OWALỌ APỌSTELI LẸ TỌN 4
4
1LE yé to hódọ hlan gbẹtọ lẹ, yẹ whenọ lẹ, awhangán tẹmpli tọn, po Sadusi lẹ po fọ́n do yé ji, 2homẹ yetọn gble, na yé to gbẹtọ le plọn wutu, podọ ye to yẹwheho fìnfon sọn osiọ lẹ mẹ to Jesu mẹ tọn dọ. 3Yé déalọ wle yé, bo sọ hla yé do ogànhò mẹ kaka je aihọngbè: na ai ko to sinṣinyọn. 4Ṣigba susu mẹhe sè ohó lọ tọn lẹ yise: sọha yé tọn yì sunnu degbadefọtón.
5E sọ wá jọ to aihọngbè, ogán yetọn le, po mẹho lẹ po, po wekantọ lẹ po, pli do Jelusalẹm, 6Anna yẹwhenọ daho, po Kaifa pọ, po Johanu po, pọ Álẹkzandle po po sọha mẹhe yín hẹnnumẹ yẹwhenọ daho tọn lẹ po. 7Whenuena yé hẹn yé site do ṣẹnṣẹn, yé kanbiọ dọ, Huhlọn, kavi oyín tẹ mẹ wẹ mì to ehe wà te? 8Whenẹnu wẹ Pita gigọ́ na Gbigbọ Wiwe, dọ Hlan yé, dọmọ, Mìogán gbẹtọ le tọn, po meho Islaeli ton lẹ po emi, 9Eyíndọ yè to dodinna mí to egbé gbọn azọ́n dagbe he yè wà hlan dawe potẹn lọ tọn dali, gbọn nuwiwà he tọn dali yè hẹn ẹn jọ gángán; 10ehe ni yín yinyọnẹn hlan mì omẹ pó, podọ hlan omẹ Islaeli tọn lepo, do to oyín Jesu Klisti Nazaleti tọn ton me, mehe mìwlẹ whè do satin go, bọ Jiwheyẹwhe zé tite sọn osiọ lẹ me, yèdọ to oyín he mẹ we dawe he site to nukọn mìton to ofì to agbasa liló mẹ. 11Ewọ wẹ ozannu lọ he yè gbọn alọ kọdotọ lẹ ton me gbẹdai, ehe sọ zùn gángánsu hòlọnglọnen tọn. 12Mọ whlẹngan ma sọ tin to mẹdevo de; na oyín de ma tin to olọn glọ he yè namẹ to gbẹtọ mẹ he yè nado whlẹn mí gán.
13Whenuena yé mọ tugbigbo Pita po Johanu po tọn, bọ yé sọ yọnẹn dọ yé gbọagba núpinplọ́n tọn, bo sọ yín gbẹtọ wunvinọ, awuji yé; yé sọ pọnliwhan yetọn, dọ yé ko nọnọ hẹ Jesu. 14Whenuena yé pọ́n dawe he yè hẹnazọ̀ngbọna bọ é site to yé de, yé ma sọgan dọ nude do e go 15Ṣigba whenuena yé degbèna yé nado sèjẹla son oplito, yé lẹn hẹ yénọzo, 16dọmo, Etẹ mí na wà hẹ omẹ hele? dọ azon jawu asẹ tọn ko jọ sọn alọ yetọn mẹ sọawúhia hlan omẹ he nọnọ̀ Jelusalẹm lẹpo; mìwlẹ ma sọgan món ẹn. 17Ṣigba do é ma na do gbapé gbẹtọ lẹ mẹ yì nukọn ba, mì gbọ mí ni dobuna yé susu, dọ sọn egbeheyi yé sọ dọhó to oyín he mẹ hlan mẹde ba blo. 18Yé sọ ylọ yé, bo dosénna yé dọ yé sọ dọhó lala, kavi plónmẹ to oyín Jesu tọn mẹ gbède ba blo. 19Ṣigba Pita po Johanu po gblọn bo dọ hlan yé, dọmọ, Eyín é jlọ to nukun Jiwheyẹwhe tọn mẹ nado sè mìton hú Jiwheyẹwhe tọn, mì yí lẹnpọn. 20Na mìwlẹ ma sọgan nọ ma dọ onú he mí ko mọ, bo sọ sè 21Whenuena yé sọ dobuna yé dogo, yé jó yé do na yé ni yì, whenuena ye ma mọ onú he yé na do saya hẹ yé de, na gbẹtọ lẹ tọn wutu: na gbẹtọ lẹpọ wẹ to Jiwheyẹwhe pa na onú he yè wà; 22Na dawe he go yè do azón jawu he hia te owhè etọn hú kande.
23Whenuena yé jó yé dò na yé ni yì, yé yì ogbé yetọn lẹ de, bo sọ dóhó Onú he ogán yẹwhenọ le tọn po mẹho lẹ po dọ tọn hlan yé. 24Whenuena yé sè e, yé yí ayiha dopo do ze ogbè yetọn daga hlan Jiwheyẹwhe, bó dọmọ, Okluno È, hiẹ wẹ Jiwheyẹwhe he da olọn, aigba, ohù, po onú hẹ tin ye mẹ lẹ po: 25mehe dọ sọn onù, Davidi devi towe tọn, mẹ, dọmọ, Etẹwutu we Kosi lẹ to adidu, Bọ gbẹtọ lẹ sọ to onú vo len? 26Ahọlu aihọn mẹ tọn le fọ́n site, Ogán lẹ sọ sinyan yéde pli, Do Oklunọ ji, podọ do Klisti etọn Ji. 27Podọ na nugbo de tọn, Ovi wiwe towe Jesu, mehe hiẹ yí ohia amì tọn do dè ji wẹ Hẹlọdi, po Pontiu Pilati po, po Kosi lẹ po, po ome Islaeli tọn lẹ po pli do, 28nado wà onú depope he alọ towe po hónamẹ towe po ko magbè etọn dai nado wa jọ. 29Dinvie, Okluno, pòn budonamẹ yetọn: bo yí na hlan afànumẹ towe le, nado nọ yí tugbigbo lẹpo do dọ ohó towe, 30gbọn alọ dindlen towe dali nado hẹnazòngbọ; podọ na azón ohia tọn po azón jawu po ni nọ yín wiwà gbọn oyín Ovi wiwe towe Jesu tọn mẹ. 31Whenuena yé hodè ohò he mẹ yé pli do whàn gigi; yé ome pó sọ gó na Gbigbọ Wiwe, yé sọ yí tugbigbo do dọ ohó Jiwheyẹwhe tọn.
32Agùn mehe yise lẹ tọn sọ tin to ayiha dopo mẹ podọ to gbigbọ dopo mẹ: omẹ depope to yé mẹ ma dọ do onú he é tindo yín etọn titi; ṣigba yé tindo onu lẹpo do zẹnzẹn. 33Huhlọn daho wẹ apọsteli lẹ do dekunnu fọ́nsọnku Jesu Oklunọ tọn: ojomion susu sọ tin to yé ome pó mẹ. 34Omẹ depope ma gboagba to yé mẹ: na ome sọha he tindo aigba, kavi owhé sà yé, bo hẹn akuẹ onú he yé sà ton wá, 35yé yí yé bọdai to afọ apọsteli lẹ tọn go: yè sọ basi mimá etọn hlan mẹdopodopo kẹdẹdile matindo ẹtọn sọ.
36Podọ Jose, mẹhe yè gbọn alọ apọsteli le tọn mẹ ylọ oyíngó etọn dọ, Balnaba (ehe tadena etọn yín, Ovi homẹmimiọn ton) sọn whendo Levi tọn mẹ, Kiplutọ, 37Le e tindo aigba de, é sà ẹ, bo yí akue ẹtọn wá, bo sọ bọdai to afọ apọsteli lẹ tọn go.
Currently Selected:
OWALỌ APỌSTELI LẸ TỌN 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
