MATEO 26
26
Jesusta wanutsiyánanpaq akwerdu
1Llapan key palabrakunata Jesús usharirnam, nerqan disípulunkunata: 2“Musyayankim keypita ishkey junaqtam paskwa selebrakan, i Nunapa Tsurin entregashqa kanqa krusifikashqa kananpaq.”
3Tseynam prinsipal saserdotikuna i judyukunapa leynin yachatseqkuna, pweblupa awkinninkuna eyllukáyarqan apun saserdoti Kayfas jutiyoqpa patyunchow, 4i kayáporqan akwerdunkuna engáñuwan Jesusta tsarir, wanutsiyananpaq. 5Peru niyarqan: “Ama fyestachowqa, pwebluchow búlla mana rurakánanpaq.”
Jesús Betaniachow ungishqa
6I Jesús Betaniachow keykarnin, leprosu Simonpa wayinchow, 7shamorqan peyman juk warmi, allápa chaniyoq juk alabastru básu pukutaqwan, i jicharqan peypa peqanman, mésachow teykaptin. 8Keyta rikeykur, disípulunkuna, piñakurkuyarqan; nirnin: —¿Imapaqtaq key perditsi? 9Keyqa rantikushqam kanman karqan alli chaninchow, i waktsakunata qoshqa kanman karqan.
10I Jesús káyirirnam, nerqan: —¿Imanirtaq piñapáyanki key warmita? alli rureytam noqawan rurashqa. 11Imeypis katsiyankim waktsakunataqa qamkunawan, peru noqataqa manam imeypis katsiyámankitsu. 12Key pukutaqta kwerpúman jichamur, sepultúrapaq alistarmi ruramushqa. 13Tseqeypam niyaq meychowpis key ebangelyu predikakanqanchow, jinantin munduchow, key ruranqanpis willakushqam kanqa, peyta yarpánapaq.
Judas ánin Jesusta traysyonananpaq
14»Tseynam chunka ishkeypita juknin, Judas Iskaryoti jutiyoq, eywarqan apun saserdotikunaman, 15i nerqan: —¿Ima qoyámeytataq munayanki i noqam entregayashqeyki?
I peykuna sitayarqan kima chunka pyesa qelleyta. 16I tseypita asherqan imanowpa entregananpaq.
Paskwapaq alistakiykuna
17Lebadurannaq tanta fyesta qallanan junaq, shayámorqan Jesusman disípulukuna, niyarnin: —¿Meychowtaq munanki alistayanáta paskwata mikuneykipaq?
18I peynam nerqan: —Eywayey pwebluta juk nuna kaqman, i niyey: “Mayestrum nin: ‘Tyempú serkanam; wayikichowmi selebrashaq paskwata disípulúkunawan.’ ”
19»I disípulukuna rurayarqan Jesús mandanqannow i alistayarqan paskwata.
Jesús willakun Judas traysyonananta
20Ampi cháriptin, mésaman tákurerqan chunka ishkeykunawan. 21I mikureykayarnam, nerqan: Tseqeypam niyaq, qamkunapita juknikim entregamanqa.
22I allápa llakikurnam, qalleykuyarqan peykunapita juklleyllapayan nirnin: —¿Noqaku ká, Señor?
23Tseynam pey yaskirnin, nerqan: —Makinta noqawan plátuman makyaqmi, peymi entregamanqa. 24Rasonpam Nunapa Tsurenqa eywan, peypaq qellqashqa kanqannow, ¡allaw taqey nuna pipam Nunapa Tsurin entregashqa! Allim yurinmantsu karqan tsey nuna.
25Tseynam yaskirnin Judas, entregaqnin kaq nerqan: —¿Noqaku ká, Mayestru?
Nerqannam: —Qanmi nerqonki.
Señorpa seynan
26Mikureykáyaptinna, Jesús tantata tsarerqan, i bendiserqan, i pakirerqan, i qorqan disípulunkunata, i nerqan: —Tsariyey, mikuyey; keymi key kwerpú.
27I kópata tsarirkur, i grasyasta qorir, peykunata qorqan, nirnin: —Upuyey keypita llapeykikuna; 28keymi yawarniy mushoq paktupita, atskaqkunapaq ramakashqa jutsakunapita perdonpaq. 29I niyaqmi kananpitaqa mananam upushaqnatsu key ubaspa wayíninpita, taqey junaq qamkunawan yapey uponqáyaq Teytápa reynunchow.
30I imnuta kantarirna, yarquriyarqan Olíbus jirkaman.
Jesús willakun Pedru negananta
31»Tseynam Jesús peykunata nerqan: —Qamkuna llapeykim, kanan ampi noqapita penqakuyanki; tseynowmi qellqashqa keykan: Mitseqtam dañashaq i úshakunanam kanchanpita witsikáriyanqa. 32Peru tseypita kawariramurnam, eywashaq qamkunapa punteykikunata Galileyaman.
33Pedru yaskirnin, nerqan: —Llapankuna qampita penqakuyaptinpis noqaqa manam imeypis penqakushaqtsu.
34»Jesús nerqan: —Tseqeypam neq kanan ampim manaraq gallu kantaptin, negamanki kima kuti.
35Pedrunam nerqan: —Qanwan wanuná kaptinpis manam negashqeykitsu.
I tseynowllam llapan disípulukuna niyarqan.
Jesuspa llakikiynin Getsemaníchow
36Tseynam Jesús chárerqan peykunawan Getsemaní niyashqan sityuman, i nerqan disípulunkunata: —Keychow tákuyey, noqa taqeyman eywar Dyosta mañakonqáyaq.
37I Pedruta pusharkur, i Sebedeopa ishkan tsurinkunata, qalleykorqan llakikurnin allápa jatunpa. 38Tseynam Jesús nerqan: —Almámi allápa llakishqa keykan, waniykamayaq; keychow keydakuyey, i riwakuyey noqawan.
39I nowpaman ichiklla eywarir qonqurikiykurqan, Dyosta mañakur i nirnin: —Teytallá, munarqa noqapita pasatsi key kopata; ama noqa munanqanowqa, sinowqa qam munanqeykinow.
40Tseypita shamorqan disípulunkunaman i tarerqan puniykayaqta, i nerqan Pedruta: —¿Manaku noqawan juk óra riwakiyta pwediyarqonki? 41»Riwakuyey i Dyosta mañakuyey, tentasyonman mana yeykuyaneykipaq, tseqeypam espirituqa listu keykan, peru eytsanam kallpannaq.
42Yapeynam eywarqan, Dyosta mañakurqan ishkey kutina, nirnin: —Teytallá, noqa manaraq upuptiy key kopata pasaratsita munarqa, munanqeyki rurakátsun.
43Yapey shamorqan i tarerqan puniykayaqta, peykunapa nawinkuna puniywan juntashqa kaptin. 44I jaqiriyarnin, yapey ewkorqan, i Dyosta mañakorqan kima kutina, tsey palabrakunallata nirnin. 45Tseynam shamorqan disípulunkunaman i nerqan: —Punukuyeyna, jamakuyeyna. Kaq keymi óra cháramushqana, i Nunapa Tsurin entregashqam jutsasapakunapa makinkunaman. 46Shárikuyey, akuna; rikáyey yeykáreykámunnam entregamaqní.
Jesusta tsariyan
47Parleykáptinraq, Judas shamorqan, chunka ishkeypita juknin i peywan atska nunakuna espadankunawan i shukshunkunawan, pweblupita prinsipal saserdotikunapa i awkinkunapa kaq. 48I entregaqninqa señalta qoshqa karqan nirnin: “Noqa mutsanqámi, tseymi; tsariyey.” 49I tseyllana Jesusman witiykur nerqan: —¡Salbe, Maestru!
I mutseykorqan. 50I Jesusnam nerqan: —Amígu, ¿imaqtaq shamunki? Tseynam witiyarqan i tsarirkuyarqan Jesusta, i presuriyarqan. 51Peru Jesuswan keykaqkunapita juknin makinta makyekur, espadanta jorqaramurqan i apun saserdotipa juk sirweqninpa rinrinta roqurerqan. 52Tseynam Jesús nerqan: —Kutitsi espadeykita kanqanman; espadata llapan tsareqqa, espadawanmi wanuyanqa. 53¿Manaku pensanki kanan óra Teytáman mañakunáta, i manatsuraq pey qomanman chunka ishkey lejyonkunapita mas angelkunata? 54¿Peru imanowraq tseyqa kumplikanqa, Eskritúrakuna, wananmi tseynow rurakánan?
55Key óram Jesús nunakunata nerqan: —¿Suwamannowku yarqayámorqonki espadakunawan i shukshukunawan tsariyamaneykipaq? Kada junaqmi tákurqá qamkunawan templuchow yachatsirnin, i manam tsariyámarqeykitsu. 56Mas key llapanmi susedin, profetakunapa Eskritúrankuna tinkunanpaq.
Tseynam llapan disípulukuna, jaqirirnin, safakuyarqan.
Jesús sanedrin nowpanchow
57Jesusta tsareqkuna apayarqan apun saserdoti Kayfasman, judyukunapa leynin yachatseqkuna i awkinkuna eyllukashqa keykáyanqanman. 58Pedrunam qaterqan apun saserdotipa patyunyaq; i yeykurirna, tákurerqan wardyakunawan usheyninta rikánanpaq.
59I prinsipal saserdotikuna i awkinkuna i llapan konsilyu, ashiyarqan uli willakiyta, Jesuspa kontran, waniyman entregayánanpaq, 60i manam tariyarqantsu, atska uli testigukuna cháyaptinpis. Peru tseyllanam shayámorqan ishkaq uli testígukuna, 61niyarqan: —Keymi nerqan: “Dyospa templunta juchurita pwediymi, i kima junaqchow sharkatsita.”
62I apun saserdoti sharkurna nerqan: —¿Manaku yaskinki imatapis? ¿Imatataq willakuyan keykuna qampa kontreyki?
63Jesusqa upállákorqan. Tseynam apun saserdoti nerqan: —Kaweykaq Dyospam neq, niyámey qamku kanki Kristu, Dyospa Tsurin.
64Jesusnam nerqan: —Qanmi nerqonki; i jinam niyaq, kananpitam rikáyanki Nunapa Tsurinta Dyospa poderninpa deréchanchow teykaqta, i syelukunapa pukuteyninchow shamoqta.
65Tseynam apun saserdoti bestidunkunata rachirerqan, nirnin: —¡Maldisishqam! ¿Imapaqnataq wanantsik testígukunata? Kaq key, kanan óram wiyayarqonki maldisikiyninta. 66¿Imataq nirápuyáshunki?
I peykuna yaskirninna niyarqan: —¡Waniypaq kulpayoqmi! 67Tseynam toqapuyarqan qaqllanchow, i kutayarqan i wakinkuna laqyayaq, 68nirnin: —¡Profetisayámey, Kristu, pitaq tsey kutashoqniki!
Pedru Jesusta negan
69Pedru jaq patyuchow teykarqan; i juk wátey peyman witerqan, nirnin: —¡Qampis keykarqeyki Galileyo Jesuswanmi!
70Peru pey negarqan llapankunapa nowpanchow, nirnin: —Manam musyatsu nenqeykita.
71Pey punkuman yarqurir, jukna rikarqan, i nerqan tseychow keykaqkunata: —Keypis keykarqan Jesús nasarenuwanmi.
72Juramentuwan yapey negarqan: —Manam reqítsu taqey nunata.
73Tseypitanam, tseychow keykaqkuna witiykur, niyarqan Pedruta: —Rasonpam qampis kanki peykunapa, parlakiynikipis rikátsikamunmi.
74Tseynam pey qalleykorqan maldisirnin, i jurarnin: Manam reqiytsu Nunata.
I tseyllanam gallu kantarerqan. 75Tseynam Pedru yarpárerqan Jesuspa palabrankuna, nenqanta: “Manaraq gallu kantaptinmi, kima kuti negamanki.” I jaqman yarqurirnin waqakiykurqan.
Currently Selected:
MATEO 26: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MATEO 26
26
Jesusta wanutsiyánanpaq akwerdu
1Llapan key palabrakunata Jesús usharirnam, nerqan disípulunkunata: 2“Musyayankim keypita ishkey junaqtam paskwa selebrakan, i Nunapa Tsurin entregashqa kanqa krusifikashqa kananpaq.”
3Tseynam prinsipal saserdotikuna i judyukunapa leynin yachatseqkuna, pweblupa awkinninkuna eyllukáyarqan apun saserdoti Kayfas jutiyoqpa patyunchow, 4i kayáporqan akwerdunkuna engáñuwan Jesusta tsarir, wanutsiyananpaq. 5Peru niyarqan: “Ama fyestachowqa, pwebluchow búlla mana rurakánanpaq.”
Jesús Betaniachow ungishqa
6I Jesús Betaniachow keykarnin, leprosu Simonpa wayinchow, 7shamorqan peyman juk warmi, allápa chaniyoq juk alabastru básu pukutaqwan, i jicharqan peypa peqanman, mésachow teykaptin. 8Keyta rikeykur, disípulunkuna, piñakurkuyarqan; nirnin: —¿Imapaqtaq key perditsi? 9Keyqa rantikushqam kanman karqan alli chaninchow, i waktsakunata qoshqa kanman karqan.
10I Jesús káyirirnam, nerqan: —¿Imanirtaq piñapáyanki key warmita? alli rureytam noqawan rurashqa. 11Imeypis katsiyankim waktsakunataqa qamkunawan, peru noqataqa manam imeypis katsiyámankitsu. 12Key pukutaqta kwerpúman jichamur, sepultúrapaq alistarmi ruramushqa. 13Tseqeypam niyaq meychowpis key ebangelyu predikakanqanchow, jinantin munduchow, key ruranqanpis willakushqam kanqa, peyta yarpánapaq.
Judas ánin Jesusta traysyonananpaq
14»Tseynam chunka ishkeypita juknin, Judas Iskaryoti jutiyoq, eywarqan apun saserdotikunaman, 15i nerqan: —¿Ima qoyámeytataq munayanki i noqam entregayashqeyki?
I peykuna sitayarqan kima chunka pyesa qelleyta. 16I tseypita asherqan imanowpa entregananpaq.
Paskwapaq alistakiykuna
17Lebadurannaq tanta fyesta qallanan junaq, shayámorqan Jesusman disípulukuna, niyarnin: —¿Meychowtaq munanki alistayanáta paskwata mikuneykipaq?
18I peynam nerqan: —Eywayey pwebluta juk nuna kaqman, i niyey: “Mayestrum nin: ‘Tyempú serkanam; wayikichowmi selebrashaq paskwata disípulúkunawan.’ ”
19»I disípulukuna rurayarqan Jesús mandanqannow i alistayarqan paskwata.
Jesús willakun Judas traysyonananta
20Ampi cháriptin, mésaman tákurerqan chunka ishkeykunawan. 21I mikureykayarnam, nerqan: Tseqeypam niyaq, qamkunapita juknikim entregamanqa.
22I allápa llakikurnam, qalleykuyarqan peykunapita juklleyllapayan nirnin: —¿Noqaku ká, Señor?
23Tseynam pey yaskirnin, nerqan: —Makinta noqawan plátuman makyaqmi, peymi entregamanqa. 24Rasonpam Nunapa Tsurenqa eywan, peypaq qellqashqa kanqannow, ¡allaw taqey nuna pipam Nunapa Tsurin entregashqa! Allim yurinmantsu karqan tsey nuna.
25Tseynam yaskirnin Judas, entregaqnin kaq nerqan: —¿Noqaku ká, Mayestru?
Nerqannam: —Qanmi nerqonki.
Señorpa seynan
26Mikureykáyaptinna, Jesús tantata tsarerqan, i bendiserqan, i pakirerqan, i qorqan disípulunkunata, i nerqan: —Tsariyey, mikuyey; keymi key kwerpú.
27I kópata tsarirkur, i grasyasta qorir, peykunata qorqan, nirnin: —Upuyey keypita llapeykikuna; 28keymi yawarniy mushoq paktupita, atskaqkunapaq ramakashqa jutsakunapita perdonpaq. 29I niyaqmi kananpitaqa mananam upushaqnatsu key ubaspa wayíninpita, taqey junaq qamkunawan yapey uponqáyaq Teytápa reynunchow.
30I imnuta kantarirna, yarquriyarqan Olíbus jirkaman.
Jesús willakun Pedru negananta
31»Tseynam Jesús peykunata nerqan: —Qamkuna llapeykim, kanan ampi noqapita penqakuyanki; tseynowmi qellqashqa keykan: Mitseqtam dañashaq i úshakunanam kanchanpita witsikáriyanqa. 32Peru tseypita kawariramurnam, eywashaq qamkunapa punteykikunata Galileyaman.
33Pedru yaskirnin, nerqan: —Llapankuna qampita penqakuyaptinpis noqaqa manam imeypis penqakushaqtsu.
34»Jesús nerqan: —Tseqeypam neq kanan ampim manaraq gallu kantaptin, negamanki kima kuti.
35Pedrunam nerqan: —Qanwan wanuná kaptinpis manam negashqeykitsu.
I tseynowllam llapan disípulukuna niyarqan.
Jesuspa llakikiynin Getsemaníchow
36Tseynam Jesús chárerqan peykunawan Getsemaní niyashqan sityuman, i nerqan disípulunkunata: —Keychow tákuyey, noqa taqeyman eywar Dyosta mañakonqáyaq.
37I Pedruta pusharkur, i Sebedeopa ishkan tsurinkunata, qalleykorqan llakikurnin allápa jatunpa. 38Tseynam Jesús nerqan: —Almámi allápa llakishqa keykan, waniykamayaq; keychow keydakuyey, i riwakuyey noqawan.
39I nowpaman ichiklla eywarir qonqurikiykurqan, Dyosta mañakur i nirnin: —Teytallá, munarqa noqapita pasatsi key kopata; ama noqa munanqanowqa, sinowqa qam munanqeykinow.
40Tseypita shamorqan disípulunkunaman i tarerqan puniykayaqta, i nerqan Pedruta: —¿Manaku noqawan juk óra riwakiyta pwediyarqonki? 41»Riwakuyey i Dyosta mañakuyey, tentasyonman mana yeykuyaneykipaq, tseqeypam espirituqa listu keykan, peru eytsanam kallpannaq.
42Yapeynam eywarqan, Dyosta mañakurqan ishkey kutina, nirnin: —Teytallá, noqa manaraq upuptiy key kopata pasaratsita munarqa, munanqeyki rurakátsun.
43Yapey shamorqan i tarerqan puniykayaqta, peykunapa nawinkuna puniywan juntashqa kaptin. 44I jaqiriyarnin, yapey ewkorqan, i Dyosta mañakorqan kima kutina, tsey palabrakunallata nirnin. 45Tseynam shamorqan disípulunkunaman i nerqan: —Punukuyeyna, jamakuyeyna. Kaq keymi óra cháramushqana, i Nunapa Tsurin entregashqam jutsasapakunapa makinkunaman. 46Shárikuyey, akuna; rikáyey yeykáreykámunnam entregamaqní.
Jesusta tsariyan
47Parleykáptinraq, Judas shamorqan, chunka ishkeypita juknin i peywan atska nunakuna espadankunawan i shukshunkunawan, pweblupita prinsipal saserdotikunapa i awkinkunapa kaq. 48I entregaqninqa señalta qoshqa karqan nirnin: “Noqa mutsanqámi, tseymi; tsariyey.” 49I tseyllana Jesusman witiykur nerqan: —¡Salbe, Maestru!
I mutseykorqan. 50I Jesusnam nerqan: —Amígu, ¿imaqtaq shamunki? Tseynam witiyarqan i tsarirkuyarqan Jesusta, i presuriyarqan. 51Peru Jesuswan keykaqkunapita juknin makinta makyekur, espadanta jorqaramurqan i apun saserdotipa juk sirweqninpa rinrinta roqurerqan. 52Tseynam Jesús nerqan: —Kutitsi espadeykita kanqanman; espadata llapan tsareqqa, espadawanmi wanuyanqa. 53¿Manaku pensanki kanan óra Teytáman mañakunáta, i manatsuraq pey qomanman chunka ishkey lejyonkunapita mas angelkunata? 54¿Peru imanowraq tseyqa kumplikanqa, Eskritúrakuna, wananmi tseynow rurakánan?
55Key óram Jesús nunakunata nerqan: —¿Suwamannowku yarqayámorqonki espadakunawan i shukshukunawan tsariyamaneykipaq? Kada junaqmi tákurqá qamkunawan templuchow yachatsirnin, i manam tsariyámarqeykitsu. 56Mas key llapanmi susedin, profetakunapa Eskritúrankuna tinkunanpaq.
Tseynam llapan disípulukuna, jaqirirnin, safakuyarqan.
Jesús sanedrin nowpanchow
57Jesusta tsareqkuna apayarqan apun saserdoti Kayfasman, judyukunapa leynin yachatseqkuna i awkinkuna eyllukashqa keykáyanqanman. 58Pedrunam qaterqan apun saserdotipa patyunyaq; i yeykurirna, tákurerqan wardyakunawan usheyninta rikánanpaq.
59I prinsipal saserdotikuna i awkinkuna i llapan konsilyu, ashiyarqan uli willakiyta, Jesuspa kontran, waniyman entregayánanpaq, 60i manam tariyarqantsu, atska uli testigukuna cháyaptinpis. Peru tseyllanam shayámorqan ishkaq uli testígukuna, 61niyarqan: —Keymi nerqan: “Dyospa templunta juchurita pwediymi, i kima junaqchow sharkatsita.”
62I apun saserdoti sharkurna nerqan: —¿Manaku yaskinki imatapis? ¿Imatataq willakuyan keykuna qampa kontreyki?
63Jesusqa upállákorqan. Tseynam apun saserdoti nerqan: —Kaweykaq Dyospam neq, niyámey qamku kanki Kristu, Dyospa Tsurin.
64Jesusnam nerqan: —Qanmi nerqonki; i jinam niyaq, kananpitam rikáyanki Nunapa Tsurinta Dyospa poderninpa deréchanchow teykaqta, i syelukunapa pukuteyninchow shamoqta.
65Tseynam apun saserdoti bestidunkunata rachirerqan, nirnin: —¡Maldisishqam! ¿Imapaqnataq wanantsik testígukunata? Kaq key, kanan óram wiyayarqonki maldisikiyninta. 66¿Imataq nirápuyáshunki?
I peykuna yaskirninna niyarqan: —¡Waniypaq kulpayoqmi! 67Tseynam toqapuyarqan qaqllanchow, i kutayarqan i wakinkuna laqyayaq, 68nirnin: —¡Profetisayámey, Kristu, pitaq tsey kutashoqniki!
Pedru Jesusta negan
69Pedru jaq patyuchow teykarqan; i juk wátey peyman witerqan, nirnin: —¡Qampis keykarqeyki Galileyo Jesuswanmi!
70Peru pey negarqan llapankunapa nowpanchow, nirnin: —Manam musyatsu nenqeykita.
71Pey punkuman yarqurir, jukna rikarqan, i nerqan tseychow keykaqkunata: —Keypis keykarqan Jesús nasarenuwanmi.
72Juramentuwan yapey negarqan: —Manam reqítsu taqey nunata.
73Tseypitanam, tseychow keykaqkuna witiykur, niyarqan Pedruta: —Rasonpam qampis kanki peykunapa, parlakiynikipis rikátsikamunmi.
74Tseynam pey qalleykorqan maldisirnin, i jurarnin: Manam reqiytsu Nunata.
I tseyllanam gallu kantarerqan. 75Tseynam Pedru yarpárerqan Jesuspa palabrankuna, nenqanta: “Manaraq gallu kantaptinmi, kima kuti negamanki.” I jaqman yarqurirnin waqakiykurqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.