Gẹnẹsisi 41
41
1E so wá jọ to podo owhè awe gigọ́ tọn mẹ, wẹ Falo kudlọ: dayi e go, e to ote to otọ̀ tó. 2Bo, dayi e go, oyìn asi ṣinawe he yọnwhanpẹ bọ ojò pé tón sọn otọ́ lọ mẹ; yé sọ to dùdù to fánkàn mẹ. 3Bo, dayi e go, oyín asi ṣinawe devo he ylanwhanpẹ, bo sọ gblekan, tón to godo yé tọn jẹage sọn otọ̀ lọ mẹ; Yé so site to oyìn asi nẹlẹ de to otọ̀ lọ tónu 4Oyín asi he ylanwhanpẹ bo sọ gblekan le dù oyín asi ṣinawe he yọ̀nwhanpẹ bọ ojò pé. Mọwẹ Falo fọ́n.
5E sọ damlọn bo sọ kudlọ whlawetọ bo, dayi e go, ohín ṣinawe ogbado tọn wá ogetin dopo ji, to haji bo sọ yọ̀nwhanpẹ. 6Bo, dayi e go, ohín ṣinawe, otófo yè yi jehọn whèzẹtẹnwàji tọn do hẹn yé, tonkùn jẹgbonu to godo yé tọn. 7Ohín tófo lẹ sọ zé ṣinawe he tò bo sọ gó le mì. Falo sọ fọ́n, bo, dayi e go, odlọ de wẹ.
8E sọ wá jọ to afọnnu bọ ayiha etọn ma mọ gbọjẹ; é dewẹn bo ylọ nújlẹtọ Egipti tọn lẹ, po núyọnẹntọ etọn lẹ po; Falo sọ dọ odlọ etọn; ṣigba omẹ de ma tin he sọgan detana yé hlan Falo.
9Whenẹnu wẹ ogán ahànkònnọtọ lẹ tọn dọ hlan Falo, dọmọ, Yẹn flin owhẹylan ṣie to egbé: 10Falo ko yín homẹgbletọ do devi etọn lẹ go, bo yí mi do mẹlọmẹ to owhe ogán mẹhọtọ lẹ tọn gbè yẹn po ogán núdàtọ lẹ tọn po: 11míwlẹ sọ kudlọ to ozán doponẹ mẹ, yẹn po ewọ po; mí kudlọ omẹ dopodopo kẹdẹdi tadena odlọ etọn tọn. 12Yọposunnu de sọ tin to finẹ to mí de, Heblu de, devi ogán mẹhọtọ; lẹ tọn; mìwlẹ dọ nẹ̃, é sọ detana odlọ mítọn lẹ hlan mí; hlan omẹ dopodopo kẹdẹdile odlọ etọn te wẹ é detana do 13E sọ wá jọ, le é detana hlan mí do, mọwẹ é sọ yín; yẹn wẹ yè gòdo azọ́nhò ṣie mẹ, ewọ wẹ yè sọ doagònnu. 14Whenẹnu wẹ Falo do omẹ hlan bo ylọ Josefu, yé sọ hẹn ẹn wá plaun sọn gàhhọmẹ: é lùnda etọn, bo diọ awù etọn, bo bio họmẹ wá Falo de. 15Falo sọ dọ hlan Josefu, dọmọ, Yẹn kudlọ de, omẹ de ma sọ tin he sọgan deta e tọn: yẹn ko sọ sè gbọn dali towe, dọ whenuena hiẹ sè odlọ de hiẹ sọgan deta etọn.
16Josefu sọ gblọnna Falo, dọmọ, E ma tin to yẹn mẹ gba: Jiwheyẹwhe na na ogbègblọn jijọho tọn Falo.
17Falo sọ dọhó hlan Josefu, dọmọ, To odlọ ṣie mẹ, dayi e go, Yẹn site to otọ̀ tó: 18Bo, dayi e go, oyín asi ṣinawe de tọn sọn otọ̀ mẹ jẹage-he ojò pé, bo sọ yọ̀nwhanpẹ; yé to dùdù to ofánkàn mẹ: 19bo, dayi e go, oyín asi ṣinawe devo he ylanwhanpẹ talala bo gblekan, hunkọ he yẹn ma mọ gbede to aigba Egipti tọn lẹpo ji na yinylan, tọn to godo yé tọn jẹage; 20oyìn asi he gblekan bo sọ ylanwhanpẹ lẹ dù oyín asi ṣinawe tintan he ojò pó lẹ: 21whenuena yé dù yé yè ma sọgan yónẹn dọ yé ko dù yé gba; ṣigba yé gbẹ́ sọ gblekan jãnwẹ, kẹdẹdile yé te whẹ́whẹwhenu Mọwẹ yen sọ fọ́n. 22Yẹn sọ mọ to odlọsie mẹ, bo dayi e go, ohín ṣinawe wa ogetin dopo ji he gọ́ bo yọ́n: 23bo, dayi e go, ohín ṣinawe lẹ, yé, tófo, he yè yí jẹhọn whèzẹtẹnwàji tọn do hẹn yé, sọ tọnkùn wá, aga to godo yé tọn: 24ohín tófo lẹ ze ohín dagbe ṣinawe lẹ mì: yẹn sọ dọ ẹ hlan nujlẹtọ lẹ; ṣigba omẹ de ma tin he sọgan dọ ẹ hlan mi gba.
25Josefu sọ dọ hlan Falo, dọmọ, Odlọ Falo tọn dopo wẹ: onú he Jiwheyẹwhe to pipọ na wà wẹ é dọ hlan Falo. 26Oyín asi dagbedagbe ṣinawe lẹ, owhè ṣinawe wẹ, podọ ohín dagbedagbe ṣinawe lẹ owhè ṣinawe wẹ: doponẹ wẹ odlọ lọ 27Oyín asi ṣinawe lẹ, he gblekan bo sọ ylanwhanpẹ lẹ, he tọ́njẹgbonu to godo yé tọn owhè ṣinawe wẹ; podọ ohín tófo ṣinawe lẹ ga he jẹhọn whèzetenwàji tọn hen yọ lẹ, yé na yín owhè ṣinawe huvẹ tọn. 28Enẹ wẹ onú he yẹn dọ hlan Falo: núhe Jiwheyẹwhe to pipọ na wa é ko dohia hlan Falo. 29Dayi e go, owhè ṣinawe nupọ̀ tọn daho ja aigba Egipti tọn lẹpo ji lẹ́do: 30to godo yé tọn owhè ṣinawe huvẹ tọn na fọ́n; nupọ̀ lẹpo wẹ yè nasọ wọ̀nji e go to aigba Egipti tọn ji; huvẹ nasọ và aigba lọ; 31yè ma to nupọ̀ lọ na yónẹn to aigba lọ ji gba gbọn huvẹ he na hodo tọn dali; na é na yín yinylan gbahúgbahú. 32Podọ na enẹ he yè yi odlọ lọ basi do awejì hlan Falo, é yín na dọ yè hẹn onú lọ lódo gbọn Jiwheyẹwhe dali wutu wẹ, Jiwheyẹwhe nasọ hẹnṣè to yọ́yọ́vie. 33Enẹwutu dinvie gbọ Falo ni pọ́n gbẹtọ zinzìntọ núyónẹntọ de bo dè e do aigba Egipti tọn nù. 34Gbọ Falo ni basi ehe, bo gbọ é ni dè ogán lẹ do aigba lọ nù, bo yi madatón aigba Egipti tọn tọn to owhè ṣinawe nupó lọ tọn lọ mẹ. 35Bo gbọ yé ni bẹ́ nudùdù owhè dagbe he wá helẹ tọn pli, bo bó ogbado ph to alọ Falo tọn glọ na núdùdù to tòdaho lẹ mẹ, bo gbọ yé ni whlá ẹ. 36Núdùdù lo nasọ tin na agbànhò de hlan aigba lọ do ote pọn owhè ṣinawe huve tọn lẹ, he na tin to aigba Egipti tọn ji: aigba lọ nikã dọ̀n gbọn huvẹ lọ dali.
37Onu lọ sọ yón to nukun Falo tọn mẹ, podọ to nukun devi etọn lẹ tọn tọn mẹ. 38Falo sọ dọ hlan devi etọn lẹ, dọmọ, Mí sọgan mọ mẹde di ehe hunkọ, omẹ he mẹ gbigbọ Jiwheyẹwhe tọn tin te? 39Falo sọ dọ hlan Josefu, dọmọ, Sọle he Jiwheyẹwhe ko hẹn onú he lẹpo zùn yinyọnẹn na we, omẹ zìnzìntọ núyọnẹntọ de ma sọ tin sọ hiẹ gba: 40hiẹ na tin to owhé ṣie ji, podọ dile ohó towe te wẹ yè na dogán do omẹ ṣie lẹ ji do: kiki to ofìn ji kẹdẹ wẹ yẹn na yín kiklohú we.
41Falo sọ dọ hlan Josefu, dọmọ, Pọn, yẹn ko dè we do aigba Egipti tọn lẹpo nù. 42Falo sọ dè alọké ohia tọn sọn alọ etọn mẹ, bo yí do alọ Josefu tọn mẹ, bo vàṣọ nẹ̃ to awù alàvò dagbedagbe tọn lẹ mẹ, bo yí sika gẹ̀dẹ do okò etọn; 43é sọ hẹn ẹn hẹ́ kẹkẹ awetọ he é tindo mẹ; yé sọ to awhádo to nukọn etọn, Jẹklo : é sọ dè e do aigba Egipti tọn lẹpo nù. 44Falo sọ dọ hlan Josefu, dọmọ, Yẹn wẹ Falo, matin hiẹ omẹ de ma na zé alọ etọn kavi afọ etọn daga to aigba Egipti tọn lẹpo ji. 45Falo sọ ylọ oyín Josefu tọn dọ Zafẹnat-panea; é sọ yí Asẹnati viyọnnu Poti-fẹla yẹwhenọ Oni tọn tọn nọ̀ na asi. Josefu sọn tón yì aigba Egipti tọn lẹpo ji. 46Josefu sọ yín owhè ogbàn whenuena é site to Falo ahọlu Egipti tọn nukọn. Josefu sọ tón sọn Falo nukọn, do dlu gbọn aigba Egipti tọn lẹpo ji.
47To owhè ṣinawe nupò tọn lẹ mẹ, aigba jẹ́ji gbọn gigó-gigó me. 48E sọ bé núdùdù owhè ṣinawe lẹ tọn lẹpo pli he tin to aigba Egipti tọn ji, bo bó núdùdù whlá do tòdaho lẹ mẹ; núdùdù danji tọn, he tin to tòdaho dopodopo mẹ lẹ́do wẹ é bé pli do doponẹ lọ mẹ. 49Josefu sọ bẹ́ ogbado pli di otòkén ohu tọn, gbahúgbahú, kaka é do gbọ sọhahiana; na é yín matin osọha.
50Ovisunnu awe wẹ yè ji hlan Josefu whẹpo owhè huvẹ tọn lọ do wá, ehe Asẹnati viyọnnu Poti-fẹla yẹwhenọ Oni tọn tọn ji hlan ẹn. 51Josefu sọ ylọ oyín oplọnji tọn dọ Manassẹ; Na, é dọ, Jiwheyẹwhe ko hẹn mi wọ̀n oya ṣie lẹpo, po owhè otọ́ ṣie tọn lẹpo po. 52E sọ ylọ oyín awetọ tọn dọ Eflaimi : Na Jiwheyẹwhe ko hẹn mi yín sinsẹ́nno to aigba nukunbibia ṣie tọn ji.
53Owhè ṣinawe nupò tọn lẹ he tin to aigba Egipti tọn ji wá opòdo. 54Owhè ṣinawe huvẹ tọn lẹ ṣẹ̀ nado wá, kẹdẹdile Josefu ko dọ do: huvẹ sọ tin to aigba lẹpo ji; ṣigba to aigba Egipti tọn lẹpo ji núdùdíi tin. 55Whenuena yè hẹn huvẹ hù aigba Egipti tọn lẹpo, gbẹtọ lẹpo dawhá hlan Falo de na núdùdù: Falo sọ dọ hlan Egiptinu lẹ, dọ, Mì yì Josefu de; núhe é dọ hlan mì, mì basi. 56Huvẹ lọ sọ tin to nukunmẹ aigba tọn lẹpo tọn ji: Josefu sọ hùn agbànhó lẹpo, bo sà ogbado hlan Egiptinu lẹ; huvẹ lọ sọ sinyẹn to aigba Egipti tọn ji. 57Otò lẹpo sọ to Egipti wá to Josefu de na nado hò ogbado; na huvẹ lọ yín sinsinyẹn to aigba lẹpo mẹ wutu.
Currently Selected:
Gẹnẹsisi 41: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
Gẹnẹsisi 41
41
1E so wá jọ to podo owhè awe gigọ́ tọn mẹ, wẹ Falo kudlọ: dayi e go, e to ote to otọ̀ tó. 2Bo, dayi e go, oyìn asi ṣinawe he yọnwhanpẹ bọ ojò pé tón sọn otọ́ lọ mẹ; yé sọ to dùdù to fánkàn mẹ. 3Bo, dayi e go, oyín asi ṣinawe devo he ylanwhanpẹ, bo sọ gblekan, tón to godo yé tọn jẹage sọn otọ̀ lọ mẹ; Yé so site to oyìn asi nẹlẹ de to otọ̀ lọ tónu 4Oyín asi he ylanwhanpẹ bo sọ gblekan le dù oyín asi ṣinawe he yọ̀nwhanpẹ bọ ojò pé. Mọwẹ Falo fọ́n.
5E sọ damlọn bo sọ kudlọ whlawetọ bo, dayi e go, ohín ṣinawe ogbado tọn wá ogetin dopo ji, to haji bo sọ yọ̀nwhanpẹ. 6Bo, dayi e go, ohín ṣinawe, otófo yè yi jehọn whèzẹtẹnwàji tọn do hẹn yé, tonkùn jẹgbonu to godo yé tọn. 7Ohín tófo lẹ sọ zé ṣinawe he tò bo sọ gó le mì. Falo sọ fọ́n, bo, dayi e go, odlọ de wẹ.
8E sọ wá jọ to afọnnu bọ ayiha etọn ma mọ gbọjẹ; é dewẹn bo ylọ nújlẹtọ Egipti tọn lẹ, po núyọnẹntọ etọn lẹ po; Falo sọ dọ odlọ etọn; ṣigba omẹ de ma tin he sọgan detana yé hlan Falo.
9Whenẹnu wẹ ogán ahànkònnọtọ lẹ tọn dọ hlan Falo, dọmọ, Yẹn flin owhẹylan ṣie to egbé: 10Falo ko yín homẹgbletọ do devi etọn lẹ go, bo yí mi do mẹlọmẹ to owhe ogán mẹhọtọ lẹ tọn gbè yẹn po ogán núdàtọ lẹ tọn po: 11míwlẹ sọ kudlọ to ozán doponẹ mẹ, yẹn po ewọ po; mí kudlọ omẹ dopodopo kẹdẹdi tadena odlọ etọn tọn. 12Yọposunnu de sọ tin to finẹ to mí de, Heblu de, devi ogán mẹhọtọ; lẹ tọn; mìwlẹ dọ nẹ̃, é sọ detana odlọ mítọn lẹ hlan mí; hlan omẹ dopodopo kẹdẹdile odlọ etọn te wẹ é detana do 13E sọ wá jọ, le é detana hlan mí do, mọwẹ é sọ yín; yẹn wẹ yè gòdo azọ́nhò ṣie mẹ, ewọ wẹ yè sọ doagònnu. 14Whenẹnu wẹ Falo do omẹ hlan bo ylọ Josefu, yé sọ hẹn ẹn wá plaun sọn gàhhọmẹ: é lùnda etọn, bo diọ awù etọn, bo bio họmẹ wá Falo de. 15Falo sọ dọ hlan Josefu, dọmọ, Yẹn kudlọ de, omẹ de ma sọ tin he sọgan deta e tọn: yẹn ko sọ sè gbọn dali towe, dọ whenuena hiẹ sè odlọ de hiẹ sọgan deta etọn.
16Josefu sọ gblọnna Falo, dọmọ, E ma tin to yẹn mẹ gba: Jiwheyẹwhe na na ogbègblọn jijọho tọn Falo.
17Falo sọ dọhó hlan Josefu, dọmọ, To odlọ ṣie mẹ, dayi e go, Yẹn site to otọ̀ tó: 18Bo, dayi e go, oyín asi ṣinawe de tọn sọn otọ̀ mẹ jẹage-he ojò pé, bo sọ yọ̀nwhanpẹ; yé to dùdù to ofánkàn mẹ: 19bo, dayi e go, oyín asi ṣinawe devo he ylanwhanpẹ talala bo gblekan, hunkọ he yẹn ma mọ gbede to aigba Egipti tọn lẹpo ji na yinylan, tọn to godo yé tọn jẹage; 20oyìn asi he gblekan bo sọ ylanwhanpẹ lẹ dù oyín asi ṣinawe tintan he ojò pó lẹ: 21whenuena yé dù yé yè ma sọgan yónẹn dọ yé ko dù yé gba; ṣigba yé gbẹ́ sọ gblekan jãnwẹ, kẹdẹdile yé te whẹ́whẹwhenu Mọwẹ yen sọ fọ́n. 22Yẹn sọ mọ to odlọsie mẹ, bo dayi e go, ohín ṣinawe wa ogetin dopo ji he gọ́ bo yọ́n: 23bo, dayi e go, ohín ṣinawe lẹ, yé, tófo, he yè yí jẹhọn whèzẹtẹnwàji tọn do hẹn yé, sọ tọnkùn wá, aga to godo yé tọn: 24ohín tófo lẹ ze ohín dagbe ṣinawe lẹ mì: yẹn sọ dọ ẹ hlan nujlẹtọ lẹ; ṣigba omẹ de ma tin he sọgan dọ ẹ hlan mi gba.
25Josefu sọ dọ hlan Falo, dọmọ, Odlọ Falo tọn dopo wẹ: onú he Jiwheyẹwhe to pipọ na wà wẹ é dọ hlan Falo. 26Oyín asi dagbedagbe ṣinawe lẹ, owhè ṣinawe wẹ, podọ ohín dagbedagbe ṣinawe lẹ owhè ṣinawe wẹ: doponẹ wẹ odlọ lọ 27Oyín asi ṣinawe lẹ, he gblekan bo sọ ylanwhanpẹ lẹ, he tọ́njẹgbonu to godo yé tọn owhè ṣinawe wẹ; podọ ohín tófo ṣinawe lẹ ga he jẹhọn whèzetenwàji tọn hen yọ lẹ, yé na yín owhè ṣinawe huvẹ tọn. 28Enẹ wẹ onú he yẹn dọ hlan Falo: núhe Jiwheyẹwhe to pipọ na wa é ko dohia hlan Falo. 29Dayi e go, owhè ṣinawe nupọ̀ tọn daho ja aigba Egipti tọn lẹpo ji lẹ́do: 30to godo yé tọn owhè ṣinawe huvẹ tọn na fọ́n; nupọ̀ lẹpo wẹ yè nasọ wọ̀nji e go to aigba Egipti tọn ji; huvẹ nasọ và aigba lọ; 31yè ma to nupọ̀ lọ na yónẹn to aigba lọ ji gba gbọn huvẹ he na hodo tọn dali; na é na yín yinylan gbahúgbahú. 32Podọ na enẹ he yè yi odlọ lọ basi do awejì hlan Falo, é yín na dọ yè hẹn onú lọ lódo gbọn Jiwheyẹwhe dali wutu wẹ, Jiwheyẹwhe nasọ hẹnṣè to yọ́yọ́vie. 33Enẹwutu dinvie gbọ Falo ni pọ́n gbẹtọ zinzìntọ núyónẹntọ de bo dè e do aigba Egipti tọn nù. 34Gbọ Falo ni basi ehe, bo gbọ é ni dè ogán lẹ do aigba lọ nù, bo yi madatón aigba Egipti tọn tọn to owhè ṣinawe nupó lọ tọn lọ mẹ. 35Bo gbọ yé ni bẹ́ nudùdù owhè dagbe he wá helẹ tọn pli, bo bó ogbado ph to alọ Falo tọn glọ na núdùdù to tòdaho lẹ mẹ, bo gbọ yé ni whlá ẹ. 36Núdùdù lo nasọ tin na agbànhò de hlan aigba lọ do ote pọn owhè ṣinawe huve tọn lẹ, he na tin to aigba Egipti tọn ji: aigba lọ nikã dọ̀n gbọn huvẹ lọ dali.
37Onu lọ sọ yón to nukun Falo tọn mẹ, podọ to nukun devi etọn lẹ tọn tọn mẹ. 38Falo sọ dọ hlan devi etọn lẹ, dọmọ, Mí sọgan mọ mẹde di ehe hunkọ, omẹ he mẹ gbigbọ Jiwheyẹwhe tọn tin te? 39Falo sọ dọ hlan Josefu, dọmọ, Sọle he Jiwheyẹwhe ko hẹn onú he lẹpo zùn yinyọnẹn na we, omẹ zìnzìntọ núyọnẹntọ de ma sọ tin sọ hiẹ gba: 40hiẹ na tin to owhé ṣie ji, podọ dile ohó towe te wẹ yè na dogán do omẹ ṣie lẹ ji do: kiki to ofìn ji kẹdẹ wẹ yẹn na yín kiklohú we.
41Falo sọ dọ hlan Josefu, dọmọ, Pọn, yẹn ko dè we do aigba Egipti tọn lẹpo nù. 42Falo sọ dè alọké ohia tọn sọn alọ etọn mẹ, bo yí do alọ Josefu tọn mẹ, bo vàṣọ nẹ̃ to awù alàvò dagbedagbe tọn lẹ mẹ, bo yí sika gẹ̀dẹ do okò etọn; 43é sọ hẹn ẹn hẹ́ kẹkẹ awetọ he é tindo mẹ; yé sọ to awhádo to nukọn etọn, Jẹklo : é sọ dè e do aigba Egipti tọn lẹpo nù. 44Falo sọ dọ hlan Josefu, dọmọ, Yẹn wẹ Falo, matin hiẹ omẹ de ma na zé alọ etọn kavi afọ etọn daga to aigba Egipti tọn lẹpo ji. 45Falo sọ ylọ oyín Josefu tọn dọ Zafẹnat-panea; é sọ yí Asẹnati viyọnnu Poti-fẹla yẹwhenọ Oni tọn tọn nọ̀ na asi. Josefu sọn tón yì aigba Egipti tọn lẹpo ji. 46Josefu sọ yín owhè ogbàn whenuena é site to Falo ahọlu Egipti tọn nukọn. Josefu sọ tón sọn Falo nukọn, do dlu gbọn aigba Egipti tọn lẹpo ji.
47To owhè ṣinawe nupò tọn lẹ mẹ, aigba jẹ́ji gbọn gigó-gigó me. 48E sọ bé núdùdù owhè ṣinawe lẹ tọn lẹpo pli he tin to aigba Egipti tọn ji, bo bó núdùdù whlá do tòdaho lẹ mẹ; núdùdù danji tọn, he tin to tòdaho dopodopo mẹ lẹ́do wẹ é bé pli do doponẹ lọ mẹ. 49Josefu sọ bẹ́ ogbado pli di otòkén ohu tọn, gbahúgbahú, kaka é do gbọ sọhahiana; na é yín matin osọha.
50Ovisunnu awe wẹ yè ji hlan Josefu whẹpo owhè huvẹ tọn lọ do wá, ehe Asẹnati viyọnnu Poti-fẹla yẹwhenọ Oni tọn tọn ji hlan ẹn. 51Josefu sọ ylọ oyín oplọnji tọn dọ Manassẹ; Na, é dọ, Jiwheyẹwhe ko hẹn mi wọ̀n oya ṣie lẹpo, po owhè otọ́ ṣie tọn lẹpo po. 52E sọ ylọ oyín awetọ tọn dọ Eflaimi : Na Jiwheyẹwhe ko hẹn mi yín sinsẹ́nno to aigba nukunbibia ṣie tọn ji.
53Owhè ṣinawe nupò tọn lẹ he tin to aigba Egipti tọn ji wá opòdo. 54Owhè ṣinawe huvẹ tọn lẹ ṣẹ̀ nado wá, kẹdẹdile Josefu ko dọ do: huvẹ sọ tin to aigba lẹpo ji; ṣigba to aigba Egipti tọn lẹpo ji núdùdíi tin. 55Whenuena yè hẹn huvẹ hù aigba Egipti tọn lẹpo, gbẹtọ lẹpo dawhá hlan Falo de na núdùdù: Falo sọ dọ hlan Egiptinu lẹ, dọ, Mì yì Josefu de; núhe é dọ hlan mì, mì basi. 56Huvẹ lọ sọ tin to nukunmẹ aigba tọn lẹpo tọn ji: Josefu sọ hùn agbànhó lẹpo, bo sà ogbado hlan Egiptinu lẹ; huvẹ lọ sọ sinyẹn to aigba Egipti tọn ji. 57Otò lẹpo sọ to Egipti wá to Josefu de na nado hò ogbado; na huvẹ lọ yín sinsinyẹn to aigba lẹpo mẹ wutu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.