MARKUS 7
7
Nunata muyaq
1Jesusman eyllukáyarqan farisewkuna i wakin judyukunapa leynin yachatsikoqkuna Jerusalenpita shamushqakuna. 2Peykuna rikáyarqan peypa wakin disípulunkuna rakcha makinkunawan mana paqakushpa tanta mikiykaqta. 3Farisewkuna i llapan judyukuna, makinkunata, mana paqakorqa mikuyantsu, uney awkinkunapa kostumbrinkunaman tsaripakur. 4Rantipakuyanqanpita kutimur, mana paqakorqa, manam mikuyantsu. I kanmi wakin kosaskuna aseptayanqan wardayanampaq, kópakuna paqapakiy, járrukunata i wakin bronsipeq serbisyunkunatapis i tákuyánankunata.
5Farisewkuna i judyukunapa leynin yachatsikoqkuna tapuyarqan: —¿Imanirtaq disípuliykikuna rurayantsu awkinkunapa kostumbrinkunamannow, sinowqa mikuyan tantata rakcha makinkunawan?
6I yaskerqannam nirnin: —Allim profetisarqan Isaias qamkunapaq, motolítukuna, key qellqareykanqannow:
Key pwebluqa shiminllawanmi kuyaman,
shonqonqa noqapita karuchowmi keykan.
7Ardeymi adorayáman, nunakunapa
kamatsikiyninta yachatsikurnin yachatsikiytanow.
8Dyospa kamatsikiyninkunata jaqirikur, tsaripukuyanki nunakunapa kostumbrinkunachow.
9Jinam nerqan: —¡Dyospa kamatsikiyninta chaskiyankitsu kostumbrikikunata patsakatsiyaneykipaq! 10Moysesmi nerqan: “Teyteykita i mameykita onrey” “Teytan i mamanta maldiseqkunaqa juk paqweypa wanutsun.” 11Peru qamkuna niyanki pipis ninman teytanta i mamanta: “Imallawampis yanapayanaqmi Korban,” —keymi ninan, Dyospaq qarey—, 12mananam permitiyankitsu ni ima rurayananta teytanpaq ni mamanpaq. 13Tseynowmi Dyospa palabranta negayanki kostumbrikikunata pasakátsishqa kar, i mastam rurayanki keykuna niraqtanow.
14Yapey qayeykur atska nunakunata, nerqan: —Wiyáyamey llapeykikuna i káyikuyey. 15Manam kantsu nunapa jaqninchow kikinman yeykur muyanampaq. Peru nunapita yarqoqmi nunataqa muyan. 16Meyqanpapis rinriyoqkuna wiyanampaq kaptenqa wiyakutsun.
17Atska nunapita jaqpilla wayiman yeykuriptin, disípulunkuna tapuyarqan tinkutsikiypaq. 18I nerqan: —Tseynowqa ¿Qamkunapis káyikiyninnaqku kayanki? ¿Manaku káyiyanki imapis jaqpita nunaman yeykoqqa manam muyantsu? 19Manam shonqunmantsu yeykun sinowqa pachanmanmi i yarqurin letrinaman.
Tseynowmi nerqan llapan mikíkunapis limpyum. 20I nerqan: —Nunapita yarqamoqmi, tseymi nuna muyaqqa. 21Nunapa shonqun rurimpitam yarqamun mana alli yarpeykuna, lluta kaweykuna, suwakikuna i wanutsinakiykuna, 22olteron keykuna, lluta wátanakiy, mallaqákoq keykuna, mana allikuna, engañakiy, eytsapa muneyninkuna, chikikoq key, maldisikiy, lisu key i musyeykar upatukoq. 23Key llapan mana allikunam ruripita yarqamun i nunata muyan.
Karu warmipa kreyikiynin
24Sharkurirnam, ewkorqan Tiru i Sidon markakunapa. Juk wayiman yeykurir munarqantsu ni pipis musyananta tseychow kanqanta, peru ratakiyta puederqantsu. 25Tseyllanam, peypaq wiyarirna juk warmi wawan rakcha espirituyoq kaptin, shamurnin chakinkunaman qonqurikiykorqan. 26Warmina griega karqan, nasyonnimpita sirofenisa, rowarqan wawampita demoniyuta qarqunampaq.
27Peru Jesusnam nerqan: —Puntata tsurikunaraq teqñayátsun, manam allitsu wamrakunapa tantanta tsarirkur chuschukunapaq jitari.
28Warminam yaskirnin nerqan: —Awmi, Señor; chushchukunapis mésa rurinchow mikuyan, tsurikunapa shikwapakushqanta.
29Tseynam pey nerqan: —Tsey nishqeykireykur, ewkiy; demoniyu yarqushqanam wamreykipita.
30Pey wayinta eykurnam, tarerqan wamranta kámachow iskareykaqta i demoniyu yarqushqana kanaq.
Jesús kachakátsin juk sordu wata qalluta
31Tiru markakunapita yapey yarqurirna, eywarqan Sidonpa Galileya qochaman, Dekápolis markapa pasar. 32Tseynam apayámorqan juk sordu wataqalluta, i rowakuyarqan makinta churanampaq jananman.
33I atska nunapeq rakiríkur, yakarqan dedunkunata rinrinkunaman, toqarir yateykurqan qallunta. 34Tseypitana syeluta rikárir, llakirirna, nerqan: —¡Efata! —Keymi ninan: Kichakey—.
35Tseyllana, rinrin kichakárerqan i qallun paskakárerqan i allina parlarqan. 36Peynam atikarqan mana pitapis willakuyanampaq, mas atikeykaptin, willakuyarqan masraq 37allápa almirakuyarqan nishpa: —¡Llapankunata allim rurashqa! Sordukunatapis wiyatsin, i múdukunata parlatsin.
Currently Selected:
MARKUS 7: QUEAN
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.
MARKUS 7
7
Nunata muyaq
1Jesusman eyllukáyarqan farisewkuna i wakin judyukunapa leynin yachatsikoqkuna Jerusalenpita shamushqakuna. 2Peykuna rikáyarqan peypa wakin disípulunkuna rakcha makinkunawan mana paqakushpa tanta mikiykaqta. 3Farisewkuna i llapan judyukuna, makinkunata, mana paqakorqa mikuyantsu, uney awkinkunapa kostumbrinkunaman tsaripakur. 4Rantipakuyanqanpita kutimur, mana paqakorqa, manam mikuyantsu. I kanmi wakin kosaskuna aseptayanqan wardayanampaq, kópakuna paqapakiy, járrukunata i wakin bronsipeq serbisyunkunatapis i tákuyánankunata.
5Farisewkuna i judyukunapa leynin yachatsikoqkuna tapuyarqan: —¿Imanirtaq disípuliykikuna rurayantsu awkinkunapa kostumbrinkunamannow, sinowqa mikuyan tantata rakcha makinkunawan?
6I yaskerqannam nirnin: —Allim profetisarqan Isaias qamkunapaq, motolítukuna, key qellqareykanqannow:
Key pwebluqa shiminllawanmi kuyaman,
shonqonqa noqapita karuchowmi keykan.
7Ardeymi adorayáman, nunakunapa
kamatsikiyninta yachatsikurnin yachatsikiytanow.
8Dyospa kamatsikiyninkunata jaqirikur, tsaripukuyanki nunakunapa kostumbrinkunachow.
9Jinam nerqan: —¡Dyospa kamatsikiyninta chaskiyankitsu kostumbrikikunata patsakatsiyaneykipaq! 10Moysesmi nerqan: “Teyteykita i mameykita onrey” “Teytan i mamanta maldiseqkunaqa juk paqweypa wanutsun.” 11Peru qamkuna niyanki pipis ninman teytanta i mamanta: “Imallawampis yanapayanaqmi Korban,” —keymi ninan, Dyospaq qarey—, 12mananam permitiyankitsu ni ima rurayananta teytanpaq ni mamanpaq. 13Tseynowmi Dyospa palabranta negayanki kostumbrikikunata pasakátsishqa kar, i mastam rurayanki keykuna niraqtanow.
14Yapey qayeykur atska nunakunata, nerqan: —Wiyáyamey llapeykikuna i káyikuyey. 15Manam kantsu nunapa jaqninchow kikinman yeykur muyanampaq. Peru nunapita yarqoqmi nunataqa muyan. 16Meyqanpapis rinriyoqkuna wiyanampaq kaptenqa wiyakutsun.
17Atska nunapita jaqpilla wayiman yeykuriptin, disípulunkuna tapuyarqan tinkutsikiypaq. 18I nerqan: —Tseynowqa ¿Qamkunapis káyikiyninnaqku kayanki? ¿Manaku káyiyanki imapis jaqpita nunaman yeykoqqa manam muyantsu? 19Manam shonqunmantsu yeykun sinowqa pachanmanmi i yarqurin letrinaman.
Tseynowmi nerqan llapan mikíkunapis limpyum. 20I nerqan: —Nunapita yarqamoqmi, tseymi nuna muyaqqa. 21Nunapa shonqun rurimpitam yarqamun mana alli yarpeykuna, lluta kaweykuna, suwakikuna i wanutsinakiykuna, 22olteron keykuna, lluta wátanakiy, mallaqákoq keykuna, mana allikuna, engañakiy, eytsapa muneyninkuna, chikikoq key, maldisikiy, lisu key i musyeykar upatukoq. 23Key llapan mana allikunam ruripita yarqamun i nunata muyan.
Karu warmipa kreyikiynin
24Sharkurirnam, ewkorqan Tiru i Sidon markakunapa. Juk wayiman yeykurir munarqantsu ni pipis musyananta tseychow kanqanta, peru ratakiyta puederqantsu. 25Tseyllanam, peypaq wiyarirna juk warmi wawan rakcha espirituyoq kaptin, shamurnin chakinkunaman qonqurikiykorqan. 26Warmina griega karqan, nasyonnimpita sirofenisa, rowarqan wawampita demoniyuta qarqunampaq.
27Peru Jesusnam nerqan: —Puntata tsurikunaraq teqñayátsun, manam allitsu wamrakunapa tantanta tsarirkur chuschukunapaq jitari.
28Warminam yaskirnin nerqan: —Awmi, Señor; chushchukunapis mésa rurinchow mikuyan, tsurikunapa shikwapakushqanta.
29Tseynam pey nerqan: —Tsey nishqeykireykur, ewkiy; demoniyu yarqushqanam wamreykipita.
30Pey wayinta eykurnam, tarerqan wamranta kámachow iskareykaqta i demoniyu yarqushqana kanaq.
Jesús kachakátsin juk sordu wata qalluta
31Tiru markakunapita yapey yarqurirna, eywarqan Sidonpa Galileya qochaman, Dekápolis markapa pasar. 32Tseynam apayámorqan juk sordu wataqalluta, i rowakuyarqan makinta churanampaq jananman.
33I atska nunapeq rakiríkur, yakarqan dedunkunata rinrinkunaman, toqarir yateykurqan qallunta. 34Tseypitana syeluta rikárir, llakirirna, nerqan: —¡Efata! —Keymi ninan: Kichakey—.
35Tseyllana, rinrin kichakárerqan i qallun paskakárerqan i allina parlarqan. 36Peynam atikarqan mana pitapis willakuyanampaq, mas atikeykaptin, willakuyarqan masraq 37allápa almirakuyarqan nishpa: —¡Llapankunata allim rurashqa! Sordukunatapis wiyatsin, i múdukunata parlatsin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quechua Ancash New Testament © Peruvian Bible Society, 1992.