MATEO 28
28
Jesuspa kawarimiynin
1Jamakiy junaq pasariptin, semanapa punta junaqnin waráriptin, shayámorqan Marya Magdalena i juknin Marya, sepultúra rikaq. 2Karqan jatunpa patsa kuyiy; Señorpa juk angelnin, syelupita urámur i cháramur kuyuratserqan rumita, i jananman tákurerqan. 3Rikeynin karqan juk chillapyaqnow, i bestidunna rajunow luyaq. 4I tápaqkuna peyta mantsar katatayarqan i keydariyarqan wanushqanow. 5Angelnam yaskirnin nerqan warmikunata: —Ama mantsayeytsu qamkuna; noqa musyámi Jesusta ashiyanqeykita krusifikashqa kaqta. 6Manam keychowtsu, kawarimushqam, nenqannow. Shayámiy, rikáyey Señor meychow churashqa kanqanta. 7Raslla eywayey i niyey disípulunkunata kawarimushqanam wanushqakunapita, i kaq keymi eywan qamkunapa nowpeykikunata Galileyaman; tseychowmi rikáyanki. Kaq keymi, niyarqoq.
8Tseynam peykuna, sepultúrapita yarqurir mantsakiywan i jatun kushikiywan, eywayarqan eyqillapa willaqnin disípulunkunaman. I disípulunkunaman willakoq eywareykáyaptinna, 9kaq key, Jesús yarqurqan peykunawan tinkoq, nirnin: —¡Salbe!
I peykuna witiykurnin, waqukurkuyarqan chakinkunata, i adorayarqan. 10Tseynam Jesús nerqan: —Ama mantsayeytsu; eywayey, willakuyey wawqiykunata, Galileyaman eywayánanpaq tseychowmi rikáyamanqa.
Wardyakunata pagayan
11Peykuna eywareykáyaptinna, kaq key wardyapita jukninkuna eywayarqan pwebluman, i willayarqan prinsipal saserdotikunata llapan keykuna susedishqanta. 12I awkinkunawan eyllukárir i akwerduta rurarir qoyarqan atska qelleyta soldadukunata, 13nirnin: “Qamkuna niyey: ‘Disípulunkunam ampipa shayámorqon i suwayarqon noqakuna punukashqa kayanqáyaq.’ 14Keytatsun wiyanqa gobernador, noqakunam konbensitsiyáshaq, i churayashqeyki salbashqa kayaneykipaq.”
15I peykuna qelleyta tsarirkur, rurayarqan yachatsiyanqannowlla. Key niyashqan witsikashqam judyukunachow kanan junaqkamayaq.
Jatun kaq komisyon
16Peru chunka juk disípulukuna ewkuyarqan Galileyata, Jesús ordenashqan jirkaman. 17I rikáriyarnin, adorayarqan; peru wakinkunaqa anawayarqan.
18Jesús witiykurna peykunata parlaparqan nirnin: “Llapan pwedeq keytam qomashqa syeluchow i patsachow. 19Tseyreykur, eywayey, i disípulukuna rurayey jinantin markakunachow, bawtisarnin Teytapa jutinchow, i Tsuripachow i Espiritu Santupachow; 20yachatsiyarnin llapan kosaskunata noqa mandayanqaqta wardayánanpaq; i keymi key noqa keyká keychow qamkunawan llapan junaqkuna, mundupa usheyninyaq. Amen.”
Currently Selected:
MATEO 28: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MATEO 28
28
Jesuspa kawarimiynin
1Jamakiy junaq pasariptin, semanapa punta junaqnin waráriptin, shayámorqan Marya Magdalena i juknin Marya, sepultúra rikaq. 2Karqan jatunpa patsa kuyiy; Señorpa juk angelnin, syelupita urámur i cháramur kuyuratserqan rumita, i jananman tákurerqan. 3Rikeynin karqan juk chillapyaqnow, i bestidunna rajunow luyaq. 4I tápaqkuna peyta mantsar katatayarqan i keydariyarqan wanushqanow. 5Angelnam yaskirnin nerqan warmikunata: —Ama mantsayeytsu qamkuna; noqa musyámi Jesusta ashiyanqeykita krusifikashqa kaqta. 6Manam keychowtsu, kawarimushqam, nenqannow. Shayámiy, rikáyey Señor meychow churashqa kanqanta. 7Raslla eywayey i niyey disípulunkunata kawarimushqanam wanushqakunapita, i kaq keymi eywan qamkunapa nowpeykikunata Galileyaman; tseychowmi rikáyanki. Kaq keymi, niyarqoq.
8Tseynam peykuna, sepultúrapita yarqurir mantsakiywan i jatun kushikiywan, eywayarqan eyqillapa willaqnin disípulunkunaman. I disípulunkunaman willakoq eywareykáyaptinna, 9kaq key, Jesús yarqurqan peykunawan tinkoq, nirnin: —¡Salbe!
I peykuna witiykurnin, waqukurkuyarqan chakinkunata, i adorayarqan. 10Tseynam Jesús nerqan: —Ama mantsayeytsu; eywayey, willakuyey wawqiykunata, Galileyaman eywayánanpaq tseychowmi rikáyamanqa.
Wardyakunata pagayan
11Peykuna eywareykáyaptinna, kaq key wardyapita jukninkuna eywayarqan pwebluman, i willayarqan prinsipal saserdotikunata llapan keykuna susedishqanta. 12I awkinkunawan eyllukárir i akwerduta rurarir qoyarqan atska qelleyta soldadukunata, 13nirnin: “Qamkuna niyey: ‘Disípulunkunam ampipa shayámorqon i suwayarqon noqakuna punukashqa kayanqáyaq.’ 14Keytatsun wiyanqa gobernador, noqakunam konbensitsiyáshaq, i churayashqeyki salbashqa kayaneykipaq.”
15I peykuna qelleyta tsarirkur, rurayarqan yachatsiyanqannowlla. Key niyashqan witsikashqam judyukunachow kanan junaqkamayaq.
Jatun kaq komisyon
16Peru chunka juk disípulukuna ewkuyarqan Galileyata, Jesús ordenashqan jirkaman. 17I rikáriyarnin, adorayarqan; peru wakinkunaqa anawayarqan.
18Jesús witiykurna peykunata parlaparqan nirnin: “Llapan pwedeq keytam qomashqa syeluchow i patsachow. 19Tseyreykur, eywayey, i disípulukuna rurayey jinantin markakunachow, bawtisarnin Teytapa jutinchow, i Tsuripachow i Espiritu Santupachow; 20yachatsiyarnin llapan kosaskunata noqa mandayanqaqta wardayánanpaq; i keymi key noqa keyká keychow qamkunawan llapan junaqkuna, mundupa usheyninyaq. Amen.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.