1 Samuel 16
16
David qo'yalegue da'me lejaliaĝa gaa'me Israel laje'pi
1'Uo jo'me nolo', ñe'me Jaliaĝanec dojapegue' ñe'me Samuel, eetac:
«¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»
2Qama'le Samuel yenat:
«¡Yataqachiñe ja jaqanatet ta'le ja'uo da'me dojo'! Qom noma'a ñe'me Saúl, qama'le jayem yalat jaĝa'te.»
Ñe'me Jaliaĝanec 'yateguet:
«Auauec jaga'me uaca c'oqote qama'le a'uaqataĝanem queda'me jetaque aua'uo ga'me adajaqajec jo'ne jayem auanem. 3Yem qama'le aviyaĝana ñe'me Jesé qaedi am yec'ata da'me aua'uo ga'me adajaqajec, qama'le ua'a da'me am ja'aĝatem ga'me jo'ne jetaque aua'uo. Qama'le auen qomle jaliaĝanec ga'me jo'ne yiquiyac.»
4Qama'le Samuel ya'uo ga'me jo'ne 'yaĝatem ñe'me Jaliaĝanec. Qama'le da'me yovita di'me Belén, jogaa'me 'yaĝaicachidi ñedijeguem da'me queteda'aguet. Qalaĝaja 'uo ga'me loqolanaqa't, qama'le yena't:
«¿Qo'li auanachitac da'me at'emaĝac da'me auanaequena?»
5Qama'le 'yat ñe'me Samuel:
«Jaa'a, naq'aeta jaĝa'te. Ñanaequena qaedi ja'uo da'me najaqajec jo'ne janem ñe'me Jaliaĝanec. Chane'eja aniyoyila't qama'le jayem anec'achiya.»
Qama'le Samuel nach'e ena'am niyoiñe ñe'me Jesé choqonaa'me c'oqo'te, qama'le e'n yec'adeta ga'me ya'uo jo'ne lajaqajec. 6Qama'le da'me ena'uaque nalo'ta'ajalo, Samuel yauana ñe'me Eliab, qama'le uelnat: «Yataqata naqaeda, dojo' da'me liquiyac joñe'me Jaliaĝanec.»
7Qalaĝaja ñe'me Jaliaĝanec dojapegue' ñe'me Samuel, eetac:
«Ena'te auec'aten joga'me p'aye choqoda'me nejiyaĝauayaĝac da'me loguedaic, qa'a da'me dojo' ja naqaeda da'me yiquiyac. Qa'a jayem Jaliaĝanec jo'ne jauana yema ga'me jo'ne ja yauana ga'me jiyaĝaua. Ga'me jiyaĝaua yec'aten ga'me jo'ne yauata gaa'me 'lai'te; qalaĝaja da'me jayem qamqa'me jec'aten jaga'me lequidiaqate.»
8Yem qama'le Jesé yiyaĝana ñe'me Abinadab, qama'le en dajoya'aguet ñe'me Samuel, qalaĝaja joñe'me enaac:
«Nataq'aen da'me dojo', ja naqaeda da'me liquiyac ñe'me Jaliaĝanec.»
9Qama'le Jesé yiyaĝana ñe'me Samá, qama'le Samuel yitaĝa 'viyelaĝalegue da'me enaac:
«Nach'e ena'am dojo' ja naqaeda da'me liquiyac ñe'me Jaliaĝanec.»
10Ñe'me Jesé yajoĝona'agueta gaa'me siete c'oqo'te, qalaĝaja Samuel eetac:
«Qaya'te onolec liquiyac ñe'me Jaliaĝanec naa'me naajo' ac'oqo'te.»
11Chane'eja ñe'me Samuel yitaĝa yenat:
«¿Qo'li nach'enauate' naa'me naajo' ac'oqo'te?»
Qama'le Jesé 'yateguet:
«Maliaĝa jo'me onolec jo'ne jaqayi, qalaĝaja neteloqo't gaa'me 'nanaĝatel.»
Qama'le Samuel eetac:
«Aueloyaque, qa'a qom ja novi', ja paja'a jauoqo joga'me jetaque ja'uo.»
12Chane'eja Jesé damajoĝonaque joñe'me qaedi yajoĝona'aguet ñe'me Samuel. Joñe'me nejoqolec yataqata onaĝaic da'me 'loyaĝac. Qama'le ñe'me Jaliaĝanec dojapegue' ñe'me Samuel, eetac:
«Naqaena jo'ne mach'e yiquiyac: a'ualegue da'me lejaliaĝa qomle.»
13Chane'eja Samuel yacona ga'me jiyac lepee jo'ne aceite lae't 'me yachitac, qama'le yecodelegue joñe'me David queda'me naqaeñe jaliaĝanec qomle; gaa'me laqaya' yataqachiñe yauatadelegue. Qama'le chiyaqa'ña jo'me nolo' da'me Dios lañoqotaĝanaĝac nach'e eta't ue'tajop ñe'me.
Yem da'me dojo' ca'li, ñe'me Samuel 'viyelaĝague di'me Ramá.
Saúl en lalemaĝajet ñe'me David
14Ñe'me lañoqotaĝanaĝac ñe'me Jaliaĝanec joote ca'ae ñe'me Saúl, qama'le 'uo ñe'me nepaqal jo'ne ja no'en, yanem ñe'me Jaliaĝanec, nataq'aen nach'e eta't da'me yequeuogaĝatac. 15Qama'le jogaa'me lalemaĝaje'te dojedapegue' joñe'me Saúl:
«Jayatenaq queda'me am yequeuogaĝatac ñe'me nepaqal ja no'en jo'ne am yanem ñe'me Dios. 16Chane'eja 'noota ta'le aua'uo ga'me adamaĝajec qaedi yelaque joga'me yayaten da'me yeviquiñi jaga'me neviqui, qaedi qom novita ñe'me nepaqal da'me am yequeuogaĝan, joñe'me yeviquiñi jaga'me neviqui qama'le am en machiñe q'aen.»
17Qama'le Saúl 'yat:
«Jamoyi, aueloyaque joga'me jo'ne yayaten da'me yeviquiñi jaga'me neviqui, qaedi anaviquiquena.»
18Ga'me lalemaĝajet laqaya enaac:
«Da'me jayem jayaten ga'me jo'ne c'oĝot ñe'me Jesé, jo'ne 'lachaqa' di'me Belén. Yataqachiñe yayaten da'me yeviquiñi jana'me neviqui, nataq'aen da'me ue'tajop da'me 'lañaĝac, nataq'aen qom doje yataqatelegue ga'me 'laqatac. Nataq'aen onaĝaic da'me 'loyaĝac, nataq'aen ue'tajop ñe'me Jaliaĝanec.»
19Chane'eja Saúl yauo'oe gaa'me lamaĝa's qaedi dajotegue ñe'me Jesé, eetac ga'me 'laqatac:
«Anamaĝaquena ga'me ac'oĝot 'me David, jo'ne neteloqo't gaa'me 'nanaĝatel.»
20Qama'le ñe'me Jesé yamaĝa ñe'me David, nataq'aen ga'me pan yachalegue ga'me ajena, choqoga'me lataĝa jo'ne uaye ga'me jiyac lo'oc nataq'aen ga'me quetaq c'oĝot, naajo' jo'ne en neme ñe'me Saúl.
21Ca'li yovita ñe'me David, male dajoya'aguet joñe'me jaliaĝanec Saúl; mane'e da'me yauana ñe'me Saúl joñe'me, yataqachiñe 'uo da'me liyamaĝadenataĝanaĝac, qama'le nach'eñe en lecochaĝaua. 22Yem qama'le Saúl damajoĝonegue ñe'me Jesé, eetac ga'me 'laqatac:
«Am ñachoĝodenot qaedi auajeta ñe'me ac'oĝot David da'me jayem ue'tajop, qa'a yataqachiñe 'uo da'me yiyamaĝadenataĝanaĝac joñe'me.»
23Chane'eja nale novita ñe'me nepaqal jo'ne ja no'en jo'ne yanem ñe'me Dios qaedi yequeuogaĝan ñe'me Saúl, qama'le David yacona nale jaga'me leviqui qama'le yeviquiñi. Naqaeda en machiñe q'aen nale ñe'me Saúl qama'le matelegue da'me nejiyaĝauayaĝac. Ua'a nale ñe'me nepaqal jo'ne ja no'en ca'ae ñe'me.
Currently Selected:
1 Samuel 16: TDO
Highlight
Share
Copy
Want to have your highlights saved across all your devices? Sign up or sign in
Biblia en Toba del Oeste © Sociedad Bíblica Argentina, 2014, 2019.
1 Samuel 16
16
David qo'yalegue da'me lejaliaĝa gaa'me Israel laje'pi
1'Uo jo'me nolo', ñe'me Jaliaĝanec dojapegue' ñe'me Samuel, eetac:
«¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»
2Qama'le Samuel yenat:
«¡Yataqachiñe ja jaqanatet ta'le ja'uo da'me dojo'! Qom noma'a ñe'me Saúl, qama'le jayem yalat jaĝa'te.»
Ñe'me Jaliaĝanec 'yateguet:
«Auauec jaga'me uaca c'oqote qama'le a'uaqataĝanem queda'me jetaque aua'uo ga'me adajaqajec jo'ne jayem auanem. 3Yem qama'le aviyaĝana ñe'me Jesé qaedi am yec'ata da'me aua'uo ga'me adajaqajec, qama'le ua'a da'me am ja'aĝatem ga'me jo'ne jetaque aua'uo. Qama'le auen qomle jaliaĝanec ga'me jo'ne yiquiyac.»
4Qama'le Samuel ya'uo ga'me jo'ne 'yaĝatem ñe'me Jaliaĝanec. Qama'le da'me yovita di'me Belén, jogaa'me 'yaĝaicachidi ñedijeguem da'me queteda'aguet. Qalaĝaja 'uo ga'me loqolanaqa't, qama'le yena't:
«¿Qo'li auanachitac da'me at'emaĝac da'me auanaequena?»
5Qama'le 'yat ñe'me Samuel:
«Jaa'a, naq'aeta jaĝa'te. Ñanaequena qaedi ja'uo da'me najaqajec jo'ne janem ñe'me Jaliaĝanec. Chane'eja aniyoyila't qama'le jayem anec'achiya.»
Qama'le Samuel nach'e ena'am niyoiñe ñe'me Jesé choqonaa'me c'oqo'te, qama'le e'n yec'adeta ga'me ya'uo jo'ne lajaqajec. 6Qama'le da'me ena'uaque nalo'ta'ajalo, Samuel yauana ñe'me Eliab, qama'le uelnat: «Yataqata naqaeda, dojo' da'me liquiyac joñe'me Jaliaĝanec.»
7Qalaĝaja ñe'me Jaliaĝanec dojapegue' ñe'me Samuel, eetac:
«Ena'te auec'aten joga'me p'aye choqoda'me nejiyaĝauayaĝac da'me loguedaic, qa'a da'me dojo' ja naqaeda da'me yiquiyac. Qa'a jayem Jaliaĝanec jo'ne jauana yema ga'me jo'ne ja yauana ga'me jiyaĝaua. Ga'me jiyaĝaua yec'aten ga'me jo'ne yauata gaa'me 'lai'te; qalaĝaja da'me jayem qamqa'me jec'aten jaga'me lequidiaqate.»
8Yem qama'le Jesé yiyaĝana ñe'me Abinadab, qama'le en dajoya'aguet ñe'me Samuel, qalaĝaja joñe'me enaac:
«Nataq'aen da'me dojo', ja naqaeda da'me liquiyac ñe'me Jaliaĝanec.»
9Qama'le Jesé yiyaĝana ñe'me Samá, qama'le Samuel yitaĝa 'viyelaĝalegue da'me enaac:
«Nach'e ena'am dojo' ja naqaeda da'me liquiyac ñe'me Jaliaĝanec.»
10Ñe'me Jesé yajoĝona'agueta gaa'me siete c'oqo'te, qalaĝaja Samuel eetac:
«Qaya'te onolec liquiyac ñe'me Jaliaĝanec naa'me naajo' ac'oqo'te.»
11Chane'eja ñe'me Samuel yitaĝa yenat:
«¿Qo'li nach'enauate' naa'me naajo' ac'oqo'te?»
Qama'le Jesé 'yateguet:
«Maliaĝa jo'me onolec jo'ne jaqayi, qalaĝaja neteloqo't gaa'me 'nanaĝatel.»
Qama'le Samuel eetac:
«Aueloyaque, qa'a qom ja novi', ja paja'a jauoqo joga'me jetaque ja'uo.»
12Chane'eja Jesé damajoĝonaque joñe'me qaedi yajoĝona'aguet ñe'me Samuel. Joñe'me nejoqolec yataqata onaĝaic da'me 'loyaĝac. Qama'le ñe'me Jaliaĝanec dojapegue' ñe'me Samuel, eetac:
«Naqaena jo'ne mach'e yiquiyac: a'ualegue da'me lejaliaĝa qomle.»
13Chane'eja Samuel yacona ga'me jiyac lepee jo'ne aceite lae't 'me yachitac, qama'le yecodelegue joñe'me David queda'me naqaeñe jaliaĝanec qomle; gaa'me laqaya' yataqachiñe yauatadelegue. Qama'le chiyaqa'ña jo'me nolo' da'me Dios lañoqotaĝanaĝac nach'e eta't ue'tajop ñe'me.
Yem da'me dojo' ca'li, ñe'me Samuel 'viyelaĝague di'me Ramá.
Saúl en lalemaĝajet ñe'me David
14Ñe'me lañoqotaĝanaĝac ñe'me Jaliaĝanec joote ca'ae ñe'me Saúl, qama'le 'uo ñe'me nepaqal jo'ne ja no'en, yanem ñe'me Jaliaĝanec, nataq'aen nach'e eta't da'me yequeuogaĝatac. 15Qama'le jogaa'me lalemaĝaje'te dojedapegue' joñe'me Saúl:
«Jayatenaq queda'me am yequeuogaĝatac ñe'me nepaqal ja no'en jo'ne am yanem ñe'me Dios. 16Chane'eja 'noota ta'le aua'uo ga'me adamaĝajec qaedi yelaque joga'me yayaten da'me yeviquiñi jaga'me neviqui, qaedi qom novita ñe'me nepaqal da'me am yequeuogaĝan, joñe'me yeviquiñi jaga'me neviqui qama'le am en machiñe q'aen.»
17Qama'le Saúl 'yat:
«Jamoyi, aueloyaque joga'me jo'ne yayaten da'me yeviquiñi jaga'me neviqui, qaedi anaviquiquena.»
18Ga'me lalemaĝajet laqaya enaac:
«Da'me jayem jayaten ga'me jo'ne c'oĝot ñe'me Jesé, jo'ne 'lachaqa' di'me Belén. Yataqachiñe yayaten da'me yeviquiñi jana'me neviqui, nataq'aen da'me ue'tajop da'me 'lañaĝac, nataq'aen qom doje yataqatelegue ga'me 'laqatac. Nataq'aen onaĝaic da'me 'loyaĝac, nataq'aen ue'tajop ñe'me Jaliaĝanec.»
19Chane'eja Saúl yauo'oe gaa'me lamaĝa's qaedi dajotegue ñe'me Jesé, eetac ga'me 'laqatac:
«Anamaĝaquena ga'me ac'oĝot 'me David, jo'ne neteloqo't gaa'me 'nanaĝatel.»
20Qama'le ñe'me Jesé yamaĝa ñe'me David, nataq'aen ga'me pan yachalegue ga'me ajena, choqoga'me lataĝa jo'ne uaye ga'me jiyac lo'oc nataq'aen ga'me quetaq c'oĝot, naajo' jo'ne en neme ñe'me Saúl.
21Ca'li yovita ñe'me David, male dajoya'aguet joñe'me jaliaĝanec Saúl; mane'e da'me yauana ñe'me Saúl joñe'me, yataqachiñe 'uo da'me liyamaĝadenataĝanaĝac, qama'le nach'eñe en lecochaĝaua. 22Yem qama'le Saúl damajoĝonegue ñe'me Jesé, eetac ga'me 'laqatac:
«Am ñachoĝodenot qaedi auajeta ñe'me ac'oĝot David da'me jayem ue'tajop, qa'a yataqachiñe 'uo da'me yiyamaĝadenataĝanaĝac joñe'me.»
23Chane'eja nale novita ñe'me nepaqal jo'ne ja no'en jo'ne yanem ñe'me Dios qaedi yequeuogaĝan ñe'me Saúl, qama'le David yacona nale jaga'me leviqui qama'le yeviquiñi. Naqaeda en machiñe q'aen nale ñe'me Saúl qama'le matelegue da'me nejiyaĝauayaĝac. Ua'a nale ñe'me nepaqal jo'ne ja no'en ca'ae ñe'me.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Toba del Oeste © Sociedad Bíblica Argentina, 2014, 2019.