Эхин 39
39
Иосифые жүрөөдэлгэ ба шорондо хаалга
1Ишмаэль обог аймагай наймаашад Иосифые Египет руу абаашажа, богоол болгон, Египедэй фараоной ордоной сэрэгэй дарга Потифарта худалдаһанайнь удаа 2Иосиф тэрэнэй гэртэ байжа, ажалынь хэдэг болобо.
Эзэн тэрээниие анхаржа, үршөөдэг байһан ушарһаа Иосифой хэһэн ажал хододоо урагшатай, һайн бэлэй. 3Эзэнэй туһаламжаар тэрэ залуу хүнэй хэһэн ажал бүхэниинь амжалтатай гэжэ Потифар ажаглан хараба. 4Тиимэһээ тэрээндэ улам найдадаг боложо, эзэниинь Иосифые гэр байрын зонхилогшо болгоод, хамаг эдлэжэ байһан юумэеэ тэрээнэй харюусалга доро даалгаба. 5Тэрэ гэһэнһээ хойшо Эзэнэй Иосифые үреэжэ эхилхэдэ, Потифарай эд зөөри, мал һүрэгынь, таряалангуудынь, юрэдөө, бүхы юумэниинь дэлгэржэ, олошоржо эхилбэ. 6Хамаг ажахыгаа эрхилхыень Иосифто найдаад, Потифар юуншье тухай һанаагаа зобохоёо болёод, гансал эдихэ ууха ажалтай болобо.
Иосиф бэеэршье, шэг шарайгааршье сэбэр гоё бэлэй. 7Эзэнэйнь һамган Иосифто анхаралаа ехэтэ хандуулдаг боложо, тэрэниие ехээр хүсэһэндөө иигэжэ хэлэбэ:
— Намтай унтыш даа.
8Иосиф энээнһээнь эрид арсажа, иигэжэ харюусаба:
— Эзэмни гэрэйнгээ бүхы юумэ намда этигэн даалгажа, өөрөө юундэшье һанаагаа зобохоео болео. 9Энэ гэртэ намайе өөртөө адли эрхэтэй болгожо, һамганһаа бэшые минии гарта үгөө. Би эндэ юушье хэхэ эрхэтэй болоһоншье һаа, эзэнэйнгээ гэргэ эдлэжэ, намайе үргэдэг Бурханай урда нүгэл абажа, иимэ муухай хэрэг хэжэ шадахагүйб.
10Үдэр бүри энэ эхэнэр Иосифые үгэдөө оруулхаяа оролдобо, зүгөөр Иосиф тэрээнтэй унтахаяа огто арсадаг һэн.
11Теэд нэгэтэ гэртэ хүнэй үгыдэ Иосифой ажалаа хэхэеэ тиишээ ороходонь, 12эзэнэйнь һамган хубсаһандань аһажа, дахин хэлэбэ:
— Намтай хэбтыш.
Харин Иосиф гадар хубсаһаяа тэрэнэй гарта орхёод, гэрһээ гүйжэ гараба. 13Иосифой гадар хубсаһанай гартань үлэһые Потифарай һамган хараад, 14гэрэйнгээ зарасанарые дуудаба:
— Харагты, үбгэнэймни асарһан тэрэ еврей маанадые доромжолжо байна! Гэртэмнай орожо, намайе хүсөөрөө эдлэхэ гэжэ һэдэхэдэнь, би шангаар хашхарааб. 15Һүхирхэ бархирхадамни тэрэ сошоод, хубсаһаяашье орхижо, хаяжа байгаад, гэрһээ гүйжэ гараба!
16Тиигээд тэрэ эхэнэр үбгэнэйнгөө ерэтэр Иосифой хубсаһа хадагалба. 17Потифарай ерэхэдэнь, һамганиинь үнөөхи хэлээшэеэ дабтаба:
— Шинии асарһан тэрэ еврей богоол манайда орожо, намайе хүсөөрөө эдлэхээр аашалаа. 18Харин минии хашхархада, гадар хубсаһаяа эндэ хаяад, тэрьедээ.
19Һамганайнгаа хэлэхые дуулахадаа, Иосифой эзэн Потифар ехэ уурлан сухалдажа, 20Иосифые түрмэ шороной оёорто хаяба. Тэрэ түрмэ шорондо Египедэй фараоной захиралтаар орогшо зон байдаг бэлэй.
21Зүгөөр Эзэн тэндэшье тэрээнтэй байлсажа, үршөөл хайраяа элирхэйлбэ. Тиимэһээ түрмэ шороной ноёндо Иосиф зохидшоогдобо. 22Тэрэ ноён хаагдаһан зониие хаража, түрмын бүхы ажал ударидаха ажал Иосифто даалгаба. 23Иосифой ямаршье ажал хэхэдэнь, Эзэн тэрээнтэй хамта байжа, үршөөдэг ушарһаа ажалынь урагшатай байжа, түрмэ шороной ноён Иосифто хамаг ажалаа даалгаад, өөрөө юундэшье оролсохоёо болибо.
Currently Selected:
Эхин 39: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
Эхин 39
39
Иосифые жүрөөдэлгэ ба шорондо хаалга
1Ишмаэль обог аймагай наймаашад Иосифые Египет руу абаашажа, богоол болгон, Египедэй фараоной ордоной сэрэгэй дарга Потифарта худалдаһанайнь удаа 2Иосиф тэрэнэй гэртэ байжа, ажалынь хэдэг болобо.
Эзэн тэрээниие анхаржа, үршөөдэг байһан ушарһаа Иосифой хэһэн ажал хододоо урагшатай, һайн бэлэй. 3Эзэнэй туһаламжаар тэрэ залуу хүнэй хэһэн ажал бүхэниинь амжалтатай гэжэ Потифар ажаглан хараба. 4Тиимэһээ тэрээндэ улам найдадаг боложо, эзэниинь Иосифые гэр байрын зонхилогшо болгоод, хамаг эдлэжэ байһан юумэеэ тэрээнэй харюусалга доро даалгаба. 5Тэрэ гэһэнһээ хойшо Эзэнэй Иосифые үреэжэ эхилхэдэ, Потифарай эд зөөри, мал һүрэгынь, таряалангуудынь, юрэдөө, бүхы юумэниинь дэлгэржэ, олошоржо эхилбэ. 6Хамаг ажахыгаа эрхилхыень Иосифто найдаад, Потифар юуншье тухай һанаагаа зобохоёо болёод, гансал эдихэ ууха ажалтай болобо.
Иосиф бэеэршье, шэг шарайгааршье сэбэр гоё бэлэй. 7Эзэнэйнь һамган Иосифто анхаралаа ехэтэ хандуулдаг боложо, тэрэниие ехээр хүсэһэндөө иигэжэ хэлэбэ:
— Намтай унтыш даа.
8Иосиф энээнһээнь эрид арсажа, иигэжэ харюусаба:
— Эзэмни гэрэйнгээ бүхы юумэ намда этигэн даалгажа, өөрөө юундэшье һанаагаа зобохоео болео. 9Энэ гэртэ намайе өөртөө адли эрхэтэй болгожо, һамганһаа бэшые минии гарта үгөө. Би эндэ юушье хэхэ эрхэтэй болоһоншье һаа, эзэнэйнгээ гэргэ эдлэжэ, намайе үргэдэг Бурханай урда нүгэл абажа, иимэ муухай хэрэг хэжэ шадахагүйб.
10Үдэр бүри энэ эхэнэр Иосифые үгэдөө оруулхаяа оролдобо, зүгөөр Иосиф тэрээнтэй унтахаяа огто арсадаг һэн.
11Теэд нэгэтэ гэртэ хүнэй үгыдэ Иосифой ажалаа хэхэеэ тиишээ ороходонь, 12эзэнэйнь һамган хубсаһандань аһажа, дахин хэлэбэ:
— Намтай хэбтыш.
Харин Иосиф гадар хубсаһаяа тэрэнэй гарта орхёод, гэрһээ гүйжэ гараба. 13Иосифой гадар хубсаһанай гартань үлэһые Потифарай һамган хараад, 14гэрэйнгээ зарасанарые дуудаба:
— Харагты, үбгэнэймни асарһан тэрэ еврей маанадые доромжолжо байна! Гэртэмнай орожо, намайе хүсөөрөө эдлэхэ гэжэ һэдэхэдэнь, би шангаар хашхарааб. 15Һүхирхэ бархирхадамни тэрэ сошоод, хубсаһаяашье орхижо, хаяжа байгаад, гэрһээ гүйжэ гараба!
16Тиигээд тэрэ эхэнэр үбгэнэйнгөө ерэтэр Иосифой хубсаһа хадагалба. 17Потифарай ерэхэдэнь, һамганиинь үнөөхи хэлээшэеэ дабтаба:
— Шинии асарһан тэрэ еврей богоол манайда орожо, намайе хүсөөрөө эдлэхээр аашалаа. 18Харин минии хашхархада, гадар хубсаһаяа эндэ хаяад, тэрьедээ.
19Һамганайнгаа хэлэхые дуулахадаа, Иосифой эзэн Потифар ехэ уурлан сухалдажа, 20Иосифые түрмэ шороной оёорто хаяба. Тэрэ түрмэ шорондо Египедэй фараоной захиралтаар орогшо зон байдаг бэлэй.
21Зүгөөр Эзэн тэндэшье тэрээнтэй байлсажа, үршөөл хайраяа элирхэйлбэ. Тиимэһээ түрмэ шороной ноёндо Иосиф зохидшоогдобо. 22Тэрэ ноён хаагдаһан зониие хаража, түрмын бүхы ажал ударидаха ажал Иосифто даалгаба. 23Иосифой ямаршье ажал хэхэдэнь, Эзэн тэрээнтэй хамта байжа, үршөөдэг ушарһаа ажалынь урагшатай байжа, түрмэ шороной ноён Иосифто хамаг ажалаа даалгаад, өөрөө юундэшье оролсохоёо болибо.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.