanta wiyarir, qayakuyarqan, nirnin: —¡Señor, Dabidpa tsurin, ankupákiyniki katsun noqakunapaq!
31I nunakuna piñapáyarqan upállakuyánanpaq; peru peykuna qayakuyarqan masraq, nirnin: —¡Señor, Dabidpa Tsurin, ankupákiyniki katsun noqakunapaq!
32I Jesús shákurir, qayarqan, i nerqan: —¿Ima rurayanaqtataq munayanki?
33Peykunam niyarqan: —Señor, nawiykuna kichakashqa katsun.
34Tseynam Jesús, ankuparnin, nawinkunata yateykorqan, i tseyllanam rikeyta chaskiyarqan; i qatiyarqan.
Currently Selected:
MATEO 20: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
