Gẹnẹsisi 8

1JIWHEYẸWHE sọ flin Noa, po onú gbẹte lẹpo po, po whékanlin he gó nẹ̀ to aki mẹ lẹ po: Jiwheyẹwhe sọ hẹn jẹhọn de gbọn aigba ji, bọ osìn lọ sọ jágò; 2é sọ sú owhín osẹdò ton lẹ po vesẹ olọn tọn lẹ, ojikun he sọn olọn sọ doalote, 3Osìn sọ to dindònpo sọn aigba ji egbésọegbésọ: azán kantọ̀ngbàn godo, wẹ osìn lẹ sọ to agòjo. 4Aki sọ tàn to osùn sinawetọ mẹ, to azán fọtónnukunawetọ osùn tọn, to osé Alalati tọn lẹ ji. 5Osìn sọ to agòjo kaka jẹ osùn aotọ mẹ: to osùn aotọ mẹ to azán tintan osùn tọn mẹ wẹ ota osé daho lẹ tọn sọ tónjẹgbonu 6E sọ wá jọ to pòdo azán kandetọ tọn gbè wẹ Noa hùn vesẹ aki tọn he é whè: 7é sọ do ohón de hlan gbonu he tọ́njẹgbonu yì bo to yìslọyì kaka osìn do hú sọn aigba ji.

8E sọ do apoe de hlan gbonu sọn e de yì ga, nado mọ eyín osìn to dindọnpó sọn aigba ji. 9Ṣigba apoe ma mọ ogbọjẹ tẹnmẹ de na afọ etọn, é sọ lẹ́gọ̀ wá e de to aki mẹ, na osìn sọtin to aigba lẹpo ji wutu bo é de alọ etọn jẹgbonu bo yí i, bo sọ dòn ẹn do ede de to aki mẹ. 10E sọ nọte hò azán ṣinawe devo, bo sọ vó apoe lọ dohlan gbonu sọn aki mẹ yì. 11Apoe lọ gọ̀wá e de to aki mẹ to whèjai; bo pọ́n, amá yọ́yọ́ olivieli kinkén tọn to onú etọn mẹ: mọwẹ Noa sọ yọnẹn dọ osìn to húhú sọn aigba ji.

12E sọ dòngbàn azán ṣinawe devo, bo sọ do apoe lọ dohlan gbonu; he ma sọ légówá e de ba. 13E sọ wa jọ to owhè nuọntọ̀nnukundopotọ mẹ, to osùn tintan mẹ, to azán tintan osùn lọ tọn mẹ wẹ osìn hú sọn aigba ji: bọ Noa sọ hùn onùsu aki tọn, bo pọ́n, bo dayi e go, nukunme aigba tọn ko hu. 14To osùn awetọ mẹ, to azán koatọ́nnukunawetọ osùn tọn mẹ wẹ aigba sọ hú. 15Jiwheyẹwhe sọ dọ hlan Noa, dọmọ, 16Tọ́njẹgbonu sọn aki mẹ, hiẹ po àsi towe po, po visunnu towe lẹpo po, pò asi visunnu towe tọn lẹpo po hẹ we. 17Hẹn tónwá gbonu hẹ we onú tẹgbẹ́ lẹpo he tin to de we, sọn nútẹgbẹ́ lẹpo mẹ, ohọ́ po whékanlin po, po onú lìnlìn lẹpo po he nọ lìn to aigba ji lẹ; na yé nido sawẹ̃n to aigba ji, bo yín sinsẹ́nnọ, bo jigbà to aigba ji.

18Noa sọ tọ́njẹgbonu, po visunnu etọn lẹpo po, po asi etọn po, po asi visunnu etọn lẹ tọn lẹ po hẹ ẹ: 19gbékanlin lepo, onú lìnlìn lẹpo, po ohó lẹpo po, po núdepope he nọ lìn to aigba ji lẹ po, kẹdẹdi ohẹnnu yetọn lẹ, yé tọ́njẹgbonu sọn aki mẹ.

20Noa sọ tùn agbà hlan Oklunọ; bo yí to whékanlin wiwe lẹpo mẹ, podọ ohẹ̀ wiwé lẹpo mẹ, bo do sánvọ̀ núnina mimẹ̀ tọn to agbà lọ ji. 21OKLUNỌ sọ whlẹnwán gbọjẹ nina lọ tọn: OKLUNỌ sọ dọ to ayìha etọn mẹ, dọmọ, Yẹn ma nasọ hodèdo aigba na gbẹtọ tọn wutu ba gba: na dọ ayilinlẹn ayiha gbẹtọ tọn mẹ tọn oylan wẹ sọn ovú etọn; mọ yẹn ma to nasọ vọ̀ onú tẹgbẹ̀ lẹpo depope hò ba, dile yẹn ko wà do. 22Whenuena aigba tinai, okún po ojijẹ whenu po, avìvọ po byozo po, alúnlún po awéwe po, okle po ozán po ma na gbòdò.

Currently Selected:

Gẹnẹsisi 8: BWL23

Highlight

Copy