LUKU 10
10
1TO onú helẹ godo, Oklunọ sọ dè omẹ kandegbàn devo ga, bo so do yé hlan; awe awe jẹnukọn nẹ yì otodaho po ofi he ewlọsu na jẹ lẹ po mẹ. 2Enẹwutu, é dọ hlan yé, dọ, Ojijẹ lọ yín susunọ, ṣigba àzónwàtọ le wẹ vude; enẹwutu mì hodè hlan Okluno ojijẹ tọn, na é ni do azónwàtọ hlan ójije etọn me. 3Mì yì: pon, yen do mì hlan di lẹngbọvu do ohia ṣẹnṣẹn. 4Mì hẹn sẹgẹ, kavi sakoto, kavi afọpá, blo: mì sọ dọnúdo medepope to aliho blo 5Owhé depope gbè mìbiọ, mì whéwhé ni dọ, Jijoho hlan owhé he. 6Eyín ovi jijọho tọn tin to finẹ, jijọhó mìtọn na jẹte do e ji: eyín é ma tin, é na legò wá mì de. 7Owhé lọ gbè wẹ mì ni dù, bo sọ nù onú depope yè na mì: na azọ́nwàtọ jẹhẹ azónkuẹ etọn. Mì tón sọn owhé de gbè biọ owhé de gbè blo. 8Otòdaho depope mẹ mì biọ, bọ yé yí mì, mì nọ dù onú he yé zé do nukọn na mì. 9Bo nọ hẹnazọ̀ngbọna awutunọ he tin to e mẹ lẹ, bó sọ nọ dọ hlan yé, dọ, Ahọludu Jiwhèyèwhe tọn to sisẹpó jẹ mì dè. 10Ṣigba otòdaho depope me mì biọ, bọ yé ma yí mì, mì ni tón biọ alihogbo otòdaho lọ tọn lẹ́ mẹ bo dọmọ, 11yèdo kógudu sọn otodaho mìtọn mẹ, he lédo afọ mìtọn go, mí súnsún sè do mì ji: sogàn mì ni yón ehe dọ, ahọludu Jiwheyẹwhe tọn wá sẹpọ́ mì. 12Ṣigba yẹn sọ dọ hlan mì, dọ, E ná pónte na Sọdọm to azán nẹ gbè hú na otòdaho nẹ. 13Dìndọn hlan hiẹ, Kolazin! dindọn hlan hiẹ, Betsaida! nà eyín huhlọn lẹ he yè basi to mì mẹ yè ko basi tó Tile po Sidọni po mẹ, yé na ko vọjọ hóhó sinsinai to odévọ po afín po mẹ. 14Ṣogãn é na pónte na Tile po Sidọni po to whẹ̀dida mẹ hú na mì. 15Podọ hiẹ Kapẹlnaumi, he yè zé daga jẹ olọn, híẹ wẹ yè nasọ zíndai do olọnzo mẹ. 16Mẹhe Sè mìtọn, é sè ṣie; mehe sọ vlẹ mì, é vle mi; mẹhè sọ vlẹ mi, é vlẹ ewọ hé do mi hlan.
17Yé omẹ kandegbàn lẹ sọ lẹgò po ayajijẹ po, dọmọ, Oklunọ, yèdọ aovi lẹ yín meglọnọ hlan mí to oyín towe mẹ. 18E sọ dọ hlan yé, dọ, Yẹn mọ Satani di abì, flé sọn olọn jeai. 19Do ayi e go, yẹn na aṣẹ́ mì, nado tunafọ odan po aklekle po ji, podọ to huhlọn kẹ̀ntọ! tọn lẹpo ji: nudepope ma na gbleawuna mì gba. 20Sògàn mì jaya to ehe mẹ blo, dọ gbigbọ lẹ yín meglọnọ hlan mì, ṣigba mì ni jaya dọ yè wlan oyín mìtọn to olọn mẹ.
21To ojlẹ doponelọ mẹ wẹ Jesu sọ jaya gbọn Gbigbọ Wiwe dali, bo dọmọ, Yẹn dòpéna we, Otọ́, Oklunọ olọn po aihọn po tọn, na hiẹ ko yí onú helẹ whlá sọn nuyọnẹntọ lẹ, po zìnzìntọ lẹ po de, bò sọ do yé hia hlan ovivu le: mọwẹ, Otọ́: dọ mọ wẹ é yín nuhùnhomẹmẹ do to nukun towe mẹ. 22Onú lẹpo wẹ yè jo hlan mi sọn Otọ́ ṣie de: mẹde ma sọ yón mẹhe Ovi yín, adavo Otọ́; podọ mẹhe Otọ́ yín, adavo Ovi, podọ mẹhe jlo é, é yí i hia Han. 23Lilé pànnukọn nuplọntọ étọn lẹ, é dọ to nuglọ, dọ, Donanọ wẹ nukun he to onú he mì to mimọ hẹlẹ mọ: 24Na yẹn dọ hlàn mì, yẹwhegán lẹ po ahọlu lẹ po jlo na mọ onu he mì to mimọ, yé ma sọ mọ yé: podọ nado sè onú he mì to sisè, bo ma sọ sè yé.
25Do ayi e go, osẹ́nno de sọ fọ́n site, bo whiwhlé e pọ́n, dọmọ, Mẹplọntọ, etẹwẹ yẹn na wà nado dugú ogbẹ madopodo tọn? 26E sọ dọ hlan ẹn dọ, Etẹwẹ yè wlan do osén me? Nawẹ hiẹ hia do? 27E sọ gblọn dọmọ, Hiẹ na yiwanna Oklunọ Jiwheyẹwhe towe sọn ayiha towe lẹpo mẹ, podọ sọn alindọn towe lẹpo mẹ, podọ sọn huhlọn towe lẹpo mẹ, podọ sọn otu towe lepo mẹ; pódọ kọmẹnu towe di dewe. 28E sọ dọ hlan ẹn, dọ, Hiẹ gblọn doganji: wà éhe, hiẹ nasọ gán 29Ṣigba ewọ jijlo nado pa ede, dọ hlan Jesu, dọmọ, Mẹnu ka wẹ komẹnu ṣie? 30Jesu sọ gblọn bo dọmọ, Dawe de jẹte sọn Jelusalẹm, jei Jẹliko, bo sọ jẹ alọ ajotọ lẹ tọn mẹ, he yí avọ̀ etọn sọn e go, bo sọ húnu in, bo sọ hòn jo e do yí bedèbedè. 31Gbon okosọ dali wẹ yẹwhenọ de jẹte gbọn finẹ dali jei; whenuena é mọ ẹn, é lé gbọn awà awetọ ji yì. 32Mọkẹdẹ wẹ Levite de ga, whenuena é jẹ ofi lọ bo mọ ẹn, é lé gbọn awà awetọ ji. 33Ṣigba Samalitọ de, le é gbéjizọnlinji jeì jẹ ofi he é te: whenuena é mọ ẹn, lẹblanu wá ẹ 34E yì e de, bo bla alán nẹ, bo kòn amì po ovẹ̃n po do e mẹ, bo sọ zé e do kanlin ewlọsu tọn ji, bo hen ẹn wá dòhò me, bo to e go pọ́n. 35Podọ to aihọngbe, whenuena è jei, é yí abọgankuẹ awe, bo sọ na dohogán, bo sọ dọ hlan ẹn, dọ, Pọ́n e go: onú depope hiẹ sọ zán lánhu, whenuena yẹn lẹgò, yẹn na sú we. 36Mẹnu to yé omẹ atọ̀n helẹ mẹ, wẹ hiẹ lẹn do kọmẹnu hia hlan mẹhe jẹ alọ ajotọ lẹ tọn mẹ? 37E sọ dọmọ, Ewọ he do lẹblanu hia to e ji. Whenẹnu wẹ Jesu dọ hlánẹn, dọ, Yì, bo no wà mọkẹdẹ.
38Dinvie, le yé yìyì to aliho yetọn ji, é biọ gbeta de mẹ: nawe he yè nọ ylọ Malta yí i do owhé etọn gbè. 39E sọ tindo nọvi yọnnu de, he yè nọ ylọ Malia, mẹhe ga sinai to afọ Jesu tọn go, bo to ohó etọn sè. 40Ṣigba Malta to jajaji na sinsẹ̀n susu; é sọhẹji, wá e de, bo dọmọ, Oklunọ, hiẹ ma hòpón dọ nọvi yọnnu ṣie jo yẹn dopo do nado to sinsènbasi? èhẹwutu dègbèdo é dọ é ni gọàlọ na mi. 41Jesu sọ gblọn bo dọ hlan ẹn, dọ, Malta, Malta, hiẹ yín magbojẹnọ podọ tuklanọ na onu susu tọn: 42Ṣigba onú pẹvide wẹ yín núwhedo: Malia ko dè omọ̀n dagbe lọ, he yè ma sọgan yí sọn e de.
Currently Selected:
LUKU 10: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
