Li-vi Ki 18

Yû-koân Yìm-lon ke Kim-lin

1Song-chú fûn-fu Mô-sî 2lâu Yî-set-lie̍t-ngìn kóng: “Ngài he Song-chú — ngì-têu ke Song-ti. 3Ngì-têu he̍t-ko Âi-khi̍p, chúng-he ngì-têu cho-m̀-tet ho̍k ke thi-fông ke fûng-siu̍k. Ngài oi thu ngì-têu ngi̍p Kâ-nàm-thi, chúng-he ngì-têu ya cho-m̀-tet ho̍k ke thi-fông ke fûng-siu̍k. Cho-m̀-tet thèn kì-têu ke fái kûi-kí. 4Ngì-têu oi chûn-sú Ngài ke fap-li̍t, sṳ̍t-hàng Ngài ke min-lin. Ngài he Song-chú — ngì-têu ke Song-ti. 5Ngì-têu oi chûn-sú Ngài ke fap-li̍t lâu min-lin; án-ngiòng, ngì-têu chhiu nèn tet-tó sâng-miang. Ngài he Song-chú.

6“Mò-lun má-ngìn chhiòn-phu cho-m̀-tet lâu kut-ngiuk chṳ̂-chhîn lon-lùn. Ngài he Song-chú.

7“Cho-m̀-tet lâu chhṳ-kâ ke â-mê lon-lùn, siû-yu̍k â-pâ; cho-m̀-tet vú-yu̍k chhṳ-kâ ke â-mê.

8“Cho-m̀-tet lâu â-pâ khì-thâ ke pû-ngiòng lon-lùn, siû-yu̍k â-pâ.

9“Cho-m̀-tet lâu chhṳ-kâ ke chhîn chí-moi, mò khiung â-mê ya-he mò khiung â-pâ ke chí-moi lon-lùn; put-kón kì he m̀-he chhiùng-se lâu ngì chhai vuk-hâ khiung-ha sên-fa̍t to-thai.

10“Cho-m̀-tet lâu chhṳ-kâ ke sûn-ńg ya-he ngoi sûn-ńg lon-lùn, liá he siû-yu̍k ngì chhṳ-kâ.

11“Cho-m̀-tet lâu mò khiung â-mê ke chí-moi lon-lùn, yîn-vi kì ya he ngì ke chí-moi.

12“Cho-m̀-tet lâu chhṳ-kâ ke â-kû 13ya-he â-yì lon-lùn.

14“Cho-m̀-tet lâu chhṳ-kâ ke pak-mê ya-he suk-mê lon-lùn, siû-yu̍k â-pak ya-he â-suk.

15“Cho-m̀-tet lâu chhṳ-kâ ke sîm-khiû lon-lùn, kì he ngiâ lai-é ke pû-ngiòng. 16Cho-m̀-tet lâu chhṳ-kâ ke â-só ya-he ló-thâi sîm-khiû lon-lùn, siû-yu̍k ngiâ hiûng-thi.

17“Sṳt lâu ngì yû sin koân-he ke fu-ngìn-kâ, ngì cho-m̀-tet lâu kiâ moi-é, sûn-ńg ya-he ngoi sûn-ńg yû sin koân-he; kì-têu he kiâ kut-ngiuk chṳ̂-chhîn, án-ngiòng cho he chhin chit-ok.

18“Ngiâ pû-ngiòng hàn-chhôi, cho-m̀-tet thó kiâ chí-moi lâu kì cho tui-thèu, siû-yu̍k kì.

19“Cho-m̀-tet lâu kîn-khì nui ke ńg-ngìn yû sin koân-he, yîn-vi kì he mò chhiang-li ke.

20“Cho-m̀-tet lâu phe̍t-ngìn ke pû-ngiòng sṳ̂-thûng, siû-yu̍k ngì chhṳ-kâ.

21“Cho-m̀-tet chiông chhṳ-kâ ke chṳ́-ńg chún-cho chi-vu̍t sêu-hien pûn sià-sṳ̀n Mô-lo̍k, yîn-vi án-ngiòng he vú-yu̍k ngì ke Song-ti. Ngài he Song-chú.

22“Nàm-ngìn cho-m̀-tet lâu nàm-ngìn yû sin koân-he, chhiong lâu ńg-ngìn yû sin koân-he yit-yong; liá he chit-ok ke sṳ.

23“Mò-lun nàm-ńg chhiòn-phu cho-m̀-tet lâu chhu-lui yû sin koân-he; yîn-vi liá he vì-poi thiên-sin ke hàng-vì, he siû-yu̍k chhṳ-kâ.

24“Ngì-têu cho-m̀-tet fam yî-song só-lie̍t ke só-yû hàng-vì lòi siû-yu̍k chhṳ-kâ, yîn-vi Ngài oi tui ngì-têu mien-chhièn kiuk-chéu ke ke-têu ngoi-chhu̍k ngìn, chhiu-he yîn-vi cho liá-têu sṳ lòi siû-yu̍k chhṳ-kâ. 25Kì-têu ke phai-fái tá-lá-sap ke thú-thi, só-yî Ngài chit-fa̍t ke thú-thi, sṳ́ thú-thi phi-chhut kì ke chhu-mìn. 26Kì-têu cho liá yit-chhiet chit-ok ke sṳ, tá-lá-sap thú-thi, 27chúng-he ngì-têu cho-m̀-tet fam khiung-yong ke chhui. Ngì-têu mò-lun he Yî-set-lie̍t-ngìn ya-he chhiam-he̍t ke lî-hak, yit-thin oi chûn-hàng Ngài ke fap-li̍t lâu min-lin, 28miên-tet ngì-têu tá-lá-sap ke thú-thi, ke-thi chhiu chiông ngì-têu phi chhut-hi, chhiong phi-chhut chhai ngì-têu yî-chhièn ke kok mìn-chhu̍k yit-yong.

29“Mò-lun má-ngìn cho liá-têu chit-ok ke sṳ, má-ngìn chhiu-oi tui chhṳ-kâ ke chṳ́-mìn chûng chhù-miàng. 30Ngì-têu oi sun-chhiùng Ngài só siên-pu ke min-lin; cho-m̀-tet ho̍k chhai ngì-têu yî-chhièn he̍t ke ngìn ke fái fûng-siu̍k, miên-tet ngì-têu cho chit-ok ke sṳ lòi siû-yu̍k chhṳ-kâ. Ngài he Song-chú — ngì-têu ke Song-ti.”

Currently Selected:

Li-vi Ki 18: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Li-vi Ki 18

Popular Bible Verses from
Li-vi Ki 18

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 18

Li-vi Ki 18

Popular Bible Verses from Li-vi Ki 18

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 18

Popular Bible Verses from
Li-vi Ki 18