Псалманууд 8
8
1[Дуунай бүлэгэй хүтэлбэрилэгшэдэ: гиттит гэжэ хүбшэргэйтэ зэр зэмсэгэй дууряалга доро. Давидай псалма.]
2Эзэн Бурхамнай!
Бүхы дэлхэйгээр Танай нэрэ гайхамшиг лэ!
3Үхибүүдэй, нарай нялха хүүгэдэй аманһаа
Ши Өөртөө магтаал дуудуулхаш!
Дайсадай урдаһаа Та бүхэлэлтэ хээт,
үһөөгөө абагшыешье номгоруулаат.
4Танай бүтээһэн огторгой,
Танай байгуулһан һара, мүшэдые харанам.
5Хүн гээшэ Танай һанамаар юм гү?
Харин Та һананат.
Хүнэй хүбүүн гээшэ Танай һанаагаа табимаар юм гү?
Харин Та һанаагаа табинат.
6Өөрын элшэнэрһээ нэгэ бага доогуур тэрэниие табяат,
алдар солоор ба нэрэ хүндөөр титимлээт.
7Танай бүтээлнүүд дээгүүр засаглаха эрхэ тэрээндэ олгуулаат,
ула доронь бүгэдые оруулхат:
8хони ямаадые, бухануудые, ан арьяатанииешье,
9огторгойн жэгүүртэниие, далайн уудамда тамардаг загаһадые…
10Эзэн Бурхамнай!
Нэрэтнай дэлхэй дүүрэн һүр жабхалантай!
Currently Selected:
Псалманууд 8: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.