Псалманууд 2
2
1Юундэ үндэһэ яһатан буһалгаалжа,
арад түмэнүүд дэмы юумэ һанаашалнаб?
2Газарай хаашуул, засаглагшад
хоорондоо үгэсэлдэн хэлсэжэ,
Эзэнэй болон Бурханай табисууртын
урдаһаа эсэргүүсэн бодобо.
3«Хөөмэгшынь өөһэдын хүзүүнһээ буулгая, хүлигыень өөһэдһөө хаяял!», — гэжэ хэлэнэ.
4Тэнгэридэ байгаа сэнтииһээ Эзэн энеэжэ, тэдэниие баһан хүхихэл.
5Тиигээд Тэрэ тэдэндээ уур сухал дундаа айладажа,
уур хилэнгээрээ тэдэниие һүрдүүлэн,
6«Өөрын нангин хада Сион дээр Өөрын хааниие табяаб», — гэхэ.
7Би, хаан, Эзэнэй зарлигые тунхаглахам.
Эзэн намда иигэжэ айладаа:
«Ши минии хүбүүнши,
Мүнөөдэр Би Эсэгэшни болооб.
8Намһаа гуй! Би үндэһэ арадуудые шинии мэдэлэй болгохоб,
дэлхэйе заха хизаартайньшье шинии болгохоб.
9Ши тэдэниие түмэр баягаар бута сохижо,
дарханай бүтээгшэ шабар амһартанууд мэтээр тэһэ буталхаш».
10Тиимэһээ, хаашуул, ухаалиг байгты,
дэлхэйн удамарашад, һургаал абагты!
11Айжа, Эзэндэ алба хэгты. Шэшэрэн баясан байгты.
12Хүбүүень таалагты!
Үгы һаатнай, Тэрэ уурлажа, харгы замдаа хосорхот.
Юуб гэбэл, уур хилэнгынь гэнтэ аһаха-носохо юм.
Абарал бэдэрэн, Тэрээндэ хандагша хүн бүхэн юрөөлтэй!
Currently Selected:
Псалманууд 2: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.