Juaa̱ 19
19
1Kósꞌe̱ Pilatoo̱ katsjákjo̱a̱ nga akjaa̱ Kjisoo̱. 2Kó jájuún katsꞌénda ngo korona̱ ndaꞌyá, kó íꞌá to̱ko̱ Kjisoo̱, kó ngo ńjño koán katsꞌénkajá, 3sꞌe̱ kijíkoón kui jaá, nga bi̱ katsoó:
–¡Tinde nda̱ Ree̱ xota̱ jundío̱!
Kó akjatꞌa tꞌanijon.
4Kó ti̱ jataxie nginí Pilatoo̱, kó bi̱ katsó:
–Tsitsíjenjnú, tsꞌaxié ngiñá an, tsi̱ꞌe̱ nga ka̱makjínjnú nga jmí jéjiín Kjisoo̱.
5Sꞌe̱ jataxie Kjisoo̱ nga je tjiꞌá to̱ko̱ korona̱ ndaꞌyaá, ko̱jo nga je tsꞌényajá ńjño koaán. Kó bi̱ katsó Pilatoo̱:
–¡Kꞌi̱e̱ tikón kui nda̱a̱ kꞌi̱e̱e̱!
6Kó nga je kamábe kui já ngito̱ko̱o̱ chináꞌmii̱, ko̱jo jájún xi konda na̱ngo̱xi̱i̱, askjandáyà má nga bi̱ katsó:
–¡Tjatꞌe ji kro! ¡Tjatꞌe ji kro!
Kó bi̱ katsó Pilatoo̱:
–Tangínjo̱jnú, kó jún tjatꞌajnú kro, ngatꞌa̱ jè bo̱a̱ kixian an nga jmí jéjiín.
7Kó xota̱ jundíoo̱, bi̱ katsó:
–Ji̱n tikónjne̱ ngo kjo̱a̱kiti, kó kui kjo̱a̱kitii̱ tsó nga chjiéngá ko̱yà, ngatꞌa̱ ndií Néná katsoó yojoo̱.
8Nga tsintꞌié kuí nii̱ Pilatoo̱, achichí katsakjón ngase. 9Kó ti̱ tsꞌasꞌien nginí ngi̱ya ndiꞌa nínga niꞌánjeé xotaa̱, kó ti̱ bi̱ ti̱ katsó nginií Kjisoo̱:
–Ñá ngindie ndokjo̱e̱ ji.
Ta̱nga Kjisoo̱ jmí ni katsójín.
10Sꞌe̱ Pilatoo̱, bi̱ katsoó Kjisoo̱:
–A mejénjiín ko̱ndókjo̱e̱jení. A yejín nga tjínna xá tsi̱ꞌe̱ nga kotꞌaa kro, kó ti̱ tjínna xá tsi̱ꞌe̱ nga ku̱i̱ntjoee̱n.
11Sꞌe̱ Kjisoo̱, bi̱ katsó:
–Nde ngo xájiín tsi̱ꞌe̱ nga si̱ꞌinjéní, tsi Nénájín xi katsjaá kui xaá, kó kuíni nga kui nda̱ xi ngi̱ya ndse̱ katsꞌénkꞌasꞌienna, tsie ngase jé tjiín.
12Ndeskande koó kjiꞌa Pilatoo̱ kamámejeén iskjíndó, ta̱nga xota̱ jundíoo̱ askjandáyà má, nga bi̱ katsó:
–Tsi si̱ꞌinkjí ndé jí kui nda̱a̱, amingoo̱ Sesa̱jín ji, ngayeje xi mejeén nda̱ re tsꞌén yojòo̱, kondraa̱ nda̱ Enperandoo̱ boá.
13Kó ngije tsintꞌié kuí nii̱ Pilatoo̱, tsꞌaxié Kjisoo̱ ndi̱tsee̱n, sꞌe̱ katsꞌénkꞌíjñasón yáxíríe̱ xi ꞌbíndosón xota̱ xi niꞌánjeé, ki̱a̱ ngo ngi̱ndie xi ꞌmí Ngabataa̱ nga én ebreo̱ (Ngi̱ndie xi kjiyaa̱ ndi̱jo̱, tsó kui eén). 14Kuí má ni̱xtjin nga tjíꞌbíjñanda sꞌué paskuaa̱, ngije makama ndisꞌué. Pilatoo̱ bi̱ katsoó xota̱ jundíoo̱:
–¡Jéꞌe̱n kꞌi̱e̱ tikón nda̱ Rejnú!
15Ta̱nga kui jaá, bi̱ katsó nga askjandáyà:
–¡ꞌNa̱xié ji, ꞌna̱xié ji, tjatꞌe ji kro!
Sꞌe̱ bi̱ katsó Pilatoo̱:
–A nda̱ Rejnú xi kotꞌa an kro.
Sꞌe̱ bi̱ katsoó já ngito̱ko̱o̱ chináꞌmii̱:
–Sesaa̱ xí rejne̱, jmíjínjne̱ xi kje̱ꞌe.
16Sꞌe̱ Pilatoo̱ katsꞌénkꞌasꞌiee̱n kui jaá Kjisoo̱, tsi̱ꞌe̱ nga ko̱ótꞌa kro. Kó kui jájuún Pilatoo̱ iskjíbé Kjisoo̱, kó kijíjo̱.
Bi̱ tsꞌén akjatꞌa kro Kjisoo̱
(Matioo̱ 27:32-50; Markoo̱ 15:21-37; Rkaa̱ 23:26-49)
17Kó ti̱ kuii̱ Kjisoo̱ tsaꞌanijín kroo̱, sꞌe̱ kijí ngo ngi̱ndie xi ꞌmí ngi̱ndiee̱ ńdato̱ko̱ ini̱ma̱, Ngólngota̱, ꞌmí nga én ebreo̱, 18nínga akjatꞌa kro Kjisoo̱ ko̱jo ngi jó já, ngo kisitꞌa nga ngoboá nga ngoboaá, kó Kjisoo̱ ngamasiee̱n kisitꞌa kro. 19Kó Pilatoo̱ ngo yátie katsꞌénꞌindó xi íjñaá nkꞌaa̱ kro xi kisitꞌa Kjisoo̱, xi bi̱ tsó én xí kisitꞌaa̱: “KJISO̱ NDA̱ XI CHJI̱A̱NI NASAREE̱T, NDA̱ REE̱ XOTA̱ JUNDÍOO̱.” 20Kó achichí má xota̱ jundíoo̱ xi katsꞌényà kui eén, ngatꞌa̱ tiñaa̱ na̱xi̱ńdáꞌniuú boá nínga kisitꞌa kro Kjisoo̱, kó kui ni xi kisitꞌa yátiee̱, én ebreo̱, ko̱jo én ngriengo̱, ko̱jo én lati̱n boá. 21Já ngito̱ko̱o̱ chináꞌmii̱, bi̱ katsoó Pilatoo̱:
–Ngata̱ nda̱ Ree̱ xota̱ jundío̱jín ꞌbíjñíi̱ yátiee̱, ta̱sá: “Án xí nda̱ Ree̱ xota̱ jundíoo̱” tꞌíjñíi̱, ngatꞌa̱ bo̱a̱ katsó Kjisoo̱ nga kistsoꞌbá.
22Sꞌe̱ bi̱ katsó Pilatoo̱:
–Ni xi je itꞌa an, jé itꞌa an.
23Kuíni nga ngije yítꞌa kro Kjisoo̱ jájuún, iskjíbé ńjñoo̱, kó nijón tjín katsꞌén, ńgó ńgó iskjíbé jájuún. Ti̱ iskjíbé chi̱ngaa̱ Kjisoo̱ nga, ngo ńjño xi jmí tsi katjóyatꞌa katjóyajon, ta̱ ngo ńjño kamánda ndeskande nkꞌa jàn ngaskande ngindie jàn. 24Sꞌe̱ ja̱kꞌi̱e̱ ja̱ngaján, bi̱ katsoó xkjín kuí jájuún:
–Ku̱i̱chíyáján kuí ńjñoo̱, ta̱sá ngo kjo̱a̱chꞌáṉcha̱ końtón, kó ꞌyára̱ xi tsi̱ꞌe̱ ka̱ma.
Kui nii̱ kamá tsi̱ꞌe̱ nga jatjosón ni xi tsó xo̱jo̱n eén Néná nínga bi̱ tsoó: “Katsꞌénkjaꞌasoón xkjín ńjñona, kó nga̱soón ńjñona katsaton kjo̱a̱chꞌáṉcha̱.” Kó bo̱a̱ katsꞌén jájuún.
25Kó ki̱a̱ tꞌa kroo̱ kisꞌijña na̱aa̱n Kjisoo̱, ko̱jo ndichja na̱aa̱n, ko̱jo na̱ Riya̱ chjo̱ón Kleofaa̱, ko̱jo na̱ Riya̱ Lenaa̱. 26Kó Kjisoo̱ nga kamábe na̱aa̱n ko̱jo xota̱ tsi̱ꞌe̱ xi ꞌniú tjó kamaá xi tikón ki̱a̱a̱, bi̱ katsoó na̱aa̱n:
–Xota̱chjo̱on, kꞌi̱e̱ tikón ndíi̱.
27Sꞌe̱ jaskan xota̱ tsi̱ꞌe̱, bi̱ katsoó Kjisoo̱:
–Kꞌi̱e̱ tikón na̱áa̱n kꞌi̱e̱e̱.
Kó ndeskande koó kjiꞌa, kui nda̱ xi xota̱ tsi̱ꞌe̱ Kjisoo̱ kijíjo̱ na̱ Riyaa̱ ndiꞌaa̱.
28Ngije kamá kui nii̱, kó nga Kjisoo̱ je be nga ngayeje nii̱ je kamá, kó tsi̱ꞌe̱ nga kjo̱tjosón ni xi tsó xo̱jo̱n eén Néná, bi̱ katsó:
–Xíndána.
29Kó ki̱a̱ kisꞌijña ngo ti̱jì xí ndyi̱a̱ bino̱ san, kó jájuún katsꞌénkꞌandyi̱ ngo nixó, kó ngo yá ítokó, sꞌe̱ katsangitꞌaa̱ tsꞌoa Kjisoo̱. 30Ngije katsꞌe Kjisoo̱ bino̱ saa̱n, bi̱ katsó:
–Jè jatjosón ngayeje nii̱ ꞌne̱.
Sꞌe̱ íxtien kje̱n, kó katsꞌénkꞌasꞌien a̱si̱énni̱xtjii̱n.
Bi̱ tsꞌén kanangisꞌiee̱n ki̱cha̱yojó ni̱se̱e̱n Kjisoo̱
31Kósꞌe̱ xota̱ jundíoo̱ nga kuí má ni̱xtjin nga ndyi̱ꞌbíjñánda sꞌué paskuaa̱, kó tsi̱ꞌe̱ nga ki̱a̱jín kroo̱ kisiyojotꞌa yojoo̱ nga ni̱xtjin ndikón, ngatꞌa̱ ni̱xtjin xi ꞌniú ndikón boá, ꞌniú tsíꞌaá Pilatoo̱ tsi̱ꞌe̱ nga kachjátꞌó ti̱ꞌmi̱í kui jaá, sꞌe̱ kichꞌieje̱ngi yojoo̱. 32Kó jachó jájuún, kó iskjítꞌó ti̱ꞌmi̱í ngo nda̱ xi nijan akjatꞌajo̱ kro Kjisoo̱, kó ti̱ bo̱a̱ ti̱ kiniꞌánjo̱ nda̱ xi ingoo̱ nga, 33ta̱nga nga jachó kui jaá nínga tikón Kjisoo̱, nga kamábe nga je kꞌien, ngiti̱ kachjátꞌójín ti̱ꞌmi̱í.
34Kó ngo nda̱juu̱n xi ngo ki̱cha̱yojó janijon ni̱se̱e̱n, kó tji̱e̱nmá jatjo jín ko̱jo ndáfoa. 35Kó kui nda̱ xi kamábee̱, kuí xí chistiko̱, kó ja̱koxi̱ boá ni xi katsóyà, kó kuii̱ be nga ja̱koxi̱ boá ni xi tjítsó, tsi̱ꞌe̱ nga ko̱jo jún sꞌi̱jinjnú. 36Ngatꞌa̱ kuí nii̱ kamá, tsi̱ꞌe̱ nga jatjosón ni xi tsó xo̱jo̱n eén Néná nínga bi̱ tsoó: “Nde ngojín ńdaa̱ chjátꞌó.” 37Kó bi̱ tsó ingo ndiè xo̱jo̱n eén Néná: “Skotsíjee̱n kui jaá nda̱ xi kanangisꞌiee̱n ki̱cha̱yojoó.”
Bi̱ tsꞌén akjanijín Kjisoo̱
(Matioo̱ 27:57-61; Markoo̱ 15:42-47; Rkaa̱ 23:50-56)
38Ngije kamá kui nii̱, ngo nda̱ xi ꞌmí Kosie̱, xi chji̱a̱ni na̱xi̱ńdáꞌniú Arimatea̱ xi xota̱ tsi̱ꞌe̱ Kjisoo̱ kamá, ta̱nga akójiín yojoo̱ xota̱ jundíoo̱, ngatꞌa̱ katsakjónní, ꞌniú tsíꞌaá Pilatoo̱ tsi̱ꞌe̱ nga tsja̱ndieè nga kjo̱jo yojo kꞌiee̱n Kjisoo̱, kó Pilatoo̱ katsjákjo̱a̱. Sꞌe̱ jachó kui ngi̱ndiee̱, kó kijíjo̱ yojo kꞌiee̱n Kjisoo̱. 39Kó ti̱ jachó nda̱ xi ꞌmí Nikondemoo̱ xi ngo ndi̱yà jachókoón Kjisoo̱ nga jñoó, jachó kui ngi̱ndiee̱, kó yaꞌa mara̱ tsi ta̱ kantié kilo̱ nisije̱n xi ꞌmí mirra̱ ko̱jo aloe̱. 40Nga jó kui jaá iskjíbé yojo kꞌiee̱n Kjisoo̱, kó ítsakjájón ngo ńjñotjibé xi indyiaá nisije̱n, xikó kjiꞌi kjo̱a̱xcha̱á xota̱ jundíoo̱. 41Kó ki̱a̱ ngi̱ndie nínga akjatꞌa kro Kjisoo̱ kisꞌijña ngo ngi̱ndie nínga ꞌbítji̱e̱ ni tjié, kó ki̱a̱ kisꞌijña ngo nga̱tsjo̱ó tja̱tsi̱e̱, nínga kji̱e̱ jmíjín xi je akjaya. 42Ki̱a̱ ikꞌíjñaya yojoo̱ Kjisoo̱, kjo̱a̱a̱ nga je jachó ni̱xtjii̱n sꞌué paskuaa̱ xi tsꞌén xota̱ jundíoo̱, ko̱jo kjo̱a̱a̱ nga tiña tikón kui nga̱tsjo̱ó.
Currently Selected:
Juaa̱ 19: MAIX
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
Juaa̱ 19
19
1Kósꞌe̱ Pilatoo̱ katsjákjo̱a̱ nga akjaa̱ Kjisoo̱. 2Kó jájuún katsꞌénda ngo korona̱ ndaꞌyá, kó íꞌá to̱ko̱ Kjisoo̱, kó ngo ńjño koán katsꞌénkajá, 3sꞌe̱ kijíkoón kui jaá, nga bi̱ katsoó:
–¡Tinde nda̱ Ree̱ xota̱ jundío̱!
Kó akjatꞌa tꞌanijon.
4Kó ti̱ jataxie nginí Pilatoo̱, kó bi̱ katsó:
–Tsitsíjenjnú, tsꞌaxié ngiñá an, tsi̱ꞌe̱ nga ka̱makjínjnú nga jmí jéjiín Kjisoo̱.
5Sꞌe̱ jataxie Kjisoo̱ nga je tjiꞌá to̱ko̱ korona̱ ndaꞌyaá, ko̱jo nga je tsꞌényajá ńjño koaán. Kó bi̱ katsó Pilatoo̱:
–¡Kꞌi̱e̱ tikón kui nda̱a̱ kꞌi̱e̱e̱!
6Kó nga je kamábe kui já ngito̱ko̱o̱ chináꞌmii̱, ko̱jo jájún xi konda na̱ngo̱xi̱i̱, askjandáyà má nga bi̱ katsó:
–¡Tjatꞌe ji kro! ¡Tjatꞌe ji kro!
Kó bi̱ katsó Pilatoo̱:
–Tangínjo̱jnú, kó jún tjatꞌajnú kro, ngatꞌa̱ jè bo̱a̱ kixian an nga jmí jéjiín.
7Kó xota̱ jundíoo̱, bi̱ katsó:
–Ji̱n tikónjne̱ ngo kjo̱a̱kiti, kó kui kjo̱a̱kitii̱ tsó nga chjiéngá ko̱yà, ngatꞌa̱ ndií Néná katsoó yojoo̱.
8Nga tsintꞌié kuí nii̱ Pilatoo̱, achichí katsakjón ngase. 9Kó ti̱ tsꞌasꞌien nginí ngi̱ya ndiꞌa nínga niꞌánjeé xotaa̱, kó ti̱ bi̱ ti̱ katsó nginií Kjisoo̱:
–Ñá ngindie ndokjo̱e̱ ji.
Ta̱nga Kjisoo̱ jmí ni katsójín.
10Sꞌe̱ Pilatoo̱, bi̱ katsoó Kjisoo̱:
–A mejénjiín ko̱ndókjo̱e̱jení. A yejín nga tjínna xá tsi̱ꞌe̱ nga kotꞌaa kro, kó ti̱ tjínna xá tsi̱ꞌe̱ nga ku̱i̱ntjoee̱n.
11Sꞌe̱ Kjisoo̱, bi̱ katsó:
–Nde ngo xájiín tsi̱ꞌe̱ nga si̱ꞌinjéní, tsi Nénájín xi katsjaá kui xaá, kó kuíni nga kui nda̱ xi ngi̱ya ndse̱ katsꞌénkꞌasꞌienna, tsie ngase jé tjiín.
12Ndeskande koó kjiꞌa Pilatoo̱ kamámejeén iskjíndó, ta̱nga xota̱ jundíoo̱ askjandáyà má, nga bi̱ katsó:
–Tsi si̱ꞌinkjí ndé jí kui nda̱a̱, amingoo̱ Sesa̱jín ji, ngayeje xi mejeén nda̱ re tsꞌén yojòo̱, kondraa̱ nda̱ Enperandoo̱ boá.
13Kó ngije tsintꞌié kuí nii̱ Pilatoo̱, tsꞌaxié Kjisoo̱ ndi̱tsee̱n, sꞌe̱ katsꞌénkꞌíjñasón yáxíríe̱ xi ꞌbíndosón xota̱ xi niꞌánjeé, ki̱a̱ ngo ngi̱ndie xi ꞌmí Ngabataa̱ nga én ebreo̱ (Ngi̱ndie xi kjiyaa̱ ndi̱jo̱, tsó kui eén). 14Kuí má ni̱xtjin nga tjíꞌbíjñanda sꞌué paskuaa̱, ngije makama ndisꞌué. Pilatoo̱ bi̱ katsoó xota̱ jundíoo̱:
–¡Jéꞌe̱n kꞌi̱e̱ tikón nda̱ Rejnú!
15Ta̱nga kui jaá, bi̱ katsó nga askjandáyà:
–¡ꞌNa̱xié ji, ꞌna̱xié ji, tjatꞌe ji kro!
Sꞌe̱ bi̱ katsó Pilatoo̱:
–A nda̱ Rejnú xi kotꞌa an kro.
Sꞌe̱ bi̱ katsoó já ngito̱ko̱o̱ chináꞌmii̱:
–Sesaa̱ xí rejne̱, jmíjínjne̱ xi kje̱ꞌe.
16Sꞌe̱ Pilatoo̱ katsꞌénkꞌasꞌiee̱n kui jaá Kjisoo̱, tsi̱ꞌe̱ nga ko̱ótꞌa kro. Kó kui jájuún Pilatoo̱ iskjíbé Kjisoo̱, kó kijíjo̱.
Bi̱ tsꞌén akjatꞌa kro Kjisoo̱
(Matioo̱ 27:32-50; Markoo̱ 15:21-37; Rkaa̱ 23:26-49)
17Kó ti̱ kuii̱ Kjisoo̱ tsaꞌanijín kroo̱, sꞌe̱ kijí ngo ngi̱ndie xi ꞌmí ngi̱ndiee̱ ńdato̱ko̱ ini̱ma̱, Ngólngota̱, ꞌmí nga én ebreo̱, 18nínga akjatꞌa kro Kjisoo̱ ko̱jo ngi jó já, ngo kisitꞌa nga ngoboá nga ngoboaá, kó Kjisoo̱ ngamasiee̱n kisitꞌa kro. 19Kó Pilatoo̱ ngo yátie katsꞌénꞌindó xi íjñaá nkꞌaa̱ kro xi kisitꞌa Kjisoo̱, xi bi̱ tsó én xí kisitꞌaa̱: “KJISO̱ NDA̱ XI CHJI̱A̱NI NASAREE̱T, NDA̱ REE̱ XOTA̱ JUNDÍOO̱.” 20Kó achichí má xota̱ jundíoo̱ xi katsꞌényà kui eén, ngatꞌa̱ tiñaa̱ na̱xi̱ńdáꞌniuú boá nínga kisitꞌa kro Kjisoo̱, kó kui ni xi kisitꞌa yátiee̱, én ebreo̱, ko̱jo én ngriengo̱, ko̱jo én lati̱n boá. 21Já ngito̱ko̱o̱ chináꞌmii̱, bi̱ katsoó Pilatoo̱:
–Ngata̱ nda̱ Ree̱ xota̱ jundío̱jín ꞌbíjñíi̱ yátiee̱, ta̱sá: “Án xí nda̱ Ree̱ xota̱ jundíoo̱” tꞌíjñíi̱, ngatꞌa̱ bo̱a̱ katsó Kjisoo̱ nga kistsoꞌbá.
22Sꞌe̱ bi̱ katsó Pilatoo̱:
–Ni xi je itꞌa an, jé itꞌa an.
23Kuíni nga ngije yítꞌa kro Kjisoo̱ jájuún, iskjíbé ńjñoo̱, kó nijón tjín katsꞌén, ńgó ńgó iskjíbé jájuún. Ti̱ iskjíbé chi̱ngaa̱ Kjisoo̱ nga, ngo ńjño xi jmí tsi katjóyatꞌa katjóyajon, ta̱ ngo ńjño kamánda ndeskande nkꞌa jàn ngaskande ngindie jàn. 24Sꞌe̱ ja̱kꞌi̱e̱ ja̱ngaján, bi̱ katsoó xkjín kuí jájuún:
–Ku̱i̱chíyáján kuí ńjñoo̱, ta̱sá ngo kjo̱a̱chꞌáṉcha̱ końtón, kó ꞌyára̱ xi tsi̱ꞌe̱ ka̱ma.
Kui nii̱ kamá tsi̱ꞌe̱ nga jatjosón ni xi tsó xo̱jo̱n eén Néná nínga bi̱ tsoó: “Katsꞌénkjaꞌasoón xkjín ńjñona, kó nga̱soón ńjñona katsaton kjo̱a̱chꞌáṉcha̱.” Kó bo̱a̱ katsꞌén jájuún.
25Kó ki̱a̱ tꞌa kroo̱ kisꞌijña na̱aa̱n Kjisoo̱, ko̱jo ndichja na̱aa̱n, ko̱jo na̱ Riya̱ chjo̱ón Kleofaa̱, ko̱jo na̱ Riya̱ Lenaa̱. 26Kó Kjisoo̱ nga kamábe na̱aa̱n ko̱jo xota̱ tsi̱ꞌe̱ xi ꞌniú tjó kamaá xi tikón ki̱a̱a̱, bi̱ katsoó na̱aa̱n:
–Xota̱chjo̱on, kꞌi̱e̱ tikón ndíi̱.
27Sꞌe̱ jaskan xota̱ tsi̱ꞌe̱, bi̱ katsoó Kjisoo̱:
–Kꞌi̱e̱ tikón na̱áa̱n kꞌi̱e̱e̱.
Kó ndeskande koó kjiꞌa, kui nda̱ xi xota̱ tsi̱ꞌe̱ Kjisoo̱ kijíjo̱ na̱ Riyaa̱ ndiꞌaa̱.
28Ngije kamá kui nii̱, kó nga Kjisoo̱ je be nga ngayeje nii̱ je kamá, kó tsi̱ꞌe̱ nga kjo̱tjosón ni xi tsó xo̱jo̱n eén Néná, bi̱ katsó:
–Xíndána.
29Kó ki̱a̱ kisꞌijña ngo ti̱jì xí ndyi̱a̱ bino̱ san, kó jájuún katsꞌénkꞌandyi̱ ngo nixó, kó ngo yá ítokó, sꞌe̱ katsangitꞌaa̱ tsꞌoa Kjisoo̱. 30Ngije katsꞌe Kjisoo̱ bino̱ saa̱n, bi̱ katsó:
–Jè jatjosón ngayeje nii̱ ꞌne̱.
Sꞌe̱ íxtien kje̱n, kó katsꞌénkꞌasꞌien a̱si̱énni̱xtjii̱n.
Bi̱ tsꞌén kanangisꞌiee̱n ki̱cha̱yojó ni̱se̱e̱n Kjisoo̱
31Kósꞌe̱ xota̱ jundíoo̱ nga kuí má ni̱xtjin nga ndyi̱ꞌbíjñánda sꞌué paskuaa̱, kó tsi̱ꞌe̱ nga ki̱a̱jín kroo̱ kisiyojotꞌa yojoo̱ nga ni̱xtjin ndikón, ngatꞌa̱ ni̱xtjin xi ꞌniú ndikón boá, ꞌniú tsíꞌaá Pilatoo̱ tsi̱ꞌe̱ nga kachjátꞌó ti̱ꞌmi̱í kui jaá, sꞌe̱ kichꞌieje̱ngi yojoo̱. 32Kó jachó jájuún, kó iskjítꞌó ti̱ꞌmi̱í ngo nda̱ xi nijan akjatꞌajo̱ kro Kjisoo̱, kó ti̱ bo̱a̱ ti̱ kiniꞌánjo̱ nda̱ xi ingoo̱ nga, 33ta̱nga nga jachó kui jaá nínga tikón Kjisoo̱, nga kamábe nga je kꞌien, ngiti̱ kachjátꞌójín ti̱ꞌmi̱í.
34Kó ngo nda̱juu̱n xi ngo ki̱cha̱yojó janijon ni̱se̱e̱n, kó tji̱e̱nmá jatjo jín ko̱jo ndáfoa. 35Kó kui nda̱ xi kamábee̱, kuí xí chistiko̱, kó ja̱koxi̱ boá ni xi katsóyà, kó kuii̱ be nga ja̱koxi̱ boá ni xi tjítsó, tsi̱ꞌe̱ nga ko̱jo jún sꞌi̱jinjnú. 36Ngatꞌa̱ kuí nii̱ kamá, tsi̱ꞌe̱ nga jatjosón ni xi tsó xo̱jo̱n eén Néná nínga bi̱ tsoó: “Nde ngojín ńdaa̱ chjátꞌó.” 37Kó bi̱ tsó ingo ndiè xo̱jo̱n eén Néná: “Skotsíjee̱n kui jaá nda̱ xi kanangisꞌiee̱n ki̱cha̱yojoó.”
Bi̱ tsꞌén akjanijín Kjisoo̱
(Matioo̱ 27:57-61; Markoo̱ 15:42-47; Rkaa̱ 23:50-56)
38Ngije kamá kui nii̱, ngo nda̱ xi ꞌmí Kosie̱, xi chji̱a̱ni na̱xi̱ńdáꞌniú Arimatea̱ xi xota̱ tsi̱ꞌe̱ Kjisoo̱ kamá, ta̱nga akójiín yojoo̱ xota̱ jundíoo̱, ngatꞌa̱ katsakjónní, ꞌniú tsíꞌaá Pilatoo̱ tsi̱ꞌe̱ nga tsja̱ndieè nga kjo̱jo yojo kꞌiee̱n Kjisoo̱, kó Pilatoo̱ katsjákjo̱a̱. Sꞌe̱ jachó kui ngi̱ndiee̱, kó kijíjo̱ yojo kꞌiee̱n Kjisoo̱. 39Kó ti̱ jachó nda̱ xi ꞌmí Nikondemoo̱ xi ngo ndi̱yà jachókoón Kjisoo̱ nga jñoó, jachó kui ngi̱ndiee̱, kó yaꞌa mara̱ tsi ta̱ kantié kilo̱ nisije̱n xi ꞌmí mirra̱ ko̱jo aloe̱. 40Nga jó kui jaá iskjíbé yojo kꞌiee̱n Kjisoo̱, kó ítsakjájón ngo ńjñotjibé xi indyiaá nisije̱n, xikó kjiꞌi kjo̱a̱xcha̱á xota̱ jundíoo̱. 41Kó ki̱a̱ ngi̱ndie nínga akjatꞌa kro Kjisoo̱ kisꞌijña ngo ngi̱ndie nínga ꞌbítji̱e̱ ni tjié, kó ki̱a̱ kisꞌijña ngo nga̱tsjo̱ó tja̱tsi̱e̱, nínga kji̱e̱ jmíjín xi je akjaya. 42Ki̱a̱ ikꞌíjñaya yojoo̱ Kjisoo̱, kjo̱a̱a̱ nga je jachó ni̱xtjii̱n sꞌué paskuaa̱ xi tsꞌén xota̱ jundíoo̱, ko̱jo kjo̱a̱a̱ nga tiña tikón kui nga̱tsjo̱ó.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014