MATEO 27
27
Jesusta apayan Pilátupa nowpanman
1Waránin junaqnam, llapan prinsipal saserdotikuna i pweblupa awkinninkuna eyllukáyarqan asambleaman Jesuspa kontran, waniyman entregayánanpaq. 2I apayarqan watarkur, i gobernador Ponsyu Pilátuman, entregayarqan.
Judaspa waniynin
3Tseynam Judas, entregaqnin kaq, kondenashqa kanqanta rikeykur, pésakurnin kutiykatserqan kima chunka qelleyta prinsipal saserdotikunata i awkinkunata, 4nirnin: —Noqam jutsallakorqó inosenti yawarta entregarnin.
Peykunanam niyarqan: —¿Imataq qokayaman noqakunata? ¡Qamna imanowpis!
5I qelleykunata templuchow jitaríkur, yarqurir, i eywar jurkakurerqan. 6I prinsipal saserdotikuna, qelleykunata eyllurkur, niyarqan: —Manam permitishqatsu ofrendakuna tesorunman winarkiy, yawarpa chanin kar.
7I tapunakurirnam, rantiyarqan tsey qelleywan manka ruraqpa chakranta, jorasterukunapa sepultúrankunapaq. 8Tseyreykurmi kanankama tsey chakra jutin: Yawar chakra. 9Tseynowmi tinkorqan profeta Jeremias nenqan, nenqannow: I tsariyarqan kima chunka qelleyta, kuyashqapa chanin, Israyelpa tsurinkuna chanin churayashqanmannow; 10i qoyarqan manka ruraq chakranpaq, Señor ordenamanqannow.
Pilátu Jesusta tapun
11Jesús, sheykarqan gobernadorpa nowpanchow; i key taporqan, nirnin: —¿Qamku kanki judyukunapa Reynin?
I Jesusnam nerqan: —Qanmi ninkiy.
12I prinsipal saserdotikunapa i awkinkunapa akusashqa karnam, ni imata yaskerqantsu. 13Tseynam Pilátu nerqan: —¿Manaku wiyanki imeykakunatam willakuyan qampa kontreyki?
14Peru Jesús yaskerqantsu ni juk palabrata; gobernadorpis almirakorqan allápa.
15Kananqa, tsey junaq fyestachowmi gobernadorpa kostumbrin karqan juk presuta pweblupaq kacharinanpaq, munayanqanta. 16I kayáporqan tseychow juk reqishqa presu Barrabas jutiyoq. 17Peykuna eyllukayashqata, nerqan Pilátu: —¿Meqantataq munayanki kacharamunáta Barrabastaku ó Jesús, Kristu jutiyoqtaku?
18Musyarqanmi chikirnin entregayanqanta. 19I pey tribunalchow Teykaptin, warmin kacharqan ninanpaq: “Manam imata rikáneykitsu tsey justuwan, allápam jiparqó kanan sweñiniychow peypa kawsanreykur.”
20Peru prinsipal saserdotikuna i awkinkuna obligayarqan atska nunakunata Barrabaspaq mañakuyánanpaq, i Jesusna wanutsishqa kananpaq. 21I gobernador yaskirninkuna, nerqan: —¿Ishkanpita meyqantataq munayanki kacharamunáta?
I peykuna niyarqan: —¡Barrabastam!
22Pilátu nerqan: —¿Imatataq rurashaq Jesuswan, Kristu jutiyoqta?
Llapankuna niyarqan: —¡Krusifikashqa katsun!
23I gobernadornam nerqan: —¿Ima mana allitataq rurashqa?
Peru peykuna qapariyarqan masraq, nirnin: —¡Krusifikashqa katsun!
24Pilátu rikarnin mana alliyanqanta, sinowqa mas búlla rurayaqta, yakuwan makinkunata paqarerqan nunakunapa nowpanchow, nirnin: —¡Inosentim ká key justupa yawarninpita; qamkunana imanowpis!
25I llapan nunakuna yaskirnin, nerqan: —¡Yawarnin noqakunapa janákunaman katsun, i tsurintsikkunapa jananman!
26Tseynam kacharirqan Barrabasta; i Jesusta astarir, entregeykorqan krusifikashqa kananpaq.
Soldadukuna burlakuyan Jesuspita
27Tseynam gobernadorpa soldadunkuna apayarqan Jesusta pretoryuman, i juntariyarqan peypa jiruroqninman llapan kompañyata; 28i qalapachárirnin, aqshutsiyarqan juk puka mantuta, 29i peqanman churayarqan kashapita awashqa koronata, i juk shoqushta derécha kaq makinman; i peypa nowpanman qonquriykur, burlakuyarqan, nirnin: —¡Salbe, judyukunapa Reynin!
30I toqapuyarnin, shoqushta tsarirkur wiluyaq peqachow.
Jesuspa krusifikeynin
31Burlakuriykurnin, qoturatsiyarqan mantuta, yakaratsiyarqan bestidunkunata, i apayarqan krusifikáyananpaq. 32Yarqiykáyarnam, tariyarqan Simon jutiyoq Sirénipeq nunata; keytam obligayarqan krusta apananpaq. 33I Gólgota nishqan sityuman cháriyarna, keymi ninan: Kalaberapa sityun, 34qoyarqan upunanpaq binagrita puchqoqtawan takurkur; llamiykurnam upiyta munarqantsu. 35Krusifikárirnam, rakinakuyarqan kikinkunapura, bestidunkunata sortyarnin, profeta nenqan kumplikánanpaq: Rakinakuyarqan kikinkuna pura bestidúkunata, ropápa jananchowmi swertikunata jitayarqan. 36I tseychow teykur tápayarqan.
37I krusman churayarqan letrerun: KEYMI KEY JESUS, JUDYUKUNAPA REYNIN. 38Tseynam peytawan krusifikáyarqan ishkey suwakunata, jukta derechaman, i jukninta itsoqman. 39I pasaqkuna burlakuyarqan peqankunawan muñipar, 40nirnin: —Qam templu juchoq, i kima junaqchow sharkatseq, salbakiy kikikita; si Dyospa Tsurin karqa, kruspita urámiy.
41Tseynowmi prinsipal saserdotikunapis, burlakuyarnin judyukunapa leynin yachatseqkunawan i farisewkunawan i awkinkunawan niyaq:
42—Wakinkunata salbarqan i kikinqa salbakiyta pwedintsu; Israyelpa Reynin, kanan urámutsun kruspita, i peyman kreyishun. 43Dyosman markákorqan; kanan libratsun kuyarnenqa; nishqam: “Dyospa Tsurinmi ká.”
44Tseynowlla peywan krusifikashqa suwakoqkuna burlakuyarqan.
Jesuspa waniynin
45Pullan junaqpita ampikurkorqan llapan patsachow isqon órayaq. 46Isqon óranowna, Jesús qaparerqan jatun boswan, nirnin: ¡Elí, Elí! ¿Lama sabaktani? Keymi ninan: —Noqapa Dyosniy; ¿imanirtaq jaqiramarqonki?
47Wakin tseychow keykaqkuna wiyarna niyarqan: —Keyqa Eliastam qayan.
48I tseyllana, peykunapita juknin eyqíkur, juk esponjata tsarirkur, binagriman ushmarkatsir, i juk shoqushman churarkur, peyta qorqan upunanpaq. 49Peru wakinkuna niyarqan: —Jaqiyey, rikáshun Elias shamonqakush libraqnin.
50Jesusnam, yapey jatun boswan qaparirna, espirituta entregarqan.
51I kaq key, templupa bélun ishkeyman rachikárerqan rarapita uraman, i patsa kuyurerqan, qaqakuna pakikáriyarqan; 52i sepultúrakuna kichakáriyarqan, i atska santukunapa kwerpunkuna punuyashqanpita, sharkayamorqan; 53sepultúrakunapita yarqaramur, peypa kawarimiyninpita, shayámorqan santa markaman, i yuripuyarqan atskaqkunata.
54Senturyon i peywan Jesusta tápaqkuna, patsa kuyoqta rikárir, i rurakashqan kosaskunata, allápa mantsakáyarqan, i niyarqan: —¡Rasonpam keyqa Dyospa Tsurin kanaq!
55Tseychow keykáyarqan atska warmikuna karupita rikareykar, peykunam Jesusta qatishqa kayarqan Galileyapita, sirwiyarnin, 56peykunachowmi keykarqan Marya Magdalena, Jakobupa i Josépa maman Marya, i Sebedeopa tsurinkunapa maman.
Jesusta pampayan
57Ampíriptinna Arimateapita juk kapoqyoq nuna shamorqan, José jutiyoq, Jesuspa disípulun kashqa kar. 58Keymi eywarqan Pilátuman i Jesuspa kwerpunta mañarqan. Tseynam Pilátu mandarqan kwerputa qoykuyananpaq. 59I José kwerputa tsarirkur, piturkorqan juk limpyu sabanaswan, 60i churarqan mushoq sepultúranman, qaqachow uchkushqaman; i juk jatun rumita qalirqan sepultúrapa punkunman, i eywkorqan. 61I tseychowmi keykáyarqan Marya Magdalena, i juknin Marya, sepultúrapa nowpanchow teykáyarqan.
Tápaqkuna sepultúrapa nowpanchow
62Waránin junaqna, alistakiy junaqpitana eyllukáyarqan prinsipal saserdotikuna i farisewkuna Pilátupa nowpanchow, 63nirnin: Señor, yarpáyámi taqey ulikoq nenqanta, kaweykarnin: “Kima junaqtam kawarimushaq.” 64Mandey, sepultúra segúru kananpaq kima junaqkama, paqtataq disípulunkuna ampipa shayámunman, i suwayanman, i nunakunata niyanman: “Wanushqakunapitam kawarimushqa.” I shamoq pantakiy puntapita peyor kanman.
65I Pilátum peykunata nerqan: —Tseychowmi kayápushunki juk wardya; eywayey, segurayey musyayanqeykinow.
66Tseynam peykuna eywayarqan i segurayarqan sepultúrata, rumita sellarkur i wardyata churar.
Currently Selected:
MATEO 27: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MATEO 27
27
Jesusta apayan Pilátupa nowpanman
1Waránin junaqnam, llapan prinsipal saserdotikuna i pweblupa awkinninkuna eyllukáyarqan asambleaman Jesuspa kontran, waniyman entregayánanpaq. 2I apayarqan watarkur, i gobernador Ponsyu Pilátuman, entregayarqan.
Judaspa waniynin
3Tseynam Judas, entregaqnin kaq, kondenashqa kanqanta rikeykur, pésakurnin kutiykatserqan kima chunka qelleyta prinsipal saserdotikunata i awkinkunata, 4nirnin: —Noqam jutsallakorqó inosenti yawarta entregarnin.
Peykunanam niyarqan: —¿Imataq qokayaman noqakunata? ¡Qamna imanowpis!
5I qelleykunata templuchow jitaríkur, yarqurir, i eywar jurkakurerqan. 6I prinsipal saserdotikuna, qelleykunata eyllurkur, niyarqan: —Manam permitishqatsu ofrendakuna tesorunman winarkiy, yawarpa chanin kar.
7I tapunakurirnam, rantiyarqan tsey qelleywan manka ruraqpa chakranta, jorasterukunapa sepultúrankunapaq. 8Tseyreykurmi kanankama tsey chakra jutin: Yawar chakra. 9Tseynowmi tinkorqan profeta Jeremias nenqan, nenqannow: I tsariyarqan kima chunka qelleyta, kuyashqapa chanin, Israyelpa tsurinkuna chanin churayashqanmannow; 10i qoyarqan manka ruraq chakranpaq, Señor ordenamanqannow.
Pilátu Jesusta tapun
11Jesús, sheykarqan gobernadorpa nowpanchow; i key taporqan, nirnin: —¿Qamku kanki judyukunapa Reynin?
I Jesusnam nerqan: —Qanmi ninkiy.
12I prinsipal saserdotikunapa i awkinkunapa akusashqa karnam, ni imata yaskerqantsu. 13Tseynam Pilátu nerqan: —¿Manaku wiyanki imeykakunatam willakuyan qampa kontreyki?
14Peru Jesús yaskerqantsu ni juk palabrata; gobernadorpis almirakorqan allápa.
15Kananqa, tsey junaq fyestachowmi gobernadorpa kostumbrin karqan juk presuta pweblupaq kacharinanpaq, munayanqanta. 16I kayáporqan tseychow juk reqishqa presu Barrabas jutiyoq. 17Peykuna eyllukayashqata, nerqan Pilátu: —¿Meqantataq munayanki kacharamunáta Barrabastaku ó Jesús, Kristu jutiyoqtaku?
18Musyarqanmi chikirnin entregayanqanta. 19I pey tribunalchow Teykaptin, warmin kacharqan ninanpaq: “Manam imata rikáneykitsu tsey justuwan, allápam jiparqó kanan sweñiniychow peypa kawsanreykur.”
20Peru prinsipal saserdotikuna i awkinkuna obligayarqan atska nunakunata Barrabaspaq mañakuyánanpaq, i Jesusna wanutsishqa kananpaq. 21I gobernador yaskirninkuna, nerqan: —¿Ishkanpita meyqantataq munayanki kacharamunáta?
I peykuna niyarqan: —¡Barrabastam!
22Pilátu nerqan: —¿Imatataq rurashaq Jesuswan, Kristu jutiyoqta?
Llapankuna niyarqan: —¡Krusifikashqa katsun!
23I gobernadornam nerqan: —¿Ima mana allitataq rurashqa?
Peru peykuna qapariyarqan masraq, nirnin: —¡Krusifikashqa katsun!
24Pilátu rikarnin mana alliyanqanta, sinowqa mas búlla rurayaqta, yakuwan makinkunata paqarerqan nunakunapa nowpanchow, nirnin: —¡Inosentim ká key justupa yawarninpita; qamkunana imanowpis!
25I llapan nunakuna yaskirnin, nerqan: —¡Yawarnin noqakunapa janákunaman katsun, i tsurintsikkunapa jananman!
26Tseynam kacharirqan Barrabasta; i Jesusta astarir, entregeykorqan krusifikashqa kananpaq.
Soldadukuna burlakuyan Jesuspita
27Tseynam gobernadorpa soldadunkuna apayarqan Jesusta pretoryuman, i juntariyarqan peypa jiruroqninman llapan kompañyata; 28i qalapachárirnin, aqshutsiyarqan juk puka mantuta, 29i peqanman churayarqan kashapita awashqa koronata, i juk shoqushta derécha kaq makinman; i peypa nowpanman qonquriykur, burlakuyarqan, nirnin: —¡Salbe, judyukunapa Reynin!
30I toqapuyarnin, shoqushta tsarirkur wiluyaq peqachow.
Jesuspa krusifikeynin
31Burlakuriykurnin, qoturatsiyarqan mantuta, yakaratsiyarqan bestidunkunata, i apayarqan krusifikáyananpaq. 32Yarqiykáyarnam, tariyarqan Simon jutiyoq Sirénipeq nunata; keytam obligayarqan krusta apananpaq. 33I Gólgota nishqan sityuman cháriyarna, keymi ninan: Kalaberapa sityun, 34qoyarqan upunanpaq binagrita puchqoqtawan takurkur; llamiykurnam upiyta munarqantsu. 35Krusifikárirnam, rakinakuyarqan kikinkunapura, bestidunkunata sortyarnin, profeta nenqan kumplikánanpaq: Rakinakuyarqan kikinkuna pura bestidúkunata, ropápa jananchowmi swertikunata jitayarqan. 36I tseychow teykur tápayarqan.
37I krusman churayarqan letrerun: KEYMI KEY JESUS, JUDYUKUNAPA REYNIN. 38Tseynam peytawan krusifikáyarqan ishkey suwakunata, jukta derechaman, i jukninta itsoqman. 39I pasaqkuna burlakuyarqan peqankunawan muñipar, 40nirnin: —Qam templu juchoq, i kima junaqchow sharkatseq, salbakiy kikikita; si Dyospa Tsurin karqa, kruspita urámiy.
41Tseynowmi prinsipal saserdotikunapis, burlakuyarnin judyukunapa leynin yachatseqkunawan i farisewkunawan i awkinkunawan niyaq:
42—Wakinkunata salbarqan i kikinqa salbakiyta pwedintsu; Israyelpa Reynin, kanan urámutsun kruspita, i peyman kreyishun. 43Dyosman markákorqan; kanan libratsun kuyarnenqa; nishqam: “Dyospa Tsurinmi ká.”
44Tseynowlla peywan krusifikashqa suwakoqkuna burlakuyarqan.
Jesuspa waniynin
45Pullan junaqpita ampikurkorqan llapan patsachow isqon órayaq. 46Isqon óranowna, Jesús qaparerqan jatun boswan, nirnin: ¡Elí, Elí! ¿Lama sabaktani? Keymi ninan: —Noqapa Dyosniy; ¿imanirtaq jaqiramarqonki?
47Wakin tseychow keykaqkuna wiyarna niyarqan: —Keyqa Eliastam qayan.
48I tseyllana, peykunapita juknin eyqíkur, juk esponjata tsarirkur, binagriman ushmarkatsir, i juk shoqushman churarkur, peyta qorqan upunanpaq. 49Peru wakinkuna niyarqan: —Jaqiyey, rikáshun Elias shamonqakush libraqnin.
50Jesusnam, yapey jatun boswan qaparirna, espirituta entregarqan.
51I kaq key, templupa bélun ishkeyman rachikárerqan rarapita uraman, i patsa kuyurerqan, qaqakuna pakikáriyarqan; 52i sepultúrakuna kichakáriyarqan, i atska santukunapa kwerpunkuna punuyashqanpita, sharkayamorqan; 53sepultúrakunapita yarqaramur, peypa kawarimiyninpita, shayámorqan santa markaman, i yuripuyarqan atskaqkunata.
54Senturyon i peywan Jesusta tápaqkuna, patsa kuyoqta rikárir, i rurakashqan kosaskunata, allápa mantsakáyarqan, i niyarqan: —¡Rasonpam keyqa Dyospa Tsurin kanaq!
55Tseychow keykáyarqan atska warmikuna karupita rikareykar, peykunam Jesusta qatishqa kayarqan Galileyapita, sirwiyarnin, 56peykunachowmi keykarqan Marya Magdalena, Jakobupa i Josépa maman Marya, i Sebedeopa tsurinkunapa maman.
Jesusta pampayan
57Ampíriptinna Arimateapita juk kapoqyoq nuna shamorqan, José jutiyoq, Jesuspa disípulun kashqa kar. 58Keymi eywarqan Pilátuman i Jesuspa kwerpunta mañarqan. Tseynam Pilátu mandarqan kwerputa qoykuyananpaq. 59I José kwerputa tsarirkur, piturkorqan juk limpyu sabanaswan, 60i churarqan mushoq sepultúranman, qaqachow uchkushqaman; i juk jatun rumita qalirqan sepultúrapa punkunman, i eywkorqan. 61I tseychowmi keykáyarqan Marya Magdalena, i juknin Marya, sepultúrapa nowpanchow teykáyarqan.
Tápaqkuna sepultúrapa nowpanchow
62Waránin junaqna, alistakiy junaqpitana eyllukáyarqan prinsipal saserdotikuna i farisewkuna Pilátupa nowpanchow, 63nirnin: Señor, yarpáyámi taqey ulikoq nenqanta, kaweykarnin: “Kima junaqtam kawarimushaq.” 64Mandey, sepultúra segúru kananpaq kima junaqkama, paqtataq disípulunkuna ampipa shayámunman, i suwayanman, i nunakunata niyanman: “Wanushqakunapitam kawarimushqa.” I shamoq pantakiy puntapita peyor kanman.
65I Pilátum peykunata nerqan: —Tseychowmi kayápushunki juk wardya; eywayey, segurayey musyayanqeykinow.
66Tseynam peykuna eywayarqan i segurayarqan sepultúrata, rumita sellarkur i wardyata churar.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.