Эхин 38
38
Иуда Тамаар хоёр
1Тэрэ сагта Иуда аха дүүнэрһээ холодожо, Адуллаам хотын Хираа гэжэ нэрэтэй нэгэ хүнтэй хүршэ боложо байрлаба. 2Тэндэ байхадаа Иуда Ханаһаан яһатан Шуһаа гэдэг нэгэ хүнэй басага хаража, һамга абаба. 3Тэрэнь хээлитэй боложо, хүбүү түрэбэ. Иуда тэрээндээ Ээр гэжэ нэрэ үгэбэ. 4Һамганиинь дахин хээлитэй боложо, хоёрдохи хүбүү түрэбэ, тэрээндээ Онаан гэжэ нэрэ үгэбэ. 5Удаань Иудын һамгантаяа Хезивта байха үедэ һамганиинь гурбадахи хүбүүгээ түрэжэ, Шэлаа гэжэ нэрэ үгэбэ.
6Иуда ууган хүбүүнэйнгээ томо болоходонь, Тамаар гэдэг басага һамга абажа үгэбэ. 7Зүгөөр ууган хүбүүн Ээртэнь Эзэн дурагүй бэлэй, тиимэһээ Эзэн Ээрые усадхаба.
8Тэрэ үеын заншалай ёһоор, үхи хүүгэдгүй хүнэй наһа барабал, дүүниинь наһа барагша ахынгаа һамга абажа, гал гуламтыень унтаруулдаггүй бэлэй. Тиимэһээ Иуда хоёрдохи хүбүүн Онаанда иигэжэ хэлэбэ:
— Ши наһа бараһан ахынгаа һамган Тамаарда ошожо, гэрлээд, ахынгаа гал гуламтые саашань үргэлжэлүүлэ.
9Зүгөөр Тамаарай түрөө һаань, үхибүүниинь тэрэнэй бэшэ, наһа бараһан ахынь гэжэ тоологдохо ёһотойдо Онаан эбсэхэгүй байжа, Тамаартай унтаха бүридөө тэрэниие хээлитэй болгохогүйн тула үрэ һалайгаа газарта адхаруулдаг һэн. 10Иимэ ябадалда Эзэн Бурхан дурагүй байгаа, тиимэһээ тэрэнэй түлөө Тэрэ Онааниие хорообо.
11Тэрэнэй удаа Иуда Тамаарта иигэжэ хэлэбэ:
— Минии хүбүүн Шэлаа үшөө бэеэ хүсөөдүй байна, ехэ болоторынь эсэгынгээ гэртэ бусаад, бэлбэһэн эхэнэр мэтээр ажаһуулши.
Харин Иуда үнэхөөр Тамаарые Шэлаада үгэхэ дурагүй байгаа. Тамаартай гэрлэжэ, Шэлаа аханартаа адляар мүн лэ Эзэн Бурханда шиидхүүлэгдэжэ, алуулна аа гү гэжэ тэрэ айһан байгаа. Тиигээд Тамаар түрхэмдөө бусаа һэн.
12Хэдэн жэлэй үнгэрһэнэй удаа Шуһаа гэдэг хүнэй басаган болохо Иудын һамган наһа бараба. Гашуудаха сагай дүүрэһэнэй һүүлээр Иуда өөрын анда нүхэр Адуллаам хотын Хираатай хамта Тимнаа хотын хажуугаар бэлшэжэ байһан хонин һүрэгтөө нооһыень хайшалхаяа ошоо бэлэй.
13Хадам абамни хонидойнгоо нооһо хайшалхаяа Тимнаа зорибо гэжэ дуулаһан Тамаар 14үбгэеэ алдаһан эхэнэрнүүдэй үмдэдэг хубсаһаяа һэлгээд, нюураа нэмэргээр бүглөөд, Тимнаа ошодог харгыда байдаг Эйнаим хотын хэрэмэй бартаануудай хажууда ошожо һууба. Шэлаагай бэеэ хүсөөшье һаань, Иуда тэрэниие өөртэйнь гэрлүүлхэ дурагүй гээшые Тамаар ойлгоһон байгаа.
15-16Иуда харгы зам дээрэ һуужа байһан эхэнэрые хараашье һаа, танибагүй. Нюурынь нэмэргээр бүглөөтэй байхадань, янхан эхэнэр гэжэ һанаа бэлэй. Тиимэһээ тэрэ эхэнэртээ эрьежэ, иигэжэ хэлэбэ:
— Танайда ошожо, хамта унтая.
— Тиигээ һаа, та намда юу үгэхэбта? — гэжэ Тамаар асууба.
17— Би шамда эшэгэ эльгээхэб, — гэжэ Иуда харюусаба.
— Зай, тиигэбэл, тэрэнээ эльгээхэ гэһэнэй бариса болгон, намда нэгэ юумэ орхигты, — гэбэ Тамаар.
18— Ямар юумэ бариса болгон үгэхэбиб? — гэжэ Иуда асууба.
— Хүзүүндээ зүүһэн тамгаяа ооһортойнь, гартаа байһан тулгуураа намда үлөөгты, — гэжэ Тамаар харюусаба. Иуда эриһэн юумыень тэрэ эхэнэртэ үгөөд, тэдэнэйдэ ошожо, хамта унтаба.
Тамаар хээлитэй болоһоноо удангүй ойлгобо. 19Тэрэ нюураа бүглэһэн нэмэргэеэ тайлаад, бэлбэһэн эхэнэрэй хубсаһа дахин үмдэбэ.
20Иудын эшэгэ эльгээжэ, бариса болгожо үлөөһэн юумэеэ тэхэрюулхэеэ Адуллаам хотын Хираа нүхэрөө ябуулхадань, тэрэнь хэды шэнээн бэдэрээшье һаа, эхэнэрые олобогүй. 21Тиигээд тэндэхи зонһоо тэрэ асууба:
— Эйнаим хотодо харгын хажууда һуугааша янхан эхэнэр хаана гээшэб?
Зүгөөр тэдэ:
— Тэндэ ямаршье янхан эхэнэр һуугаагүйл, — гэжэ харюусаба.
22Нүхэрынь бусажа ерээд, Иудада хэлэбэ:
— Би тэрэниие олоогүйб. Харин нютагай зон тэндэ ямаршье янхан эхэнэр үгы һэн гэжэ хэлэнэл.
23Иуда харюусаа һэн:
— Тэрэниие олохо гэжэ оролдобол, амитанай наадан болохо жэшээтэй байна. Үгэхэ гэһэн эшэгэеэ шамаар эльгээһэн ушарһаам тэрэ эхэнэрые мэхэлээ гэжэ намайе хэншье буруу болгохогүй.
24Гурбан һарын үнгэрөөд байхада, Иудада зон дуулгаба:
— Танай бэри Тамаар янхан мэтэ һальхайраад, тэрээнһээ байтагай хээлитэй болоод байна.
— Тэрэниие гэрһээнь шэрэжэ гаргаад, олоной урда галдаха хэрэгтэй, — гэжэ Иуда харюусаба.
25Зүгөөр зоной Тамаарые гэрһээнь шэрэжэ гаргаха гэхэдэ, тэрэ хадам эсэгэдэм иигэжэ хэлыт гэбэ:
— Намайе хээлитэй болгоһон хүн намда хүзүүндээ зүүжэ ябаһан ооһортой тамга, тулгуураа орхёод ошоо һэн. Тэрэ юумэнүүдыень танда эльгээнэб. Хэнэй зөөри гээшэб гэжэ та элирүүлхэ гүт?
26Иуда өөрынгөө тамга, тулгуур тэрэ дары танижа, иигэжэ хэлээ бэлэй:
— Би ехэ зэмэтэйб, бурууб. Шэлаа хүбүүндээ һамган болгожо тэрэниие үгөөгүй ушарһаа тэрэнэй урда мянга дахин бурууб.
Тэрээнһээ хойшо Иуда Тамаартай унтаагүй бэлэй.
27Тамаарай нарайлха сагай ерэхэдэ, умай соонь хоёр эхир үхибүүнэй байһаниинь мэдэгдэбэ. 28Хүүгэдэйнь нэгэнэй гаража эхилхэдэ, нэн түрүүн гарынь бултайба. Хүйһэ хүндэжэ байгша эхэнэр гартань улаан утаһа уяжа, иигэжэ хэлэбэ:
— Энэ хүүгэн ахань болоно.
29Зүгөөр нялха гараа һөөргэнь татажа абаба, нүгөө хүүгэниинь гаража ерэбэ. Тиихэдэнь хүйһэ хүндэгшэ тэрээндэ хандан, иигэжэ хэлэбэ:
— Ши хайшан гээд һэтэ гараабши?
Тиигээд тэрээндэ «Пээрэц», оршуулбал, «Һэтэлэгшэ», гэжэ нэрэ үгтэбэ#38.29 Энэ хүн Израилиин хаан Давидай болон Есүүс Христосой үбгэ эсэгэ болоно.. 30Хойноһоонь гартаа улаан утаһатай хүбүүн гараба. Тэрээндэ «Зээрах», оршуулбал, «Шад улаан», гэһэн нэрэ үгтэбэ.
Currently Selected:
Эхин 38: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
Эхин 38
38
Иуда Тамаар хоёр
1Тэрэ сагта Иуда аха дүүнэрһээ холодожо, Адуллаам хотын Хираа гэжэ нэрэтэй нэгэ хүнтэй хүршэ боложо байрлаба. 2Тэндэ байхадаа Иуда Ханаһаан яһатан Шуһаа гэдэг нэгэ хүнэй басага хаража, һамга абаба. 3Тэрэнь хээлитэй боложо, хүбүү түрэбэ. Иуда тэрээндээ Ээр гэжэ нэрэ үгэбэ. 4Һамганиинь дахин хээлитэй боложо, хоёрдохи хүбүү түрэбэ, тэрээндээ Онаан гэжэ нэрэ үгэбэ. 5Удаань Иудын һамгантаяа Хезивта байха үедэ һамганиинь гурбадахи хүбүүгээ түрэжэ, Шэлаа гэжэ нэрэ үгэбэ.
6Иуда ууган хүбүүнэйнгээ томо болоходонь, Тамаар гэдэг басага һамга абажа үгэбэ. 7Зүгөөр ууган хүбүүн Ээртэнь Эзэн дурагүй бэлэй, тиимэһээ Эзэн Ээрые усадхаба.
8Тэрэ үеын заншалай ёһоор, үхи хүүгэдгүй хүнэй наһа барабал, дүүниинь наһа барагша ахынгаа һамга абажа, гал гуламтыень унтаруулдаггүй бэлэй. Тиимэһээ Иуда хоёрдохи хүбүүн Онаанда иигэжэ хэлэбэ:
— Ши наһа бараһан ахынгаа һамган Тамаарда ошожо, гэрлээд, ахынгаа гал гуламтые саашань үргэлжэлүүлэ.
9Зүгөөр Тамаарай түрөө һаань, үхибүүниинь тэрэнэй бэшэ, наһа бараһан ахынь гэжэ тоологдохо ёһотойдо Онаан эбсэхэгүй байжа, Тамаартай унтаха бүридөө тэрэниие хээлитэй болгохогүйн тула үрэ һалайгаа газарта адхаруулдаг һэн. 10Иимэ ябадалда Эзэн Бурхан дурагүй байгаа, тиимэһээ тэрэнэй түлөө Тэрэ Онааниие хорообо.
11Тэрэнэй удаа Иуда Тамаарта иигэжэ хэлэбэ:
— Минии хүбүүн Шэлаа үшөө бэеэ хүсөөдүй байна, ехэ болоторынь эсэгынгээ гэртэ бусаад, бэлбэһэн эхэнэр мэтээр ажаһуулши.
Харин Иуда үнэхөөр Тамаарые Шэлаада үгэхэ дурагүй байгаа. Тамаартай гэрлэжэ, Шэлаа аханартаа адляар мүн лэ Эзэн Бурханда шиидхүүлэгдэжэ, алуулна аа гү гэжэ тэрэ айһан байгаа. Тиигээд Тамаар түрхэмдөө бусаа һэн.
12Хэдэн жэлэй үнгэрһэнэй удаа Шуһаа гэдэг хүнэй басаган болохо Иудын һамган наһа бараба. Гашуудаха сагай дүүрэһэнэй һүүлээр Иуда өөрын анда нүхэр Адуллаам хотын Хираатай хамта Тимнаа хотын хажуугаар бэлшэжэ байһан хонин һүрэгтөө нооһыень хайшалхаяа ошоо бэлэй.
13Хадам абамни хонидойнгоо нооһо хайшалхаяа Тимнаа зорибо гэжэ дуулаһан Тамаар 14үбгэеэ алдаһан эхэнэрнүүдэй үмдэдэг хубсаһаяа һэлгээд, нюураа нэмэргээр бүглөөд, Тимнаа ошодог харгыда байдаг Эйнаим хотын хэрэмэй бартаануудай хажууда ошожо һууба. Шэлаагай бэеэ хүсөөшье һаань, Иуда тэрэниие өөртэйнь гэрлүүлхэ дурагүй гээшые Тамаар ойлгоһон байгаа.
15-16Иуда харгы зам дээрэ һуужа байһан эхэнэрые хараашье һаа, танибагүй. Нюурынь нэмэргээр бүглөөтэй байхадань, янхан эхэнэр гэжэ һанаа бэлэй. Тиимэһээ тэрэ эхэнэртээ эрьежэ, иигэжэ хэлэбэ:
— Танайда ошожо, хамта унтая.
— Тиигээ һаа, та намда юу үгэхэбта? — гэжэ Тамаар асууба.
17— Би шамда эшэгэ эльгээхэб, — гэжэ Иуда харюусаба.
— Зай, тиигэбэл, тэрэнээ эльгээхэ гэһэнэй бариса болгон, намда нэгэ юумэ орхигты, — гэбэ Тамаар.
18— Ямар юумэ бариса болгон үгэхэбиб? — гэжэ Иуда асууба.
— Хүзүүндээ зүүһэн тамгаяа ооһортойнь, гартаа байһан тулгуураа намда үлөөгты, — гэжэ Тамаар харюусаба. Иуда эриһэн юумыень тэрэ эхэнэртэ үгөөд, тэдэнэйдэ ошожо, хамта унтаба.
Тамаар хээлитэй болоһоноо удангүй ойлгобо. 19Тэрэ нюураа бүглэһэн нэмэргэеэ тайлаад, бэлбэһэн эхэнэрэй хубсаһа дахин үмдэбэ.
20Иудын эшэгэ эльгээжэ, бариса болгожо үлөөһэн юумэеэ тэхэрюулхэеэ Адуллаам хотын Хираа нүхэрөө ябуулхадань, тэрэнь хэды шэнээн бэдэрээшье һаа, эхэнэрые олобогүй. 21Тиигээд тэндэхи зонһоо тэрэ асууба:
— Эйнаим хотодо харгын хажууда һуугааша янхан эхэнэр хаана гээшэб?
Зүгөөр тэдэ:
— Тэндэ ямаршье янхан эхэнэр һуугаагүйл, — гэжэ харюусаба.
22Нүхэрынь бусажа ерээд, Иудада хэлэбэ:
— Би тэрэниие олоогүйб. Харин нютагай зон тэндэ ямаршье янхан эхэнэр үгы һэн гэжэ хэлэнэл.
23Иуда харюусаа һэн:
— Тэрэниие олохо гэжэ оролдобол, амитанай наадан болохо жэшээтэй байна. Үгэхэ гэһэн эшэгэеэ шамаар эльгээһэн ушарһаам тэрэ эхэнэрые мэхэлээ гэжэ намайе хэншье буруу болгохогүй.
24Гурбан һарын үнгэрөөд байхада, Иудада зон дуулгаба:
— Танай бэри Тамаар янхан мэтэ һальхайраад, тэрээнһээ байтагай хээлитэй болоод байна.
— Тэрэниие гэрһээнь шэрэжэ гаргаад, олоной урда галдаха хэрэгтэй, — гэжэ Иуда харюусаба.
25Зүгөөр зоной Тамаарые гэрһээнь шэрэжэ гаргаха гэхэдэ, тэрэ хадам эсэгэдэм иигэжэ хэлыт гэбэ:
— Намайе хээлитэй болгоһон хүн намда хүзүүндээ зүүжэ ябаһан ооһортой тамга, тулгуураа орхёод ошоо һэн. Тэрэ юумэнүүдыень танда эльгээнэб. Хэнэй зөөри гээшэб гэжэ та элирүүлхэ гүт?
26Иуда өөрынгөө тамга, тулгуур тэрэ дары танижа, иигэжэ хэлээ бэлэй:
— Би ехэ зэмэтэйб, бурууб. Шэлаа хүбүүндээ һамган болгожо тэрэниие үгөөгүй ушарһаа тэрэнэй урда мянга дахин бурууб.
Тэрээнһээ хойшо Иуда Тамаартай унтаагүй бэлэй.
27Тамаарай нарайлха сагай ерэхэдэ, умай соонь хоёр эхир үхибүүнэй байһаниинь мэдэгдэбэ. 28Хүүгэдэйнь нэгэнэй гаража эхилхэдэ, нэн түрүүн гарынь бултайба. Хүйһэ хүндэжэ байгша эхэнэр гартань улаан утаһа уяжа, иигэжэ хэлэбэ:
— Энэ хүүгэн ахань болоно.
29Зүгөөр нялха гараа һөөргэнь татажа абаба, нүгөө хүүгэниинь гаража ерэбэ. Тиихэдэнь хүйһэ хүндэгшэ тэрээндэ хандан, иигэжэ хэлэбэ:
— Ши хайшан гээд һэтэ гараабши?
Тиигээд тэрээндэ «Пээрэц», оршуулбал, «Һэтэлэгшэ», гэжэ нэрэ үгтэбэ#38.29 Энэ хүн Израилиин хаан Давидай болон Есүүс Христосой үбгэ эсэгэ болоно.. 30Хойноһоонь гартаа улаан утаһатай хүбүүн гараба. Тэрээндэ «Зээрах», оршуулбал, «Шад улаан», гэһэн нэрэ үгтэбэ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.