Juaa̱ 20
20
Bi̱ tsꞌén jaꞌáꞌyaá Kjisoo̱
(Matioo̱ 28:1-10; Markoo̱ 16:1-8; Rkaa̱ 24:1-12)
1Ni̱xtjin tjoón xomanaa̱, na̱ Riya̱ Lenaa̱ nga achichí ta̱jño̱ó, nde kji̱e̱ ndajín sisi̱én nga kijí nga̱tsjo̱ó, kó kamábe nga ndi̱jo̱ xi kjiꞌixtioo̱ nga̱tsjo̱ó je katjoꞌóxín. 2Kósꞌe̱ tsanga má kijíkoón Ximo̱ Peé, ko̱jo ingo nda̱ xi xota̱ tsi̱ꞌe̱ xi achichí tjó kamaá Kjisoo̱, kó bi̱ katsoó:
–Ngiti̱ jmíjín yojoo̱ Ndi̱a̱a̱ ngi̱ya nga̱tsjo̱ó, kó yàjínjne̱ ñá tsangínjo̱.
3Kó Peé ko̱jo nda̱ xi ingoo̱ xi xota̱ tsi̱ꞌe̱ jatjo, kó kijí nínga tikón nga̱tsjo̱ó. 4Kó tsanga má nga kijí nga joó, ta̱nga kui nda̱ xi ingo xi xota̱ tsi̱ꞌe̱, ꞌniú ngase tsanga ta̱bo̱a̱jiín Peé, kó kui tjón jachó nga̱tsjo̱ó, 5kó nga askotsijenjáyá ngi̱yaa̱ nga̱tsjo̱ó, kamábe nga ki̱a̱ síndo ńjño xi ikꞌítsakjájón Kjisoo̱, ta̱nga tsꞌasꞌienjín kui nda̱a̱. 6Sꞌe̱ jachó Ximo̱ Peé, kó tsꞌasꞌien ngi̱ya nga̱tsjo̱ó, sꞌe̱ kamábe ńjño xi ikꞌítsakjájón yojoo̱ Kjisoo̱ nga ki̱a̱ síndo, 7kó nga ńjño xi ikꞌíchíngí to̱ko̱ Kjisoo̱, ki̱a̱jín tikón nínga síndo ńjño xi ngasee̱, xín tji̱e̱n tikón chꞌo̱. 8Kósꞌe̱ tsꞌasꞌien ngi̱ya nga̱tsjo̱ó ko̱jo nda̱ xi ingo xi xota̱ tsi̱ꞌe̱ Kjisoo̱ xi jachójo̱ Peé, kui xi tjón jachó kui ngi̱ndiee̱, kamábe, kó kisꞌijii̱n. 9Ngatꞌa̱ kji̱e̱ makjínjiín ni xi tsó xo̱jo̱n eén Néná, nga Kjisoo̱ kjo̱a̱ꞌáꞌyá nginií ngi̱jii̱n xota̱ xi je jesoón. 10Kó kui já xí xota̱ tsi̱ꞌe̱ Kjisoo̱ kijíkón nginií xkjín.
Kjisoo̱ bi̱ tsꞌén akoó yojoo̱ na̱ Riya̱ Lenaa̱
(Markoo̱ 16:9-11)
11Ta̱nga na̱ Riyaa̱ ndi̱tsee̱n kisꞌijña, ki̱a̱ askjandá tꞌa nga̱tsjo̱ó, kó tji̱e̱nga tsꞌénkjandá, kisꞌijñando nga askotsijen ngi̱yaa̱ nga̱tsjo̱ó, 12kó ki̱a̱ kamábe jó ndítsjie xi ndyi̱yajá ńjño tiboa, ngo xi tikón to̱ko̱ ko̱jo ngo xi tikón sé nínga kisꞌijña yojoo̱ Kjisoo̱. 13Kó kui ndítsjiee̱, bi̱ katsó:
–Xota̱chjo̱on, ánní nga ticheꞌé jí.
Sꞌe̱ bi̱ katsó kui xota̱chjo̱on:
–Ngatꞌa̱ jè tsangínjo̱ Ndi̱a̱na, kó bejín an nínga tsangínjo̱.
14Ngije katsó kui nii̱, katsꞌénkꞌafóyá, kó kamábe nga ki̱a̱ tikón Kjisoo̱, ta̱nga kamákjínjiín nga kui xi̱ꞌba̱ xi Kjisoo̱. 15Sꞌe̱ Kjisoo̱, bi̱ katsó:
–Xota̱chjo̱on, ánní nga ticheꞌé jí. ꞌYá xi timindyisé ji.
Na̱ Riyaa̱ katsꞌénkjó nga kuí nda̱ xi konda ngi̱ndie nínga ꞌbítji̱e̱ ni tjieé kamaá xi tsꞌénchji̱a̱jo, kó bi̱ katsó:
–Tsi ji xi kꞌinje̱, tꞌíyéní nínga ikꞌíjñí ji yojoo̱, kó án kjuínjo̱ an yojoo̱.
16Sꞌe̱ bi̱ katsó nginí Kjisoo̱:
–¡Na̱ Riya̱!
Katsꞌénkꞌafóyá nginí na̱ Riyaa̱, kó bi̱ katsoó nga tsíchji̱a̱jo én ebreo̱:
–¡Raboni! (Mostro̱, tsó kui eén).
17Kjisoo̱, bi̱ katsó:
–Ngata̱ niꞌínje̱jínní, ngatꞌa̱ kji̱e̱ fikónjáa̱n Na̱ꞌmina, ta̱nga ta̱sá tꞌenchíi̱n ntsꞌié án, kó bi̱ tꞌíi̱n nga jè tsꞌénfikóo̱n Na̱ꞌmina xi Na̱ꞌmijnú nga, Néná xi Nejnú nga.
18Sꞌe̱ kijí na̱ Riya̱ Lenaa̱ tsi̱ꞌe̱ nga ka̱tso̱yaa̱ xota̱ tsi̱ꞌe̱ Kjisoo̱ nga kui je kamábe Ndi̱a̱a̱, kó nga kui xi katsóyaà kui nii̱.
Kjisoo̱ bi̱ tsꞌén akoó yojoo̱ xota̱ tsi̱ꞌe̱
(Matioo̱ 28:16-20; Markoo̱ 16:14-18; Rkaa̱ 24:36-49)
19Ngije kamájñoó kui ni̱xtjii̱n, ni̱xtjin tjoón xomanaa̱, tjíchjá nga̱ntjo̱a̱a̱ ngi̱ndie nínga kamátikó xota̱ tsi̱ꞌe̱ Kjisoo̱, ngatꞌa̱ katsakjónní xota̱ jundíoo̱, kó ki̱a̱ jachó Kjisoo̱, kó ngije tikónjii̱n ngamasiee̱n kui jaá, bi̱ katsó:
Ngatꞌiéjnú kjo̱a̱xió.
20Kó ngije katsó kui nii̱, akoó tsja ko̱jo ni̱se̱e̱n. Kó xota̱ tsi̱ꞌe̱, achichí tsja kamaá nga kamábe Ndi̱a̱a̱. 21Sꞌe̱ Kjisoo̱ ti̱ bi̱ ti̱ katsó nginií:
–Ngatꞌiéjnú kjo̱a̱xió ngayejejnú, xikótsꞌèn katsangiyana Na̱ꞌmina, ti̱ bo̱a̱ ti̱ tsꞌén sangiyájnúꞌun jún.
22Kó ngije bo̱a̱ katsó, askjonomójón xotaa̱, kó bi̱ katsoó:
–Chjábéjnú A̱si̱énni̱xtjii̱n Néná. 23Ngayeje xota̱ xi si̱ꞌanjetakónjnúu̱ jeé, Néná sa̱ꞌínjetakoón, kó ngayeje xota̱ xi si̱ꞌanjetakónjínjnúu̱ jeé, Néná sa̱ꞌínjetakónjiín.
Bi̱ tsꞌén kisꞌijinjiín Tomaa̱
24Ta̱nga Tomaa̱, ngo nda̱ xi chji̱a̱ni já xí tiejoó, xi Nda̱ꞌni̱o̱ kiꞌmií nga, ki̱a̱jín tikón nga jachó Kjisoo̱. 25Kó xota̱ tsi̱ꞌe̱ xi ngasee̱, bi̱ katsoó:
–Jè kamáyàjne̱ Ndi̱a̱a̱.
Ta̱nga Tomaa̱, bi̱ katsó:
–Tji̱e̱nga skuiejín an ti̱xa̱a̱ karabo̱ xi ikꞌieé tsja, ko̱jo tji̱e̱nga sangisꞌiénjín an ńjná ndsa̱ án, kó tji̱e̱nga sangisꞌiénjín an ndsa̱ an ni̱se̱e̱n nínga kiniꞌánꞌoón, sꞌi̱jinjínna.
26Kó ngije jaꞌa jin ni̱xtjin ngijee̱, ti̱ kamátikó nginí xota̱ tsi̱ꞌe̱ Kjisoo̱ ko̱jo Tomaa̱. Kó jachó Kjisoo̱ nga tjíchjá nga̱ntjo̱a̱a̱, kó Kjisoo̱ kasasienkixi̱ ngamasiee̱n kui jaá, kó bi̱ katsó:
–Ngatꞌiéjnú kjo̱a̱xió ngayejejnú.
27Sꞌe̱ Kjisoo̱, bi̱ katsoó Tomaa̱:
–Tꞌíjñí ji ńjná ndse̱ kꞌi̱e̱e̱, kó tsitsíjìi̱n ndsa̱ án, kó ndibéje̱boeꞌé ndse̱, kó nangísꞌín ji ni̱se̱nna. Ndajín tiniꞌín nga sꞌijinjín kjimaa̱, ta̱sá sꞌijin ngatamaa̱.
28Sꞌe̱ Tomaa̱, bi̱ katsó:
–¡Jí xí Ndi̱a̱na ji, kó jí xí Néná jí!
29Sꞌe̱ Kjisoo̱, bi̱ katsó:
–A ngatꞌa̱ kamáyèní Toma̱, a kuíni nga kisꞌijinnii̱. Achichíra̱tsjaa̱ xota̱ xi kamábejínna, kó kisꞌijii̱n.
Kjo̱a̱a̱ nga kamánda kui xo̱jo̱o̱n
30Achichí kjín ngase kje̱ꞌe chi̱bo̱a̱ xi katsꞌén Kjisoo̱ ngindyi̱ko̱n xota̱ tsi̱ꞌe̱, xi kjitꞌajín kui xo̱jo̱o̱n, 31ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.
Currently Selected:
Juaa̱ 20: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Juaa̱ 20
20
Bi̱ tsꞌén jaꞌáꞌyaá Kjisoo̱
(Matioo̱ 28:1-10; Markoo̱ 16:1-8; Rkaa̱ 24:1-12)
1Ni̱xtjin tjoón xomanaa̱, na̱ Riya̱ Lenaa̱ nga achichí ta̱jño̱ó, nde kji̱e̱ ndajín sisi̱én nga kijí nga̱tsjo̱ó, kó kamábe nga ndi̱jo̱ xi kjiꞌixtioo̱ nga̱tsjo̱ó je katjoꞌóxín. 2Kósꞌe̱ tsanga má kijíkoón Ximo̱ Peé, ko̱jo ingo nda̱ xi xota̱ tsi̱ꞌe̱ xi achichí tjó kamaá Kjisoo̱, kó bi̱ katsoó:
–Ngiti̱ jmíjín yojoo̱ Ndi̱a̱a̱ ngi̱ya nga̱tsjo̱ó, kó yàjínjne̱ ñá tsangínjo̱.
3Kó Peé ko̱jo nda̱ xi ingoo̱ xi xota̱ tsi̱ꞌe̱ jatjo, kó kijí nínga tikón nga̱tsjo̱ó. 4Kó tsanga má nga kijí nga joó, ta̱nga kui nda̱ xi ingo xi xota̱ tsi̱ꞌe̱, ꞌniú ngase tsanga ta̱bo̱a̱jiín Peé, kó kui tjón jachó nga̱tsjo̱ó, 5kó nga askotsijenjáyá ngi̱yaa̱ nga̱tsjo̱ó, kamábe nga ki̱a̱ síndo ńjño xi ikꞌítsakjájón Kjisoo̱, ta̱nga tsꞌasꞌienjín kui nda̱a̱. 6Sꞌe̱ jachó Ximo̱ Peé, kó tsꞌasꞌien ngi̱ya nga̱tsjo̱ó, sꞌe̱ kamábe ńjño xi ikꞌítsakjájón yojoo̱ Kjisoo̱ nga ki̱a̱ síndo, 7kó nga ńjño xi ikꞌíchíngí to̱ko̱ Kjisoo̱, ki̱a̱jín tikón nínga síndo ńjño xi ngasee̱, xín tji̱e̱n tikón chꞌo̱. 8Kósꞌe̱ tsꞌasꞌien ngi̱ya nga̱tsjo̱ó ko̱jo nda̱ xi ingo xi xota̱ tsi̱ꞌe̱ Kjisoo̱ xi jachójo̱ Peé, kui xi tjón jachó kui ngi̱ndiee̱, kamábe, kó kisꞌijii̱n. 9Ngatꞌa̱ kji̱e̱ makjínjiín ni xi tsó xo̱jo̱n eén Néná, nga Kjisoo̱ kjo̱a̱ꞌáꞌyá nginií ngi̱jii̱n xota̱ xi je jesoón. 10Kó kui já xí xota̱ tsi̱ꞌe̱ Kjisoo̱ kijíkón nginií xkjín.
Kjisoo̱ bi̱ tsꞌén akoó yojoo̱ na̱ Riya̱ Lenaa̱
(Markoo̱ 16:9-11)
11Ta̱nga na̱ Riyaa̱ ndi̱tsee̱n kisꞌijña, ki̱a̱ askjandá tꞌa nga̱tsjo̱ó, kó tji̱e̱nga tsꞌénkjandá, kisꞌijñando nga askotsijen ngi̱yaa̱ nga̱tsjo̱ó, 12kó ki̱a̱ kamábe jó ndítsjie xi ndyi̱yajá ńjño tiboa, ngo xi tikón to̱ko̱ ko̱jo ngo xi tikón sé nínga kisꞌijña yojoo̱ Kjisoo̱. 13Kó kui ndítsjiee̱, bi̱ katsó:
–Xota̱chjo̱on, ánní nga ticheꞌé jí.
Sꞌe̱ bi̱ katsó kui xota̱chjo̱on:
–Ngatꞌa̱ jè tsangínjo̱ Ndi̱a̱na, kó bejín an nínga tsangínjo̱.
14Ngije katsó kui nii̱, katsꞌénkꞌafóyá, kó kamábe nga ki̱a̱ tikón Kjisoo̱, ta̱nga kamákjínjiín nga kui xi̱ꞌba̱ xi Kjisoo̱. 15Sꞌe̱ Kjisoo̱, bi̱ katsó:
–Xota̱chjo̱on, ánní nga ticheꞌé jí. ꞌYá xi timindyisé ji.
Na̱ Riyaa̱ katsꞌénkjó nga kuí nda̱ xi konda ngi̱ndie nínga ꞌbítji̱e̱ ni tjieé kamaá xi tsꞌénchji̱a̱jo, kó bi̱ katsó:
–Tsi ji xi kꞌinje̱, tꞌíyéní nínga ikꞌíjñí ji yojoo̱, kó án kjuínjo̱ an yojoo̱.
16Sꞌe̱ bi̱ katsó nginí Kjisoo̱:
–¡Na̱ Riya̱!
Katsꞌénkꞌafóyá nginí na̱ Riyaa̱, kó bi̱ katsoó nga tsíchji̱a̱jo én ebreo̱:
–¡Raboni! (Mostro̱, tsó kui eén).
17Kjisoo̱, bi̱ katsó:
–Ngata̱ niꞌínje̱jínní, ngatꞌa̱ kji̱e̱ fikónjáa̱n Na̱ꞌmina, ta̱nga ta̱sá tꞌenchíi̱n ntsꞌié án, kó bi̱ tꞌíi̱n nga jè tsꞌénfikóo̱n Na̱ꞌmina xi Na̱ꞌmijnú nga, Néná xi Nejnú nga.
18Sꞌe̱ kijí na̱ Riya̱ Lenaa̱ tsi̱ꞌe̱ nga ka̱tso̱yaa̱ xota̱ tsi̱ꞌe̱ Kjisoo̱ nga kui je kamábe Ndi̱a̱a̱, kó nga kui xi katsóyaà kui nii̱.
Kjisoo̱ bi̱ tsꞌén akoó yojoo̱ xota̱ tsi̱ꞌe̱
(Matioo̱ 28:16-20; Markoo̱ 16:14-18; Rkaa̱ 24:36-49)
19Ngije kamájñoó kui ni̱xtjii̱n, ni̱xtjin tjoón xomanaa̱, tjíchjá nga̱ntjo̱a̱a̱ ngi̱ndie nínga kamátikó xota̱ tsi̱ꞌe̱ Kjisoo̱, ngatꞌa̱ katsakjónní xota̱ jundíoo̱, kó ki̱a̱ jachó Kjisoo̱, kó ngije tikónjii̱n ngamasiee̱n kui jaá, bi̱ katsó:
Ngatꞌiéjnú kjo̱a̱xió.
20Kó ngije katsó kui nii̱, akoó tsja ko̱jo ni̱se̱e̱n. Kó xota̱ tsi̱ꞌe̱, achichí tsja kamaá nga kamábe Ndi̱a̱a̱. 21Sꞌe̱ Kjisoo̱ ti̱ bi̱ ti̱ katsó nginií:
–Ngatꞌiéjnú kjo̱a̱xió ngayejejnú, xikótsꞌèn katsangiyana Na̱ꞌmina, ti̱ bo̱a̱ ti̱ tsꞌén sangiyájnúꞌun jún.
22Kó ngije bo̱a̱ katsó, askjonomójón xotaa̱, kó bi̱ katsoó:
–Chjábéjnú A̱si̱énni̱xtjii̱n Néná. 23Ngayeje xota̱ xi si̱ꞌanjetakónjnúu̱ jeé, Néná sa̱ꞌínjetakoón, kó ngayeje xota̱ xi si̱ꞌanjetakónjínjnúu̱ jeé, Néná sa̱ꞌínjetakónjiín.
Bi̱ tsꞌén kisꞌijinjiín Tomaa̱
24Ta̱nga Tomaa̱, ngo nda̱ xi chji̱a̱ni já xí tiejoó, xi Nda̱ꞌni̱o̱ kiꞌmií nga, ki̱a̱jín tikón nga jachó Kjisoo̱. 25Kó xota̱ tsi̱ꞌe̱ xi ngasee̱, bi̱ katsoó:
–Jè kamáyàjne̱ Ndi̱a̱a̱.
Ta̱nga Tomaa̱, bi̱ katsó:
–Tji̱e̱nga skuiejín an ti̱xa̱a̱ karabo̱ xi ikꞌieé tsja, ko̱jo tji̱e̱nga sangisꞌiénjín an ńjná ndsa̱ án, kó tji̱e̱nga sangisꞌiénjín an ndsa̱ an ni̱se̱e̱n nínga kiniꞌánꞌoón, sꞌi̱jinjínna.
26Kó ngije jaꞌa jin ni̱xtjin ngijee̱, ti̱ kamátikó nginí xota̱ tsi̱ꞌe̱ Kjisoo̱ ko̱jo Tomaa̱. Kó jachó Kjisoo̱ nga tjíchjá nga̱ntjo̱a̱a̱, kó Kjisoo̱ kasasienkixi̱ ngamasiee̱n kui jaá, kó bi̱ katsó:
–Ngatꞌiéjnú kjo̱a̱xió ngayejejnú.
27Sꞌe̱ Kjisoo̱, bi̱ katsoó Tomaa̱:
–Tꞌíjñí ji ńjná ndse̱ kꞌi̱e̱e̱, kó tsitsíjìi̱n ndsa̱ án, kó ndibéje̱boeꞌé ndse̱, kó nangísꞌín ji ni̱se̱nna. Ndajín tiniꞌín nga sꞌijinjín kjimaa̱, ta̱sá sꞌijin ngatamaa̱.
28Sꞌe̱ Tomaa̱, bi̱ katsó:
–¡Jí xí Ndi̱a̱na ji, kó jí xí Néná jí!
29Sꞌe̱ Kjisoo̱, bi̱ katsó:
–A ngatꞌa̱ kamáyèní Toma̱, a kuíni nga kisꞌijinnii̱. Achichíra̱tsjaa̱ xota̱ xi kamábejínna, kó kisꞌijii̱n.
Kjo̱a̱a̱ nga kamánda kui xo̱jo̱o̱n
30Achichí kjín ngase kje̱ꞌe chi̱bo̱a̱ xi katsꞌén Kjisoo̱ ngindyi̱ko̱n xota̱ tsi̱ꞌe̱, xi kjitꞌajín kui xo̱jo̱o̱n, 31ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014