MATEO 22
22
Kasakiy bankeytiwan tinkutsikiy
1Jesús yaskirnin, yapey parlarqan tinkutsikiykunawan, nirnin:
2—Syelukunapa reynunqa juk rey niraqmi tsurinpaq rurarqan kasamyentu fyestata; 3i kacharqan sirweqninkunata kasakiyman konbidashqakunata qayaq, keykunaqa munayarqantsu shamíta. 4Yapey kacharqan wakin sirweqninkunata, nirnin: “Niyey konbidashqakunata: ‘Kaq key alistarqó mikiyníta; torukunata i wirayashqa animalniykuna pishtashqanam kayan, i llapannam keykan listuna; shayámi kasakiyman.’ ” 5Peykunaqa mana kasushpa, ewkuyarqan, juknin chakranta, i jukna negosyunkunaman; 6i wakinkuna, sirweqkunata tsariykur, maqayarqan i wanutsiyarqan. 7Rey wiyarirna, piñakurkorqan; i soldadunkunata kacharnin, ushakátserqan wanutsikoqkunata, i markanta kayeykorqan. 8Tseynam nerqan sirweqninkunata: “Kasakiyqa rasonpam alistashqa keykan, konbidashqakaqkunaqa manam meriseqtsu kayarqan.” 9Eywayey, nánikuna yarqunanpa, i qayayey kasakiyman eykaqtapis tariyanqeykita. 10I sirweqkuna nánikunapa yarqur, eylluyarqan llapan tariyanqanta, allita i mana allitapis juntulla; i kasakiyqa kichkishqa karqan konbidádukunawan.
11»I rey yeykorqan konbidashqakunata rikánanpaq, i tseychownam rikarqan juk nunata kasamyentu bistíduwan mana bistishqata. 12I nerqan: “Amigu, ¿imanowtaq yeykamorqonki keyman mana kasakiy bistíduwan keykar?” Peyna upállakurerqan. 13Tseynam rey nerqan sirweqkunata: “Watayey chakinkunapita i makinkunapita, i jitarpuyey waqta ampeqkunaman.” Tseychowmi kanqa waqakiy i kirukuna ruchuchutsi. 14Atskaqmi qayashqa kayan, i wallkallam akrashqakuna.
Sésarpa tributunpaq tapukiy
15Tseynam ewkuyarqan farisewkuna i tapunakuyarqan imanowpa pantatsita munar ima palabrallachowpis. 16I peykunapa disípulunkunata kachayarqan erodiyanukunawan, nirnin: —Mayestru, musyayámi rason kaqta kuyanqeykita, i rasonpa kaqwan yachatsikonqeykita Dyospa náninta, i ni pita mantsankitsu, nunakunapa imanow kanqanta manam rikankitsu. 17Niyámey, ima nirápushunkitaq: ¿Alliku Sésarta tributu qoy, ó manaku?
18Peru Jesusnam, peykunapa malisyankunata reqirnin, nerqan: —¿Imanirtaq tentayamanki, motolítukuna? 19Tributupa qelleyninta rikátsiyámey.
I peykuna qoyarqan juk denaryuta. 20Tseynam nerqan: ¿Pipa retratuntaq key, i qellqan?
21Niyarqan: —Sésarpam.
I nerqan: Qoyey Sésarta Sésarpa kaqta, i Dyosta Dyospa kaqta.
22Keyta wiyarir, almirakuyarqan, i jaqirirnin, ewkuyarqan.
Kawarimiypaq tapukiy
23Taqey junaq shayámorqan peyman sadusewkuna, manam kantsu kawarimiy neqkuna, i tapuyarqan, 24nirnin: —Mayestru, Moysesmi nerqan: Si meyqanpis wanunman tsurinnaq, wawqin kasakunqa warminwan i wawqinpa kastan sháritsenqa. 25Karqan, qanchis wawqikuna noqakunachow; puntakaq kasakorqan, i wanukorqan; i manaraq tsurin kaptin, jaqirqan warminta wawqinpaq. 26Tseynowllam ishkey kaqpis, i kimakaq, qanchis kamayaq. 27I llapankunapita warmipis wanurqan. 28Kawarimiychowqa, ¿qanchiskunapita meyqanpa warminraq kanqa, si llapan katsiyarqan?
29Tseynam Jesús yaskirnin, nerqan: —Pantakuyankim, Eskritúrakunata i Dyospa poderninta mana káyir. 30Kawarimiychowqa manam kasakuyanqatsu ni kasakiyman churakáyanqatsu, sinowqa, syeluchow Dyospa angelninkunanowmi kayanqa. 31Wanushqakunapa kawarimiyninpaqqa, ¿manaku leyiyarqonki Dyos niyáshonqeykita, nenqannow: 32Noqam ká Abrahampa Dyosnin, Isakpa Dyosnin, i Jakobpa Dyosnin? Dyosqa manam wanushqakunapa Dyosnintsu, sinowqa kawaqkunapam.
33Nunakuna keyta wiyarir, almirakuyarqan yachatsikiyninpita.
Jatun kamatsikiy
34Tseynam farisewkuna, sadusewkuna upállátseqta wiyarir, jukllaman eyllukáriyarqan. 35I peykunapita juknin kaq, leyta káyitsikoq, tapurqan tentarnin, nirnin:
36—Mayestru, ¿meyqantaq jatun kaq kamatsikiy leychow?
37Jesusnam nerqan: —Kuyankim Señor Dyosnikita llapan shonqiykiwan, i llapan almeykiwan, i llapan yarpeynikiwan. 38Keymi key punta kaq i jatun kamatsikiy. 39I ishkey kaqpis tseynowllam: Kuyankim nuna mayikita kikikitanow. 40Key ishkan kamatsikiykunapitam dependin llapan ley i profetakuna.
Jesús Dabidpa Tsurin i Señornin
41I farisewkuna juntu keykar, Jesús tapurqan, 42nirnin: —¿Imatataq pensayanki Kristupita? ¿Pipa tsurintaq?
Niyarqannam: —Dabidpam.
43Peynam nerqan: —¿Imanirtaq Dabid Espirituchow qayan Señor, nirnin:
44Nerqan Señor Señorníta:
Tákiy derecháman,
chikishoqnikikunata chakikikunapa
jarunanman churamonqáyaq?
45Si Dabid qayan Señor, ¿imanowpataq tsurin?
46I manam ni pí yaskita pwederqantsu; ni manam tsey junaqpita tapíta munayarqantsu.
Currently Selected:
MATEO 22: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MATEO 22
22
Kasakiy bankeytiwan tinkutsikiy
1Jesús yaskirnin, yapey parlarqan tinkutsikiykunawan, nirnin:
2—Syelukunapa reynunqa juk rey niraqmi tsurinpaq rurarqan kasamyentu fyestata; 3i kacharqan sirweqninkunata kasakiyman konbidashqakunata qayaq, keykunaqa munayarqantsu shamíta. 4Yapey kacharqan wakin sirweqninkunata, nirnin: “Niyey konbidashqakunata: ‘Kaq key alistarqó mikiyníta; torukunata i wirayashqa animalniykuna pishtashqanam kayan, i llapannam keykan listuna; shayámi kasakiyman.’ ” 5Peykunaqa mana kasushpa, ewkuyarqan, juknin chakranta, i jukna negosyunkunaman; 6i wakinkuna, sirweqkunata tsariykur, maqayarqan i wanutsiyarqan. 7Rey wiyarirna, piñakurkorqan; i soldadunkunata kacharnin, ushakátserqan wanutsikoqkunata, i markanta kayeykorqan. 8Tseynam nerqan sirweqninkunata: “Kasakiyqa rasonpam alistashqa keykan, konbidashqakaqkunaqa manam meriseqtsu kayarqan.” 9Eywayey, nánikuna yarqunanpa, i qayayey kasakiyman eykaqtapis tariyanqeykita. 10I sirweqkuna nánikunapa yarqur, eylluyarqan llapan tariyanqanta, allita i mana allitapis juntulla; i kasakiyqa kichkishqa karqan konbidádukunawan.
11»I rey yeykorqan konbidashqakunata rikánanpaq, i tseychownam rikarqan juk nunata kasamyentu bistíduwan mana bistishqata. 12I nerqan: “Amigu, ¿imanowtaq yeykamorqonki keyman mana kasakiy bistíduwan keykar?” Peyna upállakurerqan. 13Tseynam rey nerqan sirweqkunata: “Watayey chakinkunapita i makinkunapita, i jitarpuyey waqta ampeqkunaman.” Tseychowmi kanqa waqakiy i kirukuna ruchuchutsi. 14Atskaqmi qayashqa kayan, i wallkallam akrashqakuna.
Sésarpa tributunpaq tapukiy
15Tseynam ewkuyarqan farisewkuna i tapunakuyarqan imanowpa pantatsita munar ima palabrallachowpis. 16I peykunapa disípulunkunata kachayarqan erodiyanukunawan, nirnin: —Mayestru, musyayámi rason kaqta kuyanqeykita, i rasonpa kaqwan yachatsikonqeykita Dyospa náninta, i ni pita mantsankitsu, nunakunapa imanow kanqanta manam rikankitsu. 17Niyámey, ima nirápushunkitaq: ¿Alliku Sésarta tributu qoy, ó manaku?
18Peru Jesusnam, peykunapa malisyankunata reqirnin, nerqan: —¿Imanirtaq tentayamanki, motolítukuna? 19Tributupa qelleyninta rikátsiyámey.
I peykuna qoyarqan juk denaryuta. 20Tseynam nerqan: ¿Pipa retratuntaq key, i qellqan?
21Niyarqan: —Sésarpam.
I nerqan: Qoyey Sésarta Sésarpa kaqta, i Dyosta Dyospa kaqta.
22Keyta wiyarir, almirakuyarqan, i jaqirirnin, ewkuyarqan.
Kawarimiypaq tapukiy
23Taqey junaq shayámorqan peyman sadusewkuna, manam kantsu kawarimiy neqkuna, i tapuyarqan, 24nirnin: —Mayestru, Moysesmi nerqan: Si meyqanpis wanunman tsurinnaq, wawqin kasakunqa warminwan i wawqinpa kastan sháritsenqa. 25Karqan, qanchis wawqikuna noqakunachow; puntakaq kasakorqan, i wanukorqan; i manaraq tsurin kaptin, jaqirqan warminta wawqinpaq. 26Tseynowllam ishkey kaqpis, i kimakaq, qanchis kamayaq. 27I llapankunapita warmipis wanurqan. 28Kawarimiychowqa, ¿qanchiskunapita meyqanpa warminraq kanqa, si llapan katsiyarqan?
29Tseynam Jesús yaskirnin, nerqan: —Pantakuyankim, Eskritúrakunata i Dyospa poderninta mana káyir. 30Kawarimiychowqa manam kasakuyanqatsu ni kasakiyman churakáyanqatsu, sinowqa, syeluchow Dyospa angelninkunanowmi kayanqa. 31Wanushqakunapa kawarimiyninpaqqa, ¿manaku leyiyarqonki Dyos niyáshonqeykita, nenqannow: 32Noqam ká Abrahampa Dyosnin, Isakpa Dyosnin, i Jakobpa Dyosnin? Dyosqa manam wanushqakunapa Dyosnintsu, sinowqa kawaqkunapam.
33Nunakuna keyta wiyarir, almirakuyarqan yachatsikiyninpita.
Jatun kamatsikiy
34Tseynam farisewkuna, sadusewkuna upállátseqta wiyarir, jukllaman eyllukáriyarqan. 35I peykunapita juknin kaq, leyta káyitsikoq, tapurqan tentarnin, nirnin:
36—Mayestru, ¿meyqantaq jatun kaq kamatsikiy leychow?
37Jesusnam nerqan: —Kuyankim Señor Dyosnikita llapan shonqiykiwan, i llapan almeykiwan, i llapan yarpeynikiwan. 38Keymi key punta kaq i jatun kamatsikiy. 39I ishkey kaqpis tseynowllam: Kuyankim nuna mayikita kikikitanow. 40Key ishkan kamatsikiykunapitam dependin llapan ley i profetakuna.
Jesús Dabidpa Tsurin i Señornin
41I farisewkuna juntu keykar, Jesús tapurqan, 42nirnin: —¿Imatataq pensayanki Kristupita? ¿Pipa tsurintaq?
Niyarqannam: —Dabidpam.
43Peynam nerqan: —¿Imanirtaq Dabid Espirituchow qayan Señor, nirnin:
44Nerqan Señor Señorníta:
Tákiy derecháman,
chikishoqnikikunata chakikikunapa
jarunanman churamonqáyaq?
45Si Dabid qayan Señor, ¿imanowpataq tsurin?
46I manam ni pí yaskita pwederqantsu; ni manam tsey junaqpita tapíta munayarqantsu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.