Gẹnẹsisi 23
23
1OGBÈ Sala tọn sọ yín owhè kantọ̀nsinawe: ehelẹ wẹ owhè ogbẹ̀ Sala tọn tọn. 2Sala sọ kú to Kiliati-alba, (enẹ wẹ Hẹblon) to aigba Kenani tọn jì: Ablaham sọ wá nado blawú na Sala podọ nado viavi nẹ̃.
3Ablaham sọ fọ́n sọn oṣiọ etọn nukọn, bo dọhó hlan ovi Heti tọn lẹ, dọmọ, 4Ojonọ wásinu wẹ yẹn to mì de; na nútindo ṣíọditẹn tọn mi to mì de, na yẹn nido di osiọ ṣie sọn nukun ṣie mẹ. 5Ovi Heti tọn lẹ sọ gblọnhó na Ablaham dọmọ, 6OKLUNỌ ṣie, sè mítọn lò: ahọvi huhlọnnọ de wẹ hiẹ to míwlẹ ṣẹnṣẹn; to yọ́whé whanpẹnọ pete mítọn mẹ wẹ a ni di osiọ towe do; mẹdepope to mí mẹ ma na whlẹn yòwhé eton do we gba, na hiẹ ma na do di oṣiọ towe.
7Ablaham sọ fọ́n nọte, bo dó ede hlan omẹ he yín aigba lọ tọn lẹ, yèdọ hlan ovi Heti tọn lẹ. 8E sọ dọhó hẹ yé, dọmọ, Eyín é sọn ohò mítọn mẹ na yẹn nido di osiọ ṣie sọn nukun ṣie mẹ; mì sè ṣie, bo degbe hlan Ẹfloni, ovi Zohali tọn na mi, 9na é nido na aigbaslo Makpela tọn mi, ehe e tindo, ehe tin to oglè etọn dògbojì; akuẹ sọha e họ̀ wẹ ni jo na mi na to mì ṣẹnṣẹn, na nútindo ṣíọditẹn tọn de.
10Ẹfloni to aisinsin to ovi Heti tọn le ṣẹnṣẹn: Ẹfloni Hittinu sọ gblọnhóna Ablaham to otọ́ ovi Heti tọn lẹpo tọn mẹ, yèdọ to otọ́ mehe to hòngbo otò etọn mẹ biọ lẹpo tọn mẹ dọmọ, 11Lala, klunọ ṣie, sè mi; yẹn na oglè lọ we po aigbaslo he tin to finẹ po, yẹn na we ga: to nukun ovi omẹ ṣie lẹ tọn tọn mẹ wẹ yẹn yí i na we te: di oṣiọ towe.
12Ablaham sọ dé ede hlan odò to ome aigba lọ tọn lẹ nukọn. 13E sọ dọhó hlan Ẹfloni to otọ́ omẹ aigba lọ tọn lẹ tọn mẹ, dọmọ, Eyín hiẹ gbẹ́—jàle sè mi! yẹn na na akuẹ oglè lọ tọn we, yi i to asi e; yẹn nasọ di osiọ ṣie to finẹ.
14Ẹfloni sọ gblọnhóna Ablaham dọmọ, 15OKLUNỌ ṣie, sọ sè mi: aigba lọ hò ṣekẹli jijlẹ fowe fataka tọn, etẹ́ ka wẹ enẹ to yẹn po hiẹ po ṣẹnṣẹn? enẹwutu di oṣiọ towe.
16Ablaham sọ sè Ẹfloni tọn: Ablaham sọ jlẹ fataka lọ na Ẹfloni ehe é dọ to otọ́ ovi Heti tọn lẹ tọn mẹ, fataka jijlẹ fowe ṣekẹli tọn, ehe yìn akuẹ pipó to ajọtọ lo de. 17Oglè Ẹfloni tọn, he tin to Makpela, ehe to Mamle nukọn, oglè lọ, po aigbaslo he tin to e mẹ po, po atin he sọ tin to oglè lọ mẹ lẹpo po, ehe tin to dali etọn bo lẹ́do e pé lẹpo wẹ é degbèsọn e ji na Ablaham. 18To ovi Heti tọn lẹ nukunmẹ, podọ to nukun mẹhe to hòngbo otò etọn mẹ tọn biọ lẹ tọn mẹ.
19To ehegodo Ablaham di Sala asi etọn to aigbaslo oglè Makpela tọn mẹ, to Mamle nukọn (enẹ wẹ Hẹblon) to aigba Kenani tọn ji.
20Oglè lọ, po aigbaslo ne to finẹ po, wẹ yè degbèsọn e ji na Ablaham, na nútindo ṣiọditẹn tọn de gbọn, ovi Heti tọn lẹ dali.
Currently Selected:
Gẹnẹsisi 23: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
