MARKUS 8
8
Jesús mikatsin chusku waranqata
1Tsey junaqkunachow, atska nunakuna yapey kaptin i kayáporqantsu ni ima mikuyánampaq, Jesús disípulunkunata qayarqan i nerqan:
2—Ankupámi key nunakunata, kima junaqnam noqawan kayan i kayápuntsu mikuyanampaq. 3Wayinkunaman mallaqta despidiykupteqa, desmayariyanqachi nánichow; i wakinkunanáqa shayámushqa karupitam.
4Disípulunkunanam yaskiyárqan: —¿Mepeqtaq pipis yuritsimunqa tantata key chusyaqchow, keykunata teqñatsinapaq?
5I taporqan: —¿Eyka tanteykikunataq kan?
Peykunanam niyarqan: —Qanchis.
6Tseynam pey mandarqan llapankunata patsaman kikitariyánampaq. Qanchis tantata tsararkur, i grasyasta qorir pakirirqan i disípulunkunata qorqan peykuna qarakuyanampaq. I peykunanam sirwiyarqan llapan nunakunata.
7Kayápurqanmi jina ichiklla taksha peskadukuna. I bendisirirnam, pey mandarqan sirwiyánampaq. 8Mikuyarqan i teqñayarqan, i eylluyarqan pakipin sobrakunata qanchis kanastakunaman. 9I kayarqan chusku waranqanow. Peynam despidiykorqan; 10tseypitanam disípulunkunawan barkaman yeykurirqan, i ewkorqan Dalmanuta markakunapa.
Farisewkuna mañakuyan juk señalta
11Yarqayámorqan farisewkuna i qalleykuyarqan peywan liryar, syelupita juk señalta mañarnin, probayánampaq. 12Peynam llakikurkorqan espiritunchow i nerqan: “¿Imanirtaq key kastakuna mañakuyan señalta? Tseqeypam niyaq key kastakunata manam ni ima señal qoshqatsu kanqa”.
13I jaqirirninkunanam, yapey yeykurerqan barkaman i ewkorqan wak tsimpaman.
Farisewkunapa lebaduran
14Qonqashqa kayánaq tanta apeyta, i kayápunaqtsu barkachow sinowqa juk tantalla. 15I peynam mandarqan, nishpa: —Rikáyey; kuydakuyey farisewkunapa lebaduranpita i Eródispa lebaduranpita.
16Peykunanam liryayárqan jukninkuna i jukninkunawan, tantankuna mana kaptin. 17Jesusna káyirir nerqan: —¿Imanirtaq liryayanki? ¿Mana tanteykikuna kaptinku? ¿Manaraqku entendiyanki i káyiyanki? ¿Chukruyashqataraqku katsiyanki shonqiykikunata? 18Nawikikuna keykaptin, ¿manaku rikáyanki? Rinrikikuna keykaptin, ¿manaku wiyayanki? ¿Manaku yarpayanki? 19Pitsqa tantapita pitsqa waranqa nunakunata partinqáta, ¿Eyka kanastamantaq eylluyarqeyki pakipinkunata?
Peykunanam niyarqan: —Chunka ishkeytam.
20Chusku waranqa nunakunata qanchis tantallata rakikonqáta, ¿eyka kanastamantaq eylluyarqeyki pakipinkunata?
Peykunanam niyárqan: —Qanchistam.
21Peynam tapurerqan: —¿Manaraqku káyiyanki?
Jesús kachakátsin juk wiskuta Betsaydachow
22Jesús eywarqan Betsaydata, i apayápamorqan juk wiskuta i rowayarqan yateykunampaq. 23Tseynam wiskuta makipita jancharkur jorqurerqan, tunapa jaqninman, nunapa nawinta toqaninwan oqúratsirnam makinwan yateykur, tapurerqan: —¿Imallatapis rikankiku?
24Rikarnam, pey nerqan: —Riká nunakunatam, peru riká montikuna pureqtanowmi.
25Tseynam yapey makinta churarqan nawinkunaman, i alleq rikeykorqan. Alliyarerqan nawin, karumanpis rikarqan alleqna. 26Jesús kacharqan wayinman, nirnin: —Tunaman ama yeykiytsu.
Pedrupa deklarasyonnin
27Yarquriyarqan Jesús disípulunkunawan Cesarea Filipo tunakunapa, i nánichowna taporqan disípulunkunata nishpa: —¿Pí kanqátataq niyan nunakuna?
28Peykunanam yaskiyarqan: —Jukkuna Juan Bawtistam; wakinkuna, Eliasmi; wakinkunanam, profetakunapita juknin.
29Tseynam pey tapurqan: —Qamkunaqa, ¿pí kanqátataq niyanki noqapaq?
Yaskirnam Pedru nerqan: —¡Qamqa kanki Kristum!
30Pey shumaqlla atikarqan peypaq mana parlayanampaq ni pitapis.
Jesús willakun waniyninta i bensikiyninta
31Qalleykorqan yachatsirninkuna wananmi Nunapa Tsurin allápa jipananta, awkinkunapa depresyashqa kanqa, prinsipal saserdotikunapa i judyukunapa leynin yachatsikoqkunapa, i wanushqa kanqa i kawarimushqa kima junaqta. 32Keytam klárupa nerqan. Tseynam Pedru juk láduman qayarir qalleykorqan piñaparnin. 33Jesusnam tumarir, disípulunkunata rikeykur piñaparqan Pedruta nishpa: —¡Witikiy nowpápita, Satanas! Dyospa kosasninkunapaqqa manam yarpankitsu, sinowqa nunakunallapamanmi.
Jesusta imanow qatinapaq
34Nunakunata tseynow qayarqan, disípulunkunatawan, i nerqan: —Pipis qatimeyta munaqqa negakutsun kikinchow, qatimátsun krusninta tsarirkur. 35Pipis kaweyninta salbeta munaqqa, oqranqam; peru noqareykur i ebangelyureykur kaweyninta oqraqqa, salbanqam. 36Tseyqa, ¿imapaqtaq nunata sirwenqa llapan munduta ganey i almanta oqrariy? 37Tseynowqa, ¿imataraq qonqa nuna almanta reskatanampaq? 38Pim penqakonqa noqapita i palabrápeq key olteron i jutsa kaweychow, Nunapa Tsurimpis penqakonqam peypita santu angelninkunawan shamur Teytampa gloryanchow.
Currently Selected:
MARKUS 8: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MARKUS 8
8
Jesús mikatsin chusku waranqata
1Tsey junaqkunachow, atska nunakuna yapey kaptin i kayáporqantsu ni ima mikuyánampaq, Jesús disípulunkunata qayarqan i nerqan:
2—Ankupámi key nunakunata, kima junaqnam noqawan kayan i kayápuntsu mikuyanampaq. 3Wayinkunaman mallaqta despidiykupteqa, desmayariyanqachi nánichow; i wakinkunanáqa shayámushqa karupitam.
4Disípulunkunanam yaskiyárqan: —¿Mepeqtaq pipis yuritsimunqa tantata key chusyaqchow, keykunata teqñatsinapaq?
5I taporqan: —¿Eyka tanteykikunataq kan?
Peykunanam niyarqan: —Qanchis.
6Tseynam pey mandarqan llapankunata patsaman kikitariyánampaq. Qanchis tantata tsararkur, i grasyasta qorir pakirirqan i disípulunkunata qorqan peykuna qarakuyanampaq. I peykunanam sirwiyarqan llapan nunakunata.
7Kayápurqanmi jina ichiklla taksha peskadukuna. I bendisirirnam, pey mandarqan sirwiyánampaq. 8Mikuyarqan i teqñayarqan, i eylluyarqan pakipin sobrakunata qanchis kanastakunaman. 9I kayarqan chusku waranqanow. Peynam despidiykorqan; 10tseypitanam disípulunkunawan barkaman yeykurirqan, i ewkorqan Dalmanuta markakunapa.
Farisewkuna mañakuyan juk señalta
11Yarqayámorqan farisewkuna i qalleykuyarqan peywan liryar, syelupita juk señalta mañarnin, probayánampaq. 12Peynam llakikurkorqan espiritunchow i nerqan: “¿Imanirtaq key kastakuna mañakuyan señalta? Tseqeypam niyaq key kastakunata manam ni ima señal qoshqatsu kanqa”.
13I jaqirirninkunanam, yapey yeykurerqan barkaman i ewkorqan wak tsimpaman.
Farisewkunapa lebaduran
14Qonqashqa kayánaq tanta apeyta, i kayápunaqtsu barkachow sinowqa juk tantalla. 15I peynam mandarqan, nishpa: —Rikáyey; kuydakuyey farisewkunapa lebaduranpita i Eródispa lebaduranpita.
16Peykunanam liryayárqan jukninkuna i jukninkunawan, tantankuna mana kaptin. 17Jesusna káyirir nerqan: —¿Imanirtaq liryayanki? ¿Mana tanteykikuna kaptinku? ¿Manaraqku entendiyanki i káyiyanki? ¿Chukruyashqataraqku katsiyanki shonqiykikunata? 18Nawikikuna keykaptin, ¿manaku rikáyanki? Rinrikikuna keykaptin, ¿manaku wiyayanki? ¿Manaku yarpayanki? 19Pitsqa tantapita pitsqa waranqa nunakunata partinqáta, ¿Eyka kanastamantaq eylluyarqeyki pakipinkunata?
Peykunanam niyarqan: —Chunka ishkeytam.
20Chusku waranqa nunakunata qanchis tantallata rakikonqáta, ¿eyka kanastamantaq eylluyarqeyki pakipinkunata?
Peykunanam niyárqan: —Qanchistam.
21Peynam tapurerqan: —¿Manaraqku káyiyanki?
Jesús kachakátsin juk wiskuta Betsaydachow
22Jesús eywarqan Betsaydata, i apayápamorqan juk wiskuta i rowayarqan yateykunampaq. 23Tseynam wiskuta makipita jancharkur jorqurerqan, tunapa jaqninman, nunapa nawinta toqaninwan oqúratsirnam makinwan yateykur, tapurerqan: —¿Imallatapis rikankiku?
24Rikarnam, pey nerqan: —Riká nunakunatam, peru riká montikuna pureqtanowmi.
25Tseynam yapey makinta churarqan nawinkunaman, i alleq rikeykorqan. Alliyarerqan nawin, karumanpis rikarqan alleqna. 26Jesús kacharqan wayinman, nirnin: —Tunaman ama yeykiytsu.
Pedrupa deklarasyonnin
27Yarquriyarqan Jesús disípulunkunawan Cesarea Filipo tunakunapa, i nánichowna taporqan disípulunkunata nishpa: —¿Pí kanqátataq niyan nunakuna?
28Peykunanam yaskiyarqan: —Jukkuna Juan Bawtistam; wakinkuna, Eliasmi; wakinkunanam, profetakunapita juknin.
29Tseynam pey tapurqan: —Qamkunaqa, ¿pí kanqátataq niyanki noqapaq?
Yaskirnam Pedru nerqan: —¡Qamqa kanki Kristum!
30Pey shumaqlla atikarqan peypaq mana parlayanampaq ni pitapis.
Jesús willakun waniyninta i bensikiyninta
31Qalleykorqan yachatsirninkuna wananmi Nunapa Tsurin allápa jipananta, awkinkunapa depresyashqa kanqa, prinsipal saserdotikunapa i judyukunapa leynin yachatsikoqkunapa, i wanushqa kanqa i kawarimushqa kima junaqta. 32Keytam klárupa nerqan. Tseynam Pedru juk láduman qayarir qalleykorqan piñaparnin. 33Jesusnam tumarir, disípulunkunata rikeykur piñaparqan Pedruta nishpa: —¡Witikiy nowpápita, Satanas! Dyospa kosasninkunapaqqa manam yarpankitsu, sinowqa nunakunallapamanmi.
Jesusta imanow qatinapaq
34Nunakunata tseynow qayarqan, disípulunkunatawan, i nerqan: —Pipis qatimeyta munaqqa negakutsun kikinchow, qatimátsun krusninta tsarirkur. 35Pipis kaweyninta salbeta munaqqa, oqranqam; peru noqareykur i ebangelyureykur kaweyninta oqraqqa, salbanqam. 36Tseyqa, ¿imapaqtaq nunata sirwenqa llapan munduta ganey i almanta oqrariy? 37Tseynowqa, ¿imataraq qonqa nuna almanta reskatanampaq? 38Pim penqakonqa noqapita i palabrápeq key olteron i jutsa kaweychow, Nunapa Tsurimpis penqakonqam peypita santu angelninkunawan shamur Teytampa gloryanchow.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.