LUKU 18

1E SỌ dọ oló de hlan yé, na onú helẹ wutu, dọ é jẹ yé do nọ hodẹ to whepoponu, bo ma nado gbọje gba; 2dọmọ, Whẹdatọ de tin to oto de me he ma dibusi Jiwheyẹwhe, bo ma sọ ho mẹde pọ́n. 3Asusiọsi de sọ tin to otò daho nẹ mẹ; é nọ wá e de whẹwhẹ, dọmọ, Wà dódó na mi son mẹglatọ ṣie de. 4E ma so jlo na ojle de; ṣigba to godo, é dọ to ede homẹ, dọ, Eyín yen ma tlẹ dibusi Jiwheyẹwhe, bo ma sọ hò gbẹtọ pọ́n: 5gãnṣo na asusiọsi he tuklado mi wutu, yẹn na yiahọsu nẹ̃, ewọ nikã hẹn agbopé mi gbọn osahiho etọn whẹ̃whẹ dali. 6Oklunọ sọ domọ, Mì sè onu he whẹdatọ mawadódo ton dọ. 7Be Jiwheyẹwhe ma na yiahọsuna mesinyansinyan etọn lẹ, he to awhádo hlan ẹn to okle po ozán po, bọ ewọ so yín linsinẹníọ to yé ji? 8Yen sọ dọ hlan mì, dọmọ, E na wà dódó na yé plaun. Ṣogãn whenuena Ovi gbẹtọ tọn wá, be é na mọ yise to aihọn mẹ?

9E sọ dọ oló he ga hlan mẹdelẹ he dotu do yéde go dọ dódónọ wẹ yé, bo sọ to medevo lẹ vlẹ, dọ: 10Omẹ awe heji yì templi mẹ nado hodẹ, ode yín Falesi, awetọ sọ yín tòkuesinyantọ de. 11Falesi sọ site bo dóho to ede de dole, dọmọ, Jiwheyẹwhe, yẹn dopéna we, na yẹn ma tin di pipòtọ gbẹto lẹ tọn gba, alọslonamẹtọ lẹ, mawànugbonọ, ayọdetọ, kavi yèdọ di tòkuẹsinyantọ he gba. 12Yẹn nọ blanù whlawe to azán ṣinawe mẹ, yẹn sọ nọ na madao onú he yẹn tindo lẹpo tọn. 13Ṣigba tòkuẹsinyantọ lọ site to aganu ma tlẹ sogan zé nukun etọn daga hlan olọn, ṣigba zìnnudo akọnnu etọn, dọmọ, Jiwheyẹwhe, yín nukundagbenọ hlan mi, ylandonọ lọ. 14Yẹn sọ dọ hlan mì, dọmọ, Dawe he jẹte yì owhé etọn gbè whẹsuna hú awetọ; na mẹdepope he zé ede daga na yin zindai, mẹhe sọ zín ede dai, na yín zizedaga.

15Yé sọ zé yọpọvu lẹ wá e de ga, na é nido doalọ yé go: ṣigba whenuena nu-plọntọ lẹ mọ ẹn, yé wọhẹ ye 16Ṣigba Jesu ylọ yé do é de, bo dọmọ, Mì gbọ yọpọvu lẹ ni wá dẹ̃, mì sọ kóna yé blo: na yé omẹ mọhunkọ lẹ tọn wẹ ahọludu Jiwheyẹwhe tọn. 17Nugbo wẹ yẹn dọ hlan mì, Mẹdepope he ma yí ahọludu Jiwheyẹwhe tọn di yọpọvu de ma to na biọ finẹ, eyín é bo sọ to depope.

18Ogán de sọ kanbiọ ẹ dọmọ, Mẹplontọ dagbe, etẹ yen na wà do dugú ogbó madopodo tọn? 19Jesu sọ dọ hlan ẹn, dọmọ, Etẹwutu wẹ hiẹ ylọ mi dagbe? Mẹde ma yin dagbe, adavo omẹ dopo, enẹ wẹ Jiwheyẹwhe. 20Hiẹ yón osén nẹlẹ, A deayọ blo, A hùmẹ blo, A dekunnu lalo tọn blo, Gbògbéna otọ́ towe po onọ towe po. 21E sọ dọmọ, Ehelẹ pó we yen ko payi e go sọn ovú ṣie gọbn 22Whenuena Jesu sè onú helẹ, é dọ hlan ẹn, domọ, Onú dopo wẹ whèdo we: yì sà onú he hiẹ tindo lẹpo, bo má hlan wamọnọ lẹ, hiẹ nasọ tindo adọkunnú to olọn mẹ: bo wá, hodo mi. 23Ṣigba whenuena é sè onú helẹ é lẹzun awublanọ susu: na é yín adọkunnọ susu wutu. 24Podọ Jesu mimọ ẹn dọmọ, Nawẹ é na sinyẹn do na mẹhe tindo adọkun nado biọ ahọludu Jiwheyẹwhe tọnmẹ! 25Na é bọawú na kanklosọpóawenọ de nado biọ nuvo yẹnvi tọn mẹ, hú na adọkunnọ de nado biọ ahọludu Jiwheyẹwhe tọn mẹ. 26Yé mẹhe sọ sè é lẹ, dọmọ, Be mẹnu ka wẹ sọgan gán? 27Ṣigba é dọmo, Ònú he yín giglo to gbẹtọ de, ma glo Jiwheyẹwhe de gba. 28Pita sọ domọ, Pọ́n, mìwlẹ ko jo owhe mìtọn lọsu lẹ dai, bo sọ hodo we. 29E sọ dọ hlan ye, dọmọ, Nugbo wẹ yẹn dọ hlan mì, Mẹde ma tin, he jo owhé, kavi asi, kavi mẹmẹsunnu, kavi mẹjitọ lẹ, kavi ovi dai, na ahọludu Jiwheyẹwhe tọn wutu, 30ehe ma na mọ donususu hú yí to ojlẹ he mẹ, podọ to aihọn he ja mẹ ogbẹ madopodo.

31E sọ yí omẹ wiawe lẹ do é de, bo dọ hlan yé, dọmọ, Pọ́n, mìwlẹ jei Jelusalẹm, onú he yè wlan gbọn yẹwhegán lẹ me na yín hinhen di hlan Ovi gbẹtọ tọn. 32Na yè na jo e hlan Kosi le, yè nasọ yí i do vlẹwọn, yè nasọ yí owinyan do sayá hẹ ẹ, yè nasọ túntán do ogo nẹ̃: 33yè na hò e, bo nasọ hù i: azán atọntọ gbè, é nasọ fọ́n. 34Yé ma sọ tunwun onú helẹ depope: ohó hele sọ whlá do yé, mọwẹ yé ma sọ mọ onú he yè dọ lẹ.

35E sọ wá jọ, lẹ é dòn sẹpọ́ Jẹliko, dawe nukuntọ́nnọ de sinai to alihota to nubiọ. 36Sisè agùndaho dó to jujuwajei, é kanse dọ, etẹ yè yọn ehe na. 37Yé sọ dọ nẹ, dọmo, Jesu Nazalẹti tọn wẹ juwajei. 38E sọ dawhá dọmọ, Jesu, hie ovi Davidi tọn, wàlẹblanuna mi. 39Yé mẹhe to yìyì to nukọn lẹ sọ to wiwọhe ẹ na èwọ ni nabẹ: ṣigba é sọ dawhá daga humọ, dọ, Hiẹ ovi Davidi tọn, wàlẹblanuna mi. 40Jesu site, bo sọ dègbe é nado yín hinhẹn wá é de; whenuena yè sọ hẹn ẹn wá sepó, é kanse e, 41domọ, Etẹ hiẹ jlo dọ yẹn ni wà hlan we? E sọ dọmọ, Okluno, na yẹn ni mọ nukunnumọ ṣie yí. 42Jesu sọ dọ hlan en, dọmọ, Mọ nukunnumọ towe yí; yise towe ko whlẹn we gán. 43Tẹndoponẹmẹ, é mọ nukunnumọ etọn yí, bo sọ to hihodó e, bo to gigopana Jiwheyẹwhe: podọ gbẹtọ lẹpo whenuena yé mọ ẹn, yé na pipa hlan Jiwheyẹwhe.

Currently Selected:

LUKU 18: BWL23

Highlight

Copy