JOHANU 9
9
1LE Jesu juwajei, é mọ dawe nu kuntọnnọ de sọn ajimẹ etọn. 2Nuplọntọ etọn lẹ kanbiọ ẹ dọ, Meplọntọ, menu wẹ wà oylan, dawe he kavi mejitọ etọn lẹ, bọ ewọ do yín jiji nukuntọ́nnọ? 3Jesu sọ gblọn dọ, E na yín dawe he wà oylan, kavi mẹjitọ etọn lẹ gba: ṣigba dọ yè nido hẹn azon Jiwheyẹwhe tọn soawuhia to e go. 4Mí ma sọgan nọ ma wà azon ewo he do mi hlan ton, whenuena é yín okle: ozán ja whenuena mẹde ma sọ sọgan wàzón. 5Whenuena yẹn tin to wẹkẹ mẹ, yẹn wẹ hinhọ́n wẹkẹ tọn. 6Whenuena é dọ le, é túntán do aigba bò yí do yankọ̀, bo yí okó lo do sá amisisána nukun eton. 7Bo do hlan en, dọ, Yì, lawu to otándo Sìloámi tọn mẹ, (ehe tadena etọn yín, Dohlan.) Enẹwutu e gbọn aliho etọn ji yì, é lawu, é wá, bo sọ to númọ. 8Enẹwutu komẹnu lẹ, po mẹhe ko mọ en dai dọ nubiọtọ de ko wẹ ewọ dọmọ, Ehe ma we ewọ he nọ sinai bo biọnu lọ? 9Mẹdele dọ, Ewọ we: medelẹ do, Lala, ewọ tin jijlẹ do e go wẹ: ṣigba ewọ dọmọ, Yẹn we ewọ lọ. 10Enẹwutu yé dọ hlan ẹn, dọ, Nawẹ nukun towe lẹ yín hùnhùh do? 11E sọ gblọn, do, Dawe lọ he yè nọ ylo Jesu basi okó, bo yí sá do nukun nà mi, bo dọ hlan mi, dọ, Yì otándo Siloami tọh me, bo lawu: yen yì, bo lawu, bo sọ monú 12Yé sọ do hlan ẹn, dọ, Fie wẹ ewọ te? E dọmọ, Yẹn ma yọnẹn.
13Yé hen mẹhe yín nukuntọ́nnọ dai lọ wá Falesi lẹ de. 14Dinvie gbọjẹzángbè wẹ whenuena Jesu basi okó lọ, bo sọ hùn nukun etọn. 15Enewutu Falesi le ga vọ̀ kanbiọ ẹ, nawe ewọ mọ nukunnumọ etọn yí do. E sọ dọ hlan yé, dọ, E yí okọ́ sá do nukun ṣie, yẹn lawu, bo sọ mọnú. 16Enẹwutu medelẹ to Falesi lẹ mẹ dọmọ, Dawe he ma tin sọn Jiwheyẹwhe dé gba, na é ma yìn azán gbọje tọn wutu. Ṣigba mẹdevo lẹ dọmo, Nawe mehe yín ylandonọ dè sogan wà ohia helẹ hunkọ do? Kinklan sọ tin to yé ṣẹnṣẹn. 17Enẹwutu yé sọ vó dọ hlan dawe nukuntónno lọ, dọ, Be etewẹ hiẹ dọ na ewọ tọn, to ehe mẹ ewọ hùn nukun towe? E dọmọ, Yẹwhegán de wẹ ewọ. 18Enẹ-wutu Ju lẹ ma yise gbon ewọ tọn dali gba, dọ, ewọ ko yín nukuntọ́nnọ, bo sọ mọ nukunnumọ etọn yí kaka yé do ylọ mẹjitọ ewo he mọ nukunnumọ etọn yí lọ tọn lẹ. 19Bo kanbiọ yé dọ, Visunnu mìtọn wẹ ehe, mẹhe mì dọ yè ji i nukuntọ́nnọ? Nawẹ é gbọn do to númo dinvie? 20Mẹjitọ etọn lẹ gblon bo dọmọ, Mìwlẹ yọnen dọ visunnu mìtọn we ehe, podọ yè ji i nukuntónno: 21ṣigba le é to numọ do dinvie, mìwlẹ ma yọnẹn; kavi mẹhe hùn nukun etọn mí ma yọnen: nuyọnentọ wẹ ewo, mì kanbiọ ẹ: é na dọ na ede. 22Ohó helẹ wẹ mejìto etọn lẹ dọ, na yé dibuna Ju lẹ wutu; na Ju le ko dogbèpó dote, dọ eyín medepope yigbè dọ Klisti wẹ ewọ, yè ni dè ẹ sọn sinagọgu 23Enẹwutu wẹ mẹjitọ etọn lẹ dọ, Nuyọnẹntọ wẹ ewọ; mì kanbiọ ẹ. 24Mọwẹ yé sọ vó dawe he yín nukuntọ́nnọ lọ ylọ, bo dọ hlan en dọ, Na gigo Jiwheyẹwhe; mìwlẹ yọnẹn do ylandonọ de wẹ dawe he. 25Enewutu ewọ sọ gblọn bo dọmọ Eyín ewọ yín ylandonọ de, yẹn ma yọnen: onú dopo wẹ yẹn yọnẹn, dọ sole yẹn ko yín nukuntọ́nnọ, yẹn to númọ dinvie. 26Enẹwutu yé sọ dọ hlan ẹn, dọ, Etẹwẹ é wá hlan we? nawẹ é hùn nukun towe do? 27E sọ gblon dọ hlan yé, dọ, Yẹn ko dọ na mì yedọ dinvie, mì ma sọ sè: etẹwutu we mì sọ jlo nado vọ́ sè? mì jlo na lẹzun nuplọntọ etọn ga wẹ? 28Yé sọ vlẹ ẹ ko, bo dọmọ, Hiẹ wẹ nuplọntọ eton; ṣigba nuplọntọ Moṣe tọn we mìwlẹ. 29Mìwlẹ yọnẹn dọ Jiwheyẹwhe dọhó hlan Moṣe, ṣigba na dawe he tọn, mìwlẹ ma yón ofì he é sọn wá. 30Dawe lọ sọ gblọn bo dọ hlan yé, dọ, Etẹwutu, ehemẹ wẹ nujawu te, na mìwlẹ ma yón ofì he ewọ son wá, ṣigba ewọ ko hùn nukun ṣie. 31Mìwlẹ yọnẹn dọ Jiwheyẹwhe ma nọ sè ylandonọ tọn: ṣigba eyín mẹde yín sinsèntọ Jiwheyẹwhe tọn, bo sọ wa ojlo etọn, ewọ wẹ é nọ sè etọn. 32Sọn dòdó aihọn tọn yè ma ko sè dọ, mede hùn nukun mehe yè ji nukuntọ́nnọ de tọn gbede. 33Eyín dawe he ma tin sọn Jiwheyẹwhe de gba, é ma sọgan wà nudepope. 34Yé sọ gblọn bo do hlan ẹn, dọ, Hiẹ he yè ji patapata to ylando mẹ, hiẹ to mìwlẹ plón? Yé sọ yàn ẹn jeghonu.
35Jesu sọ sè dọ yé yàn ẹn jẹgbonu; podọ mimọ ẹn, é dọmọ, Hiẹ yí Ovi Jiwheyẹwhe tọn se? 36E sọ gblọn bo dọmọ, Menu we ewọ, Okluno, na yẹn nido yí i se? 37Jesu dọ hlan ẹn, dọ, Hiẹ ko mọ ẹn, ewo sọ we mẹhe to hódọ hẹ we. 38E sọ dọmọ, Yẹn yise, Oklunọ. E so litai nẹ. 39Jesu sọ dọmọ, Whèdida wẹ yẹn wá aihọn he mẹ na, na mẹhe ma mọnú dai lẹ nido mọnú; podọ mẹhe mọnú lẹ nido lẹzun nukuntọ́nnọ. 40Enẹlẹ he sọn Falesi lẹ mẹ he tin to e de sè ohó helẹ, bo dọ hlan ẹn, dọ, Mìwlẹ yín nukuntọ́nnọ ga? 41Jesu sọ dọ hlan yé, dọ, Eyín mìwlẹ yín nukuntọ́nnọ, mi ma do tindo ylando gba: ṣigba dinvie mì dọ, Mìwlẹ mọnú; enẹwutu ylando mìtọn to ote.
Currently Selected:
JOHANU 9: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
