MARKUS 15
15
Jesús Pilátupa nowpanchow
1I tseypita, qoyallana, prinsipal saserdotikuna awkinkunawan willanakushqa kayarqan, judyukunapa leynin yachatsikoqkunawan i llapan Sanedrinwan, Jesusta watarkur, Pilátuman aparnin entregayarqan.
2Pilátuna tapurqan: —¿Qamku kanki judyukunapa reynin?
Yaskirnin nerqan: —Qammi ninki.
3Prinsipal saserdotikuna shimpiyarqan tukiykunapita. 4Pilátuna taporqan yapey nirnin: —¿Manaku imatapis yaskikunki? Rikey imeykakunapeqmi shimpiyashunki.
5Jesusqa tseywanpis manam yaskirqantsu imatapis, tseynam Pilátu almirakorqan.
6Fyestachowna Pilátu kostumbrinmannow kachareq juk présuta, mañakuyanqanta. 7I karqan juk Barrabas jutiyoq, rebeldikunawan presu karqan rebelyonchow wanutsikuyashqa karnin. 8Atskaq nunakuna sharkurnin qalleykuyarqan mañakur kostumbrinkunamannow rurayanampaq.
9Tseynam Pilátu yaskirerqan nishpa: —¿Munayanki judyukunapa reyninta noqa kacharinátaku?
10Musyarqanmi chikirnin prinsipal saserdotikuna entregayanqanta. 11Peru prinsipal saserdotikuna yachatsir kaprichatsiyarqan atska nunakunata mas byenqa Barrabasta kacharinampaq. 12Pilátu yapey nerqan: —¿Imatataq, munayanki peywan ruranáta “judyukunapa reynin niyanqeykiwan”?
13Yapey qapariyarqan: —¡Krusifikey!
14Tseynam Pilátu nerqan: —¿Ima mana allitataq rurashqa?
Mas sinchiparan qaparikacháyarqan: —¡Krusifikey!
15Tseynam Pilátu, nunakunata gustuta qoyta munar, Barrabasta kacharerqan i entregarqan Jesusta, astaríkur, krusifikashqa kananpaq.
Soldadukuna burlakuyan Jesuspita
16Tseynam soldadukuna apayarqan ruri palasyu patyuman, despachu kaqman, i willatsirqan llapan tropata. 17Yakatsiyarqan purpurapita, i kashakunapita awashqa korónata, churayaporqan 18i qalleykuyarqan bíbarnin: —¡Bíba, judyukunapa reynin!
19Peqantapis wiluyarqanmi juk shoqushwan, toqapuyarqan i qonqurikiykur adoreykachayarqan.
20Peypita burlakurirnam, púrpura mantunta qotutsiyarqan i kikimpa ropanta yakatsiyarqan. Tseynam jorquriyarqan krusifikayánampaq.
Jesusta krusifikayan
21Obligayarqan juk nuna chakrapita shamur paseykaqta, Sirenipeq Simonta, Alejandrupa i Rufupa teytanta, Jesuspa krusninta katánampaq. 22I apayarqan Golgota niyashqan sityuman, keymi ninan Kalabera sityu. 23Qoyarqan binun mirrawan takushqata, peru peyqa manam uporqatsu. 24I krusifikáyarqan, i rakinakuyarqan bistídunkunata, swertita qatirnin meyqanpis apananpaq. 25Kimakaq óranam karqan krusifikáriyaptin. 26Tumpayanqanpa títulun qellqashqa karqan: JUDYUKUNAPA REYNIN. 27Peytawan krusifikayarqan ishkaq suwakoqkunata, jukta deréchanman i jukninta itsoqninman. 28I kumplikárerqan Eskritúra nenqan: I yupashqam kanqa jutsaruraqkunawan. 29Pasaqkunapis ashayarqan, peqankunawan muñipar i nishpa: —¡Ah! Qam templuta juchoq i kima junaqchow sháritseq, 30¡Kikiki salbakiy i yarpamiy kruspita!
31Tseynowlla, peypita burlakur kikinkunapura, prinsipal saserdotikuna judyukunapa leynin yachatseqkunawan niyarqan: —Wakinkunataqa salbarqon; kikinqa pwedintsu salbakiyta. 32¡Kristu, Israyelpa reynin, kanan yarpumutsun kruspita rikánápaq i kreyinapaq!
Peywan krusifikashqakunapis ashayarqan.
Jesuspa wanínin
33Joqta óra cháriptinna, patsa ampikurkorqan, isqon órakamayaq. 34Isqon órachowna sinchipa Jesús qayakorqan nirnin: —¡Eloi, Eloi! ¿Lama sabactani? Keymi ninan: —Dyosllá, Dyosllá, ¿imanirtaq jaqiramarqonki?
35Keyta wiyarirnam, wakin tseychow kaqkuna niyarqan: —Kaq key, qayan Eliastam.
36I juk eyqíkur esponjata binagriman ushmarkatsir, shoqushman churarkur upurkatsirqan, nirnin: —Dejayey, rikáshun Elias shamur má bájaratsenqakush.
37Peru Jesusnam, sinchipa qapariykur, wanurerqan. 38I templuchow belu rachirerqan ishkeyman, rarapita uraman.
39Nowpanchow senturyon sheykaqnam keynow wanurishqanta rikar nerqan: —¡Rasonpam key nuna Dyospa Tsurin kanaq!
40Tseychow jina keykáyarqan wakin warmikuna, karupita rikareykarnin. Peykunawan keykáyarqan Marya Magdalena, i menor kaq Jakobupa maman Marya i Josépa, i Salomé. 41Galileyachow Jesús keykaptin, keykuna qatiyarqan i sirwiyarqan. Atskaq warmikunapis witsashqa peywan kayarqan Jerusalenman.
Jesusta pampayan
42Tardiyareykaptinna, Alistakiy junaq jamakiy junaqpa bisperan kaptin, 43chárerqan Arimateyapita José, konsilyupeq reqishqa nuna, peypis Dyospa reynunta shuyarqan, balorta tsariykur yeykorqan Pilátuman Jesuspa kwerpunta mañaq.
44Pilátu almirakorqan wanushqana kanqanta. Senturyonta qayeykur taporqan má wanushqanakush kanaq. 45Senturyon willakuriptinna, Joséta ánerqan kwerputa. 46Sabanata rantirirna i kruspita yarpuratsimur, José wankorqan sabanaswan i churarqan juk qaqachow rurashqa sepultúraman. Tseypitana juk rumita qalipa sepultúra yeykunaman churarqan.
47Marya Magdalena i Josépa maman Marya rikáyarqan meyman churayanqanta.
Currently Selected:
MARKUS 15: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MARKUS 15
15
Jesús Pilátupa nowpanchow
1I tseypita, qoyallana, prinsipal saserdotikuna awkinkunawan willanakushqa kayarqan, judyukunapa leynin yachatsikoqkunawan i llapan Sanedrinwan, Jesusta watarkur, Pilátuman aparnin entregayarqan.
2Pilátuna tapurqan: —¿Qamku kanki judyukunapa reynin?
Yaskirnin nerqan: —Qammi ninki.
3Prinsipal saserdotikuna shimpiyarqan tukiykunapita. 4Pilátuna taporqan yapey nirnin: —¿Manaku imatapis yaskikunki? Rikey imeykakunapeqmi shimpiyashunki.
5Jesusqa tseywanpis manam yaskirqantsu imatapis, tseynam Pilátu almirakorqan.
6Fyestachowna Pilátu kostumbrinmannow kachareq juk présuta, mañakuyanqanta. 7I karqan juk Barrabas jutiyoq, rebeldikunawan presu karqan rebelyonchow wanutsikuyashqa karnin. 8Atskaq nunakuna sharkurnin qalleykuyarqan mañakur kostumbrinkunamannow rurayanampaq.
9Tseynam Pilátu yaskirerqan nishpa: —¿Munayanki judyukunapa reyninta noqa kacharinátaku?
10Musyarqanmi chikirnin prinsipal saserdotikuna entregayanqanta. 11Peru prinsipal saserdotikuna yachatsir kaprichatsiyarqan atska nunakunata mas byenqa Barrabasta kacharinampaq. 12Pilátu yapey nerqan: —¿Imatataq, munayanki peywan ruranáta “judyukunapa reynin niyanqeykiwan”?
13Yapey qapariyarqan: —¡Krusifikey!
14Tseynam Pilátu nerqan: —¿Ima mana allitataq rurashqa?
Mas sinchiparan qaparikacháyarqan: —¡Krusifikey!
15Tseynam Pilátu, nunakunata gustuta qoyta munar, Barrabasta kacharerqan i entregarqan Jesusta, astaríkur, krusifikashqa kananpaq.
Soldadukuna burlakuyan Jesuspita
16Tseynam soldadukuna apayarqan ruri palasyu patyuman, despachu kaqman, i willatsirqan llapan tropata. 17Yakatsiyarqan purpurapita, i kashakunapita awashqa korónata, churayaporqan 18i qalleykuyarqan bíbarnin: —¡Bíba, judyukunapa reynin!
19Peqantapis wiluyarqanmi juk shoqushwan, toqapuyarqan i qonqurikiykur adoreykachayarqan.
20Peypita burlakurirnam, púrpura mantunta qotutsiyarqan i kikimpa ropanta yakatsiyarqan. Tseynam jorquriyarqan krusifikayánampaq.
Jesusta krusifikayan
21Obligayarqan juk nuna chakrapita shamur paseykaqta, Sirenipeq Simonta, Alejandrupa i Rufupa teytanta, Jesuspa krusninta katánampaq. 22I apayarqan Golgota niyashqan sityuman, keymi ninan Kalabera sityu. 23Qoyarqan binun mirrawan takushqata, peru peyqa manam uporqatsu. 24I krusifikáyarqan, i rakinakuyarqan bistídunkunata, swertita qatirnin meyqanpis apananpaq. 25Kimakaq óranam karqan krusifikáriyaptin. 26Tumpayanqanpa títulun qellqashqa karqan: JUDYUKUNAPA REYNIN. 27Peytawan krusifikayarqan ishkaq suwakoqkunata, jukta deréchanman i jukninta itsoqninman. 28I kumplikárerqan Eskritúra nenqan: I yupashqam kanqa jutsaruraqkunawan. 29Pasaqkunapis ashayarqan, peqankunawan muñipar i nishpa: —¡Ah! Qam templuta juchoq i kima junaqchow sháritseq, 30¡Kikiki salbakiy i yarpamiy kruspita!
31Tseynowlla, peypita burlakur kikinkunapura, prinsipal saserdotikuna judyukunapa leynin yachatseqkunawan niyarqan: —Wakinkunataqa salbarqon; kikinqa pwedintsu salbakiyta. 32¡Kristu, Israyelpa reynin, kanan yarpumutsun kruspita rikánápaq i kreyinapaq!
Peywan krusifikashqakunapis ashayarqan.
Jesuspa wanínin
33Joqta óra cháriptinna, patsa ampikurkorqan, isqon órakamayaq. 34Isqon órachowna sinchipa Jesús qayakorqan nirnin: —¡Eloi, Eloi! ¿Lama sabactani? Keymi ninan: —Dyosllá, Dyosllá, ¿imanirtaq jaqiramarqonki?
35Keyta wiyarirnam, wakin tseychow kaqkuna niyarqan: —Kaq key, qayan Eliastam.
36I juk eyqíkur esponjata binagriman ushmarkatsir, shoqushman churarkur upurkatsirqan, nirnin: —Dejayey, rikáshun Elias shamur má bájaratsenqakush.
37Peru Jesusnam, sinchipa qapariykur, wanurerqan. 38I templuchow belu rachirerqan ishkeyman, rarapita uraman.
39Nowpanchow senturyon sheykaqnam keynow wanurishqanta rikar nerqan: —¡Rasonpam key nuna Dyospa Tsurin kanaq!
40Tseychow jina keykáyarqan wakin warmikuna, karupita rikareykarnin. Peykunawan keykáyarqan Marya Magdalena, i menor kaq Jakobupa maman Marya i Josépa, i Salomé. 41Galileyachow Jesús keykaptin, keykuna qatiyarqan i sirwiyarqan. Atskaq warmikunapis witsashqa peywan kayarqan Jerusalenman.
Jesusta pampayan
42Tardiyareykaptinna, Alistakiy junaq jamakiy junaqpa bisperan kaptin, 43chárerqan Arimateyapita José, konsilyupeq reqishqa nuna, peypis Dyospa reynunta shuyarqan, balorta tsariykur yeykorqan Pilátuman Jesuspa kwerpunta mañaq.
44Pilátu almirakorqan wanushqana kanqanta. Senturyonta qayeykur taporqan má wanushqanakush kanaq. 45Senturyon willakuriptinna, Joséta ánerqan kwerputa. 46Sabanata rantirirna i kruspita yarpuratsimur, José wankorqan sabanaswan i churarqan juk qaqachow rurashqa sepultúraman. Tseypitana juk rumita qalipa sepultúra yeykunaman churarqan.
47Marya Magdalena i Josépa maman Marya rikáyarqan meyman churayanqanta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.