Li-vi Ki 17

Hiet ke Sṳ̀n-sṳn

1Song-chú fûn-fu Mô-sî 2hiong Â-lùn lâu kì ke-têu lai-é, pin Yî-set-lie̍t chhiòn-phu ngìn-mìn siên-pu yî-ha ke thiàu-li. 3Yî-set-lie̍t-ngìn oi chhai Song-chú ke sṳn-chong-phùng mùn-héu chhṳ̀ ngiù-kú, mièn-yòng, sân yòng-kú hien-pûn Song-chú cho sên-ngì; na-he sùi-phien chhai yàng-tú ya-he yàng-ngoi phe̍t ke thi-fông chhṳ̀ thèu-sâng, 4liù-hiet ke chhui chhiu-he kûi-to ke-ngìn sṳ̂n-song. Kì ki-yèn sṳ́ hiet liù-chhut, chhiu yit-thin oi tui Song-chú ke chṳ́-mìn chûng chhù-miàng. 5Liá-ke thiàu-li chú-yeu ke muk-tit he oi Yî-set-lie̍t-ngìn chiông thèu-sâng tai-lòi hien-pûn Song-chú. Yî-chhièn kì-têu chhai yâ-ngoi chhṳ̀ thèu-sâng, liá-ha oi chiông thèu-sâng tai-to sṳn-chong-phùng mùn-héu lòi kâu-pûn chi-sṳ̂ cho phìn-ôn-chi hien-pûn Song-chú. 6Chi-sṳ̂ oi chiông thèu-sâng ke hiet hia chhai sṳn-chong-phùng mùn-héu, Song-chú ke chi-thàn si chû-vì, chiông yù sêu-thet, fat-chhut Song-chú só fôn-hí ke hiông-mi. 7Yî-set-lie̍t-ngìn chhie̍t-tui cho-m̀-tet chai phoi-ngia̍k Song-chú, chhai yâ-ngoi chhṳ̀ thèu-sâng hien-pûn sân-yòng-kúi. Yî-set-lie̍t-ngìn yit-thin oi sṳ-sṳ thoi-thoi chûn-hàng liá thiàu-li.

8Yî-set-lie̍t-ngìn lâu chhiam-sṳ̀ he̍t chhai kì-têu tông-chûng ke lî-hak, oi chhai sṳn-chong-phùng mùn-héu hien sêu-fa-chi ya-he khì-thâ sên-ngì pûn Song-chú; 9na-he sùi-phien chhai phe̍t ke thi-fông hien-chi, chhiu yit-thin oi tui Song-chú ke chṳ́-mìn chûng chhù-miàng.

10Na-he yû Yî-set-lie̍t-ngìn ya-he chhiam-sṳ̀ he̍t chhai kì-têu tông-chûng ke lî-hak, mò-lun sṳ̍t má-ke hiet, Song-chú oi tui ke sṳ̍t hiet ke ngìn pien-mien, oi chiông kì tui chhṳ-kâ ke chṳ́-mìn chûng chhù-thet. 11Yîn-vi thung-vu̍t ke sâng-miang chhai hiet tî-poi, só-yî Song-chú chiông hiet su-pûn ngì-têu, oi chhai chi-thàn táng vi ngì-têu ke sâng-miang su̍k-chhui; yîn-vi hiet tî-poi yû sâng-miang, só-yî nèn su̍k-chhui. 12Só-yî, Song-chú kim-chṳ́ Yî-set-lie̍t-ngìn lâu chhiam-sṳ̀ he̍t chhai kì-têu tông-chûng ke lî-hak sṳ̍t hiet.

13Na-he yû Yî-set-lie̍t-ngìn ya-he chhiam-sṳ̀ he̍t chhai kì-têu tông-chûng ke lî-hak tá-lia̍p tet-tó chhiang-li ke yâ-chhu ya-he tiâu-é, yit-thin oi chiông kì ke hiet piong-thet, chiông hiet yung nài mài-thet. 14Kok-chúng thung-vu̍t ke sâng-miang chhai hiet tî-poi, só-yî Song-chú kim-chṳ́ Yî-set-lie̍t-ngìn sṳ̍t só-yû thung-vu̍t ke hiet; má-ngìn sṳ̍t thung-vu̍t ke hiet, má-ngìn chhiu-oi tui Song-chú ke chṳ́-mìn chûng chhù-miàng.

15Má-ngìn sṳ̍t-tó chhṳ-yèn sí-thet ke thung-vu̍t ya-he pûn yâ-chhu ngâu-sí ke thung-vu̍t, mò-lun he Yî-set-lie̍t-ngìn ya-he chhiam-he̍t ke lî-hak, yit-thin oi siên sé-chhiang sâm-fu, sé-sṳ̂n, tén-to ke-ngit lìm-am-é yî-heu chang-son chhiang-li. 16Na-he kì m̀ sé-chhiang sâm-fu, ya m̀ sé-sṳ̂n, kì yit-thin oi tâm-tông chhṳ-kâ ke chhui.

Currently Selected:

Li-vi Ki 17: THV12Rdb

Highlight

Copy

Compare

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Li-vi Ki 17

Popular Bible Verses from
Li-vi Ki 17

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 17

Li-vi Ki 17

Popular Bible Verses from Li-vi Ki 17

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Li-vi Ki 17

Popular Bible Verses from
Li-vi Ki 17