Рүүт 3
3
Рүүт тушаа Бооһазай һанаагаа табилгань
1Хадам эхэ Наомиинь тэрээндэ:
— Басагамни, шам тухай һанаагаа зобохо, гэр байраар хангаха үбгэ шамда бэдэрхэ һанаатайб. 2Зай, шэбэгшэнэртэйнь хамта шинии байгааша Бооһаз түрэлэймнай гэжэ һанана гүш? Хараарай даа, тэрэ энэ үдэшэ гүмнээ дээрэ ешмээн һалхитуулха. 3Ши бэеэ угаагаад, һайхан үнэртэй тоһо түрхеэд, эгээл һайхан хубсаһаа үмдөөд, гүмнээ руу ошо. Гэбэшье тэрэ хүнэй эдижэ, уужа дууһатар тэрээндэ бү харагдаарай. 4Хаана унтахаяа хэбтэхыень ши ажаглаарай. Тиигээд ошожо, хүнжэлыень нэгээд, хүлэйнь хажуугаар хэбтээрэй. Юу хэхыешни тэрэ шамда хэлэхэ даа, — гэжэ хэлэбэ.
5Рүүт тэрээндэ:
— Танай хэлээшые сүм дүүргэхэб, — гэбэ.
6Тиигээд тэрэ гүмнээ руу ошожо, хадам эжынгээ хэлээшээр бүгэдые сүм бэелүүлбэ. 7Бооһаз эдижэ уужа, сэдьхэл тэниглэн болоод, обоолоотой таряанай хажууда унтахаяа хэбтэбэ. Рүүт һэмээхэн ерэжэ, хүнжэлыень нээгээд, хажуудань хэбтэшэбэ. 8Һүниин тэн багаар Бооһаз гэнтэ һэришэбэ. Эрьелдэхэдэнь, хажуудань нэгэ эхэнэр хэбтэжэ байба ха.
9— Ши хэмши? — гэжэ тэрэ асууба.
— Би Рүүт зарасатнай байнаб. Та намайе дали дороо абыт даа, туһа хүргэхэ ёһотой манай түрэл хүн та гээшэт, — гэбэ тэрэнь. 10Тиихэдэнь Бооһаз:
— Басагамни, шамайе Бурхан үршөөг! Гэр бүлэдөө үнэн сэхэ байһанаа урдынхиһаа үлүү һайнаар мүнөө харуулбаш, үгытэй, баяншье залуу хүнэй хойноһоо ябабагүйш. 11Зай, басагамни, һанаагаа бү зобоорой. Хэлэһэн юумыешни бултыень би дүүргэхэб. Хотымнай бүхы зон шамайе һайн эхэнэр гэжэ мэдэнэ. 12Намайе танай түрэл гэдэгынь үнэн, гэбэшье намһаа дүтэ түрэл бии юм. 13Энэ һүниндөө эндээ хоноорой. Үглөө үглөөгүүр тэрэ хүн шамайе аршалалта дороо абаха һаа, абаг. Абаагүй һаань, би абахаб гэжэ Эзэнэй урда тангаригланаб! Үглөө болотор унта даа, — гэбэ. 14Рүүт үглөө болотор тэндээ хэбтэжэ, гэгээрхын урда тээ бодобо, юуб гэхэдэ, «эхэнэр гүмнээ руу ерээ һэн гэжэ хэншье бү мэдэг» гэжэ Бооһаз хэлээ бшуу.
15— Нэмэргээ үгэ даа. Баряад бай, — гэжэ Бооһаз хэлэбэ. Рүүт нэмэргээ баряад байба. Тиихэдэнь тэрэ зургаан хэмжүүр ешмээн хэмжэжэ, үргэлүүлбэ. Тиигээд Бооһаз хото руу ябаа һэн.
16Рүүт хадам эжыдээ ерэбэ. Тэрэнь:
— Басагамни, юу бэ? — гэбэ. Бооһазай юу хэһыень бултыень тэрэ хадам эжыдээ хөөрэбэ. 17Тэрэ:
— Энэ зургаан хэмжүүр ешмээниие тэрэ намда үгөө. «Хадам эжыдээ гар хооһон бү буса даа» гэжэ тэрэ намда хэлээ бэлэй, — гэбэ. 18Хадам эжынь:
— Басагамни, хүлеэгээрэй, энэ хэрэгэй яажа дүүрэхые дары сагтаа мэдэхэш. Юуб гэбэл, Бооһаз мүнөөдэр тэрэниие шиидхээгүй дээрээ амараа үзэхэгүй даа, — гэжэ хэлэбэ.
Currently Selected:
Рүүт 3: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
Рүүт 3
3
Рүүт тушаа Бооһазай һанаагаа табилгань
1Хадам эхэ Наомиинь тэрээндэ:
— Басагамни, шам тухай һанаагаа зобохо, гэр байраар хангаха үбгэ шамда бэдэрхэ һанаатайб. 2Зай, шэбэгшэнэртэйнь хамта шинии байгааша Бооһаз түрэлэймнай гэжэ һанана гүш? Хараарай даа, тэрэ энэ үдэшэ гүмнээ дээрэ ешмээн һалхитуулха. 3Ши бэеэ угаагаад, һайхан үнэртэй тоһо түрхеэд, эгээл һайхан хубсаһаа үмдөөд, гүмнээ руу ошо. Гэбэшье тэрэ хүнэй эдижэ, уужа дууһатар тэрээндэ бү харагдаарай. 4Хаана унтахаяа хэбтэхыень ши ажаглаарай. Тиигээд ошожо, хүнжэлыень нэгээд, хүлэйнь хажуугаар хэбтээрэй. Юу хэхыешни тэрэ шамда хэлэхэ даа, — гэжэ хэлэбэ.
5Рүүт тэрээндэ:
— Танай хэлээшые сүм дүүргэхэб, — гэбэ.
6Тиигээд тэрэ гүмнээ руу ошожо, хадам эжынгээ хэлээшээр бүгэдые сүм бэелүүлбэ. 7Бооһаз эдижэ уужа, сэдьхэл тэниглэн болоод, обоолоотой таряанай хажууда унтахаяа хэбтэбэ. Рүүт һэмээхэн ерэжэ, хүнжэлыень нээгээд, хажуудань хэбтэшэбэ. 8Һүниин тэн багаар Бооһаз гэнтэ һэришэбэ. Эрьелдэхэдэнь, хажуудань нэгэ эхэнэр хэбтэжэ байба ха.
9— Ши хэмши? — гэжэ тэрэ асууба.
— Би Рүүт зарасатнай байнаб. Та намайе дали дороо абыт даа, туһа хүргэхэ ёһотой манай түрэл хүн та гээшэт, — гэбэ тэрэнь. 10Тиихэдэнь Бооһаз:
— Басагамни, шамайе Бурхан үршөөг! Гэр бүлэдөө үнэн сэхэ байһанаа урдынхиһаа үлүү һайнаар мүнөө харуулбаш, үгытэй, баяншье залуу хүнэй хойноһоо ябабагүйш. 11Зай, басагамни, һанаагаа бү зобоорой. Хэлэһэн юумыешни бултыень би дүүргэхэб. Хотымнай бүхы зон шамайе һайн эхэнэр гэжэ мэдэнэ. 12Намайе танай түрэл гэдэгынь үнэн, гэбэшье намһаа дүтэ түрэл бии юм. 13Энэ һүниндөө эндээ хоноорой. Үглөө үглөөгүүр тэрэ хүн шамайе аршалалта дороо абаха һаа, абаг. Абаагүй һаань, би абахаб гэжэ Эзэнэй урда тангаригланаб! Үглөө болотор унта даа, — гэбэ. 14Рүүт үглөө болотор тэндээ хэбтэжэ, гэгээрхын урда тээ бодобо, юуб гэхэдэ, «эхэнэр гүмнээ руу ерээ һэн гэжэ хэншье бү мэдэг» гэжэ Бооһаз хэлээ бшуу.
15— Нэмэргээ үгэ даа. Баряад бай, — гэжэ Бооһаз хэлэбэ. Рүүт нэмэргээ баряад байба. Тиихэдэнь тэрэ зургаан хэмжүүр ешмээн хэмжэжэ, үргэлүүлбэ. Тиигээд Бооһаз хото руу ябаа һэн.
16Рүүт хадам эжыдээ ерэбэ. Тэрэнь:
— Басагамни, юу бэ? — гэбэ. Бооһазай юу хэһыень бултыень тэрэ хадам эжыдээ хөөрэбэ. 17Тэрэ:
— Энэ зургаан хэмжүүр ешмээниие тэрэ намда үгөө. «Хадам эжыдээ гар хооһон бү буса даа» гэжэ тэрэ намда хэлээ бэлэй, — гэбэ. 18Хадам эжынь:
— Басагамни, хүлеэгээрэй, энэ хэрэгэй яажа дүүрэхые дары сагтаа мэдэхэш. Юуб гэбэл, Бооһаз мүнөөдэр тэрэниие шиидхээгүй дээрээ амараа үзэхэгүй даа, — гэжэ хэлэбэ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.